ബൈബിൾ അപ്രസക്തമോ?
അനേകം ആളുകളുടെയും ഉത്തരം അതെ എന്നാണ്. അവർ പറയുന്നത് “അത് അശാസ്ത്രീയമാണ്, ഐതിഹ്യമാണ്, കെട്ടുകഥയാണ്, പഴമ്പുരാണമാണ്, അപ്രായോഗികമാണ്. അതിൽ വിശ്വസിക്കുന്നവർ ഒരു സ്വപ്നലോകത്തിലാണ് ജീവിക്കുന്നത് എന്ന്.”
എന്നിരുന്നാലും, വസ്തുതകൾ എന്താണ്?
● ദൈവമാണ് ജീവന്റെ ഉത്പാദകൻ എന്ന് ബൈബിൾ പറയുന്നു. എന്നാൽ ജീവൻ ഉത്പാദിതമായത് രാസവസ്തുക്കളുടെയും ഊർജത്തിന്റെയും ഒരു യാദൃച്ഛിക സംയോജനത്തിലൂടെയാണെന്ന് ശാസ്ത്രം പറയുന്നു. ദ വേൾഡ് ബുക്ക് എൻസൈക്ലോപീഡിയ ഇപ്രകാരം പറയുന്നു: “ജീവൻ യാദൃച്ഛികമായി ഉത്ഭൂതമാകുക സാധ്യമല്ലെന്ന് ലൂയി പാസ്ററർ പ്രകടമാക്കി.” പരിണാമം: പ്രതിസന്ധിയിലകപ്പെട്ടിരിക്കുന്ന ഒരു സിദ്ധാന്തം [ഇംഗ്ലീഷ്] എന്ന പുസ്തകം പറയുന്നു: “നമുക്ക് ഗ്രഹിക്കാവുന്നതുപോലെ ഒരു ജീവകോശത്തിനും ഏററവും സുസ്ഥാപിതമായ അജീവ വ്യവസ്ഥയ്ക്കും മധ്യേ . . . അതിബൃഹത്തായ ഒരു വിടവ് സ്ഥിതിചെയ്യുന്നു.” യാദൃച്ഛികമായി ജീവൻ ഉത്ഭൂതമാകാൻ പററിയ ന്യായമായ ഏതെങ്കിലും ഒരു ശാസ്ത്രീയ മാർഗം നിർദേശിക്കാൻ ഒരു പരിണാമവാദിക്കും കഴിയുകയില്ല.
● പ്രാരംഭ കോശം ഭൂമിയിലെ ജീവനുള്ള എല്ലാ സൃഷ്ടികളുമായി പരിണമിച്ചിരിക്കുകയാണ് എന്ന് പരിണാമ സിദ്ധാന്തം പറയുന്നു. ഒരു കുടുംബത്തിലെ ജീവികൾ മറെറാരു കുടുംബമായി മാറുന്ന ഒരു ക്രമീകരണം തീർച്ചയായും സ്ഥിതിചെയ്യുന്നില്ലെന്ന് ഫോസിൽ രേഖ പ്രകടമാക്കുന്നു. ദ നെക്ക് ഓഫ് ദ ജിറാഫ് എന്ന തന്റെ പുസ്തകത്തിൽ ശാസ്ത്രജ്ഞനായ ഫ്രാൻസിസ് ഹിച്ചിങ്ങ് ഇപ്രകാരം എഴുതുന്നു: “ജന്തുക്കളുടെ മുഖ്യ വിഭാഗങ്ങൾ തമ്മിൽ നാം ഒരു ബന്ധവും കാണുന്നില്ല.” ഇത് ബൈബിളിലെ വാക്കുകളോട് ഒക്കുന്നു. ഓരോ കുടുംബവും “അതതു തരം” വർഗത്തെ ഉത്പാദിപ്പിക്കുന്നു എന്ന് അത് പറയുന്നു.—ഉല്പത്തി 1:12, 25.
● ബൈബിളിന്റെ ചരിത്രപരമായ പല വിവരണങ്ങളും സത്യമാണെന്ന് പുരാവസ്തുശാസ്ത്രം തെളിയിക്കുന്നു.
