സന്തുഷ്ടി ഉറപ്പു​നൽക​പ്പെ​ട്ടി​രി​ക്കു​ന്നു!

“തങ്ങളുടെ ആത്മീയ ആവശ്യങ്ങൾ സംബന്ധി​ച്ചു ബോധ​വാൻമാ​രാ​യവർ സന്തുഷ്ടർ” എന്ന്‌ യേശു​ക്രി​സ്‌തു പറയു​ക​യു​ണ്ടാ​യി. (മത്തായി 5:3, NW) യേശു സാധാരണ ജ്ഞാന​ത്തെ​ക്കു​റി​ച്ചു പറയു​ക​യാ​യി​രു​ന്നില്ല. പിന്നെ​യോ സന്തുഷ്ടി​യു​ടെ അനുധാ​വ​ന​ത്തി​ന്റെ വിജയ​ത്തിന്‌ അത്യന്താ​പേ​ക്ഷി​ത​മായ ഒരു ഘടകം ഭൗതി​കാ​ഗ്ര​ഹ​ങ്ങളെ തൃപ്‌തി​പ്പെ​ടു​ത്തു​ന്ന​തി​നു പകരം ഒരുവന്റെ ആത്മീയ ആവശ്യം നിറ​വേ​റ​റു​ന്ന​താ​ണെന്നു ചൂണ്ടി​ക്കാ​ണി​ക്കു​ക​യാ​യി​രു​ന്നു. യേശു​വി​ന്റെ ആ വാക്കുകൾ അനുസ​രി​ക്കു​ന്നതു സന്തുഷ്‌ടി ഉറപ്പു​വ​രു​ത്തു​ന്നു.

എന്നാൽ, ഒരുവന്റെ ആത്മീയ ആവശ്യം സംബന്ധി​ച്ചു ബോധ​മു​ള്ള​വ​നാ​യി​രി​ക്കുക എന്നു പറയു​മ്പോൾ അങ്ങനെ​യൊ​ന്നുണ്ട്‌ എന്ന്‌ കേവലം അറിയു​ന്ന​തി​ല​ധി​കം അർഥമാ​ക്കു​ന്നു. ഒട്ടുമി​ക്ക​പ്പോ​ഴും, ഒരു ആവശ്യം നിറ​വേ​റ​റ​പ്പെ​ടാ​തെ പോകു​മ്പോൾ അത്‌ സന്തുഷ്ടി​ക്കു പകരം ഉത്‌ക​ണ്‌ഠ​യു​ടെ​യും നീരസ​ത്തി​ന്റെ​യും ഒരു ഉറവാ​യി​ത്തീ​രു​ന്നു. ബൈബിൾ സദൃശ​വാ​ക്യം അതിനെ ഈ രീതി​യിൽ വിവരി​ക്കു​ന്നു: “ആശാവി​ളം​ബനം ഹൃദയത്തെ ക്ഷീണി​പ്പി​ക്കു​ന്നു.” (സദൃശ​വാ​ക്യ​ങ്ങൾ 13:12) അങ്ങനെ, ഒരുവൻ തന്റെ ആത്മീയ ആവശ്യം തിരി​ച്ച​റി​യാ​നും അത്‌ തൃപ്‌തി​പ്പെ​ടു​ത്താ​നും പടികൾ സ്വീക​രി​ക്കു​മ്പോൾ സന്തുഷ്ടി പൂവണി​യു​ന്നു. ഇത്‌ എങ്ങനെ ചെയ്യാം?

