യുവജ​നങ്ങൾ ചോദി​ക്കു​ന്നു. . .

ഞാൻ ഒരു അവിശ്വാ​സി​യു​മാ​യി പ്രേമ​ത്തി​ലാ​കു​ന്നെ​ങ്കി​ലെന്ത്‌?

“എനിക്ക്‌ ഒരു പ്രശ്‌ന​മുണ്ട്‌,” ഒരു ക്രിസ്‌തീയ പെൺകു​ട്ടി സമ്മതിച്ചു പറഞ്ഞു. “എനിക്ക്‌ എന്റെ അയൽക്കാ​ര​നിൽ മതി​മോ​ഹ​മുണ്ട്‌. അദ്ദേഹം ദയയും മര്യാ​ദ​യും പരിഗ​ണ​ന​യും ഉള്ളയാ​ളാണ്‌, എന്നാൽ അദ്ദേഹം യഹോ​വയെ സ്‌നേ​ഹി​ക്കുന്ന ഒരാളല്ല. അദ്ദേഹത്തെ പ്രേമി​ക്കു​ന്നത്‌ തെററാ​ണെന്ന്‌ എനിക്ക​റി​യാം, പക്ഷേ അദ്ദേഹ​ത്തോ​ടുള്ള എന്റെ വികാ​രങ്ങൾ, അവ എങ്ങനെ കൈകാ​ര്യം ചെയ്യണ​മെന്ന്‌ എനിക്ക്‌ ഒരു എത്തും​പി​ടി​യും കിട്ടു​ന്നില്ല.”

സമാനമായ ഒരു സാഹച​ര്യ​ത്തിൽ തന്നെത്തന്നെ കണ്ടെത്തി​യ​പ്പോൾ മാർക്കിന്‌ 14 വയസ്സാ​യി​രു​ന്നു.a തന്റെ മതവി​ശ്വാ​സങ്ങൾ പങ്കുവ​യ്‌ക്കാഞ്ഞ ഒരു പെൺകു​ട്ടി​യിൽ അവന്‌ ഭ്രമം തോന്നി. “വിവാഹം കഴിച്ച്‌ ഒന്നിച്ചു താമസി​ക്കു​ന്ന​തി​നെ​ക്കു​റിച്ച്‌ ഞാൻ പലപ്പോ​ഴും ദിവാ​സ്വ​പ്‌നം കാണു​മാ​യി​രു​ന്നു. എന്നാൽ അത്‌ തെററാ​ണെന്ന്‌ എനിക്ക്‌ അറിയാ​മാ​യി​രു​ന്നു,” അവൻ പറയുന്നു.

അനുരാ​ഗാ​വേ​ശങ്ങൾ ശക്തി​പ്രാ​പി​ക്കുന്ന കൗമാര വർഷങ്ങ​ളിൽ മതി​മോ​ഹ​ങ്ങ​ളും ഭ്രമങ്ങ​ളും ഒക്കെ സാധാ​ര​ണ​മാണ്‌. (താരത​മ്യം ചെയ്യുക: 1 കൊരി​ന്ത്യർ 7:36.) അത്തരം വികാ​ര​ങ്ങൾക്ക്‌ സുരക്ഷി​ത​മായ പോക്കു​വഴി കാണാ​ത്ത​പ്പോൾ അധ്യാ​പകർ, വിനോ​ദകർ എന്നിങ്ങനെ തങ്ങൾക്ക്‌ ഇഷ്ടപ്പെ​ട്ട​വ​രിൽ ഭ്രമം വളർത്തി​യെ​ടു​ക്കാൻ യുവാക്കൾ ചായ്‌വു​കാ​ണി​ക്കു​ന്നു. അത്തരം മുതിർന്ന​വ​രു​മാ​യി വ്യക്തി​പ​ര​മായ ബന്ധം പുലർത്തുക പലപ്പോ​ഴും സാധ്യ​മ​ല്ലാ​ത്ത​തി​നാൽ ഈ മതി​മോ​ഹങ്ങൾ കുറേ​ക്കാ​ലം കഴിഞ്ഞ്‌ കെട്ടട​ങ്ങു​ന്നു, താരത​മ്യേന അവ ഉപദ്ര​വ​ര​ഹി​ത​വു​മാണ്‌.b എന്നാൽ നിങ്ങളു​മാ​യി ബന്ധം പുലർത്താൻ ആഗ്രഹി​ക്കു​ന്ന​വ​നും അതിനു പ്രാപ്‌ത​നു​മായ ഒരു സമപ്രാ​യ​ക്കാ​ര​നോട്‌ നിങ്ങൾക്ക്‌ ശക്തമായ വികാ​രങ്ങൾ തോന്നു​ന്നു, എന്നാൽ അയാൾ നിങ്ങളു​ടെ മതവി​ശ്വാ​സങ്ങൾ പങ്കുവ​യ്‌ക്കു​ന്നില്ല, അങ്ങനെ​യെ​ങ്കിൽ എന്ത്‌?

