യുവജ​നങ്ങൾ ചോദി​ക്കു​ന്നു. . .

വല്ലപ്പോ​ഴും ശപിക്കു​ന്ന​തിൽ എന്താണ്‌ തെററ്‌?

ശകാരം. സകലരും അതു ചെയ്യുന്നു. . . . അത്‌ സ്‌കൂ​ളി​ലെ ധിക്കാ​രി​യിൽനിന്ന്‌ സ്വീക​രിച്ച ഏതാനും ചില വാക്കു​കൾമാ​ത്ര​മാ​യി ‘സാവധാന’ത്തിൽ തുടക്ക​മി​ട്ടേ​ക്കാം, പെട്ടെ​ന്നു​തന്നെ മുഴു​ഭാ​ഷ​യും അതായി വളരുന്നു, നിയ​ന്ത്രണം കൂടുതൽ പ്രയാ​സ​ക​ര​മാ​യി​ത്തീ​രു​ക​യും ചെയ്യുന്നു.”—ലോറാ, പ്രായം 14.

ശകാരം. ശപിക്കൽ. അസഭ്യം. യുവജ​നങ്ങൾ ഫലത്തിൽ അതിന്റെ പ്രളയ​ത്തിൽ ആണ്ടു​പോ​യി​രി​ക്കു​ക​യാണ്‌. യു.എസ. ന്യൂസ ആൻഡ വേൾഡ റിപ്പോർട്ട ഇങ്ങനെ പ്രസ്‌താ​വി​ച്ചു: “ബംബർസ്‌റ​റി​ക്ക​റു​ക​ളി​ലും ബട്ടൺസു​ക​ളി​ലും ററി-ഷർട്ടു​ക​ളി​ലും വ്യാപി​ച്ചു​കി​ട​ക്കുന്ന അസഭ്യ​ഭാ​ഷ​യാൽ കണ്ണും കാതും ആക്രമി​ക്ക​പ്പെ​ടു​ക​യാണ്‌. അശ്ലീല​വാ​ക്കു​കൾ റേഡി​യോ​ക​ളിൽനി​ന്നും നമ്മുടെ നേരെ അലറു​ക​യാണ്‌, അവ പതിവാ​യി മാസി​കാ​ലേ​ഖ​ന​ങ്ങ​ളി​ലും ററി വി പ്രദർശ​ന​ങ്ങ​ളി​ലും ചലച്ചി​ത്ര​ങ്ങ​ളി​ലും ഉൾപ്പെ​ടു​ത്ത​പ്പെ​ടു​ക​യാണ്‌. രാഷ്‌ട്രീ​യ​നേ​താ​ക്ക​ളും പ്രസി​ദ്ധൻമാ​രും നിർല്ലജ്ജം അങ്ങോ​ട്ടു​മി​ങ്ങോ​ട്ടും അസഭ്യം പറയാ​റുണ്ട്‌—ചില മാതാ​പി​താ​ക്ക​ളും സമപ്രാ​യ​ക്കാ​രും പോലും അതു ചെയ്യുന്നു.

എഴുത്തു​കാ​രൻ ആൽഫ്രഡ്‌ ലുബ്രാ​നോ ഇങ്ങനെ പറയുന്നു: “അധി​ക്ഷേ​പ​വാ​ക്കു​കൾ ഓഫീ​സു​ക​ളി​ലെ​യും റസ്‌റേ​റാ​റൻറു​ക​ളി​ലെ​യും പന്തുക​ളി​യി​ലെ​യും അനേക​രു​ടെ സാധാരണ പദസഞ്ച​യ​മാ​യി​രി​ക്കു​ക​യാണ്‌.” യഥാർത്ഥ​ത്തിൽ, അസഭ്യ​സം​സാ​രം വളരെ സാധാ​ര​ണ​മാ​യി​ത്തീർന്നി​രി​ക്കു​ന്ന​തു​കൊണ്ട്‌ അതിന്റെ ഞെട്ടി​ക്കൽമൂ​ല്യം നഷ്ടപ്പെ​ട്ടി​രി​ക്കു​ക​യാണ്‌. അതു​കൊണ്ട്‌ ചില​പ്പോ​ഴൊ​ക്കെ, വിശേ​ഷിച്ച്‌ ഒരുവൻ നിരാ​ശാ​ജ​ന​ക​മായ സാഹച​ര്യ​ത്തെ അഭിമു​ഖീ​ക​രി​ക്കു​മ്പോൾ, കുറച്ചു “തെറി” പറയു​ന്ന​തിൽ കുഴപ്പ​മു​ണ്ടോ​യെന്ന്‌ നിങ്ങൾ സംശയി​ച്ചേ​ക്കാം.