ഇവി​ടെ​യാണ്‌ ബൈബിൾ രംഗത്തു​വ​രു​ന്നത്‌. എന്തു​കൊണ്ട്‌? അനേകർ ദീർഘ​നാ​ളാ​യി തലപു​ക​ഞ്ഞാ​ലോ​ചി​ച്ചി​ട്ടും തൃപ്‌തി​ക​ര​മായ ഉത്തരങ്ങൾ കിട്ടാത്ത ചോദ്യ​ങ്ങൾക്ക്‌ ഉത്തരം നൽകാൻ അതിനു​മാ​ത്രമേ കഴിയൂ. ഉദാഹ​ര​ണ​ത്തിന്‌, ‘ജീവി​ത​ത്തി​ന്റെ ഉദ്ദേശ്യ​മെന്ത്‌? മനുഷ്യൻ ഭൂമി​യി​ലാ​യി​രി​ക്കു​ന്ന​തെ​ന്തു​കൊണ്ട്‌? ഭാവി എന്തു കൈവ​രു​ത്തും?’ എന്നൊക്കെ നിങ്ങൾ എന്നെങ്കി​ലും അത്ഭുത​പ്പെ​ട്ടി​ട്ടു​ണ്ടോ? ഇവയ്‌ക്കും മററനേക ചോദ്യ​ങ്ങൾക്കും തൃപ്‌തി​ക​ര​മായ ഉത്തരങ്ങൾ നൽകു​ന്ന​തി​നു പുറമേ, ഇന്നു നമ്മെ​യെ​ല്ലാം അഭിമു​ഖീ​ക​രി​ക്കു​ന്ന​തും പലപ്പോ​ഴും സന്തുഷ്ടി​ക്കു വേണ്ടി​യുള്ള നമ്മുടെ അന്വേ​ഷ​ണത്തെ തടസ്സ​പ്പെ​ടു​ത്തു​ന്ന​തു​മായ സങ്കീർണ പ്രശ്‌ന​ങ്ങളെ തരണം ചെയ്യാൻ ലക്ഷക്കണ​ക്കിന്‌ ആളുകളെ സഹായി​ച്ചി​രി​ക്കുന്ന ജീവിത മാർഗ​നിർദേ​ശ​ങ്ങ​ളും ബൈബിൾ പ്രദാനം ചെയ്യുന്നു. ‘[ദൈവ​ത്തി​ന്റെ] വചനം തന്റെ കാലിനു ദീപവും പാതെക്കു പ്രകാ​ശ​വും ആകുന്നു’ എന്ന്‌ സങ്കീർത്ത​ന​ക്കാ​രൻ പറഞ്ഞു. (സങ്കീർത്തനം 119:105) അതേ, സന്തുഷ്ടി​യു​ടെ അനുധാ​വ​ന​ത്തിൽ വിജയം വരിക്കാൻ നിങ്ങളെ സഹായി​ക്കുന്ന ഒരു സുനി​ശ്ചിത സഹായി​യാ​ണു ബൈബിൾ. പിൻവ​രുന്ന രണ്ട്‌ യഥാർഥ ജീവിത മാതൃ​കകൾ പരിചി​ന്തി​ക്കുക.

വെറു​പ്പിൽനി​ന്നു ദാമ്പത്യ സന്തുഷ്ടി​യി​ലേക്ക്‌

വിവാഹം സന്തുഷ്ടി​യു​ടെ​യോ ദുരി​ത​ത്തി​ന്റെ​യോ ഉറവാ​കാം. ദുഃഖ​ക​ര​മെന്നു പറയട്ടെ, പലരെ സംബന്ധി​ച്ചും രണ്ടാമതു പറഞ്ഞതാ​ണു വസ്‌തുത. എന്നിരു​ന്നാ​ലും ബൈബിൾ ബുദ്ധ്യു​പ​ദേ​ശ​ത്തി​ന്റെ ബാധക​മാ​ക്കൽ ഒരിക്കൽ അസന്തു​ഷ്ട​മാ​യി​രുന്ന വിവാഹ ജീവി​ത​ത്തിൽ സന്തുഷ്ടി കണ്ടെത്തു​ന്ന​തി​നു പലരെ​യും സഹായി​ച്ചി​ട്ടുണ്ട്‌.

യുങ്‌കൂ​ന്റെ​യും മേഷോ​യു​ടെ​യും അനുഭവം അതായി​രു​ന്നു. “ഞങ്ങളുടെ വിവാ​ഹ​ത്തി​ന്റെ ആദ്യത്തെ ഏഴു വർഷങ്ങൾ സന്തോ​ഷ​മു​ള്ള​വ​യാ​യി​രു​ന്നില്ല. ഞാൻ ഭാര്യ​യോ​ടും രണ്ടു പുത്രി​മാ​രോ​ടു​മൊ​പ്പം വളരെ​ക്കു​റച്ചു സമയമേ ചെലവ​ഴി​ച്ചി​രു​ന്നു​ള്ളൂ. വാസ്‌ത​വ​ത്തിൽ, ഞാൻ മിക്ക​പ്പോ​ഴും എന്റെ ജോലി​സ്ഥ​ല​ത്തു​ത​ന്നെ​യാണ്‌ ഉറങ്ങി​യി​രു​ന്നത്‌,” യുങ്‌കൂൻ നിസ്സ​ങ്കോ​ചം പറയുന്നു. ഭൗതി​ക​മാ​യി ആവശ്യ​മാ​യി​രു​ന്ന​തെ​ല്ലാം ഉണ്ടായി​രു​ന്നെ​ങ്കി​ലും അവർ സന്തുഷ്ട​ര​ല്ലാ​യി​രു​ന്നു. അയാളു​ടെ ഭാര്യ ഇപ്രകാ​രം കൂട്ടി​ച്ചേർക്കു​ന്നു: “ഭൗതി​ക​മാ​യി ഞങ്ങൾക്കു​വേണ്ടി കരുതു​ന്ന​തൊ​ഴി​ച്ചാൽ എന്റെ ഭർത്താവ്‌ കുടുംബ കാര്യ​ങ്ങ​ളെ​ല്ലാം എന്നെയാണ്‌ ഭരമേൽപ്പി​ച്ചി​രു​ന്നത്‌. ഞാനത്‌ യഥാർഥ​ത്തിൽ വെറുത്തു.” അവർ വേർപി​രി​യു​ന്ന​തി​നെ​ക്കു​റി​ച്ചു പോലും ചിന്തിച്ചു.

