ആരാധ​നാ​ലയം ചുട്ടെ​രി​ക്ക​പ്പെ​ട്ടു

ആയിരത്തിത്തൊള്ളായിരത്തിതൊണ്ണൂററിരണ്ട്‌ ഒക്‌ടോ​ബർ 4-ന്‌, കൊറി​യൻ റിപ്പബ്ലി​ക്കി​ലെ വഞ്ചുവി​ലുള്ള രണ്ടാം നിലയിൽ സ്ഥിതി​ചെ​യ്‌തി​രുന്ന ചെറിയ ഒരു രാജ്യ​ഹാ​ളി​ലേക്ക്‌ ഒരു ഭ്രാന്തൻ മനുഷ്യൻ അതി​ക്ര​മി​ച്ചു കടന്നു. ഹാൾ 90-ലേറെ​പ്പേ​രെ​ക്കൊ​ണ്ടു നിറഞ്ഞി​രു​ന്നു. “എന്റെ ഭാര്യയെ പുറത്തു​കൊ​ണ്ടു​വരൂ!” എന്ന്‌ അയാൾ പലതവണ ആക്രോ​ശി​ച്ചു. ഇതു കേട്ടയു​ടനെ അയാളു​ടെ ഭാര്യ പിൻ വശത്തുള്ള രക്ഷാമാർഗ​ത്തി​ലൂ​ടെ പെട്ടെന്നു പുറത്തു പോയി.

പ്രധാന വാതി​ലി​നു മുമ്പി​ലുള്ള ചവിട്ടു​മെ​ത്ത​മേൽ ആ മനുഷ്യൻ ഒരു പാത്രം പെ​ട്രോൾ ഒഴിച്ചു. അവി​ടെ​യു​ണ്ടാ​യി​രു​ന്ന​വ​രു​ടെ അപേക്ഷ​കളെ വിഗണി​ച്ചു​കൊണ്ട്‌ അയാൾ ആ ചവിട്ടു​മെ​ത്തക്കു തീകൊ​ളു​ത്തി. തീജ്വാ​ല​ക​ളും കറുത്ത പുകയും മച്ചി​ലേ​ക്കും സ്‌റേ​റ​ജി​ലേ​ക്കും പിന്നീടു മുഴു​ഹാ​ളി​ലേ​ക്കും ചീററി​ക്കൊ​ണ്ടു പെ​ട്രോൾ അക്ഷരീ​യ​മാ​യി പൊട്ടി​ത്തെ​റി​ക്കി​ട​യാ​ക്കി. നിമി​ഷ​ങ്ങൾക്കു​ള്ളിൽ സദസ്യ​രിൽ അധിക​പ​ങ്കും അഗ്നിവ​ല​യ​ത്തി​ല​ക​പ്പെ​ട്ടു​ക​ഴി​ഞ്ഞു. തീജ്വാ​ല​യും പുകയും എല്ലാ ജനാല​യിൽനി​ന്നും പുറ​ത്തേക്കു വമിച്ചു.

പലരും പിൻവാ​തി​ലിൽ കൂടി​യും ജനാല​വ​ഴി​യും വീതി കുറഞ്ഞ പാരപ്പ​റ​റി​ലേക്കു രക്ഷപ്പെട്ടു. അവി​ടെ​നിന്ന്‌ അവർ അടുത്തുള്ള ഒരു കെട്ടി​ട​ത്തി​ന്റെ മേൽക്കൂ​ര​യി​ലേക്കു കയറി അവി​ടെ​നി​ന്നു നില​ത്തേക്ക്‌ ഇറങ്ങി. മററു​ചി​ലർ രണ്ടാം​നി​ല​യിൽനി​ന്നു ചാടു​ക​പോ​ലും ചെയ്‌തു. രക്ഷപെ​ട്ട​ശേഷം കൊള്ളി​വ​യ്‌പു​കാ​രൻ നില​ത്തേക്കു ചാടി പരി​ക്കേററ ഒരാളെ പകയോ​ടെ തൊഴി​ക്കു​ക​യും ചെയ്‌തു.

