യുവാ​ക്കളെ സമീപി​ക്കാൻ പുരോ​ഹി​ത​വർഗം ശ്രമി​ക്കു​ന്നു

“മക്‌ജിൽ യൂണി​വേ​ഴ്‌സി​റ്റി​യു​ടെ ചാപ്പലി​രി​ക്കുന്ന സ്ഥലത്തെ . . . എണ്ണയൊ​ലി​പ്പി​ക്കുന്ന തലമു​ടി​യുള്ള തുകൽ ജാക്കറ്റിട്ട പങ്കുകൾ (punks) ആക്രമി​ച്ചെ”ന്ന്‌ കാനഡ​യി​ലെ ദ ഗസെറ്റ്‌ ഓഫ്‌ മോൺട്രി​യൽ റിപ്പോർട്ടു ചെയ്‌തു. ഈ “പങ്കുകൾ” സാധാരണ തരക്കാ​രാ​യി​രു​ന്നില്ല. അവർ പുരോ​ഹി​താം​ഗ​ങ്ങ​ളും—യൂണി​വേ​ഴ്‌സി​റ്റി പുരോ​ഹി​തൻമാർ—“ആത്മീയ പ്രബോ​ധനം തേടുന്ന യൂണി​വേ​ഴ്‌സി​റ്റി വിദ്യാർഥി​ക​ളോ​ടൊ​ത്തു നേരിട്ടു പ്രവർത്തി​ക്കുന്ന ദൈവ​ശാ​സ്‌ത്ര​ജ്ഞ​രു​ടെ ഒരു പുതിയ തിരത്തള്ളൽ” എന്നു പത്രം വിളി​ക്കു​ന്ന​തി​ന്റെ ഭാഗവു​മാ​യി​രു​ന്നു.

കാമ്പസി​ലെ തങ്ങളുടെ സേവനങ്ങൾ പരസ്യ​പ്പെ​ടു​ത്തു​ന്ന​തി​നാ​യി സംവി​ധാ​നം ചെയ്‌ത ഒരു പരസ്യ​ത്തി​നു​വേണ്ടി “പങ്കുക”ളുടെ വേഷം കെട്ടി​യ​താ​യി​രു​ന്നു പുരോ​ഹി​തൻമാർ. അവരി​ലൊ​രാ​ളായ ഒരു പ്രസ്‌ബി​റ്റീ​രി​യൻ ശുശ്രൂ​ഷക റോ​ബെർട്ടാ ക്ലെയർ ഇപ്രകാ​രം വിശദീ​ക​രി​ച്ചു: “ഞങ്ങൾക്ക്‌ മറ്റുള്ള​വ​രെ​ക്കാൾ കൂടുതൽ ദൈവ​ഭ​ക്തി​യും ധാർമി​ക​നി​ല​വാ​ര​ങ്ങ​ളും ഉണ്ടെന്നുള്ള ആളുക​ളു​ടെ വിശ്വാ​സം ഒന്നു നീക്കം​ചെ​യ്യാൻ ഞങ്ങൾ ആഗ്രഹി​ക്കു​ന്ന​തു​കൊ​ണ്ടാണ്‌ ഒരു പങ്കു പരസ്യം നടത്താൻ ഞങ്ങൾ തീരു​മാ​നി​ച്ചത്‌.”

എന്നാൽ, മുമ്പ​ത്തെ​ക്കാൾ വളരെ​യ​ധി​കം വിദ്യാർഥി​കൾ സ്‌കൂ​ളിൽ മതത്തെ​ക്കു​റി​ച്ചു പഠിക്കാൻ താത്‌പ​ര്യ​മു​ള്ള​വ​രാ​ണെന്ന്‌ അവർ അഭി​പ്രാ​യ​പ്പെട്ടു. ഗഹന​മേ​റിയ ചോദ്യ​ങ്ങൾക്ക്‌ ഉത്തരം കിട്ടാതെ വിഷമി​ക്കു​മ്പോൾ പലരും യൂണി​വേ​ഴ്‌സി​റ്റി അധ്യാ​പ​ക​രി​ലേ​ക്കും പുരോ​ഹി​തൻമാ​രി​ലേ​ക്കും നോക്കു​ന്നു. മതം സമൂഹ​ത്തിൽ ഇത്ര ശക്തമായ സ്വാധീ​നം ചെലു​ത്തു​ന്നത്‌ എന്തു​കൊണ്ട്‌, വളരെ​യ​ധി​കം മതങ്ങൾ നിലവി​ലു​ള്ളത്‌ എന്തു​കൊണ്ട്‌, ഇവ ലോക​ത്തിൽ ഇത്രയ​ധി​കം കുഴപ്പ​മു​ണ്ടാ​ക്കു​ന്ന​താ​യി കാണ​പ്പെ​ടു​ന്നത്‌ എന്തു​കൊണ്ട്‌ എന്നിവ​യെ​പ്പറ്റി ജിജ്ഞാ​സു​വായ ഒരു വിദ്യാർഥി​യെ പത്രം അഭിമു​ഖം നടത്തി. യേശു​ക്രി​സ്‌തു​വി​ന്റെ യഥാർഥ വ്യക്തി​ത്വം, അതു​പോ​ലെ​തന്നെ, പ്രപഞ്ച​ത്തി​ന്റെ ഉത്‌പ​ത്തി​യെ​പ്പ​റ്റി​യുള്ള ചോദ്യം എന്നിവ സംബന്ധിച്ച്‌ ഉത്തരം നൽകാൻ അവൻ ശ്രമി​ക്കു​ക​യാ​യി​രു​ന്നു.