യുങ്‌കൂന്‌ മററു കുടുംബ പ്രശ്‌ന​ങ്ങ​ളും ഉണ്ടായി​രു​ന്നു. നേരത്തെ ഉണ്ടായി​ട്ടുള്ള കുടുംബ പ്രശ്‌നങ്ങൾ കാരണം അദ്ദേഹം തന്റെ സഹോ​ദ​രി​യോട്‌ ഏഴു വർഷം സംസാ​രി​ക്കാ​തി​രു​ന്നു. അവരുടെ വീടുകൾ തമ്മിലുള്ള അകലമാ​ണെ​ങ്കി​ലോ നൂറു മീററർ പോലു​മി​ല്ലാ​യി​രു​ന്നു, എന്നിട്ടാ​യി​രു​ന്നു ഇത്‌. എന്നിരു​ന്നാ​ലും, അദ്ദേഹ​മി​പ്പോൾ സന്തുഷ്ട​മായ ഒരു വിവാ​ഹ​വും സഹോ​ദ​രി​യോട്‌ ഒരു നല്ല ബന്ധവും ആസ്വദി​ക്കു​ന്നു. ഈ വലിയ മാററം എന്തു​കൊണ്ട്‌?

“ഞാനും ഭാര്യ​യും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാ​നും വാരം​തോ​റു​മുള്ള അവരുടെ ബൈബിൾ യോഗ​ങ്ങ​ളിൽ പങ്കെടു​ക്കാ​നും തുടങ്ങി,” യുങ്‌കൂൻ വിശദീ​ക​രി​ക്കു​ന്നു. അദ്ദേഹ​ത്തി​ന്റെ സഹോ​ദ​രി​യും അതുതന്നെ ചെയ്‌തു. പഠിച്ചു​കൊ​ണ്ടി​രുന്ന കാര്യങ്ങൾ ബാധക​മാ​ക്കി തുടങ്ങിയ അവർ ഫലങ്ങളിൽ അമ്പരന്നു പോയി. തന്റെ കുടും​ബ​ത്തി​ന്റെ ഭൗതി​കാ​വ​ശ്യ​ങ്ങൾക്കു വേണ്ടി മാത്രമല്ല, പിന്നെ​യോ ആത്മീയ​വും വൈകാ​രി​ക​വു​മായ ആവശ്യ​ങ്ങൾക്കു വേണ്ടി​യും കരുതാൻ യുങ്‌കൂ​നെ അനുവ​ദിച്ച ഒരു തൊഴിൽ അദ്ദേഹ​ത്തി​നു ലഭിച്ചു. അവർ ഇപ്പോൾ സന്തോ​ഷ​വും ഐക്യ​വു​മുള്ള ഒരു കുടും​ബ​ജീ​വി​തം ആസ്വദി​ക്കു​ന്നു.

അവൾ ജീവി​ത​ത്തിൽ ഒരു ഉദ്ദേശ്യം കണ്ടെത്തി

സന്തുഷ്ട​രാ​യി​രി​ക്ക​ണ​മെ​ങ്കിൽ ജീവി​ക്കു​ന്ന​തി​ന്റെ കാരണം, ജീവി​ത​ത്തി​ന്റെ ഉദ്ദേശ്യം എന്താ​ണെന്ന്‌ നാം അറി​യേ​ണ്ട​താ​വ​ശ്യ​മാ​ണെന്നു മനുഷ്യ പ്രകൃതം പഠിക്കു​ന്നവർ പറഞ്ഞി​ട്ടുണ്ട്‌. ഭൗതിക വസ്‌തു​ക്ക​ളു​ടെ സ്വാർഥ അനുധാ​വ​ന​ത്തിൽ കേന്ദ്രീ​കൃ​ത​മായ ഒരു ജീവിതം ഈ ആവശ്യത്തെ തൃപ്‌തി​പ്പെ​ടു​ത്തു​ന്നില്ല. ഇരുപ​ത്തി​യാ​റു​കാ​രി​യായ ലിനി ഇതു സത്യമാ​ണെന്നു കണ്ടെത്തി.