പ്രത്യേ​ക​പ്ര​സം​ഗം നടത്തു​ക​യാ​യി​രുന്ന സഞ്ചാര​മേൽവി​ചാ​രകൻ ഉച്ചത്തിൽ വിളി​ച്ചു​പ​റഞ്ഞു: “വേഗം കുട്ടി​കളെ രക്ഷിക്കൂ.” മററു​ള്ള​വരെ സഹായി​ക്കാൻ അവർ ശ്രമി​ച്ചി​ല്ലാ​യി​രു​ന്നെ​ങ്കിൽ അദ്ദേഹ​ത്തി​നും ഭാര്യ​യ്‌ക്കും രക്ഷപെ​ടാ​മാ​യി​രു​ന്നെന്ന്‌ അതിജീ​വി​ച്ചവർ കരുതു​ന്നു. മരിച്ച 15 പേരിൽ അവർ പെടുന്നു; മൊത്തം 26 പേർക്കു പരി​ക്കേ​ററു. ആശുപ​ത്രി​യിൽവെച്ചു മരിച്ച മറെറാ​രു മനുഷ്യൻ പ്രായ​മു​ള്ള​വരെ പുറത്തു​ക​ട​ക്കാൻ സഹായി​ച്ച​തു​കൊ​ണ്ടാ​ണു തന്റെ ജീവനെ ഹോമി​ച്ചത്‌.

മരിച്ചവർ ഹാളിനു മുമ്പി​ലു​ള്ള​വ​രാ​യി​രു​ന്നു. സഞ്ചാര​മേൽവി​ചാ​ര​ക​നെ​യും അദ്ദേഹ​ത്തി​ന്റെ ഭാര്യ​യെ​യും ശക്തമായ പുക വന്നു മൂടു​ക​യും അവർ ശ്വാസം​മു​ട്ടി മരിക്കു​ക​യും ചെയ്‌തു. മരിച്ചവർ ഒൻപതു കുടും​ബ​ങ്ങ​ളിൽ നിന്നു​ള്ള​വ​രാ​യി​രു​ന്നു; മൂന്നു​പേർ 3-ഉം 4-ഉം 14-ഉം വയസ്സുള്ള കുട്ടി​ക​ളാ​യി​രു​ന്നു. ഹാൾ ഇടുങ്ങി​യ​താ​യി​രു​ന്നു എന്നതും പ്രധാന വാതി​ലി​ലൂ​ടെ രക്ഷപെ​ടു​ന്നത്‌ തീ തടഞ്ഞു എന്നതും പരിഗ​ണി​ക്കു​മ്പോൾ അധികം​പേർ മരിക്കു​ക​യോ പരി​ക്കേൽക്കു​ക​യോ ചെയ്യാ​തി​രു​ന്നതു മിക്കവാ​റും ഒരു അത്ഭുത​മാ​യി​രു​ന്നു.

ഏഴ്‌ അഗ്നിശ​മ​ന​ലോ​റി​ക​ളും 30 അഗ്നിശ​മ​ന​പ്ര​വർത്ത​ക​രും ഉടൻതന്നെ രംഗ​ത്തെത്തി, എന്നാൽ തീ പെട്ടെന്ന്‌ ആളിപ്പ​ടർന്ന്‌ അപ്പോൾത്തന്നെ പലരു​ടേ​യും ജീവൻ അപഹരി​ച്ചു കഴിഞ്ഞി​രു​ന്നു. ഒരു മണിക്കൂ​റി​നു​ള്ളിൽ തീ അണച്ചു. എന്നിരു​ന്നാ​ലും തീയുടെ കാഠി​ന്യം​കൊ​ണ്ടു മരിച്ച​വരെ തിരി​ച്ച​റി​യു​ന്നതു പ്രയാ​സ​ക​ര​മാ​യി​രു​ന്നു, അതിനു രണ്ടു മണിക്കൂ​റി​ല​ധി​കം സമയ​മെ​ടു​ത്തു.

