ബൈബി​ളി​ന്റെ വീക്ഷണം

സമ്മർദത്തെ തരണം ചെയ്യാൻ എന്തിനു സഹായി​ക്കാൻ കഴിയും?

നിങ്ങൾ സമ്മർദ​ത്തിന്‌ ഇരയാ​ണോ? ആണെങ്കിൽ നിങ്ങ​ളെ​പ്പോ​ലെ അനേക​രുണ്ട്‌. ഇവ “ഇടപെ​ടാൻ പ്രയാ​സ​ക​ര​മായ ദുർഘ​ട​സ​മയങ്ങ”ളാണ്‌, ഏതു പ്രായ​ത്തി​ലും ജീവി​ത​ത​ല​ത്തി​ലും ഉള്ളവർക്കു സമ്മർദ​മുണ്ട്‌. (2 തിമോ​ത്തി 3:1, NW) പകുതി​യി​ല​ധി​കം പേരും ഡോക്ടർമാ​രെ കാണു​ന്നത്‌ സമ്മർദ​ത്തോ​ടു ബന്ധപ്പെട്ട പ്രശ്‌നങ്ങൾ നിമി​ത്ത​മാ​ണെന്നു ചില വിദഗ്‌ധർ അവകാ​ശ​പ്പെ​ടു​ന്നു.

എന്നാൽ സമ്മർദം അതിൽത്തന്നെ മോശ​മായ ഒരു സംഗതി​യല്ല. സമ്മർദ​ത്തി​നു ചികി​ത്സി​ക്കുന്ന ഒരു ക്ലിനിക്ക്‌ ഡയറക്ടർ ഇപ്രകാ​രം പറയുന്നു: “വാസ്‌ത​വ​ത്തിൽ, നമുക്കതു പ്രചോ​ദ​ന​വും ഉത്സാഹ​വും കാര്യങ്ങൾ ചെയ്‌തു​തീർക്കാ​നുള്ള ഊർജ​വും പ്രദാനം ചെയ്യുന്നു. അതു കൈകാ​ര്യം ചെയ്യാൻ കഴിഞ്ഞാൽ നാമത്‌ ആസ്വദി​ക്കും.”

അതേസ​മ​യം തന്നെ സമ്മർദ​ത്തിന്‌ സംഹാ​ര​ക​വും വിനാ​ശ​ക​ര​വു​മാ​യി​രി​ക്കാൻ കഴിയും. നിങ്ങളു​ടെ കാര്യ​ത്തിൽ സമ്മർദം പ്രശ്‌നങ്ങൾ വരുത്തി​ക്കൂ​ട്ടു​ന്നെ​ങ്കി​ലോ? അതിന്റെ വിനാശക ഫലങ്ങൾ പരമാ​വധി കുറയ്‌ക്കാൻ നിങ്ങളെ സഹായി​ച്ചേ​ക്കാ​വുന്ന ബൈബിൾ ജ്ഞാനത്തിൽ അധിഷ്‌ഠി​ത​മായ ഏതാനും നിർദേ​ശങ്ങൾ ഇതാ.

അമിത​മായ പ്രതീ​ക്ഷകൾ ഒഴിവാ​ക്കു​ക

“ആശാവി​ളം​ബനം ഹൃദയത്തെ ക്ഷീണി​പ്പി​ക്കു​ന്നു” എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 13:12) പ്രതീ​ക്ഷകൾ പൂവണി​യാ​തെ പോകു​മ്പോൾ സമ്മർദം വളരെ ശക്തമാ​യി​ത്തീ​രാം. നമ്മുടെ പ്രതീ​ക്ഷ​കളെ അവാസ്‌ത​വി​ക​മാ​യി നാം ഉയരത്തിൽ പ്രതി​ഷ്‌ഠി​ക്കു​മ്പോൾ സമ്മർദം ഉണ്ടാകു​മെ​ന്നു​ള്ള​തി​നു രണ്ടുപ​ക്ഷ​മില്ല.