ചിലർ ഇത്‌ ഒരു പ്രശ്‌ന​മാ​യി കാണു​ന്നില്ല. മിക്ക യുവാ​ക്കൾക്കും മതത്തിൽ താത്‌പ​ര്യ​മില്ല എന്നതാണ്‌ ഒരു സംഗതി. ഇനി താത്‌പ​ര്യ​മു​ള്ള​വ​രു​ടെ ഇടയിൽ തന്നെ, വ്യത്യ​സ്‌ത​മായ ഒരു മതവി​ശ്വാ​സ​ത്തിൽ പെട്ട ആളുമാ​യി ഡെയ്‌റ​റി​ങ്ങിൽ ഏർപ്പെ​ടു​ന്നത്‌ എല്ലായ്‌പോ​ഴും അത്ര നെററി ചുളി​യ്‌ക്കത്തക്ക കാര്യ​മൊ​ന്നു​മല്ല. വിട്ടു​വീ​ഴ്‌ചാ മനോ​ഭാ​വ​മുള്ള ആളുകൾ അതിന്‌ സമ്മതം മൂളുക പോലും ചെയ്‌തേ​ക്കാം. എങ്കിലും മിക്ക മുതിർന്ന​വ​രും അത്തരം ബന്ധങ്ങളിൽ ഉണ്ടാകാ​വുന്ന പ്രശ്‌നങ്ങൾ മുൻകൂ​ട്ടി കാണുന്നു, പ്രത്യേ​കിച്ച്‌ അത്തരം ബന്ധങ്ങൾ പലപ്പോ​ഴും വിവാ​ഹ​ത്തിൽ കലാശി​ക്കു​ന്ന​തു​കൊണ്ട്‌. എഴുത്തു​കാ​രി​യായ ആൻഡ്രി​യാ ഈഗൻ യുവജ​ന​ങ്ങളെ ഇപ്രകാ​രം ബുദ്ധ്യു​പ​ദേ​ശി​ക്കു​ന്നു: “നിങ്ങൾ രണ്ടു​പേർക്കും മതപര​മായ കാര്യ​ങ്ങ​ളിൽ താത്‌പ​ര്യ​മി​ല്ലെ​ങ്കിൽ ഒരേ മതപശ്ചാ​ത്തലം ഉണ്ടായി​രി​ക്ക​ണ​മെ​ന്നത്‌ പ്രധാ​നമല്ല. എന്നാൽ നിങ്ങളിൽ ആർക്കെ​ങ്കി​ലും ഒരാൾക്ക്‌ അല്ലെങ്കിൽ രണ്ടു പേർക്കും മതവി​ശ്വാ​സം പ്രധാ​ന​മാ​ണെ​ങ്കിൽ മതപര​മായ വ്യത്യാ​സങ്ങൾ കണക്കി​ലെ​ടു​ക്കേ​ണ്ട​തുണ്ട്‌. . . . മതത്തിന്റെ സംഗതി വരു​മ്പോൾ നിങ്ങൾ ഒന്ന്‌ ആയിരി​ക്കേ​ണ്ട​തില്ല . . . , എന്നാൽ നിങ്ങൾ അന്യോ​ന്യം പൊരു​ത്ത​പ്പെ​ട്ടു​പോ​കേ​ണ്ടി​യി​രി​ക്കു​ന്നു.”