ചെറു​പ്പ​ക്കാർ ആഭാസ​പ​ദങ്ങൾ പറയു​ന്ന​തി​ന്റെ കാരണം

മനഃശാ​സ്‌ത്ര​ജ്ഞ​നായ ചേററർ മേസൻ ഇങ്ങനെ പറയുന്നു: “അസഭ്യ​ഭാഷ മമനു​ഷ്യ​ന്റെ സാരാം​ശം​ത​ന്നെ​യാണ്‌. ചൊറി​ച്ചിൽപോ​ലെ അത്‌ പിരി​മു​റു​ക്കം കുറക്കു​ന്നു.” ചിൽഡ്രൻസ എകസപ്രസ മാസി​ക​യു​ടെ റിപ്പോർട്ടർമാർ “കുട്ടികൾ അസഭ്യം പറയു​ന്ന​തെ​ന്തു​കൊണ്ട്‌?” എന്ന ചോദ്യം പല ചെറു​പ്പ​ക്കാ​രോ​ടു ചോദി​ച്ച​പ്പോൾ അവർക്കു കിട്ടിയ മറുപ​ടി​കൾ ഇവയാണ്‌: “എനിക്കു ഭ്രാന്തു​പി​ടി​ക്കു​ന്ന​തു​കൊ​ണ്ടാണ്‌ ഞാൻ അസഭ്യം​പ​റ​യു​ന്നത്‌,” “എനിക്കു കോപം​വ​രു​മ്പോൾ മാത്ര​മാണ്‌ ഞാൻ അതു ചെയ്യു​ന്നത്‌.” “അത്‌ എനിക്ക്‌ സുഖം, ആശ്വാസം തോന്നി​പ്പി​ക്കു​ന്നു.”

നമ്മൾ അസാധാ​ര​ണ​മാ​യി സംഘർഷാ​ത്മ​ക​മായ കാലങ്ങ​ളിൽ ജീവി​ക്കു​ന്ന​തു​കൊണ്ട്‌ സംഘർഷം കുറക്കാ​നുള്ള ആ ചൊറി​ച്ചിൽ ഒട്ടുമി​ക്ക​പ്പോ​ഴും ഉണ്ടാ​യേ​ക്കാം. തീർച്ച​യാ​യും ഇപ്പോ​ഴത്തെ അസഭ്യ​ത്തി​ന്റെ “സാധാ​ര​ണ​മാ​ക്കൽ” “അമേരി​ക്കൻ സംസ്‌ക്കാ​ര​ത്തി​ലെ ഒരു വലിയ മാററ”ത്തിന്റെ തെളി​വാ​ണെന്ന്‌ ഹാർവാർഡ്‌ സൈക്യാ​ട്രി ലെക്‌ചറർ തോമസ്‌ കോട്ടിൽ കാണുന്നു. കോട്ടിൽ ഇങ്ങനെ പറയുന്നു: “ആളുകൾ തങ്ങളുടെ ജീവിതം നാട്യ​വും അതൃപ്‌തി​ക​ര​വു​മാ​ണെന്ന്‌ കണ്ടെത്തു​ന്നു. അവർ കോപാ​കു​ല​രാണ്‌. യഥാർത്ഥ കാര്യ​ങ്ങ​ളാൽ നാം ഭയചകി​ത​രാ​കു​ക​യാണ്‌, വളരെ വളരെ യഥാർത്ഥ​മായ കാര്യങ്ങൾ സംബന്ധിച്ച്‌ നാം കോപാ​കു​ല​രാണ്‌. ഈ കോപ​ത്തി​നു പിന്നിൽ ആക്രമ​ണോൽസു​ക​ത​യാണ്‌ പതിയി​രി​ക്കു​ന്നത്‌.”

