ഒരു പുതിയ ലോകം—വളരെ അടുത്തി​രി​ക്കു​ന്നു!

ഈ ലോകം മരണ​വേ​ദ​ന​യി​ലാണ്‌! അത്‌ യഥാർത്ഥ​ത്തിൽ സത്യമാ​യി​രി​ക്കാൻ കഴിയു​മോ? ശരി, ലോകാ​വ​സ്ഥകൾ ശ്രദ്ധാ​പൂർവം പരിചി​ന്തി​ക്കുക.

ഭൂമി​യി​ലെ മുഴു ജനസം​ഖ്യ​യെ​യും പല പ്രാവ​ശ്യം നശിപ്പി​ക്കാൻ വേണ്ടത്ര ന്യൂക്ലി​യർ ആയുധ​ങ്ങ​ളുണ്ട്‌. അംഗോ​ള​യും മൊസാം​ബി​ക്കും പോലെ അനേകം രാജ്യ​ങ്ങ​ളിൽ ആഭ്യന്ത​ര​യു​ദ്ധം കൊടു​മ്പി​രി​ക്കൊ​ണ്ടി​രി​ക്കു​ക​യാണ്‌. ദക്ഷിണാ​ഫ്രി​ക്ക​യി​ലും ശ്രീല​ങ്ക​യി​ലും മററു ചില രാജ്യ​ങ്ങ​ളി​ലും വംശീ​യ​പോ​രാ​ട്ടങ്ങൾ നടക്കുന്നു. ഭീകര​പ്ര​വർത്ത​ന​വും ക്ഷാമവും ഭയങ്കര ജീവനാ​ശം വരുത്തി​ക്കൂ​ട്ടി​ക്കൊ​ണ്ടി​രി​ക്കു​ന്നു.

എയ്‌ഡ്‌സ്‌ എന്ന സമസ്‌ത​വ്യാ​പക വ്യാധി​യെ സംബന്ധി​ച്ചെന്ത്‌? 1987 ഒക്‌ടോ​ബർ 25ലെ സൗത്താ​ഫ്രി​ക്കൻ സണ്ടേ റൈറംസ അതിനെ “പുതിയ പ്ലേഗ്‌ മരണം” എന്നു വിളി​ച്ചു​കൊ​ണ്ടി​ങ്ങനെ പറഞ്ഞു: “ഇപ്പോൾ ആഫ്രിക്കൻ എയ്‌ഡ്‌സി​ന്റെ പൂർണ്ണ ഭീകരത വെളി​പ്പെ​ടു​ത്ത​പ്പെ​ട്ടി​രി​ക്കു​ന്നു: ചില രാജ്യ​ങ്ങ​ളിൽ ഓരോ പത്തു​പേ​രി​ലും ആറുപേർ വീതം 1994 ആകു​മ്പോ​ഴേക്ക്‌ മരിക്കാൻ സാദ്ധ്യ​ത​യുണ്ട്‌.”

അങ്ങനെ​യു​ള്ള അവസ്ഥകൾനി​മി​ത്തം ഭയം വ്യാപി​ച്ചി​രി​ക്കു​ന്നു. കുറേ വർഷങ്ങൾക്കു​മുമ്പ്‌ നോബൽ സമ്മാനാർഹ​നായ ഹാരോൾഡ്‌ സി. ഉറേ പറഞ്ഞതു​പോ​ലെ: “നാം ഭയം തിന്നും, ഭയന്നു​റ​ങ്ങും, ഭയത്തിൽ ജീവി​ക്കും, ഭയത്തിൽ മരിക്കും.” ഭൂമി​യിൽ ജീവി​ച്ചി​ട്ടു​ള്ള​തി​ലേ​ക്കും വലിയ പ്രവാ​ച​ക​നായ യേശു​ക്രി​സ്‌തു ഈ ലോക​ത്തി​ന്റെ അന്ത്യനാ​ളു​ക​ളിൽ മനുഷ്യർ “ഭയത്താ​ലും നിവസി​ത​ഭൂ​മി​മേൽ സംഭവി​ക്കുന്ന കാര്യ​ങ്ങ​ളേ​ക്കു​റി​ച്ചുള്ള പ്രതീ​ക്ഷ​യാ​ലും മോഹാ​ല​സ്യ​പ്പെ​ടു​മെന്ന്‌” അർത്ഥവ​ത്താ​യി പറയു​ക​യു​ണ്ടാ​യി.—ലൂക്കോസ്‌ 21:26.