അത്തരം ബുദ്ധ്യു​പ​ദേശം യുക്തി​സ​ഹ​മാ​യി തോന്നി​യേ​ക്കാം. എന്നാൽ യഥാർഥ​ത്തിൽ അത്‌ “ഈ ലോക​ത്തി​ന്റെ ജ്ഞാന”ത്തെയാണ്‌ പ്രതി​ഫ​ലി​പ്പി​ക്കു​ന്നത്‌. (1 കൊരി​ന്ത്യർ 3:19) ഒരു വിശ്വാ​സി​യും അവിശ്വാ​സി​യും തമ്മിലുള്ള പ്രേമ​ബന്ധം വൈവാ​ഹിക പൊരു​ത്ത​ത്തെ​ക്കാൾ വളരെ പ്രധാ​ന​മായ പ്രശ്‌നങ്ങൾ ഉയർത്തി​വി​ടു​ന്നു എന്ന്‌ ബൈബിൾ കാണി​ക്കു​ന്നു. ഇത്‌ ദൈവ​വ​ച​ന​ത്തോ​ടുള്ള അനുസ​ര​ണ​ത്തി​ന്റെ പ്രശ്‌ന​മാ​ണെന്ന്‌ യഹോ​വ​യു​ടെ സാക്ഷി​ക​ളു​ടെ ഇടയിലെ യുവാ​ക്കൾക്ക്‌ അറിയാം. “കർത്താ​വിൽ വിശ്വ​സി​ക്കു​ന്ന​വ​നു​മാ​യി മാത്രമേ” വിവാഹം കഴിക്കാ​വൂ എന്ന്‌ ദൈവ​വ​ചനം ക്രിസ്‌ത്യാ​നി​കളെ ഉദ്‌ബോ​ധി​പ്പി​ക്കു​ന്നു. (1 കൊരി​ന്ത്യർ 7:39) ഡെയ്‌റ​റിങ്‌ ഒരു വിനോ​ദം ആയിരി​ക്കു​ന്ന​തി​ലു​പരി വിവാ​ഹ​ത്തി​ന്റെ ഒരു മുന്നോ​ടി ആയിരി​ക്കു​ന്ന​തി​നാൽ ജീവിതം യഹോ​വ​യ്‌ക്ക്‌ സമർപ്പി​ച്ചി​ട്ടി​ല്ലാത്ത ഒരാളു​മാ​യി അവന്റെ ഒരു ദാസനോ ദാസി​യോ പ്രേമ​ബ​ന്ധ​ത്തി​ലേർപ്പെ​ടു​ന്നത്‌ യഹോ​വയെ അപ്രീ​തി​പ്പെ​ടു​ത്തും.

എങ്കിലും, അവിശ്വാ​സി​ക​ളി​ലേക്ക്‌ ആകർഷി​ക്ക​പ്പെ​ടു​ന്ന​താ​യി ചില യുവ സാക്ഷികൾ തങ്ങളെ​ത്തന്നെ കണ്ടെത്തി​യി​രി​ക്കു​ന്നു. എങ്ങനെ​യാണ്‌ അത്‌ സംഭവി​ക്കു​ന്നത്‌? അങ്ങനെ​യൊ​രു സാഹച​ര്യ​ത്തിൽ അകപ്പെ​ട്ടി​രി​ക്കു​ന്നെ​ങ്കിൽ നിങ്ങൾ എന്തു ചെയ്യണം?