എന്നാൽ യഥാർത്ഥ​ത്തിൽ, മി. കോട്ടിൽ പരാമർശി​ക്കുന്ന മാററങ്ങൾ ലോക​ത്തി​ലെ​ങ്ങും നടന്നി​രി​ക്കു​ക​യാണ്‌. നമ്മുടെ നാളിലെ ആളുകൾ “യാതൊ​രു യോജി​പ്പി​നും മനസ്സി​ല്ലാ​ത്ത​വ​രും ഏഷണി​ക്കാ​രും ആത്മനി​യ​ന്ത്ര​ണ​മി​ല്ലാ​ത്ത​വ​രും ഉഗ്രൻമാ​രും നൻമ​പ്രി​യ​മി​ല്ലാ​ത്ത​വ​രും” ആയിരി​ക്കു​മെന്ന്‌ അപ്പോ​സ്‌ത​ല​നായ പൗലോസ്‌ മുൻകൂ​ട്ടി​പ്പ​റഞ്ഞു. (2 തിമൊ​ഥെ​യോസ്‌ 3:1, 3) അപ്പോൾ, വർദ്ധി​ച്ചു​വ​രുന്ന സമ്മർദ്ദ​ങ്ങ​ളോ​ടുള്ള പ്രതി​ക​ര​ണ​മാ​യി അനേകം യുവജ​നങ്ങൾ വാക്കിൽ ആക്രമ​ണോൽസു​ക​രാ​യി​രി​ക്കു​ന്നത്‌ ഒട്ടും ആശ്ചര്യമല്ല. അവർ “തങ്ങളുടെ നാവിനെ ഒരു വാൾപോ​ലെ മൂർച്ച​യാ​ക്കി​യി​രി​ക്കു​ന്നു,” “തങ്ങളുടെ കഠിന​സം​സാ​ര​മായ അമ്പ്‌ എയ്‌തി​രി​ക്കു​ന്നു.”—സങ്കീർത്തനം 64:3.

ഒരു ഫലപ്ര​ദ​മായ ആശ്വാ​സ​മോ?

അസഭ്യം പറഞ്ഞു​വി​ടു​ന്നത്‌ യഥാർത്ഥ​ത്തിൽ എത്ര ഫലപ്ര​ദ​മാ​യി പിരി​മു​റു​ക്കം കുറക്കു​ന്നു? ശകാര​വാ​ക്കു​ക​ളു​ടെ ഉപയോ​ഗം “കോപത്തെ വററി​ച്ചു​ക​ള​യാൻ” സഹായി​ക്കു​ന്നു​വെന്ന്‌ ഭാഷാ​പ​ണ്ഡി​ത​നായ റെയി​നോൾഡ്‌ ആമാൻ പറയുന്നു. അസഭ്യ​ഭാ​ഷ​ണ​ത്തി​ന്റെ വൈകാ​രി​ക​മോ​ച​ന​മി​ല്ലെ​ങ്കിൽ ആളുകൾ “ഉദര​വ്ര​ണ​ങ്ങൾക്കും തലവേ​ദ​ന​കൾക്കും രക്തവാർച്ച​യുള്ള കുടലു​കൾക്കും” വിധേ​യ​രാ​കു​മെ​ന്നു​പോ​ലും അയാൾ അവകാ​ശ​പ്പെ​ടു​ന്നു. അയാളു​ടെ നിഗമനം? “പ്രതി​ദി​നം ഒരു ആഭാസ​പദം ഡോക്ടറെ അകററി​നിർത്തു​ന്നു.”

