കറുത്ത വെൽവെ​ററ്‌ സൂട്ടിലെ കൊച്ചു മാന്യൻ

ബ്രിട്ടനിലെ ഉണരുക! ലേഖകൻ

വടക്കൻ ഇംഗ്ലണ്ടിൽ തുരപ്പ​നെ​ലി​കൾ ധാരാ​ള​മുണ്ട്‌. കൃഷി​യി​ട​ത്തി​ന്റെ ഗേററി​ന​പ്പു​റത്തെ പുൽത്ത​കി​ടി​യി​ലേക്കു ഞാൻ നോക്കി, അത്രയ​ധി​കം പുററു​കൾ മുമ്പൊ​രി​ക്ക​ലും ഞാൻ കണ്ടിട്ടില്ല. പുതു​താ​യി നിർമി​ക്ക​പ്പെട്ട കൊച്ചു മൺകൂ​നകൾ ആ പുൽത്ത​കി​ടി​യിൽ എല്ലായി​ട​വും ഉണ്ടായി​രു​ന്നു. തുരപ്പ​നെലി ഏതുതരം ജീവി​യാ​ണെ​ന്നും അത്‌ എങ്ങനെ​യാ​ണു ജീവി​ക്കു​ന്ന​തെ​ന്നും നിങ്ങൾക്ക​റി​യാ​മോ?

തുരപ്പ​നെ​ലി​യെ കണ്ടിട്ടു​ള്ളവർ ചുരു​ങ്ങും, കാരണം ജീവകാ​ല​ത്തി​ലേ​റിയ പങ്കും അതു മണ്ണിന​ടി​യി​ലാ​ണു ജീവി​ക്കു​ന്നത്‌. അത്‌ ഒരു ചെറിയ ജീവി​യാണ്‌, ഏകദേശം 15 സെൻറി​മീ​ററർ നീളം വരും. ആൺതു​ര​പ്പ​നെ​ലിക്ക്‌ 115 ഗ്രാമിൽ അൽപ്പം കുറവു തൂക്കവും. ബ്രിട്ട​നി​ലെ തുരപ്പ​നെ​ലിക്ക്‌ ഇരുണ്ട ചാരനി​റ​ത്തി​ലുള്ള, മിക്കവാ​റും കറുത്ത, രോമം​കൊ​ണ്ടുള്ള ആവരണ​മുണ്ട്‌. കറുത്ത വെൽവെ​ററ്‌ സൂട്ടി​നു​ള്ളി​ലെ കൊച്ചു മാന്യൻ എന്ന്‌ അതിനെ സാധാ​ര​ണ​മാ​യി പ്രിയ​ത്തോ​ടെ വിളി​ക്കാ​റുണ്ട്‌.

തുരപ്പ​നെ​ലി​യു​ടെ ചർമത്തി​ലെ രോമങ്ങൾ ചാഞ്ഞു​നിൽക്കു​ന്ന​വയല്ല; അതായത്‌ അവ തൊലി​യിൽനിന്ന്‌ എഴുന്നു നിൽക്കു​ന്നു. അതു​കൊണ്ട്‌ മണ്ണിനു​ള്ളിൽ അതിന്‌ എങ്ങനെ വേണ​മെ​ങ്കി​ലും അനായാ​സ​ത്തോ​ടെ തിരി​ഞ്ഞു​മ​റി​യാൻ കഴിയും. വർഷങ്ങൾക്കു മുമ്പ്‌ തുരപ്പ​നെ​ലി​യെ പിടി​ച്ചി​രു​ന്നവർ വസ്‌ത്ര​ത്തി​നു വേണ്ടി അതിന്റെ തൊലി വിററി​രു​ന്നു. എന്നാൽ “ഒരു കോട്ട്‌ ഉണ്ടാക്കു​ന്ന​തി​നു വളരെ​യ​ധി​കം തുരപ്പ​നെ​ലി​ക​ളു​ടെ തൊലി ആവശ്യ​മാണ്‌” എന്നു തുരപ്പ​നെ​ലി​യെ പിടി​ക്കുന്ന ഒരാൾ തമാശ​രൂ​പ​ത്തിൽ അഭി​പ്രാ​യ​പ്പെട്ടു.

