ഇന്നത്തെ വാർത്ത​ക​ളു​ടെ അർത്ഥം

ഒരു വർത്തമാ​ന​പ്പ​ത്രം നോക്കു​ക​യൊ ടെലി​വി​ഷൻ വീക്ഷി​ക്കു​ക​യൊ ചെയ്യുക. നിങ്ങൾ എന്തു വായി​ക്കു​ന്നു, കേൾക്കു​ന്നു, അല്ലെങ്കിൽ കാണുന്നു? കൊല​പാ​തകം, ബലാൽസം​ഗം, മയക്കു​മ​രു​ന്നു​കൾ, കുടും​ബ​ത്ത​കർച്ച, അട്ടിമ​റി​കൾ, വിപ്ലവങ്ങൾ, അപവാ​ദങ്ങൾ, കാപട്യ​ങ്ങൾ, എയ്‌ഡ്‌സ്‌ പോലുള്ള രോഗങ്ങൾ, ഭൂകമ്പങ്ങൾ, വിശപ്പ്‌, പട്ടിണി എന്നിവ​യെ​സം​ബ​ന്ധി​ച്ചുള്ള കഥകൾ. മാററ​മി​ല്ലാ​തെ ദിനം​തോ​റു​മുള്ള വാർത്ത​ക​ളാണ്‌ ഇവ. എന്നാൽ, വാർത്തകൾ സംബന്ധിച്ച ജീവൽപ്ര​ധാ​ന​മായ ഒരു വശം സാധാ​ര​ണ​യാ​യി അവഗണി​ക്ക​പ്പെ​ടു​ന്നു, അതു പരാമർശി​ക്ക​പ്പെ​ട്ടാൽതന്നെ, അത്‌ പെട്ടെ​ന്നു​തന്നെ തള്ളിക്ക​ള​യ​പ്പെ​ടു​ന്നു.

ദൃഷ്ടാ​ന്ത​ത്തിന്‌, യു.എസ്സ്‌. പ്രസി​ഡണ്ട്‌ എന്ന നിലയിൽ തന്റെ ആദ്യകാ​ല​ഘ​ട്ട​ത്തിൽ റൊനാൾഡ്‌ റെയ്‌ഗൻ “അർമ്മ​ഗെ​ദ്ദോ​നെ”ക്കുറിച്ച്‌ ഇപ്രകാ​രം പറഞ്ഞു: “നാമാ​യി​രി​ക്കു​മോ അതിന്റെ വരവ്‌ കാണുന്ന തലമുറ എന്ന്‌ ഞാൻതന്നെ സംശയി​ക്കു​ന്നു.” എന്നിരു​ന്നാ​ലും പിന്നീട്‌ അദ്ദേഹം, “നാം അർമ്മ​ഗെ​ദ്ദോന്‌ അനുസ​ര​ണ​മാ​യി ആസൂ​ത്രണം ചെയ്യണം” എന്ന്‌ ഒരിക്ക​ലും പറഞ്ഞി​ട്ടില്ല എന്നു ശഠിച്ചു​കൊണ്ട്‌ ആ കാര്യ​ത്തി​ന്റെ ഘനം കുറച്ചു​ക​ളഞ്ഞു.

എന്നിരു​ന്നാ​ലും, ബൈബിൾപു​സ്‌ത​ക​മായ വെളി​പ്പാട്‌, “ഭൂമി​യി​ലെ​യും മുഴു​ലോ​ക​ത്തി​ലെ​യും രാജാ​ക്കൻമാർ” “സർവശ​ക്ത​നായ ദൈവ​ത്തി​ന്റെ ആ മഹാദി​വ​സ​ത്തി​ലെ യുദ്ധത്തിന്‌” കൂട്ടി​ച്ചേർക്ക​പ്പെ​ടു​മെന്ന്‌ വിശദീ​ക​രി​ച്ചു​കൊണ്ട്‌ അർമ്മ​ഗെ​ദ്ദോ​ന്റെ വരവി​നെ​ക്കു​റിച്ച്‌ പറയുന്നു. തുടർന്ന്‌, രാഷ്‌ട്രങ്ങൾ “എബ്രാ​യ​ഭാ​ഷ​യിൽ അർമ്മ​ഗെ​ദ്ദോൻ എന്നു പേരുള്ള സ്ഥലത്ത്‌ ഒരുമി​ച്ചു” കൂട്ട​പ്പെ​ടും എന്ന്‌ ബൈബിൾ പറയുന്നു.—വെളി​പ്പാട്‌ 16:14, 16. ജെയിം​സരാ​ജാ​വി​ന്റെ ഭാഷാ​ന്തരം.