● സാങ്കല്പികമായ പല മാർഗങ്ങളാലും ഭൂമി ബാഹ്യാകാശത്തിൽ താങ്ങി നിർത്തപ്പെട്ടിരിക്കുന്നു എന്നാണ് പുരാതനർ വിചാരിച്ചിരുന്നത്. ഗതി നിയമങ്ങളും ഗുരുത്വാകർഷണവും മുഖേന ഭൂമി ബാഹ്യാകാശത്തിൽ പ്ലവനം ചെയ്യുന്നു എന്ന് ഐസക്ക് ന്യൂട്ടൺ ആണ് തെളിയിച്ചത്. എന്നാൽ, “ഭൂമിയെ” ദൈവം “നാസ്തിത്വത്തിൻമേൽ തൂക്കി”യിരിക്കുകയാണെന്ന് ഇയ്യോബ് 26:7-ൽ രേഖപ്പെടുത്തിക്കൊണ്ട് ബൈബിൾ ഇത് ഏതാണ്ട് 3,200 വർഷം മുമ്പേ സൂചിപ്പിക്കുകയുണ്ടായി.
● ദി എൻസൈക്ലോപീഡിയ അമേരിക്കാനാ പറയുന്നതനുസരിച്ച് “ഭൂമിക്ക് ഗോളാകൃതിയാണെന്നുള്ള ആശയം നാനകാലം വരെ വ്യാപകമായി അംഗീകരിക്കപ്പെട്ടിരുന്നില്ല” എന്നാൽ പൊ.യു.മു. (പൊതുയുഗത്തിനുമുമ്പ്) എട്ടാം നൂററാണ്ടിൽ ബൈബിൾ ദൈവത്തെക്കുറിച്ച് ഇപ്രകാരം പറഞ്ഞു: “അവൻ ഭൂവൃത്തത്തിൻ മീതെ ഇരിക്കുന്നു.”—യെശയ്യാവ് 40:22, മോഫററ്.
● രോഗത്തിനു കാരണം അണുക്കളാണെന്ന് ലൂയി പാസ്ററർ കണ്ടുപിടിക്കുന്നതിന് ആയിരക്കണക്കിന് വർഷങ്ങൾക്കു മുമ്പുതന്നെ മോശൈക ന്യായപ്രമാണം (പൊ.യു.മു. 16-ാം നൂററാണ്ടിൽ) സാംക്രമിക രോഗാണുക്കളെക്കുറിച്ചുള്ള അറിവ് പ്രകടമാക്കിയിരുന്നു.—ലേവ്യപുസ്തകം, 13-ഉം 14-ഉം അധ്യായങ്ങൾ.
● ക്രിസ്തുവിന് ആയിരം വർഷം മുമ്പ് ശലോമോൻ രക്തചംക്രമണത്തെപ്പററി ആലങ്കാരികമായ ഭാഷയിൽ എഴുതി. എന്നാൽ പൊ.യു. (പൊതുയുഗം) 17-ാം നൂററാണ്ടിൽ വില്യം ഹാർവെ അത് വിശദമാക്കുന്നതുവരെ വൈദ്യശാസ്ത്രത്തിന് കാത്തിരിക്കേണ്ടിയിരുന്നു.—സഭാപ്രസംഗി 12:6.
● മഞ്ഞുകാലത്തുടനീളം തിന്നുന്നതിനായി ഭൂമിക്കടിയിലെ ധാന്യപ്പുരകളിൽ ധാന്യങ്ങൾ ശേഖരിക്കുന്ന ഉറുമ്പുകളെക്കുറിച്ച് ശലോമോൻ എഴുതി. (സദൃശവാക്യങ്ങൾ 6:6-8) അത്തരം ഉറുമ്പുകളൊന്നുമില്ല എന്ന് ബൈബിൾ വിമർശകർ പറഞ്ഞു. എന്നാൽ, 1871-ൽ ഒരു ബ്രിട്ടീഷ് പ്രകൃതിശാസ്ത്രജ്ഞൻ ഉറമ്പുകളെ മാത്രമല്ല അവയുടെ ധാന്യപ്പുരകളെയും കണ്ടെത്തി.