അത്‌ സംഭവി​ക്കുന്ന വിധം

ഒന്നാമ​താ​യി, എല്ലാവ​രും തെററു ചെയ്യാൻ ചായ്‌വു​ള്ള​വ​രാ​ണെന്ന്‌ മനസ്സി​ലാ​ക്കുക. “തന്റെ തെററു​കളെ ഗ്രഹി​ക്കു​ന്നവൻ ആർ?” സങ്കീർത്ത​ന​ക്കാ​രൻ ചോദി​ച്ചു. (സങ്കീർത്തനം 19:12) പ്രേമ​വി​ഷ​യ​ത്തിൽ തെററു​കൾ സംഭവി​ക്കാൻ യുവജ​ന​ങ്ങൾക്കു പ്രത്യേ​കി​ച്ചു സാധ്യ​ത​യുണ്ട്‌. എന്തു​കൊണ്ട്‌? അനുഭവ പരിച​യ​ത്തോ​ടും പ്രായ​ത്തോ​ടും ഒപ്പം വരുന്ന സൂക്ഷ്‌മ​വി​വേചന അവർക്കി​ല്ലെ​ന്നു​ള്ള​താണ്‌ ഒരു ലളിത​മായ കാരണം. (സദൃശ​വാ​ക്യ​ങ്ങൾ 1:4) എതിർലിം​ഗ​ത്തിൽ പെട്ട ആളുക​ളു​മാ​യി ഇടപെട്ട്‌ വലിയ പരിച​യ​മി​ല്ലാ​ത്ത​തു​കൊണ്ട്‌ പ്രേമാ​കർഷ​ണത്തെ അല്ലെങ്കിൽ അഭിനി​വേ​ശത്തെ എങ്ങനെ കൈകാ​ര്യം ചെയ്യണ​മെന്ന്‌ അവർക്ക്‌ കേവലം അറിയില്ല.

തന്റെ സഹപാ​ഠി​ക​ളി​ലൊ​രാൾക്ക്‌ തന്നിൽ മതി​മോ​ഹ​മാ​ണെന്നു തിരി​ച്ച​റി​ഞ്ഞ​പ്പോൾ ഷീലയ്‌ക്കു സംഭവി​ച്ചത്‌ ഇതാണ്‌. “അയാൾക്ക്‌ എന്നെ ഇഷ്ടമാ​യി​രു​ന്നു എന്നു തന്നെ പറയാം. ഉച്ചയ്‌ക്ക്‌ അദ്ദേഹം എന്റെ അടുത്തു​വ​ന്നി​രുന്ന്‌ ആഹാരം കഴിക്കു​മാ​യി​രു​ന്നു. സ്വന്തമാ​യി പഠിക്കാൻ അനുവ​ദി​ക്കുന്ന സമയങ്ങ​ളിൽ ഞാൻ ലൈ​ബ്ര​റി​യിൽ ഇരിക്കു​മ്പോൾ അവി​ടെ​യും ഉണ്ട്‌ എന്നെ​ത്തേടി അയാൾ,” ഷീല പറഞ്ഞു. ആ കുട്ടി​യോ​ടുള്ള ഷീലയു​ടെ വികാ​രങ്ങൾ വളരാൻ തുടങ്ങി. നേരത്തെ പരാമർശിച്ച മാർക്കും സമാന​മാ​യി ഇപ്രകാ​രം സ്‌മരി​ക്കു​ന്നു: “ഞാൻ ഈ പെൺകു​ട്ടി​യെ കായിക ക്ലാസ്സിൽവെച്ച്‌ എപ്പോ​ഴും കാണു​മാ​യി​രു​ന്നു. അവൾ എന്റെ അടുത്തു​വന്ന്‌ എന്നോടു സംസാ​രി​ക്കാൻ വേണ്ടി പ്രത്യേക ശ്രമം നടത്തു​മാ​യി​രു​ന്നു. ഒരു സൗഹൃദം വളരാൻ അധികം ബുദ്ധി​മു​ട്ടു​ണ്ടാ​യി​രു​ന്നില്ല.” 14 വയസ്സു​കാ​രി പാമിന്റെ കാര്യ​ത്തി​ലാ​ണെ​ങ്കിൽ അയലത്തെ ഒരു പയ്യൻ അവളോ​ടുള്ള തന്റെ പ്രേമ​ത്തി​ന്റെ പ്രകട​ന​മാ​യി ഒരു മോതി​രം കൊടു​ക്കുക പോലും ചെയ്‌തു.

യഹോ​വ​യു​ടെ സാക്ഷികൾ മററു​ള്ള​വ​രു​ടെ നീക്കങ്ങൾക്ക്‌ നിഷ്‌ക​ള​ങ്ക​രായ ഇരകളാ​യി​ത്തീ​രുക എന്നതല്ല എല്ലായ്‌പോ​ഴും സത്യം. ഒരു പെൺകു​ട്ടി​യാ​ണെ​ങ്കിൽ അവൾ ജിം എന്നു പേരുള്ള ഒരു ക്രിസ്‌തീയ പയ്യൻ പ്രകട​മാ​ക്കിയ താത്‌പ​ര്യ​ത്തോ​ടു പ്രതി​ക​രി​ക്കുക മാത്ര​മാണ്‌ ചെയ്‌തത്‌. ഒരിക്കൽ അവനെ തേടി അവൾ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ വന്നപ്പോൾ ചെയ്‌ത​തെ​ല്ലാം അവന്‌ സമ്മതി​ക്കേണ്ടി വന്നു!