ഉയർന്ന സമ്മർദ്ദ​ത്തി​ന്റെ നിമി​ഷ​ങ്ങ​ളിൽ, ഒരു തെറി പറയു​ന്നത്‌ അല്‌പം ‘അരിശം​തീർക്കാൻ’ സഹായി​ക്കു​ന്ന​താ​യി തോന്നി​യേ​ക്കാ​മെന്നു സമ്മതി​ക്കു​ന്നു. എന്നിരു​ന്നാ​ലും, അങ്ങനെ ചെയ്യു​ന്ന​തി​നെ ബൈബിൾ പ്രത്യേ​ക​മാ​യി കുററം വിധി​ക്കു​ന്നു. എഫേസ്യർ 4:29 പറയുന്നു: “നിങ്ങളു​ടെ വായിൽനിന്ന്‌ ഒരു ചീത്ത​മൊ​ഴി പുറ​പ്പെ​ടാ​തി​രി​ക്കട്ടെ.” ദി ന്യൂ ഇംഗ്ലീഷ ബൈബിൾ ഈ വാക്യം ഇങ്ങനെ വിവർത്ത​നം​ചെ​യ്യു​ന്നു: “യാതൊ​രു ചീത്തഭാ​ഷ​യും നിങ്ങളു​ടെ അധരങ്ങ​ളിൽനി​ന്നു വരരുത്‌, എന്നാൽ അവസര​ത്തിന്‌ പ്രയോ​ജ​ന​ക​ര​വും സഹായ​ക​വു​മാ​യതു മാത്രം ആയിരി​ക്കട്ടെ.” ഈ ബുദ്ധി​യു​പ​ദേ​ശ​ത്തിന്‌ നല്ല കാരണ​ങ്ങ​ളുണ്ട്‌.

ഒരു സംഗതി, കുപി​ത​മായ സംസാരം അശേഷം “പ്രയോ​ജ​ന​ക​ര​വും അവസര​ത്തി​നു സഹായ​കവു”മായി​രി​ക്കു​ന്ന​തി​നു പകരം, സാധാ​ര​ണ​യാ​യി നിങ്ങളെ കൂടുതൽ കുപി​ത​നാ​ക്കു​ക​യാണ്‌ ചെയ്യു​ന്നത്‌. ഒരു സദൃശ​വാ​ക്യം പറയു​ന്ന​തു​പോ​ലെ: “കോപ​ത്തി​നു വേഗത​യു​ള്ളവൻ മൗഢ്യം പ്രവർത്തി​ക്കും.” (സദൃശ​വാ​ക്യ​ങ്ങൾ 14:17; 15:18) ഇതു മോശ​മായ ഒരു സാഹച​ര്യ​ത്തെ അധികം മോശ​മാ​ക്കു​ന്നു, കാരണം കുപി​ത​വും ഹാനി​ക​ര​വു​മായ വാക്കു​ക​ളോട്‌ ആളുകൾ അപൂർവ​മാ​യേ അനുകൂ​ല​മാ​യി പ്രതി​ക​രി​ക്കു​ന്നു​ള്ളു. സദൃശ​വാ​ക്യ​ങ്ങൾ 15:1 പറയുന്നു: “ഒരു ഉത്തരം സൗമ്യ​മാ​യി​രി​ക്കു​മ്പോൾ, ക്രോധം അകററി​ക്ക​ള​യു​ന്നു, എന്നാൽ വേദന ഉളവാ​ക്കുന്ന ഒരു വാക്ക്‌ കോപം പൊന്തി​വ​രാൻ ഇടയാ​ക്കു​ന്നു.” ഏററവും കുറഞ്ഞ പ്രകോ​പ​ന​ത്തിൽപോ​ലും ഒരുവൻ അസഭ്യം​പ​റ​യുന്ന ശീലം വളർത്തി​യി​ട്ടു​ണ്ടെ​ങ്കിൽ, ചീത്ത വാക്കുകൾ തെററായ അവസര​ങ്ങ​ളിൽ അല്ലെങ്കിൽ അദ്ധ്യാ​പ​ക​നോ മാതാ​പി​താ​ക്ക​ളോ​പോ​ലെ​യു​ള്ളവ​രു​ടെ മുമ്പാകെ പറഞ്ഞു​വി​ടാ​നി​ട​യുണ്ട്‌.

അതു​കൊണ്ട്‌ ഫലകര​മാ​യി പിരി​മു​റു​ക്കം കുറക്കു​ന്ന​തി​നു പകരം അസഭ്യ​ഭാഷ കേവലം അതിന്റെ സ്വന്തം പിരി​മു​റു​ക്കങ്ങൾ സൃഷ്ടി​ക്കു​ന്ന​തേ​യു​ള്ളു. നിങ്ങളു​ടെ പ്രശ്‌നങ്ങൾ പരിഹ​രി​ക്കു​ന്ന​തി​നു പകരം, അത്‌ കേവലം നിങ്ങൾ അവയെ പൂർണ്ണ​മാ​യി അഭിമു​ഖീ​ക​രി​ക്കു​ന്നത്‌ നീട്ടി​വെ​ക്കു​ന്ന​തേ​യു​ള്ളു.