ഭൂമിയെ പ്രകമ്പനം കൊള്ളി​ക്കുന്ന സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ ആ യുദ്ധം എപ്പോൾ സംഭവി​ക്കും? അതു നമ്മുടെ കാലത്താ​യി​രി​ക്കു​മോ? റൊണാൾഡ്‌ റെയ്‌ഗൻപോ​ലും ഇപ്രകാ​രം പറയാൻ പ്രേരി​ത​നാ​യി: “നിങ്ങൾ ഈ അടുത്ത​കാ​ലത്ത്‌ ആ പ്രവച​ന​ങ്ങ​ളിൽ ഏതെങ്കി​ലും ശ്രദ്ധി​ച്ചി​ട്ടു​ണ്ടോ എന്ന്‌ എനിക്ക്‌ അറിഞ്ഞു​കൂ​ടാ, എന്നാൽ, എന്നെ വിശ്വ​സി​ക്കൂ, അവ നിശ്ചയ​മാ​യും നാം കടന്നു​പോ​യി​ക്കൊ​ണ്ടി​രി​ക്കുന്ന കാലങ്ങളെ വർണ്ണി​ക്കു​ന്നു.”

വളരെ പ്രാധാ​ന്യ​മുള്ള വാർത്തകൾ

താഴെ​പ​റ​യുന്ന ബൈബിൾപ്ര​വ​ചനം നിങ്ങൾതന്നേ പരി​ശോ​ധി​ക്കുക: “ഇത്‌ അറിഞ്ഞു​കൊൾക, [ഈ വ്യവസ്ഥി​തി​യു​ടെ] അന്ത്യനാ​ളു​ക​ളിൽ ഇടപെ​ടാൻ പ്രയാ​സ​മായ നിർണ്ണാ​യക സമയങ്ങൾ ഇവിടെ ഉണ്ടായി​രി​ക്കും. എന്തു​കൊ​ണ്ടെ​ന്നാൽ മനുഷ്യർ സ്വസ്‌നേ​ഹി​ക​ളും പണസ്‌നേ​ഹി​ക​ളും ആത്‌മ​പ്ര​ശം​സ​ക​രും അഹംഭാ​വി​ക​ളും ദൂഷകൻമാ​രും മാതാ​പി​താ​ക്കളെ അനുസ​രി​ക്കാ​ത്ത​വ​രും നന്ദിയി​ല്ലാ​ത്ത​വ​രും അവിശ്വ​സ്‌ത​രും സ്വാഭാ​വി​ക​പ്രി​യ​മി​ല്ലാ​ത്ത​വ​രും യാതൊ​രു യോജി​പ്പി​നും ഒരുക്ക​മി​ല്ലാ​ത്ത​വ​രും അപവാ​ദം​പ​റ​യു​ന്ന​വ​രും ആത്‌മ​നി​യ​ന്ത്ര​ണ​മി​ല്ലാ​ത്ത​വ​രും ക്രൂരൻമാ​രും നൻമ​പ്രി​യ​മി​ല്ലാ​ത്ത​വ​രും ഒററു​കാ​രും സാഹസി​ക​രും അഹംഭാ​വ​ത്താൽ ചീർത്ത​വ​രും ദൈവ​പ്രി​യ​ത്തേ​ക്കാൾ അധിക​മാ​യി ഉല്ലാസ​പ്രി​യ​രും ദൈവ​ഭ​ക്തി​യു​ടെ ഒരു രൂപമു​ണ്ടെ​ങ്കി​ലും അതിന്റെ ശക്തിസം​ബ​ന്ധിച്ച്‌ വ്യാജ​മെന്ന്‌ തെളി​യി​ക്കു​ന്ന​വ​രും ആയിരി​ക്കും.” (2 തിമൊ​ഥെ​യോസ്‌ 3:1-5) ഈ പ്രവചനം ഇപ്പോൾ നിവൃ​ത്തി​യേ​റി​ക്കൊ​ണ്ടി​രി​ക്കു​ന്ന​താ​യി നിങ്ങൾ പറയു​ക​യി​ല്ലേ?