തുരപ്പ​നെ​ലി​യു​ടെ ശരീരം മണ്ണുതു​ര​ക്കാൻ വേണ്ടി പ്രത്യേ​ക​മാ​യി രൂപസം​വി​ധാ​നം ചെയ്യ​പ്പെ​ട്ട​താണ്‌. മുൻകാ​ലു​കൾ ശരീര​ത്തി​ന്റെ വളരെ മുൻഭാ​ഗ​ത്താ​യാ​ണു സ്ഥിതി​ചെ​യ്യു​ന്നത്‌, പാദങ്ങൾ പുറ​ത്തേക്കു തള്ളിനിൽക്കു​ന്നു. അഞ്ചു വിരലു​ക​ളും അർധച​ന്ദ്രാ​കൃ​തി​യി​ലുള്ള ഒരസ്ഥി​യും ചേർന്നു രണ്ടു കോരി​ക​പോ​ലെ വർത്തി​ക്കു​ന്നു. മുൻകാ​ലു​ക​ളോ​ടു താരത​മ്യം ചെയ്യു​മ്പോൾ ബലം കുറഞ്ഞ ചെറിയ പിൻകാ​ലു​കൾ തുരപ്പ​നെ​ലിക്ക്‌ ആക്കം കിട്ടാൻ സഹായി​ക്കു​ന്നു. ഇളകി​ക്കി​ട​ക്കുന്ന മണ്ണിൽ ഒരു തുരപ്പ​നെ​ലി​യെ വിടു​ക​യാ​ണെ​ങ്കിൽ, അഞ്ചു സെക്കൻഡു​കൊണ്ട്‌ അതു മണ്ണിന​ടി​യി​ലേക്ക്‌ അപ്രത്യ​ക്ഷ​മാ​കും! അതിന്‌ അതിന്റെ ഇരുണ്ട, നനവുള്ള, തുരങ്ക​ങ്ങ​ളിൽ കൂടി​യോ മണ്ണിന്റെ ഉപരി​ത​ല​ത്തിൽ കൂടി​യോ മണിക്കൂ​റിൽ അഞ്ച്‌ കിലോ​മീ​ററർ വരെ വേഗത്തിൽ സഞ്ചരി​ക്കാൻ കഴിയു​മെന്നു കണക്കാ​ക്ക​പ്പെ​ടു​ന്നു.

അസാധാ​ര​ണ​മായ ഇന്ദ്രി​യ​ങ്ങൾ

ചിലയാ​ളു​കൾ വിചാ​രി​ക്കു​ന്ന​തു​പോ​ലെ തുരപ്പ​നെലി തീർത്തും അന്ധനല്ല, എന്നാൽ രോമ​ത്തി​നു​ള്ളിൽ മറഞ്ഞി​രി​ക്കുന്ന അതിന്റെ കൊച്ചു​ക​ണ്ണു​കൾ ഇരുളിൽനി​ന്നു വെളി​ച്ചത്തെ തിരി​ച്ച​റി​യാ​നാ​വ​ശ്യ​മായ കാഴ്‌ച മാത്രമേ അതിന്‌ ഒരുപക്ഷേ കൊടു​ക്കു​ന്നു​ള്ളൂ. തുരപ്പ​നെലി മണ്ണിലൂ​ടെ മാളമു​ണ്ടാ​ക്കി​പ്പോ​കു​മ്പോൾ അതിന്റെ രോമങ്ങൾ കണ്ണുകൾക്കു കുറുകെ വന്ന്‌ അവയ്‌ക്കു സംരക്ഷണം നൽകുന്നു. എന്നിരു​ന്നാ​ലും, കാഴ്‌ച​യെ​ക്കാൾ ഏറെ പ്രധാനം തുരപ്പ​നെ​ലി​യു​ടെ സൂക്ഷ്‌മ​മായ ഘ്രാണ​ശ​ക്തി​യും സ്‌പർശ്യ​ശ​ക്തി​യു​മാണ്‌.

യൂറോ​പ്യൻ തുരപ്പ​നെ​ലിക്ക്‌ ഇളം ചുവപ്പ്‌ നിറത്തി​ലുള്ള അതിന്റെ മോന്ത​യു​ടെ അഗ്രഭാ​ഗ​ത്താ​യി ചെറിയ മുഴപ്പു​ക​ളുണ്ട്‌, ഓരോ​ന്നി​ലും അതി​ന്റേ​തായ രോമ​ങ്ങ​ളുണ്ട്‌. അവ സംവേ​ദ​ക​ത്വ​മു​ള്ള​താണ്‌. അതിന്റെ തലയുടെ പല ഭാഗങ്ങ​ളി​ലും നീണ്ട രോമ​ങ്ങ​ളും ഉണ്ട്‌. കൂടാതെ, വാലിന്റെ അഗ്രഭാ​ഗ​ത്തും സംവേ​ദ​ക​ത്വ​മുള്ള രോമ​ങ്ങ​ളു​മുണ്ട്‌. തുരങ്ക​ത്തി​ലൂ​ടെ സഞ്ചരി​ക്കു​മ്പോൾ രൂപം​കൊ​ള്ളുന്ന മർദത​രം​ഗങ്ങൾ തുരപ്പ​നെ​ലി​ക്കു തിരി​ച്ച​റി​യാൻ കഴിയും. അങ്ങനെ അവയ്‌ക്കു വലിയ കല്ലുക​ളോ ഇരപി​ടി​യൻമാ​രോ പോലുള്ള മാർഗ​ത​ട​സ്സങ്ങൾ മനസ്സി​ലാ​ക്കി അവയെ ഒഴിവാ​ക്കാ​നാ​കും.