പിന്നീട്‌, തീവയ്‌പ്പു​കാ​രനെ വഞ്ചു പൊലീസ്‌ അറസ്‌ററു ചെയ്യു​ക​യും കൊല​പാ​ത​ക​ത്തി​നും തീവെ​പ്പി​നും കേസ്‌ ചാർജു ചെയ്യു​ക​യും ചെയ്‌തു. പൊലീസ്‌ കസ്‌റ​റ​ഡി​യി​ലി​രി​ക്കെ ഒരു ആത്മഹത്യാ​ശ്ര​മ​ത്തിൽ അയാൾ പരാജ​യ​പ്പെട്ടു.

മൃഗീ​യ​മായ പെരു​മാ​റ​റത്തെ സഹിച്ചു​നി​ന്നു

കൊള്ളി​വ​യ്‌പു​കാ​രന്റെ ഭാര്യ ബൈബിൾ പാഠങ്ങ​ളിൽ താത്‌പ​ര്യ​മു​ള്ള​വ​ളാ​യി​ത്തീർന്ന​പ്പോൾ, അവരെ ഭീഷണി​പ്പെ​ടു​ത്തു​ന്നത്‌ അയാൾ പതിവാ​ക്കി. സഞ്ചാര​മേൽവി​ചാ​രകൻ യഹോ​വ​യു​ടെ സാക്ഷി​ക​ളു​ടെ വഞ്ചു സഭ സന്ദർശി​ക്കു​ന്ന​തിന്‌ ഏതാണ്ട്‌ രണ്ടാഴ്‌ച മുമ്പ്‌, സെപ്‌റ​റം​ബർ പകുതി​യ്‌ക്കു തീവെ​പ്പു​കാ​രൻ തന്റെ ഭാര്യയെ തല്ലി ബോധം കെടുത്തി. പിന്നീട്‌ അവൾ ആരോ​ഗ്യം വീണ്ടെ​ടു​ത്ത​പ്പോൾ, ലാക്കർപോ​ളിഷ്‌ നേർപ്പി​ക്കുന്ന സ്‌പി​രി​ററ്‌ അവളു​ടെ​മേൽ ഒഴിച്ചു തീകൊ​ളു​ത്തി. എന്നാൽ തീ കത്താൻ തുടങ്ങി​യു​ടനെ അയാൾക്കു ബോ​ധോ​ദ​യ​മു​ണ്ടാ​യി ഉടൻ തീ കെടുത്തി.

ദുരന്തം ഭവിച്ച ആ ഞായറാഴ്‌ച രാജ്യ​ഹാ​ളിൽ പോക​രു​തെന്ന്‌ അയാൾ ഭാര്യ​യോട്‌ ആവശ്യ​പ്പെ​ട്ടി​രു​ന്നു. അയാളു​ടെ കോപം കത്തിജ്വ​ലി​ച്ചെ​ങ്കി​ലും അവർ ഭീഷണി​യ്‌ക്കു വഴങ്ങി​യില്ല. ആരാധ​ന​യു​ടെ ഈ കാര്യ​ത്തിൽ തന്റെ ഭർത്താവ്‌ ഉൾപ്പെടെ ഏതു മനുഷ്യ​നെ​ക്കാ​ളും താൻ ദൈവത്തെ അനുസ​രി​ക്കേ​ണ്ട​താ​ണെന്ന്‌ അവർക്കു തോന്നി. (പ്രവൃ​ത്തി​കൾ 5:29; എബ്രായർ 10:24, 25) അതു​കൊണ്ട്‌ അവർ മീററിം​ഗി​നു ഹാജരാ​യി.

