രക്ഷപ്പെട്ട ആ സ്‌ററീൻബോക്ക്‌

ദക്ഷിണാഫ്രിക്കയിലെ ഉണരുക! ലേഖകൻ

സ്‌ററീൻബോക്ക്‌, ഒരു ചെറിയ ആഫ്രിക്കൻ കൃഷ്‌ണ​മൃ​ഗം, സഹജമാ​യി ശുചി​ത്വ​ത്തിൽ ഒരു വിസ്‌മ​യാ​വ​ഹ​മായ മാതൃക വെക്കുന്നു. “മലമൂത്ര വിസർജ്ജ​ന​ത്തി​നു മുൻപ്‌ അവ മുൻപി​ലെ കുളമ്പു​കൾകൊണ്ട്‌ ഒരു സ്ഥലം വെടി​പ്പാ​ക്കു​ക​യും വിസർജ്ജ​ന​ത്തി​നു​ശേഷം ആ സ്ഥലത്തു മണ്ണു മാന്തി​ക്കൂ​ട്ടി ശ്രദ്ധാ​പൂർവ്വം അതു മൂടു​ക​യും ചെയ്യു​ന്നതു സ്‌ററീൻബോ​ക്കി​ന്റെ ഒരു സവി​ശേ​ഷ​ത​യാണ്‌” എന്ന്‌ ദക്ഷിണാ​ഫ്രി​ക്കൻ വന്യമൃ​ഗങ്ങൾ [South African Animals in the Wild] എന്ന തന്റെ പുസ്‌ത​ക​ത്തിൽ പ്രൊ​ഫസ്സർ ജോൺ സ്‌ക്കിന്നർ വിശദീ​ക​രി​ക്കു​ന്നു. അതെ, ഈ ചെറിയ മൃഗം ഇസ്ര​യേല്യ സൈന്യ​ത്തി​നു കൊടുത്ത നിയമ​ത്തി​ന​തീ​ത​മാ​യി പോകു​ന്നു. (ആവർത്തനം 5:1; 23:13, 14) അത്‌ അതിന്റെ മൂത്രം​പോ​ലും മൂടുന്നു.