ഉദാഹ​ര​ണ​ത്തിന്‌, സന്തുഷ്ടി ഭൗതിക വസ്‌തു​ക്കൾ സ്വരു​ക്കൂ​ട്ടു​ന്ന​തി​ലാണ്‌ ആശ്രയി​ച്ചി​രി​ക്കു​ന്ന​തെന്നു വിശ്വ​സി​ക്കാൻ തക്കവണ്ണം പരസ്യ​മാ​ധ്യ​മങ്ങൾ അനേക​രെ​യും കബളി​പ്പി​ച്ചി​രി​ക്കു​ന്നു. ഒരുവൻ തന്റെ പരിധി​യി​ലൊ​തു​ങ്ങാത്ത സംഗതി​കൾ കാംക്ഷി​ക്കു​മ്പോൾ, അതിന്റെ അനന്തര​ഫ​ലങ്ങൾ സമ്മർദ​വും നൈരാ​ശ്യ​വു​മാ​യി​രി​ക്കാം. അതു​കൊണ്ട്‌, ബൈബിൾ ഈ ബുദ്ധ്യു​പ​ദേശം നൽകുന്നു: “ഉൺമാ​നും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക.” (1 തിമൊ​ഥെ​യൊസ്‌ 6:8) അതേ, നിങ്ങൾ സ്വന്തമാ​ക്കാ​നാ​ഗ്ര​ഹി​ക്കു​ന്ന​തരം കാറോ വീടോ ഫർണീ​ച്ച​റോ ഇല്ലെങ്കിൽപ്പോ​ലും നിങ്ങൾക്ക്‌ ഉള്ള കാര്യ​ങ്ങളെ വിലമ​തി​ക്കുക. ഭൗതി​ക​മാ​യുള്ള പ്രതീ​ക്ഷ​കളെ പരിമി​ത​മാ​യി നിർത്തുക.

ആളുകളെ സംബന്ധിച്ച അമിത പ്രതീ​ക്ഷ​ക​ളും സമ്മർദം കൈവ​രു​ത്തി​യേ​ക്കാം. ഉദാഹ​ര​ണ​ത്തിന്‌, ഒരു തൊഴി​ലു​ട​മ​യ്‌ക്കോ മേൽനോ​ട്ട​ക്കാ​ര​നോ തന്റെ അധികാ​ര​ത്തിൻ കീഴി​ലു​ള്ള​വ​രിൽനി​ന്നു സാമാന്യ തൊഴിൽനി​ല​വാ​രം പ്രതീ​ക്ഷി​ക്കാ​നുള്ള അവകാ​ശ​മുണ്ട്‌, എന്നാൽ അവരിൽനി​ന്നു പൂർണത പ്രതീ​ക്ഷി​ക്കു​ന്നതു വിഡ്‌ഢി​ത്ത​മാ​യി​രി​ക്കും. ബ്രസീ​ലി​ലെ ഒരു ഫാക്ടറി സൂപ്പർ​വൈ​സ​റായ കാർലോസ്‌ പറയു​ന്നത്‌ കേൾക്കൂ: “ആളുകൾ എങ്ങനെ​യാ​യി​രി​ക്കു​ന്നു​വോ അങ്ങനെ​തന്നെ അവരെ അംഗീ​ക​രി​ക്കേ​ണ്ട​തുണ്ട്‌. അവർക്കു നൽകാൻ കഴിയു​ന്ന​തി​ല​ധി​കം പ്രതീക്ഷ വച്ചുപു​ലർത്തു​ക​യാ​ണെ​ങ്കിൽ, അത്‌ സകല​രെ​യും അസന്തു​ഷ്ട​രാ​ക്കി​ക്കൊ​ണ്ടു സമ്മർദം വർധി​പ്പി​ക്കും.”—താരത​മ്യം ചെയ്യുക: യിരെ​മ്യാ​വു 17:5-8.

