തെററി​ദ്ധ​രി​ക്ക​പ്പെട്ട കഴുത​പ്പു​ലി

കഴുത​പ്പു​ലി​യേ​ക്കാൾ ദ്രോ​ഹ​ബു​ദ്ധി​യുള്ള മൃഗങ്ങൾ ഏറെയില്ല. അവ ശരിക്കും പ്രിയ​ങ്ക​ര​ങ്ങ​ളായ മൃഗങ്ങ​ള​ല്ലെന്ന്‌ സമ്മതി​ക്കു​ന്നു. തിളങ്ങുന്ന കണ്ണുക​ളും ചരിഞ്ഞ മുതു​കും മടയ​പ്ര​കൃ​തി​യു​മെ​ല്ലാം അനേകം മാനു​ഷ​നി​രീ​ക്ഷ​കർക്ക്‌ ദ്രോ​ഹ​ബു​ദ്ധി​യായ ഒന്നിനെ സൂചി​പ്പി​ക്കു​ന്നു. കൂടാതെ, കഴുത​പ്പു​ലി ഒരു ഉൻമത്ത​നെ​പ്പോ​ലെ ചിരി​ക്കു​ക​യും വിങ്ങി​ച്ചി​രി​ക്കു​ക​യും​ചെ​യ്യു​ന്നു. അതിന്റെ രൂക്ഷമായ ആക്രോ​ശം മിക്ക​പ്പോ​ഴും ആഫ്രി​ക്കൻനി​ശ​യു​ടെ ശാന്തത​യിൽ തുളച്ചു​ക​യ​റു​ന്നു. ഈ ഗുണങ്ങ​ളെ​ല്ലാം​കൂ​ടെ നിങ്ങളെ വിറപ്പി​ക്കാൻ പര്യാ​പ്‌ത​മാണ്‌!

എന്നാൽ കഴുത​പ്പു​ലി​കൾക്ക്‌ നിഷേ​ധാ​ത്മ​ക​മായ പ്രസിദ്ധി വേണ്ടതി​ലേ​റെ​യുണ്ട്‌. അതു​കൊണ്ട്‌ നമുക്ക്‌ ചില വശങ്ങളിൽ രേഖകൾ നേരെ​യാ​ക്കാം. ഒന്നാമ​തു​തന്നെ, കഴുത​പ്പു​ലി ഏതോ തരം പട്ടിയാ​ണെന്ന്‌ മിക്ക​പ്പോ​ഴും വിചാ​രി​ക്ക​പ്പെ​ടു​ന്നു. അത്‌ അത്തരത്തി​ലൊ​ന്നു​മല്ല. ഒരു പ്രത്യേ​ക​ജാ​തി​യായ അതിന്റെ പട്ടി​യോ​ടുള്ള സാദൃ​ശ്യം തികച്ചും ഉപരി​പ്ല​വ​മാണ്‌.

കഴുത​പ്പു​ലി​കൾ സാധാ​ര​ണ​യാ​യി ഭീരു​ക്ക​ളാ​യും വിചാ​രി​ക്ക​പ്പെ​ടു​ന്നു. എന്നാൽ ഭീരുക്കൾ അശേഷം ഫലപ്ര​ദ​രായ വേട്ടക്കാ​രാ​യി​രി​ക്കു​ക​യില്ല. വേട്ടക്കാ​രോ? അതെ, കഴുത​പ്പു​ലി​കൾ കേവലം മലഭു​ക്കു​കളല്ല. സകല ആഫ്രിക്കൻ മാംസ​ഭു​ക്കു​ക​ളി​ലും​വെച്ച്‌ അതിശ​ക്ത​മായ തോളു​ക​ളും താടി​യെ​ല്ലു​ക​ളു​മുള്ള അവ അവയുടെ സ്വന്തം ഇരകളെ വേട്ടയാ​ടു​ന്ന​തിൽ തികച്ചും കാര്യ​ക്ഷ​മ​ത​യു​ള്ള​വ​യാണ്‌—പോത്തി​നോ​ളം വലിപ്പ​മുള്ള മൃഗങ്ങ​ളെ​പ്പോ​ലും. യഥാർത്ഥ​ത്തിൽ, അവ ആഫ്രി​ക്ക​യി​ലെ വലിയ ഇരപി​ടി​യൻമാ​രു​ടെ അണിക​ളിൽ ഉൾപ്പെ​ടു​ന്നു.