സാഹച​ര്യ​മെ​ന്താ​യി​രു​ന്നാ​ലും ഉൾപ്പെ​ട്ടു​പോ​കു​ന്നത്‌ തെററാ​ണെന്ന്‌ നിങ്ങൾക്ക്‌ അറിയാ​മാ​യി​രു​ന്നി​രി​ക്കാം. എന്നാൽ ചില​പ്പോൾ വിപരീത ലിംഗ​വർഗ​ത്തിൽപ്പെ​ട്ട​വ​രിൽ നിന്നുള്ള ആകർഷ​ണത്തെ തടുക്കുക ദുഷ്‌ക​ര​മാണ്‌. ആൻഡ്രൂ​വി​ന്റെ കാര്യം പരിഗ​ണി​ക്കുക. അവൻ ഹൈസ്‌കൂ​ളിൽ ഒന്നാം വർഷം പഠിച്ചു​കൊ​ണ്ടി​രി​ക്കു​മ്പോൾ അവന്റെ മാതാ​പി​താ​ക്കൾ വിവാ​ഹ​മോ​ച​ന​ത്തി​നുള്ള ഏർപ്പാ​ടി​ലാ​യി​രു​ന്നു. “എനിക്ക്‌ സംസാ​രി​ക്കാൻ ആരെങ്കി​ലും വേണമാ​യി​രു​ന്നു,” അവൻ സ്‌മരി​ക്കു​ന്നു. അപ്പോ​ഴാണ്‌ സ്‌കൂ​ളിൽ അവനൊ​രു പെൺകു​ട്ടി​യെ കൂട്ടിനു ലഭിച്ചത്‌. അവനാ​വ​ശ്യ​മുള്ള പ്രോ​ത്സാ​ഹന വാക്കുകൾ എപ്പോ​ഴും അവളുടെ പക്കലു​ണ്ടാ​യി​രു​ന്നു. പിന്നെ പരസ്‌പര പ്രേമ വികാ​രങ്ങൾ വേഗം വികാ​സം​പ്രാ​പി​ക്കു​ക​യാ​യി.

അപകടങ്ങൾ

നിയ​ന്ത്രി​ച്ചി​ല്ലെ​ങ്കിൽ അത്തരം വികാ​രങ്ങൾ നിങ്ങളെ യഥാർഥ കുഴപ്പ​ങ്ങ​ളിൽ അകപ്പെ​ടു​ത്തും. സദൃശ​വാ​ക്യ​ങ്ങൾ 6:27 ഇപ്രകാ​രം പറയുന്നു: “ഒരു മനുഷ്യ​ന്നു തന്റെ വസ്‌ത്രം വെന്തു​പോ​കാ​തെ മടിയിൽ തീ കൊണ്ടു​വ​രാ​മോ?” ഉദാഹ​ര​ണ​ത്തിന്‌, കിം എന്നു പേരായ ഒരു പെൺകു​ട്ടി​യു​ടെ അനുഭവം പരിചി​ന്തി​ക്കുക. ഒരു ക്രിസ്‌ത്യാ​നി​യാ​യാണ്‌ വളർന്നു വന്നതെ​ങ്കി​ലും സ്‌കൂ​ളി​ലെ ഒരു ആൺകു​ട്ടി​യു​മാ​യി വൈകാ​രി​ക​മാ​യി ഉൾപ്പെ​ടാൻ അവൾ തന്നെത്തന്നെ അനുവ​ദി​ച്ചു. “അയാൾ സ്‌കൂ​ളി​ലെ ഏററവും പേരു​കേട്ട, ഉത്സാഹ​ഭ​രി​ത​നായ ആൺകു​ട്ടി​ക​ളിൽ ഒരാളാ​യി​രു​ന്നു,” കിം സ്‌മരി​ക്കു​ന്നു. അധികം താമസി​യാ​തെ അവൾ മയക്കു​മ​രു​ന്നു​കൾ പരസ്യ​മാ​യി ഉപയോ​ഗി​ക്കുന്ന പാർട്ടി​ക​ളിൽ രഹസ്യ​മാ​യി സംബന്ധി​ച്ചു തുടങ്ങി. “എനിക്കു ഭയങ്കര പേടി​തോ​ന്നി, പക്ഷേ ഞാൻ അയാളു​മാ​യി പ്രേമ​ത്തി​ലാ​യി​രു​ന്നു. ഞാൻ ഗർഭി​ണി​യാ​യി​ത്തീർന്നു.” കിം അവളുടെ കാമു​കനെ വിവാഹം കഴിച്ചു. എന്നാൽ സായുധ കൊള്ള​യു​ടെ പേരിൽ അയാൾ ജയിലി​ലാ​ക്ക​പ്പെട്ടു. അങ്ങനെ പിൻവ​രുന്ന ബൈബിൾ മുന്നറി​യിപ്പ്‌ ഒരിക്കൽക്കൂ​ടി ഇതാ സത്യ​മെന്നു തെളി​ഞ്ഞി​രി​ക്കു​ന്നു: “മോശ​മായ സഹവാസം പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.”—1 കൊരി​ന്ത്യർ 15:33, NW.