ദുഷ്‌ക​ര​മായ ലാക്കു​ക​ളിൽനിന്ന്‌ ഉളവാ​കുന്ന സമ്മർദത്തെ നിയ​ന്ത്രി​ക്കു​ക

‘നേട്ടങ്ങൾ കൈവ​രി​ക്കു​ന്ന​തി​നെ മാത്രം ചുററി​പ്പ​റ​റി​യു​ള്ള​തും മത്സരപൂർവ​ക​വു​മായ ഒരു മനോ​ഭാ​വം ഹൃ​ദ്രോ​ഗം ഉണ്ടാകു​ന്ന​തി​ലെ അപകട​ക​ര​മായ ഒരു ഘടകമാണ്‌’ എന്ന്‌ പ്രസ്‌താ​വി​ച്ചു​കൊണ്ട്‌ ലാററി​ന​മേ​രിക്ക ഡെയ്‌ലി പോസ്‌ററ്‌ സമ്മർദ​ത്തി​ന്റെ മറെറാ​രു സ്രോ​തസ്സ്‌ വെളി​പ്പെ​ടു​ത്തു​ന്നു. ചെറു​പ്പ​ക്കാ​ര​നായ ഒരു അക്കൗണ്ടൻറ്‌ ഇങ്ങനെ സമ്മതി​ച്ചു​പ​റ​യു​ന്നു: “ഓഫീ​സി​ലാ​യി​രി​ക്കു​മ്പോൾ എന്റെ ഏതെങ്കി​ലും തരത്തി​ലുള്ള ബലഹീനത വെളി​പ്പെ​ടു​ത്താൻ എനിക്കു വളരെ വിമ്മി​ട്ട​വും ഭയവു​മാണ്‌. ഞാൻ വളരെ കഠിന​മാ​യി അധ്വാ​നി​ക്കാ​റുണ്ട്‌, എന്നാൽ മററു​ള്ള​വ​രു​ടെ അംഗീ​കാ​രം കിട്ടാ​ത്ത​പ്പോൾ നിരാശ തോന്നു​ക​യും ചെയ്യുന്നു.”

അംഗീ​കാ​ര​ത്തി​നും നേട്ടങ്ങൾക്കും വേണ്ടി​യുള്ള അത്തരം വാഞ്‌ഛയെ സംബന്ധി​ച്ചു ശലോ​മോൻ ഇപ്രകാ​രം പറഞ്ഞു: “സകല​പ്ര​യ​ത്‌ന​വും സാമർത്ഥ്യ​മുള്ള പ്രവൃത്തി ഒക്കെയും ഒരുവന്നു മററവ​നോ​ടുള്ള അസൂയ​യിൽനി​ന്നു​ള​വാ​കു​ന്നു എന്നു ഞാൻ കണ്ടു; അതും മായയും വൃഥാ​പ്ര​യ​ത്‌ന​വും അത്രേ.”—സഭാ​പ്ര​സം​ഗി 4:4.

ജോലി​യി​ലെ പുരോ​ഗ​തി​യു​ടെ​യോ അംഗീ​കാ​ര​ത്തി​ന്റെ​യോ കാര്യ​മെ​ടു​ക്കു​മ്പോൾ ‘വേഗത​യു​ള്ളവർ എപ്പോ​ഴും ഓട്ടത്തിൽ നേടു​ന്നില്ല’ എന്നതാണു വസ്‌തുത. (സഭാ​പ്ര​സം​ഗി 9:11) ബ്രസീ​ലി​ലെ ഒരു ഓഫീസ്‌ ജീവന​ക്കാ​രി​യായ മാരിയ അതി​നെ​ക്കു​റിച്ച്‌ ഇങ്ങനെ അഭി​പ്രാ​യ​പ്പെട്ടു: “ഒരാൾക്കു കഴിവു​ണ്ടാ​യി​രി​ക്കാം, എന്നാൽ സാഹച​ര്യ​ങ്ങൾ, ഒരുപക്ഷേ പക്ഷപാതം പോലും, ജോലി​ക്ക​യ​റ​റത്തെ തടഞ്ഞേ​ക്കാം.”—താരത​മ്യം ചെയ്യുക: സഭാ​പ്ര​സം​ഗി 2:21; 10:6.

