മതസഹി​ഷ്‌ണുത—500 വർഷങ്ങൾക്കു ശേഷം!

അഞ്ഞൂറു വർഷങ്ങൾക്കു മുമ്പു ക്രിസ്‌റ​റഫർ കൊളം​ബസ്‌ സ്‌പെ​യി​നിൽനി​ന്നു കപ്പൽയാ​ത്ര നടത്തി. കൊളം​ബസ്‌ യാത്ര തിരി​ക്കു​ന്ന​തി​നു വെറും ഒരു ദിവസം മുമ്പ്‌ വേറൊ​രു കപ്പൽസ​മൂ​ഹം മറെറാ​രു ദിശയിൽ സ്‌പെ​യിൻ വിട്ടു. കൊളം​ബ​സും കൂട്ടരും പുതിയ ദേശങ്ങൾ കണ്ടുപി​ടി​ച്ച​ശേഷം ജയോ​ത്സ​വേ​ത്തോ​ടെ തിരി​ച്ചെത്തി. എന്നാൽ നിർഭാ​ഗ്യ​രായ മറേറ സഞ്ചാരി​കൾ തങ്ങളുടെ മാതൃ​രാ​ജ്യം മേലാൽ കണ്ടില്ല.

ഈ ആളുകൾ ആരായി​രു​ന്നു, അവരെ സ്വദേ​ശ​ത്തു​നി​ന്നു നാടു​ക​ട​ത്തി​യത്‌ എന്തു​കൊ​ണ്ടാ​യി​രു​ന്നു? അവർ സ്‌പാ​നിഷ്‌ യഹൂദൻമാ​രാ​യി​രു​ന്നു. കണ്ടുപി​ടു​ത്ത​ത്തി​നാ​യുള്ള കൊളം​ബ​സി​ന്റെ സമു​ദ്ര​യാ​ത്രക്കു രാജാ​വി​ന്റെ പിന്തുണ ലഭിക്കു​ന്ന​തി​നു രണ്ടാഴ്‌ച മുമ്പു സ്‌പെ​യി​നി​ലെ കത്തോ​ലി​ക്കാ പരമാ​ധി​കാ​രി​ക​ളാ​യി​രുന്ന ഫെർഡി​നാൻറും ഇസബെ​ല്ല​യും, “വീണ്ടും ഒരിക്ക​ലും തിരിച്ചു വരാത്ത​വണ്ണം” സ്‌പെ​യി​നി​ലെ എല്ലാ യഹൂദ​രെ​യും പുറത്താ​ക്കി​ക്കൊ​ണ്ടു ഒരു രാജശാ​സനം പുറ​പ്പെ​ടു​വി​ച്ചു. സ്‌പാ​നിഷ്‌ യഹൂദൻമാർ പരിശു​ദ്ധ​ക​ത്തോ​ലി​ക്കാ വിശ്വാ​സ​ത്തി​നു വിരു​ദ്ധ​മായ കുററ​കൃ​ത്യ​ങ്ങൾ ചെയ്‌തെന്ന്‌ അവർ ആരോ​പി​ച്ചു.

ഈ കല്‌പന അക്കാല​ത്തോ​ട​ടു​ത്തു സ്ഥാപി​ത​മായ മതവി​ചാ​ര​ണ​യും സ്‌പെ​യി​നി​നെ കത്തോ​ലി​ക്ക​രു​ടേതു മാത്ര​മാ​ക്കി​ത്തീർക്കു​ന്ന​തി​നുള്ള ഒരു കുരി​ശു​യു​ദ്ധ​ത്തി​ന്റെ ആരംഭം കുറിച്ചു. യഹൂദ​രു​ടെ ബഹിഷ്‌ക്ക​രണം കഴിഞ്ഞ്‌ ഒരു പതിറ​റാ​ണ്ടി​നു​ശേഷം ഇസ്ലാം​മ​ത​വി​ശ്വാ​സി​ക​ളായ ഏതു മൂർവം​ശ​ജ​രെ​യും നാടു​ക​ടത്തി. മുളച്ചു​വന്ന പ്രൊ​ട്ട​സ്‌റ​റൻറ്‌ കൂട്ടങ്ങളെ മതവി​ചാ​ര​ണ​ക്കാർ പെട്ടെന്ന്‌ ഉൻമൂ​ല​നം​ചെ​യ്‌തു. തന്റെ രാജകീയ രക്ഷാധി​കാ​രി​ക​ളു​ടെ അസഹി​ഷ്‌ണു​താ​മ​നോ​ഭാ​വത്തെ അനുക​രി​ച്ചു​കൊ​ണ്ടു കൊളം​ബസ്‌ താൻ കണ്ടുപി​ടി​ച്ചേ​ക്കാ​വുന്ന ഏതു ദേശങ്ങ​ളിൽനി​ന്നും യഹൂദരെ ഒഴിവാ​ക്കു​ന്ന​തി​നെ​ക്കു​റി​ച്ചു സംസാ​രി​ച്ചു.