“ഞാൻ ഒരു ദിവസം 12 മണിക്കൂ​റു വെച്ച്‌ ആഴ്‌ച​യിൽ ഏഴു ദിവസം ജോലി​ചെ​യ്യു​മാ​യി​രു​ന്നു. ഒരു വലിയ ബ്യൂട്ടി​പാർലർ തുടങ്ങുക എന്നതാ​യി​രു​ന്നു എന്റെ ലക്ഷ്യം,” അവൾ പറയുന്നു. തന്റെ സ്വപ്‌നം സാക്ഷാ​ത്‌കരി​ക്ക​പ്പെ​ടാ​റാ​യി​രു​ന്നെ​ങ്കി​ലും തന്റെ ജീവി​ത​ത്തിൽ എന്തി​ന്റെ​യോ കുറവു​ള്ള​താ​യി അവൾക്കു തോന്നി. “ജീവി​ത​ത്തി​ന്റെ ഉദ്ദേശ്യം എന്താ​ണെന്ന്‌ ഞാൻ ചിന്തി​ക്കു​മാ​യി​രു​ന്നു. അത്‌ ജോലി​ചെ​യ്യു​ക​യും പണമു​ണ്ടാ​ക്കു​ക​യും മാത്ര​മാ​യി​രു​ന്നോ?”

അങ്ങനെ​യി​രി​ക്കെ ഒരു ദിവസം ആരോ ഒരാൾ കടയിൽ വന്ന്‌ അവൾ ചിന്തി​ച്ചു​കൊ​ണ്ടി​രുന്ന അതേ ചോദ്യം​തന്നെ ചോദി​ച്ചു. ആ ചോദ്യ​ത്തിന്‌ ഉത്തരം നൽകാൻ ബൈബി​ളി​നു കഴിയു​മെന്ന്‌ ആ വ്യക്തി അവളോട്‌ പറഞ്ഞു. മുമ്പൊ​രി​ക്ക​ലും ബൈബിൾ വായി​ച്ചി​രു​ന്നി​ല്ലെ​ങ്കി​ലും അതിന്റെ പരി​ശോ​ധ​ന​യ്‌ക്കാ​യി വാരം​തോ​റും ഒരു മണിക്കൂർ മാററി​വെ​ക്കാൻ അവൾ സമ്മതിച്ചു.

താൻ ദിവസ​വും കണ്ടു​കൊ​ണ്ടി​രുന്ന പല കാര്യ​ങ്ങ​ളെ​ക്കു​റി​ച്ചും ബൈബിൾ മുൻകൂ​ട്ടി പറഞ്ഞി​ട്ടു​ണ്ടാ​യി​രു​ന്നെന്ന്‌ വാരം​തോ​റു​മുള്ള പഠനത്തിൽനി​ന്നു ലിനി മനസ്സി​ലാ​ക്കി. മനുഷ്യർ “സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷകൻമാ​രും അമ്മയപ്പൻമാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യൻമാ​രും ഉഗ്രൻമാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രിയ”രും ആയിരി​ക്കും എന്നു മുൻകൂ​ട്ടി​പ്പ​റ​ഞ്ഞു​കൊണ്ട്‌ തനിക്കു ചുററു​മുള്ള മനോ​ഭാ​വങ്ങൾ അവ സംഭവി​ക്കു​ന്ന​തി​നു മുമ്പേ ബൈബിൾ കൃത്യ​മാ​യി വിവരിച്ച വിധത്തിൽ അവൾ അമ്പരന്നു പോയി. യുദ്ധങ്ങൾ, ക്ഷാമങ്ങൾ, പ്രകൃതി വിപത്തു​കൾ എന്നിവ നിമി​ത്ത​മു​ള്ള​തും മുമ്പൊ​രി​ക്ക​ലും ഉണ്ടായി​ട്ടി​ല്ലാ​ത്ത​തു​മായ, ലോക​മെ​മ്പാ​ടും കണ്ടുവ​രുന്ന കഷ്ടതയി​ലേക്കു വിരൽ ചൂണ്ടുന്ന മററു പ്രവച​ന​ങ്ങ​ളും അവൾ പഠിച്ചു.—2 തിമൊ​ഥെ​യൊസ്‌ 3:1-5; മത്തായി 24:7, 12.