നിങ്ങളു​ടെ പ്രതീ​ക്ഷകൾ മിതമാ​യി നിർത്തു​ക​യും നിങ്ങളു​ടെ പരിമി​തി​കൾ തിരി​ച്ച​റി​യു​ക​യും ചെയ്യുക. ഉന്നമന​ത്തി​നു വേണ്ടി മാത്രം പ്രയത്‌നി​ക്കു​ന്ന​തി​നു​പ​കരം ജോലി കൈവ​രു​ത്തുന്ന സന്തോ​ഷ​ത്തി​നു വേണ്ടി പ്രവർത്തി​ക്കുക. (സഭാ​പ്ര​സം​ഗി 2:24) നേട്ടങ്ങൾ കൈവ​രി​ക്കു​ന്ന​തി​നെ​ക്കു​റി​ച്ചു മാത്രം എപ്പോ​ഴും ചിന്തി​ക്കുന്ന വ്യക്തിക്കു ജീവി​ത​ത്തി​ലെ സന്തോ​ഷ​ത്തി​ല​ധി​ക​വും നഷ്ടമാ​കു​ന്നു, മാത്രമല്ല അത്തര​മൊ​രു​വൻ വിജയി​ക്കാ​നുള്ള സ്വന്തം ശ്രമങ്ങ​ളെ​പ്പോ​ലും തുരങ്കം വയ്‌ക്കും​വി​ധം വളരെ പിരി​മു​റു​ക്ക​മു​ള്ള​വ​നാ​യി​ത്തീ​രാ​നി​ട​യുണ്ട്‌. ഡോ. ആർനൊൾഡ്‌ ഫോക്‌സ്‌ ഇപ്രകാ​രം ബുദ്ധ്യു​പ​ദേ​ശി​ച്ചു: “നിങ്ങളു​ടെ പ്രവർത്ത​ന​മ​ണ്ഡ​ല​ത്തിൽ ഏററവും മികച്ച​വ​നാ​യി​ത്തീ​രാ​നുള്ള ലക്ഷ്യം വളരെ നല്ലതാണ്‌, എന്നാൽ ആ ഒരു ചിന്ത മാത്രം നിങ്ങളു​ടെ ജീവി​തത്തെ ഭരിക്കാൻ അനുവ​ദി​ക്ക​രുത്‌. സ്‌നേ​ഹ​പ്ര​ക​ട​നങ്ങൾ, ചിരി, ജീവി​ത​ത്തി​ലെ സന്തോഷം തുടങ്ങി​യ​വയെ അവഗണി​ച്ചാൽ, അഥവാ ജീവിതം ആസ്വദി​ക്കാൻ മറന്നു​പോ​ക​ത്ത​ക്ക​വണ്ണം വിജയം നേടാ​നുള്ള ശ്രമത്തിൽ കുടു​ങ്ങി​പ്പോ​യാൽ നിങ്ങൾ സമ്മർദം സ്വയം വലിച്ചു​വ​യ്‌ക്കു​ക​യാ​യി​രി​ക്കും.”

നിങ്ങൾക്കു ചെയ്യാ​വുന്ന കാര്യങ്ങൾ

ജീവി​ത​ത്തി​ന്റെ അനുദിന സമ്മർദ​ങ്ങ​ളു​ടെ പിരി​മു​റു​ക്ക​ത്തോ​ടു ചെറു​ത്തു​നിൽക്കാ​വുന്ന മറെറാ​രു വിധം നർമരസം നട്ടുവ​ളർത്തുക എന്നതാണ്‌. (സഭാ​പ്ര​സം​ഗി 3:4) സന്തോ​ഷ​പൂ​രി​ത​മായ ഒരു മനോ​ഭാ​വം ഉണ്ടായി​രി​ക്കു​ന്ന​തി​നു നിങ്ങൾ ഒരു വലിയ തമാശ​ക്കാ​രൻ ആയിരി​ക്കേ​ണ്ട​തില്ല. “സന്തുഷ്ട​ഹൃ​ദയം നല്ലോരു ഔഷധ​മാ​കു​ന്നു; തകർന്ന മനസ്സോ അസ്ഥികളെ ഉണക്കുന്നു.”—സദൃശ​വാ​ക്യ​ങ്ങൾ 17:22.