സ്‌പെ​യി​നി​ലെ മത അസഹി​ഷ്‌ണു​ത​യു​ടെ ആത്മാവ്‌ ഈ നൂററാ​ണ്ടു​വരെ പോലും നിലനി​ന്നി​രു​ന്നു. ഫ്രാൻസി​സ്‌കോ ഫ്രാ​ങ്കോ​യു​ടെ ഏകാധി​പ​ത്യ​ത്തിൻ കീഴിൽ കത്തോ​ലി​ക്കാ​മതം മാത്ര​മാണ്‌ “ഔദ്യോ​ഗിക സംരക്ഷണം” ആസ്വദി​ച്ചത്‌. മറെറാ​രു വിശ്വാ​സം ആചരി​ക്കാൻ ആഗ്രഹിച്ച അനേകരെ തോന്നി​യ​തു​പോ​ലെ അറസ്‌ററു ചെയ്‌തി​രു​ന്നു. സ്‌പെ​യി​നി​ന്റെ ആത്മീയ ഐക്യ​ത്തി​നു ഭംഗം വരുത്തി​യെന്ന കുററ​മാ​രോ​പി​ച്ചു​കൊണ്ട്‌ അവിടത്തെ യഹോ​വ​യു​ടെ സാക്ഷി​കളെ ജയിലി​ല​ടച്ചു. ഗവൺമെൻറ്‌ മന്ത്രി​യാ​യി​രുന്ന കാമെ​ലോ അലോൻസോ വെഗാ 1959-ൽ യഹോ​വ​യു​ടെ സാക്ഷി​ക​ളു​ടെ പ്രവർത്ത​നങ്ങൾ “ഉൻമൂ​ല​മാ​ക്കാ”നുള്ള നടപടി​കൾ സ്വീക​രി​ക്കാൻ പൊലീ​സ്സി​നു നിർദ്ദേശം നൽകി. സന്തോ​ഷ​ക​ര​മെന്നു പറയട്ടെ, കാലങ്ങൾ മാറി​യി​രി​ക്കു​ന്നു.

ആയിര​ത്തി​ത്തൊ​ള്ളാ​യി​ര​ത്തി​തൊ​ണ്ണൂ​റ​റി​രണ്ടു മാർച്ച്‌ 31-ന്‌, തന്റെ മുൻഗാ​മി​കൾ യഹൂദരെ പുറത്താ​ക്കി​ക്കൊ​ണ്ടുള്ള കല്‌പ​ന​യിൽ ഒപ്പു​വെ​ച്ചി​ട്ടു കൃത്യം 500 വർഷങ്ങൾക്കു​ശേഷം, സ്‌പെ​യി​നി​ലെ ഇപ്പോ​ഴത്തെ രാജാ​വായ ജുവാൻ കാർലോസ്‌, നാടു​ക​ട​ത്ത​പ്പെട്ട സ്‌പാ​നിഷ്‌ യഹൂദ​രു​ടെ പിൻത​ല​മു​റ​ക്കാ​രു​മാ​യുള്ള സ്‌പാ​നിഷ്‌ കീരീ​ട​പ​തി​യു​ടെ പ്രതീ​കാ​ത്മ​ക​മായ ഒരു യോഗ​ത്തിൽ മാഡ്രി​ഡി​ലെ യഹൂദ​പ്പള്ളി സന്ദർശി​ച്ചു.

“ഞങ്ങൾ സ്‌പെ​യി​നി​ലെ അസഹി​ഷ്‌ണു​ത​യു​ടെ അദ്ധ്യായം അവസാ​നി​പ്പി​ച്ചി​രി​ക്കു​ന്നു” എന്നു സ്‌പെ​യി​നി​ലെ നീതി​ന്യാ​യ മന്ത്രി തോമാസ്‌ ഡാ ലാ ക്വാഡ്രാ പ്രഖ്യാ​പി​ച്ചു. ഇപ്പോൾ യഹൂദ​രും മുസ്ലീ​മു​ക​ളും പ്രൊ​ട്ട​സ്‌റ​റൻറു​കാ​രും തടസ്സം കൂടാതെ ആരാധന നടത്തുന്നു. യഹോ​വ​യു​ടെ സാക്ഷികൾ മേലാൽ നിരോ​ധ​ന​ത്തി​ലല്ല. ഒരു പുതിയ മുസ്ലിം​പ​ള്ളി​യും യഹൂദ​പ്പ​ള്ളി​യും അതു​പോ​ലെ​തന്നെ യഹോ​വ​യു​ടെ സാക്ഷി​ക​ളു​ടെ സ്‌പെ​യി​നി​ലെ ബ്രാഞ്ചാ​ഫീ​സും ഉള്ളതു സംബന്ധി​ച്ചു മാഡ്രിഡ്‌ അഭിമാ​ന​പൂർവ്വം സംസാ​രി​ക്കു​ന്നു. സജീവ​രായ 90,000 അംഗങ്ങ​ളുള്ള യഹോ​വ​യു​ടെ സാക്ഷികൾ സ്‌പെ​യി​നി​ലെ ഏററവും വലിയ കത്തോ​ലി​ക്കേതര മതമായി കണക്കാ​ക്ക​പ്പെ​ടു​ന്നു.

യഹോവയുടെ സാക്ഷി​ക​ളെ​ക്കു​റി​ച്ചും അവരുടെ വിശ്വാ​സ​ത്തെ​ക്കു​റി​ച്ചും കൂടുതൽ വിവരങ്ങൾ അറിയാൻ നിങ്ങൾക്കു താത്‌പ​ര്യ​മു​ണ്ടെ​ങ്കിൽ ദയവായി Watch Tower, H-58 Old Khandala Road, Lonavla 410 401 Mah. India-ക്കോ 5-ാം പേജി​ലു​ള്ള​തിൽ ഏററവും അടുത്തുള്ള അഡ്രസ്സി​ലോ ദയവായി എഴുതുക. (g93 1⁄8)

[32-ാം പേജിലെ ചിത്രം]

വാച്ച്‌ ടവർ സൊ​സൈ​റ​റി​യു​ടെ സ്‌പെ​യിൻ ബ്രാഞ്ച്‌