കൂടാതെ, യേശു തന്റെ ഭാവി സാന്നി​ദ്ധ്യ​ത്തെ​ക്കു​റി​ച്ചും വ്യവസ്ഥി​തി​യു​ടെ സമാപ​ന​ത്തെ​ക്കു​റി​ച്ചും പറഞ്ഞ​പ്പോൾ അവൻ ഇങ്ങനെ പ്രവചി​ച്ചു: “നിങ്ങൾ യുദ്ധങ്ങ​ളെ​ക്കു​റി​ച്ചും യുദ്ധങ്ങ​ളെ​സം​ബ​ന്ധിച്ച റിപ്പോർട്ടു​ക​ളും കേൾക്കാൻപോ​കു​ക​യാണ്‌ . . . എന്തു​കൊ​ണ്ടെ​ന്നാൽ ജനത ജനത​ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും, ഒന്നൊ​ന്നാ​യി വിവി​ധ​സ്ഥ​ല​ങ്ങ​ളിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടാകും. . . . നിയമ​രാ​ഹി​ത്യ​ത്തി​ന്റെ വർദ്ധന​വി​നാൽ അനേക​രു​ടെ സ്‌നേഹം തണുത്തു​പോ​കും.” (മത്തായി 24:3-12) ഈ പ്രവച​ന​വും നിവൃ​ത്തി​യേ​റി​ക്കൊ​ണ്ടി​രി​ക്കു​ന്ന​താ​യി നിങ്ങൾ സമ്മതി​ക്കു​ക​യി​ല്ലേ?

ഈ പ്രവച​ന​ങ്ങ​ളു​ടെ നിവൃ​ത്തി​യു​ടെ കാലത്ത്‌ ജീവി​ക്കുന്ന തന്റെ അനുഗാ​മി​കൾ അവ യഥാർത്ഥ​ത്തിൽ അർത്ഥമാ​ക്കു​ന്ന​തെ​ന്തെന്ന്‌ വിലമ​തി​ക്ക​ത്ത​ക്ക​വണ്ണം യേശു ഈ ഉപമ പറഞ്ഞു: “അത്തിവൃ​ക്ഷ​ത്തെ​യും മറെറല്ലാ വൃക്ഷങ്ങ​ളെ​യും ശ്രദ്ധി​ക്കുക: അവ തളിർത്തി​രി​ക്കു​ന്നതു നിരീ​ക്ഷി​ക്കു​മ്പോൾ വേനൽ അടുത്തി​രി​ക്കു​ന്നു എന്ന്‌ നിങ്ങൾതന്നെ അറിയു​ന്നു​വ​ല്ലോ. ഈ വിധത്തിൽ നിങ്ങൾ ഈ കാര്യങ്ങൾ [യഥാർത്ഥ​ത്തിൽ ഇന്നു സംഭവി​ച്ചു​കൊ​ണ്ടി​രി​ക്കു​ന്ന​താ​യി നാം കാണുന്ന കാര്യ​ങ്ങൾതന്നേ] സംഭവി​ക്കു​ന്നതു കാണു​മ്പോൾ ദൈവ​രാ​ജ്യം സമീപി​ച്ചി​രി​ക്കു​ന്നു എന്ന്‌ നിങ്ങളും അറിയു​ന്നു.”—ലൂക്കോസ്‌ 21:29-31.