അത്തരം ഗഹന​മേ​റിയ ചോദ്യ​ങ്ങൾക്ക്‌ ദൈവ​ത്തി​ന്റെ ഉത്തരങ്ങൾ കണ്ടുപി​ടി​ക്കു​ന്ന​തിന്‌ വിദ്യാർഥി​കളെ സഹായി​ക്കു​ന്ന​തിന്‌ ഈ പുരോ​ഹി​തൻമാർ ബൈബിൾ ഉപയോ​ഗി​ക്കു​ന്നു​ണ്ടോ? അപൂർവ​മാ​യി. മതപരി​വർത്തനം നടത്തേ​ണ്ട​തി​ല്ലെന്ന്‌ ഈ പുതിയ പ്രസ്ഥാ​ന​ത്തി​ലെ പുരോ​ഹി​തൻമാർ പരസ്‌പരം സമ്മതിച്ചു. അവർ അതിനെ “ആടു-മോഷണ”മായാണ്‌ വീക്ഷി​ക്കു​ന്നത്‌.

ഒരുപക്ഷേ നല്ല ആന്തരമു​ള്ള​വ​രാ​യി​രി​ക്കാ​മെ​ങ്കി​ലും ആ പുരോ​ഹി​തൻമാർ ക്രിസ്‌തു​വും അവന്റെ അനുഗാ​മി​ക​ളും ഉപയോ​ഗിച്ച പഠിപ്പി​ക്കൽ രീതി​ക​ളിൽനിന്ന്‌ വളരെ അകന്നു​പോ​യി​രി​ക്കു​ന്നു. ആദിമ ക്രിസ്‌ത്യാ​നി​കൾക്ക്‌ “ആടു-മോഷണ”ത്തെപ്പറ്റി ഉത്‌ക​ണ്‌ഠ​യി​ല്ലാ​യി​രു​ന്നു. ദൈവ​വ​ചനം പഠിപ്പി​ക്കു​ന്ന​തിൽനി​ന്നും അത്‌ മനസ്സി​ലാ​ക്കു​ന്ന​തിന്‌ ആത്മാർഥ ഹൃദയ​രായ സത്യാ​ന്വേ​ഷ​കരെ സഹായി​ക്കു​ന്ന​തിൽനി​ന്നും അവർ പിൻമാ​റി​നി​ന്നു​മില്ല. (ലൂക്കൊസ്‌ 24:44, 45; പ്രവൃ​ത്തി​കൾ 20:20) എന്തായാ​ലും, നിത്യ​ജീ​വൻ ലഭ്യമാ​ക​ണ​മെ​ങ്കിൽ യഹോ​വ​യാം ദൈവ​ത്തെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള സൂക്ഷ്‌മ പരിജ്ഞാ​നം ആവശ്യ​മാണ്‌. (യോഹ​ന്നാൻ 17:3) രക്ഷപ്രാ​പി​ക്കാൻ തക്കവണ്ണം എല്ലാവ​രും “സത്യത്തി​ന്റെ പരിജ്ഞാ​ന​ത്തിൽ എത്ത”ണമെന്ന​താണ്‌ ദൈവ​ഹി​തം.—1 തിമൊ​ഥെ​യൊസ്‌ 2:3, 4.

തങ്ങളുടെ ബൈബിൾ ചോദ്യ​ങ്ങൾക്ക്‌ ഉത്തരം​കി​ട്ടാൻ ആഗ്രഹി​ക്കു​ന്ന​വ​രു​മാ​യി സൗജന്യ ഭവന ബൈബി​ള​ധ്യ​യ​നങ്ങൾ നടത്തു​ന്നത്‌ യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​ത്തിൽ ഉൾപ്പെ​ടു​ന്നു. നിങ്ങളു​ടെ സമൂഹ​ത്തി​ലെ യഹോ​വ​യു​ടെ സാക്ഷികൾ നിങ്ങളെ സഹായി​ക്കാൻ സന്തോ​ഷ​മു​ള്ള​വ​രാ​യി​രി​ക്കും.