രാജ്യ​ഹാ​ളി​ന്റെ തീവെ​പ്പി​നു​ശേഷം, തന്റെ ഭർത്താവ്‌ ഈ മ്ലേച്ഛമായ പ്രവൃത്തി ചെയ്യാൻ തുനി​ഞ്ഞതു താൻ ഒരു ഭ്രാന്തൻമതം ഉപേക്ഷി​ക്കാൻ വിസമ്മ​തി​ച്ച​തു​കൊ​ണ്ടും അയാൾക്കാ​യി നല്ല ഒരു ഭാര്യ​യാ​യി​രി​ക്കാൻ പരാജ​യ​പ്പെ​ട്ട​തു​കൊ​ണ്ടും ആണ്‌ എന്നു പറയുന്ന ഒരു പ്രസ്‌താ​വ​ന​യിൽ ഒപ്പു​വെ​ക്കാൻ ഭർത്താ​വി​ന്റെ വക്കീൽ ഈ സ്‌ത്രീ​യു​ടെ​മേൽ സമ്മർദം ചെലുത്തി. പക്ഷേ, അവർ പ്രസ്‌താ​വ​ന​യിൽ ഒപ്പു വെച്ചില്ല. ഏതായാ​ലും ഈ ഭയങ്കര​മായ വിപത്തു സംഭവി​ച്ചതു താൻ ബൈബിൾ പഠിച്ച​തു​കൊ​ണ്ടാ​ണെന്നു സൂചി​പ്പി​ച്ചു​കൊ​ണ്ടു സത്യത്തെ അനുര​ജ്ഞ​ന​പ്പെ​ടു​ത്താൻ അവർ വിസമ്മ​തി​ച്ചു.

ഈ അത്യാ​ഹി​ത​ത്തി​നു​ശേ​ഷ​മുള്ള വാരാ​ന്ത​ത്തി​ലെ യഹോ​വ​യു​ടെ സാക്ഷി​ക​ളു​ടെ ഒരു സമ്മേള​ന​ത്തിൽ അഖിലാ​ണ്ഡ​ത്തി​ന്റെ പരമാ​ധി​കാ​രി​യായ യഹോ​വ​യാം ദൈവത്തെ സേവി​ക്കാ​നുള്ള തന്റെ സമർപ്പ​ണ​ത്തി​ന്റെ പ്രതീ​ക​മാ​യി സ്‌നാ​പ​ന​മേൽക്കാ​നുള്ള തീരു​മാ​നം ഈ സ്‌ത്രീ നടപ്പാക്കി.—സങ്കീർത്തനം 83:18.

അടുത്തു​നി​ന്നും അകലെ​നി​ന്നും സഹായം

വഞ്ചുവിൽനിന്ന്‌ ഏതാണ്ട്‌ 100 കിലോ​മീ​ററർ അകലെ​യുള്ള ആൻസം​ങി​ലെ യഹോ​വ​യു​ടെ സാക്ഷി​ക​ളു​ടെ ബ്രാ​ഞ്ചോ​ഫീ​സിൽ ഈ അത്യാ​ഹി​ത​ത്തെ​ക്കു​റി​ച്ചുള്ള വാർത്ത എത്തിയ ഉടനെ പരി​ക്കേ​റ​റ​വർക്കും അവരുടെ കുടും​ബ​ങ്ങൾക്കും അതു​പോ​ലെ​തന്നെ മരിച്ച​വ​രു​ടെ കുടും​ബാം​ഗ​ങ്ങൾക്കും അവർ സഹായം അയച്ചു. പണം നൽകുക മാത്രമല്ല, മറെറന്തു സഹായം ആവശ്യ​മാ​ണെന്നു നിശ്ചയി​ക്കാൻ ബ്രാഞ്ചിൽനി​ന്നു മൂപ്പൻമാ​രെ അയയ്‌ക്കു​ക​യും ചെയ്‌തു.

വഞ്ചുവി​ലെ മറെറാ​രു രാജ്യ​ഹാ​ളി​ലേക്കു സഭ മാററാ​നുള്ള ക്രമീ​ക​ര​ണങ്ങൾ ചെയ്‌തു, ആവശ്യ​മു​ള്ള​വർക്കു മററു കരുത​ലു​ക​ളും ഒരുക്ക​പ്പെട്ടു. പെട്ടെ​ന്നു​തന്നെ കൊറി​യൻ റിപ്പബ്ലി​ക്കി​ലെ​ല്ലാ​യി​ട​ത്തു​മുള്ള സഹക്രി​സ്‌ത്യാ​നി​ക​ളിൽനി​ന്നു പിന്തുണ ലഭിക്കാൻ തുടങ്ങി. വാസ്‌ത​വ​ത്തിൽ, അത്യാ​ഹി​ത​ത്തി​നു​ശേഷം ഉടനെ​തന്നെ മററു നഗരങ്ങ​ളിൽനിന്ന്‌ അനേക​മാ​ളു​കൾ വന്നു സഹായം വാഗ്‌ദാ​നം ചെയ്‌തു. എഴുപ​ത്തഞ്ചു സാക്ഷി​ക​ളുള്ള ഒരു സഭയിൽനി​ന്നു ലഭിച്ച 1,200 ഡോള​റി​നു തുല്യ​മായ സംഭാവന ശ്രദ്ധേ​യ​മാ​യി​രു​ന്നു. എൺപ​ത്തേഴു പേരുള്ള മറെറാ​രു സഭ 2,200 ഡോള​റി​നു തുല്യ​മായ സംഭാവന നൽകി.