ദക്ഷിണാ​ഫ്രി​ക്ക​യി​ലെ മാംസ​ഭു​ക്കു​ക​ളെ​ക്കു​റി​ച്ചു പഠിക്കവേ സിംഹി​കൾ അവയുടെ സ്വന്തം ഇരയെ തിന്നു​കൊ​ണ്ടി​രു​ന്ന​പ്പോൾ കഴുത​പ്പു​ലി​കൾ അവയെ യഥാർഥ​മാ​യി വിരട്ടി​യോ​ടി​ക്കു​ന്നത്‌ ഗ്രന്ഥകാ​ര​നായ ക്രിസ്‌ മക്ക്‌​ബ്രൈഡ്‌ മിക്ക​പ്പോ​ഴും കാണു​ക​യു​ണ്ടാ​യി. ഒരു പററം കഴുത​പ്പു​ലി​ക​ളു​ടെ ആക്രമ​ണത്തെ ചെറു​ത്തു​നിൽക്കാൻ ആൺസിം​ഹ​ത്തി​നു​മാ​ത്രമേ കഴിഞ്ഞു​ള്ളു. കഴുത​പ്പു​ലി യഥാർത്ഥ​ത്തിൽ ഒരു ഭീരു​വാ​ണെ​ങ്കിൽ അത്‌ അത്ര അജയ്യമായ ഒരു ശത്രു​വി​നെ നേരി​ടു​മോ? അതിനു സാദ്ധ്യ​ത​യില്ല!

അതു ചിരി​ക്കു​ന്ന​തി​ന്റെ കാരണം

കഴുത​പ്പു​ലി​യു​ടെ ഉൻമത്ത​മായ വിങ്ങി​ച്ചി​രി നിങ്ങൾക്ക്‌ അല്‌പം അസുഖ​ക​ര​മാ​യി തോന്നി​യേ​ക്കാം. എന്നാൽ അവൻ കേവലം അവന്റെ വർഗ്ഗത്തിൽപ്പെ​ട്ട​വ​രു​മാ​യി ആശയവി​നി​യമം ചെയ്യു​ക​മാ​ത്ര​മാണ്‌. “പുള്ളി​യുള്ള ഓരോ കഴുത​പ്പു​ലി​ക്കും അതിന്റെ സ്വന്തം ആക്രോ​ശ​മുണ്ട്‌, മററ്‌ കഴുത​പ്പു​ലി​കൾക്ക്‌ അത്‌ തിരി​ച്ച​റി​യാൻ കഴിയും” എന്ന്‌ സൗത്താ​ഫ്രി​ക്കൻ വിദഗ്‌ദ്ധ​നായ ഡോ. ജി. മിൽസ്‌ വിശദീ​ക​രി​ക്കു​ന്നു. ഈ വിധത്തിൽ, പ്രദേശം സംരക്ഷി​ക്കു​ക​യോ ഒരു വേട്ടസം​ഘം രൂപീ​ക​രി​ക്കു​ക​യോ ചെയ്യു​ന്ന​തു​പോ​ലെ​യുള്ള ആവശ്യം നേരി​ടു​ന്ന​പക്ഷം അവക്ക്‌ പുനഃ​സം​ഘ​ടി​ക്കാൻ കഴിയ​ത്ത​ക്ക​വണ്ണം പരക്കെ ചിതറി​പ്പോ​യി​രി​ക്കുന്ന അവയുടെ വർഗ്ഗത്തി​ലെ അംഗങ്ങളെ അവ എവി​ടെ​യാ​ണെന്ന്‌ അറിയി​ക്കാൻക​ഴി​യു​ന്നു. ഒരു ഇരയെ കൊല്ലു​ന്ന​തി​ലോ ചീഞ്ഞ മാംസം കണ്ടുപി​ടി​ക്കു​ന്ന​തി​ലോ ഉള്ള അവയുടെ ആവേശം ഉച്ചസ്ഥാ​യി​യി​ലുള്ള “വിങ്ങി​ച്ചി​രി”യാൽ ധ്വനി​പ്പി​ക്ക​പ്പെ​ടു​ന്നു.