നിറം​ക​ലർന്ന​തോ ഹീനമോ?

സകല ശകാര​വും കുപി​ത​മാ​യി​ട്ടല്ല നടത്ത​പ്പെ​ടു​ന്നത്‌. ഭാഷാ​പ​ര്യ​വേ​ക്ഷണം എന്ന പുസ്‌തകം, ഇങ്ങനെ വിശദീ​ക​രി​ക്കു​ന്നു: “ചെറു​പ്പ​ക്കാർ നിറം പിടി​പ്പിച്ച കഥകൾ പറയു​മ്പോൾ മിക്ക​പ്പോ​ഴും വൃത്തി​കെട്ട വാക്കു​ക​ളാണ്‌ ഉപയോ​ഗി​ക്കു​ന്നത്‌ . . . തങ്ങളുടെ ശരീരങ്ങൾ വളരു​ക​യും മാറി​ക്കൊ​ണ്ടി​രി​ക്കു​ക​യും ചെയ്യു​മ്പോൾ, ബാലി​കാ​ബാ​ലൻമാർ അതിശ​യി​ക്കു​ക​യും വ്യാകു​ല​പ്പെ​ടു​ക​യും ചെയ്യുന്നു. ഈ ഭയങ്ങളാൽ ആകുല​പ്പെ​ടാ​തി​രി​ക്കാൻ അവർ അവയെ തമാശ​ക​ളാ​യി മാററു​ക​യോ വൃത്തി​കെട്ട വാക്കു​ക​ളി​ലുള്ള കഥകളാ​ക്കി​ത്തീർക്കു​ക​യോ ചെയ്യുന്നു.” അശുദ്ധ വാക്കുകൾ തങ്ങളുടെ സംസാ​ര​ത്തി​നു നിറം​ചാർത്തു​ന്നു​വെ​ന്നോ അവരെ മുതിർന്ന​വ​രാ​യി തോന്നി​ക്കു​ന്നു​വെ​ന്നോ പോലും ചില യുവാക്കൾ വിചാ​രി​ക്കു​ന്നു.

എന്നിരു​ന്നാ​ലും, വൃത്തി​കെട്ട വാക്കുകൾ എന്നു വിളി​ക്ക​പ്പെ​ടു​ന്നവ സാധാ​ര​ണ​ഗ​തി​യി​ലുള്ള ശരീര​പ്ര​വർത്ത​ന​ങ്ങ​ളെ​യും ലൈം​ഗി​ക​പ്ര​വർത്ത​ന​ങ്ങ​ളെ​യും ഹീനവും അവമാ​ന​ക​ര​വു​മായ ഒരു വിധത്തിൽ വർണ്ണി​ക്കാൻ പ്രവണ​ത​കാ​ട്ടു​ന്നു. ലൈം​ഗി​ക​വേ​ഴ്‌ചയെ വർണ്ണി​ക്കാൻ പൊതു​വെ ഉപയോ​ഗി​ക്ക​പ്പെ​ടുന്ന ചില പദങ്ങ​ളെ​ക്കു​റിച്ച്‌ അസോ​സി​യേ​ററ്‌ സാഹിത്യ പ്രൊ​ഫ​സ്സ​റായ ബാർബറാ ലോറൻസ്‌ പറയു​ന്ന​പ്ര​കാ​രം “ഈ വാക്കുകൾ അവയുടെ ഉത്ഭവവും ഭാവന​യും സംബന്ധിച്ച്‌ വി​ദ്രോ​ഹ​പ​ര​മ​ല്ലെ​ങ്കിൽ അനി​ഷേ​ദ്ധ്യ​മാ​യി വേദനാ​ക​ര​മായ സൂചനകൾ വഹിക്കു​ന്നു.”