അത്യാ​ഹി​തം സംഭവിച്ച സഭയിലെ ക്രിസ്‌തീയ മൂപ്പൻമാർ മററു​ള്ള​വരെ സഹായി​ക്കാൻ തങ്ങൾക്കാ​വു​ന്ന​തെ​ല്ലാം ചെയ്‌തു, എന്നാൽ ഏററവും വലിയ നഷ്ടം നേരി​ട്ട​വ​രിൽ അവർ ഉൾപ്പെ​ടു​ന്നു. മരിച്ച​വ​രു​ടെ കൂട്ടത്തിൽ അധ്യക്ഷ​മേൽവി​ചാ​ര​കന്റെ രണ്ടു കുട്ടികൾ ഉണ്ടായി​രു​ന്നു, മറെറാ​രു മൂപ്പനു തന്റെ മകനെ നഷ്ടമായി, ഇനിയും വേറൊ​രു മൂപ്പന്റെ മുഖം പൊള്ള​ലേ​ററു വളരെ വികൃ​ത​മാ​യി​രു​ന്നു. ഈ ക്രിസ്‌ത്യാ​നി​കൾക്കു നഷ്ടമാ​യതു ഗണ്യമാ​ക്കാ​തെ അവരും മുഴു സഭയും ശാന്തരും വിശ്വാ​സ​ത്തിൽ ഉറപ്പു​ള്ള​വ​രും ആയി നില​കൊ​ണ്ടു.

അത്യാ​ഹി​ത​ത്തി​നു​ശേഷം കുറെ ദിവസങ്ങൾ കഴിഞ്ഞ്‌, ബ്രാ​ഞ്ചോ​ഫീ​സിൽനി​ന്നുള്ള ഒരു പ്രതി​നി​ധി കൂട്ടശ​വ​സം​സ്‌കാ​രം നിർവ​ഹി​ച്ചു. തങ്ങളുടെ സ്‌നേ​ഹി​ത​രോ​ടുള്ള സ്‌നേ​ഹ​വും പരിഗ​ണ​ന​യും പ്രകട​മാ​ക്കി​ക്കൊ​ണ്ടു രാജ്യ​ത്തു​ട​നീ​ള​മുള്ള അനേകം സാക്ഷികൾ ഹാജരാ​യി. ലോക​ത്തി​ന്റെ നാനാ​ഭാ​ഗ​ങ്ങ​ളി​ലുള്ള യഹോ​വ​യു​ടെ സാക്ഷി​ക​ളു​ടെ ബ്രാ​ഞ്ചോ​ഫീ​സു​ക​ളിൽനി​ന്നു​പോ​ലും സഹതാപം പ്രകടി​പ്പി​ച്ചു​കൊ​ണ്ടുള്ള കത്തുകൾ ലഭിച്ചു.