യഹോ​വ​യു​ടെ സാക്ഷി​ക​ള​ല്ലാത്ത യുവജ​ന​ങ്ങ​ളെ​ല്ലാം അധാർമി​ക​രാ​ണെ​ന്നോ മയക്കു​മ​രുന്ന്‌ ഉപയോ​ഗി​ക്കു​ന്ന​വ​രാ​ണെ​ന്നോ അല്ല ഈ പറഞ്ഞു വരുന്നത്‌. എങ്കിൽപ്പോ​ലും ചുരു​ങ്ങി​യ​പക്ഷം അവർ സാക്ഷി​ക​ളായ യുവാ​ക്ക​ളു​ടെ മൂല്യ​ങ്ങ​ളോ വീക്ഷണ​ഗ​തി​ക​ളോ ലക്ഷ്യങ്ങ​ളോ പങ്കുവ​യ്‌ക്കു​ന്നില്ല. ഒരു അവിശ്വാ​സി “ദൈവാ​ത്മാ​വി​ന്റെ ഉപദേശം കൈ​ക്കൊ​ള്ളു​ന്നില്ല; അതു അവന്നു ഭോഷ​ത്വം ആകുന്നു. ആത്മിക​മാ​യി വിവേ​ചി​ക്കേ​ണ്ട​താ​ക​യാൽ അതു അവന്നു ഗ്രഹി​പ്പാൻ കഴിയു​ന്ന​തു​മല്ല” എന്ന്‌ 1 കൊരി​ന്ത്യർ 2:14 വിശദീ​ക​രി​ക്കു​ന്നു. നിങ്ങളു​ടെ മതമൂ​ല്യ​ങ്ങൾ നിങ്ങളു​ടെ വികാ​ര​ങ്ങളെ എത്രമാ​ത്രം രൂപ​പ്പെ​ടു​ത്തി​യി​ട്ടു​ണ്ടെന്ന്‌ ചിന്തി​ക്കുക. ക്രിസ്‌തീയ മീററിം​ഗു​ക​ളിൽ നിങ്ങൾ അനുഭ​വി​ക്കുന്ന സന്തോ​ഷ​ത്തെ​ക്കു​റി​ച്ചും സ്വീകാ​ര്യ​ക്ഷ​മ​നായ ഒരു വ്യക്തി​യോട്‌ ബൈബിൾ സന്ദേശം പങ്കുവ​യ്‌ക്കു​ന്ന​തി​ലെ രസത്തെ​ക്കു​റി​ച്ചും ബൈബിൾതന്നെ പഠിക്കു​ന്ന​തി​ലെ ആഹ്‌ളാ​ദ​ത്തെ​ക്കു​റി​ച്ചും ചിന്തി​ക്കുക. അത്തരം വികാ​രങ്ങൾ ഒരു അവിശ്വാ​സിക്ക്‌ ഗ്രഹി​ക്കാൻ കഴിയു​മോ? തീരെ സാധ്യ​ത​യില്ല.