എന്നാൽ അനേകർക്ക്‌ ഭയമില്ല. പകരം, അവർ സന്തോ​ഷി​ക്കു​ക​യാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ഈ ലോക​വ്യ​വ​സ്ഥി​തി (ഭൂഗ്ര​ഹമല്ല) അതിന്റെ അവസാ​ന​ത്തോ​ട​ടു​ത്തി​രി​ക്കു​ന്നു​വെ​ന്നും ഒരു പുതി​യ​ലോ​കം വളരെ സമീപി​ച്ചി​രി​ക്കു​ന്നു​വെ​ന്നും അവർക്ക​റി​യാം. അവർക്ക്‌ ഇത്ര ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌? വളരെ​യ​ധി​കം ബൈബിൾ പ്രവച​ന​ങ്ങ​ളു​ടെ നിവൃത്തി നിമി​ത്തം​തന്നെ.

ദൃഷ്ടാ​ന്ത​മാ​യി, യേശു​ക്രി​സ്‌തു​വി​ന്റെ സാന്നി​ദ്ധ്യ​ത്തി​ന്റെ​യും ലോക​ത്തി​ന്റെ അവസാ​ന​ത്തി​ന്റെ​യും അടയാ​ള​മെ​ന്താ​ണെന്ന്‌ അവനോട്‌ ചോദി​ക്ക​പ്പെ​ട്ട​പ്പോൾ അവൻ ഇങ്ങനെ പറഞ്ഞു: “ജനത ജനത​ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും.” 1914-ൽ ഒന്നാം ലോക​മ​ഹാ​യു​ദ്ധം പൊട്ടി​പ്പു​റ​പ്പെട്ടു. അത്‌ യുദ്ധത്താൽ അന്നുവ​രെ​യു​ള്ള​തിൽവച്ച്‌ ഏററം വലിയ ജീവനാ​ശം വരുത്തി​ക്കൂ​ട്ടി. പോരാ​ളി​കൾക്കു ഭവിച്ച നാശമോ? ദശലക്ഷ​ക്ക​ണ​ക്കി​നു പൗരൻമാർക്കു പുറമേ ഏതാണ്ട്‌ 90,00,000 പേർ മരിച്ചു! എന്നാൽ രണ്ടാം ലോക​മ​ഹാ​യു​ദ്ധം അതി​നെ​ക്കാൾ വിനാ​ശ​ക​ര​മാ​യി​രു​ന്നു, ഏതാണ്ട്‌ 5,50,00,000 പേർക്കാണ്‌ ജീവഹാ​നി ഭവിച്ചത്‌! ഇതി​നെ​യെ​ല്ലാം തുടർന്ന്‌ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും പകർച്ച​വ്യാ​ധി​ക​ളും അധർമ്മ​വും ഉണ്ടായി​രി​ക്കു​മെന്ന്‌ യേശു ചൂണ്ടി​ക്കാ​ട്ടി.—മത്തായി 24:7-13; ലൂക്കോസ്‌ 21:10, 11.