പ്രാ​ദേ​ശി​ക പൊലീസ്‌ വകുപ്പി​ലെ ഇൻറലി​ജൻസ്‌ ഡിവഷന്റെ തലവൻ ശവസം​സ്‌കാ​ര​ച്ച​ട​ങ്ങിൽ പങ്കെടു​ക്കു​ക​യും സാക്ഷി​ക​ളു​ടെ പെരു​മാ​റ​റ​ത്തിൽ മതിപ്പു പ്രകടി​പ്പി​ക്കു​ക​യും ചെയ്‌തു. അവർ എത്ര ശാന്തരും സമാധാ​ന​മു​ള്ള​വ​രും ആണെന്നും തീപി​ടു​ത്ത​ത്തിൽ നഷ്ടം സംഭവി​ച്ച​വ​രോട്‌ എത്ര ദയയോ​ടെ പെരു​മാ​റി​യെ​ന്നും അദ്ദേഹം പറഞ്ഞു. ദ ബ്യൂറോ ഓഫ്‌ സൊ​സൈ​ററി ആൻഡ്‌ ഇൻഡസ്‌ട്രി​യു​ടെ തലവനും ശവസം​സ്‌കാ​ര​ച്ച​ട​ങ്ങി​നു​ണ്ടാ​യി​രു​ന്നു. പിന്നീട്‌, രാജ്യ​ത്തെ​ല്ലാ​യി​ട​ത്തു​നി​ന്നും ലഭിച്ച സംഭാ​വ​ന​ക​ളെ​ക്കു​റി​ച്ചു പറഞ്ഞ​പ്പോൾ വിശ്വാ​സം കൂടാതെ ഇതു ചെയ്യാൻ സാധ്യമല്ല എന്നദ്ദേഹം പറഞ്ഞു. വഞ്ചുവി​ലെ ഡെപ്യൂ​ട്ടി​മേ​യ​റും യഥാർഥ താത്‌പ​ര്യം കാണിച്ചു. സാക്ഷി​ക​ളു​ടെ ശാന്തത​യും പരസ്‌പര സ്‌നേ​ഹ​വും സംഘാടന പ്രാപ്‌തി​യും വ്യക്തി​പ​ര​മാ​യി തന്നിൽ മതിപ്പു​ള​വാ​ക്കി​യെന്ന്‌ അദ്ദേഹം പറഞ്ഞു.

നാം “ഇടപെ​ടാൻ പ്രയാ​സ​മുള്ള നിർണാ​യക നാളു​ക​ളിൽ” ജീവി​ച്ചി​രി​ക്കു​ന്നു എന്നതിന്റെ മറെറാ​രു തെളി​വാണ്‌ ഈ അത്യാ​ഹി​തം. (2 തിമൊ​ഥെ​യോസ്‌ 3:1, NW) ഇതു​പോ​ലുള്ള ഭയങ്കര കാര്യങ്ങൾ ഇനിയും സംഭവി​ക്കും എന്നു പ്രതീ​ക്ഷി​ക്കേ​ണ്ട​താണ്‌. എന്നാൽ വഞ്ചുവി​ലുള്ള യഹോ​വ​യു​ടെ സാക്ഷികൾ നിരു​ത്സാ​ഹി​തരല്ല. ഏകസത്യ​ദൈ​വ​മായ യഹോ​വ​യു​ടെ ആരാധ​ന​യിൽ തുടരാ​നും അവിടു​ത്തെ ഇഷ്ടം ചെയ്യു​ന്ന​തിൽ നിലനിൽക്കാ​നും അവർ ദൃഢനി​ശ്ചയം ചെയ്‌ത​വ​രാണ്‌.—കൊറി​യൻ റിപ്പബ്ലി​ക്കി​ലെ ഉണരുക! ലേഖകൻ റിപ്പോർട്ടു ചെയ്‌തത്‌. (g93 4⁄22)

[22-ാം പേജിലെ ചിത്രങ്ങൾ]

വലത്ത്‌: രാജ്യ​ഹാ​ളും, (താഴെ) പലരും മരിച്ചു​കി​ട​ന്നി​രുന്ന കത്തി​പ്പോയ സ്‌റേ​റ​ജും.

താഴെ: തീപി​ടു​ത്ത​ത്തിൽ രണ്ടു കുട്ടികൾ നഷ്ടമായ സസനോ​കി​നെ സഹസാ​ക്ഷി​കൾ ആശ്വസി​പ്പി​ക്കു​ന്നു, കൂടാതെ പരി​ക്കേററ രണ്ടു കുട്ടി​ക​ളു​ടെ പിതാ​വും ഒരു ക്രിസ്‌തീയ മൂപ്പനു​മായ ഷിം യോഷി​നും