നിങ്ങ​ളൊ​രു ഏകാന്ത മൂക പക്ഷിയോ?

പക്ഷിക​ളു​ടെ ഒരു സൗന്ദര്യ​മ​ത്സരം വെച്ചാൽ, അതു വർണത്തി​ന്റെ​യോ മൃദുല മേനി​യു​ടെ​യോ കാര്യ​മാ​യാ​ലും ഇതിനു സമ്മാന​മൊ​ന്നും കിട്ടാൻ പോകു​ന്നില്ല. താഴേക്കു പറന്നു​വന്നു മീൻ പിടി​ക്കുന്ന തവിട്ടു​നി​റ​മുള്ള ഇത്തരം പക്ഷികളെ ഐക്യ​നാ​ടു​ക​ളി​ലെ ഫ്‌ളോ​റി​ഡ​യിൽ ഞാൻ കണ്ടിട്ടുണ്ട്‌. അവ ഏതാണ്ട്‌ രണ്ടാം ലോക​മ​ഹാ​യു​ദ്ധ​ത്തി​ലെ ജർമൻ സ്‌ററ്യൂ​ക്ക​ക​ളെ​പ്പോ​ലെ തോന്നും.a ചിലി​യി​ലാ​ണെ​ങ്കിൽ അവയ്‌ക്കു ശ്വേത നിറമാണ്‌. ചിറകി​നും ശരീര​ത്തി​നും കറുപ്പു നിറം. (ചിത്രം കാണുക.) പസഫി​ക്കി​ലുള്ള വൽപ​റെ​യ്‌സ്സോ പാറപ്പു​റ​ങ്ങ​ളി​ലി​രുന്ന്‌ അവ മൂകഭാ​വ​ത്തിൽ വിശ്ര​മി​ക്കു​ക​യാ​യി​രു​ന്നു—ഒരുപക്ഷേ തിന്നതു മുഴുവൻ ദഹിക്കാ​നാ​വാം.

അതിന്‌ ഏതാണ്ട്‌ 14 കിലോ​ഗ്രാം ഭാരവും ഒന്നര മീററ​റി​ല​ധി​കം നീളവും കാണും. ചിറക്‌ വിരി​ച്ചു​പി​ടി​ച്ചാ​ലുള്ള നീളം മൂന്നു മീററ​റാണ്‌. ഇത്‌ ഏററവും വലിയ പക്ഷിക​ളി​ലൊ​ന്നാണ്‌. കരയി​ലാ​യി​രി​ക്കു​മ്പോൾ ഇതി​നൊ​രു ചന്തവു​മില്ല, ആകപ്പാടെ ഒരു കോമാ​ളി​ത്തം. പക്ഷേ പറക്കു​മ്പോ​ഴത്തെ സ്ഥിതി അതല്ല, നല്ല രസമാണു കാണാൻ. വലിയ ശ്രമ​മൊ​ന്നും കൂടാ​തെ​യാ​ണു പറക്കു​ന്നത്‌ എന്നു തോന്നും. ഇനി, തീററി​യെ​ടു​ക്കു​മ്പോ​ഴോ, ഇതിനു മത്സ്യ​ത്തോ​ടൊ​പ്പം 10 ലിററ​റി​ല​ധി​കം വെള്ളവും വലിച്ച്‌ അകത്താ​ക്കാ​നാ​വും! ഏതാണീ പക്ഷി? ഇതാണു ഞാറപ്പക്ഷി.

തടാക​ക്ക​ര​യി​ലും നദിക്ക​ര​യി​ലും കടൽത്തീ​ര​ത്തു​മൊ​ക്കെ​യാ​യി ഞാറപ്പ​ക്ഷി​യെ ലോക​ത്തി​ന്റെ പലഭാ​ഗ​ങ്ങ​ളിൽ കണ്ടുവ​രു​ന്നു. വിദഗ്‌ധ​മാ​യി മീൻ പിടി​ക്കു​ന്ന​തി​നു പററിയ രീതി​യിൽ രൂപകൽപ്പന ചെയ്‌തി​രി​ക്കു​ന്ന​താണ്‌ അതിന്റെ നീണ്ട കൊക്കും വലിയ ഗളസഞ്ചി​യും. അതു വെള്ളത്തി​ലേക്ക്‌ ഊളി​യി​ട്ടു​ചെന്ന്‌ വെള്ള​ത്തോ​ടൊ​പ്പം മത്സ്യങ്ങ​ളെ​യും കോരി​യെ​ടു​ക്കു​ന്നു. എന്നിട്ട്‌ അതു വെള്ളം മുഴുവൻ പുറത്തു കളയും, പുത്തൻ ആഹാര​മാ​യി മത്സ്യം വയററി​ലേ​ക്കും പോകും.