ക്രിസ്‌തീ​യ അപ്പോ​സ്‌ത​ല​നായ പൗലോ​സും ഇപ്പോ​ഴത്തെ ലോകാ​വ​സ്ഥ​കളെ കൃത്യ​മാ​യി മുൻകൂ​ട്ടി​പ്പ​റഞ്ഞു. അവൻ ഇങ്ങനെ എഴുതി: “അന്ത്യനാ​ളു​ക​ളിൽ ഇടപെ​ടാൻ പ്രയാ​സ​മായ വിഷമ​കാ​ലങ്ങൾ വരും. എന്തു​കൊ​ണ്ടെ​ന്നാൽ മനുഷ്യർ സ്വസ്‌നേ​ഹി​ക​ളും പണസ്‌നേ​ഹി​ക​ളും അഹംഭാ​വി​ക​ളും ഗർവ്വി​ഷ്‌ഠ​രും, ദൂഷക​രും മാതാ​പി​താ​ക്കൻമാ​രോട്‌ അനുസ​ര​ണ​മി​ല്ലാ​ത്ത​വ​രും നന്ദിയി​ല്ലാ​ത്ത​വ​രും അവിശ്വ​സ്‌ത​രും സ്വാഭാ​വി​ക​പ്രി​യ​മി​ല്ലാ​ത്ത​വ​രും യാതൊ​രു യോജി​പ്പി​നും മനസ്സി​ല്ലാ​ത്ത​വ​രും ഏഷണി​ക്കാ​രും ആത്മനി​യ​ന്ത്ര​ണ​മി​ല്ലാ​ത്ത​വ​രും ഉഗ്രൻമാ​രും നൻമ​പ്രി​യ​മി​ല്ലാ​ത്ത​വ​രും, ഒററു​കാ​രും, ധാർഷ്‌ഠ്യ​ക്കാ​രും, അഹങ്കാ​ര​ത്താൽ ചീർത്ത​വ​രും ദൈവ​പ്രി​യ​രാ​യി​രി​ക്കു​ന്ന​തി​നു​പ​കരം ഉല്ലാസ​പ്രി​യ​രും ദൈവ​ഭ​ക്തി​യു​ടെ ഒരു രൂപമു​ണ്ടെ​ങ്കി​ലും അതിന്റെ ശക്തിയി​ല്ലെന്നു തെളി​യു​ന്ന​വ​രു​മാ​യി​രി​ക്കും; ഇവരിൽനിന്ന്‌ അകന്നു​മാ​റുക.” (2 തിമൊ​ഥെ​യോസ്‌ 3:1-5) ഈ വാക്കുകൾ എഴുതാൻ ദൈവം പൗലോ​സി​നെ നിശ്വ​സ്‌ത​നാ​ക്കി​യ​തു​കൊണ്ട്‌ അവന്‌ ഏതൽക്കാ​ലാ​വ​സ്ഥകൾ വളരെ കൃത്യ​മാ​യി മുൻകൂ​ട്ടി​പ്പ​റ​യാൻ കഴിഞ്ഞു.

അന്ത്യകാ​ല​ത്തെ​സം​ബ​ന്ധി​ച്ചുള്ള തന്റെ സ്വന്തം വാക്കു​കളെ സംബന്ധിച്ച്‌ യേശു ഇങ്ങനെ പറഞ്ഞു: “ഈ കാര്യങ്ങൾ സംഭവി​ക്കു​ന്നത്‌ നിങ്ങൾ കാണു​മ്പോൾ ദൈവ​രാ​ജ്യം സമീപി​ച്ചി​രി​ക്കു​ന്നു​വെന്ന്‌ അറിയുക.” (ലൂക്കോസ്‌ 21:31) ദശലക്ഷങ്ങൾ യേശു​വി​ന്റെ മാതൃ​കാ​പ്രാർത്ഥന ഉപയോ​ഗി​ക്കു​ക​യും ദൈവ​രാ​ജ്യം വരാൻ അപേക്ഷി​ക്കു​ക​യും​ചെ​യ്യു​ന്നു. (മത്തായി 6:9, 10) എന്നാൽ “ഈ രാജ്യം യഥാർത്ഥ​ത്തിൽ എന്തു ചെയ്യും?” എന്നു ചോദി​ക്കു​മ്പോൾ അവർക്കു​ത്ത​ര​മില്ല. ഇതിനു വിപരീ​ത​മാ​യി, ഉത്സാഹ​പൂർവം ബൈബിൾ പഠിക്കുന്ന ദശലക്ഷങ്ങൾ രാജ്യം ഈ പഴയ​ലോ​ക​ത്തിന്‌ അറുതി​വ​രു​ത്തു​മെ​ന്നും മനുഷ്യ​വർഗ്ഗ​ത്തിന്‌ എണ്ണമററ അനു​ഗ്ര​ഹങ്ങൾ കൈവ​രു​ത്തുന്ന ഒരു പുതി​യ​ലോ​കം ദൃഢമാ​യി സ്ഥാപി​ക്കു​മെ​ന്നും മനസ്സി​ലാ​ക്കി​യി​രി​ക്കു​ന്നു. എന്നാൽ എങ്ങനെ? എപ്പോൾ? (g88 11⁄15)