തുരപ്പ​നെ​ലി​ക്കു ശരിക്കും വികസി​ത​മായ ചെവി​ക​ളില്ല, എന്നാൽ അതിനു നല്ല കേൾവി​ശ​ക്തി​യുണ്ട്‌. നിലത്തൂ​ടെ​യുള്ള തരംഗങ്ങൾ തിരി​ച്ച​റിഞ്ഞ്‌ അവയോ​ടു പ്രതി​ക​രി​ക്കാ​നുള്ള പ്രാപ്‌തി അതിനുണ്ട്‌. വൃത്ത​പേ​ശി​കൾകൊ​ണ്ടു തുരപ്പ​നെ​ലി​യു​ടെ ചെവികൾ അടയ്‌ക്കാൻ കഴിയും, മാർദ​വ​മായ സുഷി​ര​ങ്ങ​ളിൽ മണ്ണും മററും കടക്കാ​തി​രി​ക്കാൻ ഇതു സഹായി​ക്കു​മെന്നു കരുതു​ന്നു.

ഭക്ഷണവും പാർപ്പി​ട​വും

പുൽത്ത​കി​ടി​ക്കു കുറുകെ നോക്കി​യ​പ്പോൾ എലികൾ കൂടെ​ക്കൂ​ടെ പോകുന്ന മണ്ണിന​ടി​യി​ലെ ട്രാക്ക്‌ അഥവാ പാത എനിക്കു കാണാൻ കഴിഞ്ഞു. ആ പാത മണ്ണിനു തൊട്ടു താഴേ​ക്കൂ​ടെ​യാ​യി​രു​ന്നു, ഉപരി​തലം അൽപ്പം ഉയർന്നി​രു​ന്ന​താ​യി കാണ​പ്പെട്ടു. മാത്രമല്ല, പുതു​താ​യി നിർമി​ക്ക​പ്പെട്ട മൺകൂ​ന​ക​ളും ദൃശ്യ​മാ​യി​രു​ന്നു, അതുണ്ടാ​യതു തുരപ്പ​നെ​ലി​കൾ പുതു​താ​യി മാന്തി​യെ​ടുത്ത മണ്ണ്‌ പുറ​ത്തേക്കു തള്ളിയ​പ്പോ​ഴാ​യി​രു​ന്നു. മണ്ണ്‌ ഇങ്ങനെ തിരി​ച്ചു​മ​റി​ക്കു​ന്നത്‌ ഒരുതരം ഉഴവാണ്‌, മണ്ണിൽനി​ന്നു വെള്ളം വാർന്നു​പോ​കാ​നും അതിന്റെ ഫലഭൂ​യി​ഷ്‌ഠത നിലനിർത്താ​നും അതു സഹായി​ക്കു​ന്നു.

തുരപ്പ​നെ​ലി​യു​ടെ മുഖ്യാ​ഹാ​രം മണ്ണിര​യാണ്‌. മാളങ്ങൾ ഉണ്ടാക്കു​ന്ന​തി​ന്റെ കാരണം ഇതാണ്‌. മണ്ണിരകൾ മണ്ണിലൂ​ടെ സഞ്ചരി​ക്കു​മ്പോൾ തുരപ്പ​നെ​ലി​യു​ടെ മാളങ്ങ​ളു​ടെ ശൃംഖ​ല​യിൽ പ്രവേ​ശി​ക്കു​ന്നു. അപ്പോൾ തുരപ്പ​നെലി അതിന്റെ ഇരുണ്ട മാളങ്ങ​ളി​ലൂ​ടെ ധൃതി​യിൽ വന്നു തന്റെ ഇരയെ പിടി​ക്കു​ന്നു. ലെതർജാ​ക്ക​ററ്‌ എന്ന ഒരുതരം മത്സ്യവും വിളകൾ നശിപ്പി​ക്കുന്ന ഒരുതരം പുഴു​വും ഉൾപ്പെടെ പ്രാണി​ക​ളെ​യും അതു തിന്നാ​റുണ്ട്‌. ഓരോ രണ്ടു മണിക്കൂർ കൂടു​മ്പോ​ഴും അതിന്‌ എന്തെങ്കി​ലും തിന്നണം, അല്ലെങ്കിൽ ചത്തു​പോ​കും.