പൗലോസ്‌ ക്രിസ്‌ത്യാ​നി​കളെ ഇപ്രകാ​രം പ്രബോ​ധി​പ്പി​ച്ചു: “നിങ്ങൾ അവിശ്വാ​സി​ക​ളോ​ടു ഇണയല്ലാ​പ്പിണ കൂടരു​തു; നീതി​ക്കും അധർമ്മ​ത്തി​ന്നും തമ്മിൽ എന്തോരു ചേർച്ച? വെളി​ച്ച​ത്തി​ന്നു ഇരു​ളോ​ടു എന്തോരു കൂട്ടായ്‌മ? ക്രിസ്‌തു​വി​ന്നും ബെലീ​യാ​ലി​ന്നും തമ്മിൽ എന്തു പൊരു​ത്തം? അല്ല, വിശ്വാ​സി​ക്കു അവിശ്വാ​സി​യു​മാ​യി എന്തു ഓഹരി?” (2 കൊരി​ന്ത്യർ 6:14, 15) ഒരു അവിശ്വാ​സി​യു​മാ​യി വൈകാ​രി​ക​മാ​യി ഉൾപ്പെ​ട്ടു​പോ​യ​പ്പോൾ കൗമാ​ര​പ്രാ​യ​ക്കാ​രി​യായ സോണിയ ഈ പാഠം നേരിട്ടു പഠിക്കു​ക​യു​ണ്ടാ​യി. അവൾ ഇപ്രകാ​രം സമ്മതിച്ചു പറയുന്നു: “നിങ്ങളു​ടെ ഉത്സാഹ​വും യഹോ​വ​യോ​ടുള്ള സ്‌നേ​ഹ​വും പങ്കുവ​യ്‌ക്കാത്ത ഒരു സുഹൃത്ത്‌ ഉണ്ടായി​രി​ക്കു​ന്നത്‌ സങ്കല്‌പി​ക്കാ​വു​ന്ന​തി​ലേ​ക്കും ഏററവും അസഹനീ​യ​മായ ഏകാന്ത​ത​യാണ്‌. അത്‌ വൈകാ​രി​ക​മാ​യി ഞെരു​ക്കു​ന്ന​താണ്‌. സത്യം നമ്മുടെ ജീവി​ത​ത്തി​ന്റെ പ്രേരക ശക്തിയാ​യി​രി​ക്കു​മ്പോൾ നാം അതു പങ്കുവ​യ്‌ക്കാൻ നിർബ​ന്ധി​ത​രാണ്‌—നമുക്കതു പങ്കു​വെച്ചേ മതിയാ​വൂ! ഒരു അവിശ്വാ​സി​യെ വിവാഹം ചെയ്‌തി​രി​ക്കു​മ്പോൾ അത്‌ ഇണയു​മാ​യി പങ്കുവ​യ്‌ക്കാൻ കഴിക​യില്ല. അത്‌ എന്തൊരു ശൂന്യ​താ​ബോ​ധ​മാണ്‌ ഉളവാ​ക്കുക.”