ഇതിനു വിരു​ദ്ധ​മാ​യി, ബൈബിൾ ലൈം​ഗി​ക​കാ​ര്യ​ങ്ങളെ എത്ര സമുന്ന​ത​വും മാന്യ​വു​മായ വിധത്തി​ലാണ്‌ ചർച്ച​ചെ​യ്യു​ന്നത്‌! (സദൃശ​വാ​ക്യ​ങ്ങൾ 5:15-23) അശ്ലീല​പ​ദങ്ങൾ ലൈം​ഗി​ക​ത​യെ​യും വിവാ​ഹ​ത്തെ​യും​കു​റിച്ച്‌ ദുഷി​ച്ച​തും വികട​വു​മായ ഒരു വീക്ഷണം പഠിപ്പി​ക്കു​ന്നു. ഒരു ഹീനമായ വിധത്തിൽ ലൈം​ഗി​ക​ത​യെ​ക്കു​റി​ച്ചു സംസാ​രി​ക്കു​ന്നത്‌ ഹൃദയ​ത്തിൽ അനുചി​ത​മായ ചിന്തകൾ ഉണർത്തി​യേ​ക്കാം. ദുർമ്മോ​ഹ​ങ്ങ​ളു​ടെ വിത്തു പാകി​ക്ക​ഴി​ഞ്ഞാൽ ആ മോഹങ്ങൾ നടപ്പി​ലാ​ക്കു​ന്ന​തി​നു ഒരു അവസരം കിട്ടു​കയേ വേണ്ടു.—യാക്കോബ്‌ 1:14,15.

കൂടാതെ, അശുദ്ധ​ഭാഷ നിറമാർന്ന സംസാ​ര​ത്തി​നി​ട​യാ​ക്കു​ന്ന​തി​നു​പ​കരം, സംസാ​രത്തെ ഞെട്ടി​ക്കു​ന്ന​തും പ്രതി​ഷേ​ധാർഹ​വു​മാ​ക്കു​ക​യാ​ണു ചെയ്യു​ന്നത്‌. ചിൽഡ്രൻസ എകസപ്രസ അഭിമു​ഖം​ന​ട​ത്തിയ ഒരു 13കാരി ഇങ്ങനെ പറഞ്ഞു: “ഞാൻ അസഭ്യ​ഭാ​ഷ​യോട്‌ അലർജി വളർത്തി​യി​രി​ക്കു​ക​യാണ്‌. . . . നിങ്ങൾക്ക്‌ പരിചി​ത​മാ​ക്കാൻ കഴിയാത്ത ചിലതുണ്ട്‌.” ജ്ഞാനി​യായ ശലോ​മോൻ തന്റെ ആശയങ്ങൾ പ്രകാ​ശി​പ്പി​ക്കു​ന്ന​തിന്‌ ‘ഉല്ലാസ​പ്ര​ദ​മായ വാക്കുകൾ കണ്ടെത്താൻ ശ്രമിച്ചു.’ (സഭാ​പ്ര​സം​ഗി 12:10) കേവലം നല്ല വാക്കുകൾ തെര​ഞ്ഞെ​ടു​ക്കു​ന്ന​തി​നാൽ നിങ്ങൾക്കും നിങ്ങളു​ടെ ആശയങ്ങൾ ധരിപ്പി​ക്കാ​വു​ന്ന​താണ്‌. നിങ്ങൾ ഞെട്ടി​ക്കുന്ന വാക്കു​കളെ ആശ്രയി​ക്കേ​ണ്ട​തില്ല.