നിശ്ചയ​മാ​യും, നാം ജീവി​ക്കു​ന്നത്‌ ദൈവ​ത്തി​ന്റെ രാജ്യ​ത്തി​ന്റെ വരവി​നും അവന്റെ യുദ്ധമായ അർമ്മ​ഗെ​ദ്ദോ​നും വളരെ അടുത്ത​യി​രി​ക്കുന്ന സമയത്താണ്‌ എന്നതിന്‌ തെളി​വു​കൾ കൂനകൂ​ടു​ന്നു! ഈ ജീവൽപ്ര​ധാ​ന​മായ വാർത്ത ഈ ലോക​ത്തി​ലെ വാർത്താ​സ​ര​ണി​കൾ മിക്കവാ​റും പൂർണ്ണ​മാ​യി അവഗണി​ച്ചി​രി​ക്കു​മ്പോൾ യഹോ​വ​യു​ടെ സാക്ഷികൾ അത്‌ ലോക​വ്യാ​പ​ക​മാ​യി പരത്തു​ന്ന​തിൽ പങ്കുപ​റ​റി​ക്കൊ​ണ്ടി​രി​ക്കു​ന്നു. അവർ പറയുന്ന ഈ സുവാർത്ത, ദൈവം ഭൂമിയെ സകല അഴിമ​തി​ക​ളിൽനി​ന്നും ശുദ്ധീ​ക​രി​ക്കു​മെന്നു മാത്രമല്ല, അവന്റെ രാജ്യ​ഗ​വൺമെൻറിൻകീ​ഴിൽ മുഴു​ഭൂ​മി​യും സന്തോ​ഷ​പ്ര​ദ​മായ പൂന്തോ​ട്ട​സ​മാ​ന​മായ പറുദീ​സ​യാ​ക്കി​ത്തീർക്കു​മെ​ന്നും​കൂ​ടി​യാണ്‌.

ഈ കാര്യ​ങ്ങൾസം​ബ​ന്ധിച്ച്‌ ബൈബിൾ വാഗ്‌ദാ​നം ചെയ്യുന്നു: “എന്തു​കൊ​ണ്ടെ​ന്നാൽ നീതി​മാൻമാ​രാണ്‌ ഭൂമി​യിൽ വസിക്കാ​നി​രി​ക്കു​ന്നത്‌, കുററ​വി​മു​ക്ത​രാ​യി​രി​ക്കും അതിൽ അവശേ​ഷി​ച്ചി​രി​ക്കു​ന്നത്‌. ദുഷ്ടൻമാ​രെ​സം​ബ​ന്ധി​ച്ചോ അവർ ഭൂമി​യിൽനി​ന്നു​തന്നെ ഛേദി​ക്ക​പ്പെ​ടും; വിശ്വാ​സ​പാ​ത​കി​ക​ളെ​സം​ബ​ന്ധി​ച്ചോ അവർ അതിൽനിന്ന്‌ നീക്കം​ചെ​യ്യ​പ്പെ​ടും.” കൂടാതെ: “സൗമ്യ​ത​യു​ള്ള​വർതന്നേ ഭൂമിയെ അവകാ​ശ​മാ​ക്കും, അവർ നിശ്ചയ​മാ​യും സമാധാ​ന​ത്തി​ന്റെ സമൃദ്ധി​യിൽ പരമാ​നന്ദം കണ്ടെത്തും. നീതി​മാൻമാർതന്നെ ഭൂമിയെ അവകാ​ശ​മാ​ക്കും, അവർ അതിൽ എന്നേക്കും വസിക്കും.”—സദൃശ​വാ​ക്യ​ങ്ങൾ 2:21, 22; സങ്കീർത്തനം 37:11, 29.

ഈ മഹത്തായ പ്രവച​ന​ങ്ങ​ളു​ടെ നിവൃത്തി വളരെ അടുത്തി​രി​ക്കു​ന്നു എന്നതി​നുള്ള തെളി​വു​കൾസം​ബ​ന്ധിച്ച്‌ നിങ്ങൾ മെച്ചമാ​യി അറിയാൻ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ ആ വിവരം യഹോ​വ​യു​ടെ സാക്ഷി​കളെ അറിയി​ക്കുക. ഇന്നത്തെ വാർത്തകൾ യഥാർത്ഥ​ത്തിൽ ദൈവ​രാ​ജ്യം അടുത്തി​രി​ക്കു​ന്നു​വെന്ന്‌, അതെ, നീതി​യു​ടെ ഒരു പുതി​യ​ലോ​കം സമീപി​ച്ചി​രി​ക്കു​ന്നു​വെന്ന്‌ തിരി​ച്ച​റി​യു​ന്ന​തിന്‌ നിങ്ങളെ സഹായി​ക്കാൻ അവർ സന്തോ​ഷ​മു​ള്ള​വ​രാ​യി​രി​ക്കും. (g90 8⁄22)

[28-ാം പേജിലെ ചിത്ര​ത്തിന്‌ കടപ്പാട്‌]

Nordhausen/slave camp: USAF Official Photo; Starving child: WHO photo by W. Cutting; Industrial plant: WHO photo by P. Almasy