ഞാറപ്പ​ക്ഷി​ക​ളെ​ക്കു​റി​ച്ചു ബൈബി​ളിൽ പല പ്രാവ​ശ്യം പരാമർശി​ക്കു​ന്നുണ്ട്‌. ഏകാന്ത​മായ വിജന​പ്ര​ദേ​ശ​ങ്ങളെ ഈ പക്ഷി ഇഷ്ടപ്പെ​ടു​ന്നതു നിമിത്തം അതിനെ സമ്പൂർണ വിജന​ത​യു​ടെ പ്രതീ​ക​മാ​യി ബൈബി​ളിൽ ഉപയോ​ഗി​ച്ചി​രി​ക്കു​ന്നു. (യെശയ്യാ​വു 34:11; സെഫന്യാ​വു 2:13, 14) തിരു​വെ​ഴു​ത്തു​കളെ സംബന്ധിച്ച ഉൾക്കാഴ്‌ച [ഇംഗ്ലീഷ്‌] എന്ന ബൈബിൾ എൻ​സൈ​ക്ലോ​പീ​ഡിയ പ്രസ്‌താ​വി​ക്കു​ന്നു: “തീററി വെട്ടി​വി​ഴു​ങ്ങി​യ​ശേഷം ഞാറപ്പക്ഷി പലപ്പോ​ഴും ഒരു ഏകാന്ത സ്ഥലത്തേക്കു പറന്നക​ലു​ന്നു. അവിടെ എത്തിയാൽ പിന്നെ അത്‌ തലയും തോളി​ലാ​ഴ്‌ത്തി ഒരു മൂകഭാ​വ​മെ​ടു​ക്കു​ക​യാ​യി. . . . പക്ഷിയു​ടെ ഈ ഭാവം ഒരു സമയത്തു​തന്നെ മണിക്കൂ​റു​ക​ളോ​ളം നീണ്ടു​നിൽക്കു​ന്നു. ‘ഞാൻ മരുഭൂ​മി​യി​ലെ ഞാറപ്പ​ക്ഷി​യു​മാ​യി ശരിക്കും സാദൃ​ശ്യ​ത്തി​ലാ​യി​രി​ക്കു​ന്നു’ എന്നെഴു​തി​ക്കൊണ്ട്‌ തന്റെ നീറുന്ന ദുഃഖത്തെ ദൃഷ്ടാ​ന്തീ​ക​രി​ക്കു​മ്പോൾ സങ്കീർത്ത​ന​ക്കാ​രൻ പരാമർശി​ക്കുന്ന ഏകാന്ത​മായ നിഷ്‌ക്രി​യ​ത്വ​ത്തോട്‌ ഇതു യോജി​ക്കു​ന്നു. (സങ്കീർത്തനം 102:6)” അതു​കൊണ്ട്‌, നിങ്ങൾ എപ്പോ​ഴെ​ങ്കി​ലും ഏകാന്ത​ത​യി​ലാ​യാൽ, മൂകത​യി​ലാ​യാൽ, നിങ്ങളും ഞാറപ്പ​ക്ഷി​യെ​പ്പോ​ലെ ആയിരു​ന്നേ​ക്കാം!—സംഭാവന ചെയ്യ​പ്പെ​ട്ടത്‌.

[അടിക്കു​റി​പ്പു​കൾ]

[15-ാം പേജിലെ ചിത്രങ്ങൾ]

ചിലിയിലെ ഞാറപ്പ​ക്ഷി​കൾ

ഇൻസെററ്‌: ഫ്‌ളോ​റി​ഡ​യി​ലെ തവിട്ടു​നി​റ​മുള്ള ഞാറപ്പക്ഷി