കാര്യങ്ങൾ ചെയ്‌തു​തീർക്കാ​തെ നാളെ, നാളെ എന്നു നീട്ടി​വെ​ക്കുന്ന രീതി നിങ്ങൾക്കു​ണ്ടോ? കാല​ക്ര​മ​ത്തിൽ, ഈ നീട്ടി​വെപ്പ്‌ സമ്മർദത്തെ കുറയ്‌ക്കു​ന്ന​തി​നു പകരം കൂട്ടു​കയേ ഉള്ളൂ. ബൈബിൾ ഇപ്രകാ​രം ഉപദേ​ശി​ക്കു​ന്നു: “നിന്റെ ജോലി​യിൽ ഉഴപ്പരുത്‌.” (റോമർ 12:11, NW) നിങ്ങൾ ചെയ്യേണ്ട കാര്യ​ങ്ങ​ളു​ടെ ഒരു പട്ടിക എഴുതി തയ്യാറാ​ക്കു​ക​യോ മനസ്സിൽ കുറി​ച്ചി​ടു​ക​യോ ചെയ്യുക. (സദൃശ​വാ​ക്യ​ങ്ങൾ 21:5) അതിനു​ശേഷം ആദ്യമേ ചെയ്യേണ്ട കാര്യങ്ങൾ ഏവയെന്നു തിട്ട​പ്പെ​ടു​ത്തുക—എന്നിട്ട്‌ അവ ചെയ്‌തു​തു​ട​ങ്ങുക.

എന്നാൽ, നിങ്ങളു​ടെ അത്യുത്തമ ശ്രമങ്ങൾ ഉണ്ടായി​രു​ന്നി​ട്ടു​പോ​ലും പിരി​മു​റു​ക്ക​മോ സമ്മർദ​മോ അനുഭ​വ​പ്പെ​ടു​ന്നെ​ങ്കി​ലെന്ത്‌? ചിന്താ​ഗ​തി​ക്കു മാററം വരുത്താൻ നിങ്ങൾ നല്ലൊരു ശ്രമം നടത്തേ​ണ്ട​തു​ണ്ടാ​യി​രി​ക്കാം. കഴിഞ്ഞ​കാല തെററു​ക​ളിൽ മനസ്സു വ്യാപൃ​ത​മാ​കു​വാൻ അനുവ​ദി​ക്ക​രുത്‌. അത്‌ ഇപ്പോ​ഴുള്ള സമ്മർദത്തെ വർധി​പ്പി​ക്കു​കയേ ഉള്ളൂ. 19-ാം നൂററാ​ണ്ടി​ലെ ഒരു തത്ത്വചി​ന്തകൻ ഇപ്രകാ​രം എഴുതി: “നാം ഭൂതകാ​ല​ത്തേക്കു പിന്തി​രി​ഞ്ഞു നോക്കി​യാ​ലേ ജീവി​തത്തെ മനസ്സി​ലാ​ക്കാൻ കഴിയൂ; എന്നാൽ ജീവി​ക്കേ​ണ്ടത്‌ ഭാവിയെ മനസ്സിൽ കരുതി​ക്കൊ​ണ്ടാ​യി​രി​ക്കണം.” തെററു​ക​ളിൽനി​ന്നു നമുക്കു പഠിക്കാൻ കഴിയും, എങ്കിലും നമ്മുടെ ഇപ്പോ​ഴത്തെ പ്രവർത്ത​ന​ങ്ങ​ളാ​ണു ഭാവിയെ രൂപ​പ്പെ​ടു​ത്തു​ന്നത്‌.