ഇനിയും തന്നെ വളരെ​യ​ധി​കം സന്തുഷ്ട​യാ​ക്കി​ത്തീർത്ത ഒരു സംഗതി ലിനി മനസ്സി​ലാ​ക്കി—ആളുക​ളു​ടെ സന്തോഷം കവർന്നെ​ടു​ക്കുന്ന ഈ ലോകാ​വ​സ്ഥകൾ മനുഷ്യ​ച​രി​ത്ര​ത്തി​ലെ ഒരു പുതിയ യുഗം സമീപ​മാ​ണെ​ന്ന​തി​ന്റെ സൂചന​യാണ്‌ എന്ന്‌. (മത്തായി 24:3-14) അപൂർണ മനുഷ്യൻ ഒരിക്ക​ലും കണ്ടിട്ടി​ല്ലാത്ത തരത്തി​ലുള്ള ഭൗതിക സമൃദ്ധി ലോക​വ്യാ​പ​ക​മാ​യി നില​കൊ​ള്ളാൻ പോകുന്ന ഒരു പുതിയ ലോകം മനുഷ്യ​വർഗ​ത്തി​ന്റെ സ്രഷ്ടാവ്‌ ഭൂമി​യിൽ സ്ഥാപി​ക്കാൻ ഉദ്ദേശി​ക്കു​ന്നു​വെ​ന്നും അവൾ ബൈബി​ളിൽനി​ന്നു വായിച്ചു. (സങ്കീർത്തനം 72:16; യെശയ്യാ​വു 65:17, 18, 21, 22) ഈ ഭാവി സമ്പന്ന സമൂഹം അത്യാ​ഗ്രഹം, സ്വാർഥത, ഭൗതി​ക​ത്വം എന്നിവ​യാ​ലും അവയുടെ ദോഷ​ഫ​ല​ങ്ങ​ളാ​ലും ദുഷി​പ്പി​ക്ക​പ്പെ​ടു​ക​യില്ല. (സങ്കീർത്തനം 37:9-11, 29; 1 കൊരി​ന്ത്യർ 6:9, 10) ബൈബി​ളിൽനിന്ന്‌ ഈ വാക്കുകൾ വായി​ച്ച​പ്പോൾ അവൾ പുളകം​കൊ​ണ്ടു: “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.”—2 പത്രൊസ്‌ 3:13.

സന്തുഷ്ടി നിങ്ങളെ കാത്തി​രി​ക്കു​ന്നു

തന്റെ സമയം മുഴു​വ​നും ഭൗതി​ക​ല​ക്ഷ്യ​ങ്ങ​ളു​ടെ അനുധാ​വ​ന​ത്തി​നു​വേണ്ടി ചെലവ​ഴി​ക്കു​ന്ന​തി​നു പകരം ഇപ്പോൾ ലിനി പഠിച്ച കാര്യങ്ങൾ മററു​ള്ള​വ​രോ​ടു പറയു​ന്ന​തി​നു​വേണ്ടി സമയത്തി​ന്റെ ഭൂരി​ഭാ​ഗ​വും ചെലവ​ഴി​ക്കു​ന്നു. അത്ഭുത​ക​ര​മായ ഈ വാഗ്‌ദാ​ന​ങ്ങ​ളെ​ക്കു​റിച്ച്‌ കൂടുതൽ അറിയാൻ നിങ്ങൾ ആഗ്രഹി​ക്കു​ന്നു​വോ? ലിനി​യും യുങ്‌കൂ​നും മേഷോ​യും മററു ലക്ഷങ്ങളും കണ്ടെത്തി​യി​രി​ക്കുന്ന സന്തുഷ്ടി കണ്ടെത്താൻ ബൈബി​ളി​നു നിങ്ങളെ സഹായി​ക്കാൻ കഴിയുന്ന വിധം കണ്ടുപി​ടി​ക്കാൻ നിങ്ങൾ ആഗ്രഹി​ക്കു​ന്നു​വോ? യഹോ​വ​യു​ടെ സാക്ഷികൾ നിങ്ങളെ സഹായി​ക്കാൻ ഏററവും മനസ്സൊ​രു​ക്ക​മു​ള്ള​വ​രാണ്‌.

[8, 9 പേജു​ക​ളി​ലെ ചിത്രം]

ഒരു ഭൗമിക പറുദീസ സ്ഥാപി​ക്കാൻ നമ്മുടെ സ്രഷ്ടാവ്‌ ഉദ്ദേശി​ക്കു​ന്നു