അത്തര​മൊ​രു ബന്ധത്തിൽ മതം ഒരുമ​യു​ടെ ഒരു പശ്ചാത്തലം അല്ല, മറിച്ച്‌ ശണ്‌ഠ​യു​ടെ കേന്ദ്ര​ബി​ന്ദു​വാ​യി​ത്തീ​രാ​നാണ്‌ സാധ്യത. സമാധാ​നം കാത്തു​സൂ​ക്ഷി​ക്കു​ന്ന​തിന്‌ നിങ്ങൾ നിങ്ങളു​ടെ ആത്മീയ താത്‌പ​ര്യ​ങ്ങളെ തരംതാ​ഴ്‌ത്താൻ എളുപ്പം പ്രേരി​ത​രാ​യേ​ക്കാം. എന്നാൽ അങ്ങനെ ചെയ്യു​ന്ന​തി​നാൽ നിങ്ങളു​ടെ ആത്മീയത തകരു​കയേ ഉള്ളൂ. ഒരു ചെറു​പ്പ​ക്കാ​രി ഇപ്രകാ​രം വിശദീ​ക​രി​ക്കു​ന്നു: “യഹോ​വ​യു​ടെ സാക്ഷി​യ​ല്ലാത്ത ഒരു ആൺകു​ട്ടി​യു​മാ​യി ഞാൻ വളരെ അടുപ്പ​ത്തി​ലാ​യി. എന്നാൽ സൗഹൃദം വളർന്നു വന്നപ്പോൾ ഞാൻ അയാളു​മാ​യി പ്രേമ​ത്തി​ലാ​യെന്ന്‌ ഞാൻ തിരി​ച്ച​റി​ഞ്ഞു. അയാളു​മാ​യുള്ള ബന്ധം എനിക്ക്‌ ഏററവും പ്രധാ​ന​പ്പെട്ട സംഗതി​യാ​യി​ത്തീർന്നു. മീററിം​ഗു​കൾക്കു പോകാ​നും എന്റെ ക്രിസ്‌തീയ സഹോ​ദ​ര​ങ്ങ​ളു​മാ​യി സഹകരി​ക്കാ​നും പ്രസം​ഗ​വേ​ല​യിൽ പങ്കെടു​ക്കാ​നും എനിക്കു മേലാൽ തോന്നാ​തെ​യാ​യി. അദ്ദേഹ​ത്തോ​ടൊ​പ്പം ആയിരി​ക്കുക, അതുമാ​ത്ര​മാ​യി​രു​ന്നു എനിക്ക്‌ ആകെ വേണ്ടി​യി​രു​ന്നത്‌. അടുത്ത രണ്ടു വർഷ​ത്തേക്ക്‌ ഞാൻ ഒരു നിഷ്‌ക്രി​യ​യായ സാക്ഷി​യാ​യി​ത്തീർന്നു. ഇതെല്ലാ​മാ​യി​ട്ടും, എന്റെ ‘സുഹൃത്ത്‌’ അദ്ദേഹ​ത്തോ​ടുള്ള എന്റെ സ്‌നേ​ഹ​ത്തോട്‌ ഒരിക്ക​ലും പ്രതി​ക​രി​ച്ചില്ല. സാവധാ​നം എന്നെങ്കി​ലും ഒരിക്കൽ അദ്ദേഹം പ്രതി​ക​രി​ക്കു​മാ​യി​രി​ക്കും എന്ന്‌ ഞാൻ ചിന്തി​ച്ചു​കൊ​ണ്ടേ​യി​രു​ന്നു. എന്നാൽ അത്‌ ഒരിക്ക​ലും സംഭവി​ച്ചില്ല.”

അതേ, മതപര​വും ധാർമി​ക​വു​മായ നിങ്ങളു​ടെ മൂല്യങ്ങൾ പങ്കുവ​യ്‌ക്കാത്ത ആരെങ്കി​ലു​മൊ​രാ​ളു​മാ​യി ബന്ധത്തി​ലേർപ്പെ​ടു​ന്നത്‌ തീർച്ച​യാ​യും നിങ്ങൾക്ക്‌ വ്യസന​വും അസന്തു​ഷ്ടി​യും കൈവ​രു​ത്തും. അതുല്യ​മായ അത്തരം കൂട്ടു​ചേ​ര​ലിൽനി​ന്നു പിൻമാ​റു​ക​യാണ്‌ ജ്ഞാനമാർഗം. എന്നാൽ ഒരാ​ളോ​ടുള്ള നിങ്ങളു​ടെ പ്രേമാ​വേശം ശക്തമാ​ണെ​ങ്കിൽ നിങ്ങൾക്ക്‌ അത്‌ എങ്ങനെ ചെയ്യാൻ കഴിയും? ഇതായി​രി​ക്കും ഈ പരമ്പര​യി​ലെ ഞങ്ങളുടെ അടുത്ത ലേഖന​ത്തി​ന്റെ വിഷയം.

[അടിക്കു​റി​പ്പു​കൾ]

[19-ാം പേജിലെ ചിത്രം]

ഒരു അവിശ്വാ​സി ആത്മീയ കാര്യ​ങ്ങ​ളി​ലുള്ള നിങ്ങളു​ടെ ഊർജ​സ്വ​ലത പങ്കുവ​യ്‌ക്കു​മോ?