“എനിക്കു മനഃപീ​ഡകൾ വർദ്ധി​ച്ചി​രി​ക്കു​ന്നു; എന്റെ സങ്കടങ്ങ​ളിൽനി​ന്നു എന്നെ വിടു​വി​ക്കേ​ണമേ” എന്നു യഹോ​വ​യോ​ടു പ്രാർഥി​ച്ച​പ്പോൾ സമ്മർദം അകററാ​നുള്ള അത്യുത്തമ മാർഗ​ത്തി​ലേക്കു ദാവീദ്‌ രാജാവു വിരൽ ചൂണ്ടു​ക​യാ​യി​രു​ന്നു. (സങ്കീർത്തനം 25:17) അതേ, തന്റെ ഉത്‌ക​ണ്‌ഠകൾ ലഘൂക​രി​ച്ചു​കി​ട്ടാൻ ദാവീദ്‌ ദൈവ​ത്തി​ങ്ക​ലേക്കു നോക്കി. ദൈവ​വ​ചനം വായി​ക്കാ​നും അതി​നെ​ക്കു​റി​ച്ചു ധ്യാനി​ക്കാ​നും സമയ​മെ​ടു​ക്കു​ന്നെ​ങ്കിൽ, നിങ്ങൾക്കും അതു​പോ​ലെ​തന്നെ ദൈവ​ത്തോ​ടു കൂടുതൽ അടുത്താ​യി​രി​ക്കു​ന്ന​താ​യി തോന്നും. ദൈവ​ത്തി​ന്റെ ഉദ്ദേശ്യ​ങ്ങളെ നിങ്ങൾ വിലമ​തി​ക്കാൻ ഇടയാ​യി​ത്തീ​രു​മ്പോൾ, നിങ്ങളു​ടെ ജീവി​ത​ത്തിൽ അവന്റെ താത്‌പ​ര്യ​ങ്ങളെ ഒന്നാമതു വെക്കാൻ നിങ്ങൾ പ്രേരി​ത​രാ​കും. അത്‌ അനാവ​ശ്യ​മായ അനേകം ഉത്‌ക​ണ്‌ഠ​ക​ളിൽനി​ന്നു നിങ്ങൾക്ക്‌ ആശ്വാസം കൈവ​രു​ത്തു​ക​യും ചെയ്യും. (മത്തായി 6:31, 33) ഒരു സമയത്ത്‌ ഒരു ദിവസ​ത്തെ​ക്കു​റി​ച്ചു മാത്രം ചിന്തി​ക്കാൻ പഠിക്കുക. നാളത്തെ ഉത്‌ക​ണ്‌ഠ​കളെ ഇന്നത്തേ​തി​നോട്‌ എന്തിനു കൂട്ടണം? യേശു ഇങ്ങനെ പറഞ്ഞു: “നാളെ​ക്കാ​യി വിചാ​ര​പ്പെ​ട​രു​തു; നാളത്തെ ദിവസം തനിക്കാ​യി വിചാ​ര​പ്പെ​ടു​മ​ല്ലോ; അതതു ദിവസ​ത്തി​ന്നു അന്നന്നത്തെ ദോഷം മതി.”—മത്തായി 6:34.

[15-ാം പേജിലെ ആകർഷ​ക​വാ​ക്യം]

“ഒരാൾക്കു കഴിവു​ണ്ടാ​യി​രി​ക്കാം, എന്നാൽ സാഹച​ര്യ​ങ്ങൾ, ഒരുപക്ഷേ പക്ഷപാതം പോലും, ജോലി​ക്ക​യ​റ​റത്തെ തടഞ്ഞേ​ക്കാം”

[14-ാം പേജിലെ ചിത്ര​ത്തിന്‌ കടപ്പാട്‌]

The Metropolitan Museum of Art, Funds given by the Josephine Bay Paul and C. Michael Paul Foundation, Inc., and the Charles Ulrick and Josephine Bay Foundation, Inc., and the Fletcher Fund, 1967.