എന്നാൽ എല്ലാ കഴുത​പ്പു​ലി​ക​ളും ചിരി​ക്കു​ന്നില്ല. ദക്ഷിണാ​ഫ്രി​ക്ക​യി​ലെ തവിട്ടു​നി​റ​മുള്ള കഴുത​പ്പു​ലി പുള്ളി​യുള്ള കൂടുതൽ സാധാ​ര​ണ​മായ കഴുത​പ്പു​ലി​യെ​ക്കാൾ ചെറു​തും ശാന്തത​യു​ള്ള​തു​മാണ്‌. കൂട്ടമാ​യി തീററി​തി​ന്നു​ന്ന​തി​നെ​ക്കാൾ ഒററക്ക്‌ തിന്നാൻ അതു കൂടു​ത​ലി​ഷ്ട​പ്പെ​ടു​ന്നു. അത്‌ ഗന്ധത്തി​ലൂ​ടെ​യുള്ള ആശയവി​നി​മ​യത്തെ ആശ്രയി​ക്കു​ന്നു.

ഒരോ​ന്നും പ്രത്യേ​ക​വൽകൃത ഗുദ​കോ​ശ​ങ്ങ​ളിൽനിന്ന്‌ പശകൾ ഒലിപ്പി​ച്ചു​കൊണ്ട്‌ അതിന്റെ വ്യതി​രി​ക്ത​മായ ഗന്ധം പുൽച്ചു​വ​ടു​ക​ളി​ലേ​ക്കും കുററി​ച്ചെ​ടി​ക​ളി​ലേ​ക്കും അല്ലെങ്കിൽ പാറക​ളി​ലേ​ക്കും പകരുന്നു. കഴുത​പ്പു​ലി​യു​ടെ ഗന്ധബോ​ധം വളരെ രൂക്ഷമാ​യ​തു​കൊണ്ട്‌ അതിന്‌ പ്രത്യ​ക്ഷ​ത്തിൽ അതിന്റെ പശയിൽനിന്ന്‌ കൂട്ടു​വർഗ്ഗാം​ഗ​ങ്ങ​ളു​ടെ ലിംഗ​ത്തെ​യും സാമൂ​ഹി​ക​നി​ല​യേ​യും താദാ​ത്മ്യം​പോ​ലും മനസ്സി​ലാ​ക്കാൻ കഴിയും.

നിങ്ങൾ കഴുത​പ്പു​ലി​യെ വെറു​ക്കു​ന്നു​വോ? അത്‌ ഓമന​ത്ത​മു​ള്ള​തോ ആകർഷ​ക​ത്വ​മു​ള്ള​തോ അല്ലെന്ന്‌ സമ്മതി​ക്കു​ന്നു. എല്ലാ മൃഗങ്ങ​ളും അങ്ങനെ​യ​ല്ല​ല്ലോ. അനേകം മൃഗങ്ങൾ ബലം, തന്ത്രം എന്നിവ​പോ​ലുള്ള ഗുണങ്ങ​ളാൽ നമ്മിൽ മതിപ്പു​ള​വാ​ക്കു​ന്നു. ആ വെളി​ച്ച​ത്തിൽ, നമ്മിൽ മതിപ്പും ആകർഷ​ണ​വും ഉളവാ​ക്കു​ന്ന​തിന്‌ കഴുത​പ്പു​ലി​യെ സംബന്ധിച്ച്‌ വളരെ​യ​ധി​കം കാര്യ​ങ്ങ​ളുണ്ട്‌. (g90 6⁄22)