സ്‌ററീൻബോ​ക്കി​ന്റെ നിർബ​ന്ധ​നി​ഷ്‌ഠ​യോ​ടെ​യുള്ള ശൗച ശീലങ്ങൾ അതിന്റെ ചാരു​ത​യാർന്ന രൂപത്തിന്‌ ഇണങ്ങുന്നു. “എന്നെ സംബന്ധി​ച്ച​ട​ത്തോ​ളം സ്‌ററീൻബോക്ക്‌ എല്ലായ്‌പോ​ഴും ആഫ്രിക്കൻ മാനു​ക​ളിൽ അതിസു​ന്ദ​ര​വും അതി​പ്രി​യ​ങ്ക​ര​വു​മായ ഒന്ന്‌ ആയിരു​ന്നി​ട്ടുണ്ട്‌” എന്ന്‌ ലോറൻസ്‌ വാൻ ഡീർ പോസ്‌ററ്‌ എഴുതി. ആഫ്രി​ക്ക​യു​ടെ കലഹാരി മരുഭൂ​മി​യി​ലെ വിശന്നു​വലഞ്ഞ വനവാ​സി​ക​ളു​ടെ ഒരു കൂട്ടത്തി​നു​വേണ്ടി ഒരു മാനിനെ വെടി​വെ​ക്കാൻ അദ്ദേഹം ശ്രമി​ച്ച​തെ​ങ്ങ​നെ​യെന്നു നായാ​ട്ടു​കാ​രന്റെ ഹൃദയം [The Heart of the Hunter] എന്ന പുസ്‌ത​ക​ത്തിൽ വാൻ ഡീർ പോസ്‌ററ്‌ വിവരി​ക്കു​ന്നു. “അവന്റെ ലോല​മായ ചെവികൾ എന്റെ നേരെ ചൂണ്ടി​യി​രു​ന്നു, അവന്റെ വലിയ ധൂമ്ര​വർണ്ണ കണ്ണുകൾ തികച്ചും ഭയരഹി​ത​മാ​യി മിഴി​ച്ചും ഈ വിദൂര ജീവി​ത​മ​ണ്ഡ​ല​ത്തിൽ ഇത്ര അസാധാ​ര​ണ​മായ ഒരു കാഴ്‌ച കാണു​ന്ന​തി​ലുള്ള ആശ്ചര്യ​ത്തിൽ തിളക്ക​മാർന്നു​മി​രു​ന്നു. . . . അവന്‌ ആപൽസൂ​ചന ലഭിക്കു​ന്ന​തി​നു മുമ്പ്‌ അല്ലെങ്കിൽ അതിന്റെ ചാരുത കാണു​മ്പോൾ അവനെ വെടി​വെ​ക്കു​ന്ന​തി​നുള്ള എന്റെ ആഗ്രഹം കുറഞ്ഞു​പോ​കു​ന്ന​തി​നു​മുമ്പ്‌ താൻ പെട്ടെന്നു വെടി​വെച്ചു” എന്ന്‌ ആ പര്യ​വേ​ക്ഷകൻ എഴുതി. ഇത്ര വളരെ അടുത്താ​യി​രു​ന്ന​തി​നാൽ എന്റെ വെടി ഉന്നം പിഴ​ച്ചേ​ക്കാ​മെന്നു ഞാൻ ചിന്തി​ക്കു​മാ​യി​രു​ന്നില്ല. എന്നാൽ ഉന്നം പിഴച്ചു. എന്റെ വെടി, എന്റെ വലിയ തോക്കിൽനി​ന്നുള്ള സ്‌ഫോ​ട​ന​ത്തി​ന്റെ നടുക്കു​മാ​യി​രുന്ന തരിപ്പിൽനിന്ന്‌ അവന്റെ കാതു​കളെ വിമു​ക്ത​മാ​ക്കാൻ അവൻ തന്റെ മൃദു​ല​മായ തല ഊററ​മാ​യി കുലു​ക്കാ​നി​ട​യാ​ക്കി​യ​തേ​യു​ള്ളു.”

പല പ്രാവ​ശ്യം കൂടെ വെടി​വെ​ച്ച​ശേഷം, ആ കൊച്ചൻ മനുഷ്യ​നു​മാ​യുള്ള കൂട്ടു​കെട്ട്‌ അപകട​ക​ര​മാ​ണെന്നു തീരു​മാ​നി​ക്കു​ക​യും ഓടി​പ്പോ​കു​ക​യും ചെയ്‌തു. അത്യാ​വ​ശ്യ​മാ​യി​രുന്ന ഭക്ഷണം ഇല്ലാതാ​യെ​ങ്കി​ലും വാൻ ഡീർ പോസ്‌റ​റി​ന്റെ വിശന്നു​വലഞ്ഞ വനവാസി കൂട്ടു​കാർ സന്തോ​ഷി​ച്ചു. എന്തു​കൊണ്ട്‌? വനവാ​സി​കൾക്കു സ്‌ററീൻബോ​ക്കി​ന്റെ രീതി​ക​ളോ​ടു വളരെ ആദരവുണ്ട്‌, ഈ ഒന്ന്‌ അവരുടെ പ്രതീ​ക്ഷ​കൾക്കൊ​ത്തു പെരു​മാ​റി. “ചൂടുള്ള ആ നീണ്ടദി​വസം മുഴുവൻ, എന്റെ മനസ്സ്‌ ആ കൊച്ചു മാൻ എന്റെ തോക്കിൽനി​ന്നു തുരു​തു​രെ ഉതിർന്ന വെടി​ക​ളു​ടെ മദ്ധ്യേ അക്ഷോ​ഭ്യ​നാ​യി നില്‌ക്കുന്ന കാഴ്‌ച​യി​ലേക്കു മടങ്ങി​പ്പോ​യി” എന്ന്‌ വാൻ ഡീർ പോസ്‌ററ്‌ കൂട്ടി​ച്ചേർക്കു​ന്നു. (g93 1⁄8)