തുരപ്പ​നെ​ലി​യു​ടെ ചെറിയ മൺകൂ​നകൾ അതിന്റെ പാർപ്പി​ട​മാ​യി തെററി​ദ്ധ​രി​ക്ക​രുത്‌. അതിന്റെ പാർപ്പി​ടം കുറേ​ക്കൂ​ടെ വലുതാണ്‌, അതിന്‌ ഏതാണ്ട്‌ 30 സെൻറി​മീ​ററർ ഉയരവും ഒരു മീററർ നീളവും ഉണ്ടായി​രി​ക്കും. അതു സാധാ​ര​ണ​മാ​യി കാണു​ന്നത്‌ ഏതെങ്കി​ലും അഭയ​കേ​ന്ദ്ര​ത്തി​ന​ടു​ത്താണ്‌—മരത്തിന്റെ കീഴി​ലോ നിരനി​ര​യാ​യി നിൽക്കുന്ന കുററി​ക്കാ​ടു​ക​ളു​ടെ ഓരത്തോ ആയിരി​ക്കും. കൂടു നിർമി​ക്കാ​നാ​വ​ശ്യ​മായ പുല്ല്‌, ചുള്ളി​ക്ക​മ്പു​കൾ, ഇലകൾ തുടങ്ങി​യവ അവിടെ എളുപ്പം കണ്ടെത്താ​നാ​കും.

വസന്തകാ​ലാ​രം​ഭ​ത്തിൽ ഒററ പേറിൽത്തന്നെ ഏഴു കുഞ്ഞുങ്ങൾ പിറക്കു​ന്നു. കൊച്ചു തുരപ്പ​നെ​ലി​കൾക്കു കാഴ്‌ച​യില്ല, പിറക്കു​മ്പോൾ ശരീര​ത്തിൽ രോമ​ങ്ങ​ളി​ല്ലാത്ത അവയ്‌ക്കു മൂന്നു ഗ്രാമിൽ കുറഞ്ഞ ഭാരമേ കാണു​ക​യു​ള്ളൂ. അഞ്ചാഴ്‌ച കഴിയു​മ്പോ​ഴേക്കു തങ്ങൾക്കു​തന്നെ തീററ തേടാൻ പ്രാപ്‌തി നേടുന്ന അവ ദൂരെ മാറി​പ്പോ​കു​ന്നു, ഒരുപക്ഷേ 1.5 കിലോ​മീ​റ​റ​റോ​ളം ദൂരേക്ക്‌. ഒമ്പതു മാസം കഴിയു​മ്പോൾ അവ ഇണചേ​രാ​നുള്ള പക്വത പ്രാപി​ക്കു​ന്നു. ഒരു തുരപ്പ​നെ​ലി​യു​ടെ ശരാശരി ആയുസ്സ്‌ മൂന്നു വർഷമാണ്‌. എന്നിരു​ന്നാ​ലും, അതിനു മുമ്പേ​തന്നെ ഇരപി​ടി​യൻമാർ അവയിൽ പലതി​നെ​യും കൊല്ലു​ന്നു.

നന്നായി ചെത്തി​നിർത്തിയ പുൽത്ത​കി​ടിക്ക്‌ അടി​യെ​കൂ​ടി​യോ ഗോൾഫ്‌ കളിസ്ഥ​ല​ത്തോ തുരപ്പ​നെലി മാളമു​ണ്ടാ​ക്കു​മ്പോൾ അതിനു കുഴപ്പങ്ങൾ സൃഷ്ടി​ക്കാ​നാ​കും എന്നതു സമ്മതി​ക്കു​ന്നു. എന്നാൽ കറുത്ത വെൽവെ​ററ്‌ സൂട്ടിലെ നമ്മുടെ കൊച്ചു മാന്യൻ ഗ്രാമീണ ജീവി​ത​ത്തി​ന്റെ ജിജ്ഞാ​സ​യു​ണർത്തുന്ന ഒരു ഭാഗമാ​യി​ത്തന്നെ തുടരു​ന്നു.