● സങ്കീർത്തനം 139:16 ജനിതക രൂപഘടനയെക്കുറിച്ചുള്ള അറിവ് പ്രതിഫലിപ്പിച്ചു. അത് ഇപ്രകാരം പറയുന്നു: “ഞാൻ പിണ്ഡാകാരമായിരുന്നപ്പോൾ നിന്റെ കണ്ണു എന്നെ കണ്ടു; . . . അവയെല്ലാം നിന്റെ പുസ്തകത്തിൽ എഴുതിയിരുന്നു.”
● പക്ഷികളുടെ ദേശാടനത്തെക്കുറിച്ച് ശാസ്ത്രജ്ഞൻമാർ മനസ്സിലാക്കുന്നതിനു മുമ്പ് പൊ.യു.മു. ഏഴാം നൂററാണ്ടിൽ ബൈബിൾ യിരെമ്യാവു 8:7-ൽ ഇപ്രകാരം വെളിപ്പെടുത്തി: “ആകാശത്തിലെ കൊക്കിന് ദേശാടനം നടത്താനുള്ള സമയം അറിയാം, മാടപ്രാവിനും മീവൽപക്ഷിക്കും മരംകൊത്തിക്കും മടങ്ങിവരവിന്നുള്ള കാലം അറിയാം.”—ദ ന്യൂ ഇംഗ്ലീഷ് ബൈബിൾ.
● “അവസാന കാലത്ത്” മനുഷ്യർ ഭൂമിയുടെ പരിസ്ഥിതിയെ നശിപ്പിക്കും എന്ന് പൊ.യു. ഒന്നാം നൂററാണ്ടിൽ ബൈബിൾ മുൻകൂട്ടി പറഞ്ഞു. ഇതുമൂലം “ഭൂമിയെ നശിപ്പിക്കുന്നവരെ” ദൈവം “നശിപ്പി”ക്കും.—2 തിമോത്തി 3:1, NW; വെളിപ്പാടു 11:18.
● ബൈബിൾ അപ്രായോഗികമാണോ? ആപത്കരമായ ഈ നാളിലേക്കുള്ള ഏററവും വലിയ പ്രായോഗിക ജ്ഞാനം അതിലുണ്ട്. എന്നാൽ പ്രയോജനം അനുഭവിക്കണമെങ്കിൽ ആളുകൾ അതു പിന്തുടരുന്നതിന് തങ്ങളുടെ സ്വതന്ത്ര ഇച്ഛാശക്തി ഉപയോഗിക്കണമെന്നു മാത്രം. ‘നിങ്ങളുടെ വാളുകളെ കൊഴുക്കളായും കുന്തങ്ങളെ കോതുകത്രികകളായും അടിച്ചുപണിയുക.’ ‘മററുള്ളവർ നിങ്ങളോട് എങ്ങനെ പെരുമാറണം എന്ന് നിങ്ങൾ ആഗ്രഹിക്കുന്നുവോ അങ്ങനെതന്നേ നിങ്ങളും അവരോടു പെരുമാറുക.’ നിന്നെപ്പോലെ തന്നെ നിന്റെ അയൽക്കാരനെയും സ്നേഹിക്കുക. ഈ ആജ്ഞകൾ അനുസരിക്കുന്നവർ ഒരു യുദ്ധത്തിലും ഏർപ്പെടില്ല, ഒരു കുററകൃത്യവും ചെയ്യുകയുമില്ല. ക്രിസ്തുയേശുവിന്റെ കരങ്ങളിലെ ദൈവരാജ്യ ഭരണത്തോട് ഭൂമിയിലെ ജനങ്ങൾ അനുസരണമുള്ളവരായിരിക്കുമ്പോൾ ബൈബിൾ വിശ്വാസികളുടെ പ്രത്യാശ ഒരു അസാധ്യമായ സ്വപ്നമല്ല, പിന്നെയോ ഒരു പ്രായോഗിക യാഥാർഥ്യമാണെന്നു തെളിയും.—മീഖാ 4:2-4; മത്തായി 7:12; വെളിപ്പാടു 21:3-5.
[21-ാം പേജിലെ ചിത്രത്തിന് കടപ്പാട്]
Courtesy of the Shrine of the Book, Israel Museum, Jerusalem