ഒടുവിൽ, ചില അശ്ലീല​പ​ദങ്ങൾ ദൈവ​ത്തി​നു​തന്നെ നിന്ദ വരുത്തി​ക്കൂ​ട്ടു​ന്നു! തീർച്ച​യാ​യും ഇതിന്‌ അവന്റെ അപ്രീതി വരുത്തി​ക്കൂ​ട്ടാ​നേ കഴിയൂ. (പുറപ്പാട്‌ 20:7) ഇതി​ന്റെ​യെ​ല്ലാം വീക്ഷണ​ത്തിൽ, ബൈബിൾ ഇങ്ങനെ പ്രോൽസാ​ഹി​പ്പി​ക്കു​ന്നു: “വിശു​ദ്ധ​ജ​ന​ത്തി​നു യോജി​ക്കുന്ന വിധം ദുർവൃ​ത്തി​യും എല്ലാത്തരം അശുദ്ധി​യും അല്ലെങ്കിൽ അത്യാ​ഗ്ര​ഹ​വും നിങ്ങളു​ടെ ഇടയിൽ പറയ​പ്പെ​ടു​ക​പോ​ലു​മ​രുത്‌; യോഗ്യ​മ​ല്ലാത്ത കാര്യ​ങ്ങ​ളായ ലജ്ജാക​ര​മായ നടത്തയോ മൗഢ്യ​മായ സംസാ​ര​മോ അസഭ്യ​ത​മാ​ശ​യോ അരുത്‌.”—എഫേസ്യർ 5:3, 4.

സമപ്രാ​യ​ക്കാ​രു​ടെ സമ്മർദ്ദം

ഇനി ചില യുവജ​നങ്ങൾ മ്ലേച്ഛഭാഷ ഉപയോ​ഗി​ക്കു​ന്ന​തി​ന്റെ മറെറാ​രു കാരണം സമപ്രാ​യ​ക്കാ​രു​ടെ സമ്മർദ്ദ​മാണ്‌. ഒരു ക്രിസ്‌തീയ യുവാവു പ്രസ്‌താ​വി​ച്ച​തു​പോ​ലെ, “മിക്ക യുവജ​ന​ങ്ങ​ളും ഒരു ദുർബ​ല​നോ അപ്രധാ​ന​നോ ആയി വീക്ഷി​ക്ക​പ്പെ​ടാ​നാ​ഗ്ര​ഹി​ക്കു​ന്നില്ല. അവർ കൂട്ടത്തിൽപെ​ട്ട​വ​രാ​യി​രി​ക്കാ​നാ​ഗ്ര​ഹി​ക്കു​ന്നു. അതു​കൊണ്ട്‌ നിങ്ങൾ പറയേ​ണ്ടത്‌ ചീത്തയാ​ണെ​ങ്കിൽ നിങ്ങൾ അതു പറയുന്നു.”

സ്‌ക്കൂൾ സ്‌പോർട്ട്‌സ്‌പോ​ലെ​യുള്ള പ്രവർത്ത​ന​ങ്ങ​ളിൽ സമപ്രാ​യ​ക്കാ​രു​ടെ സമ്മർദ്ദം വിശേ​ഷാൽ രൂക്ഷമാ​യി​രി​ക്കാൻ കഴിയും. അതു​കൊണ്ട്‌, ചില​പ്പോൾ ടീം​കോ​ച്ചു​കൾ ഹീനഭാ​ഷയെ മനഃപൂർവം പ്രോൽസാ​ഹി​പ്പി​ക്കു​ന്നു. ഒരു ബാസ്‌ക്ക​റ​റ്‌ബോൾക​ളി​ക്കു മുമ്പ്‌ ലോക്കർറൂ​മു​ക​ളിൽ ഹീനഭാഷ ഉപയോ​ഗി​ക്ക​പ്പെ​ടു​ന്നു​വെന്ന്‌ കിന്നി എന്നു പേരുള്ള ഒരു യുവാവ്‌ വിശദീ​ക​രി​ക്കു​ന്നു, എന്തു​കൊ​ണ്ടെ​ന്നാൽ “അത്‌ ഒരു വ്യക്തിയെ കാററ​ടി​ച്ചു​വീർപ്പി​ക്കു​ക​യും പൊട്ടാ​റാ​ക്കു​ക​യും ചെയ്യുന്നു.”

എന്നാൽ മിക്ക​പ്പോ​ഴും ഈ വിധത്തിൽ വികാ​രങ്ങൾ പനി​പോ​ലെ വർദ്ധി​പ്പി​ക്ക​പ്പെ​ടു​മ്പോൾ എന്താണ്‌ ഫലം? അപ്പോൾ സ്‌പോർട്ട്‌സ്‌ മേലാൽ ഒരു വിനോ​ദ​മാ​യി​രി​ക്കാ​തെ ശത്രു​ത​യു​ടെ​യും ഭയങ്കര മത്സരത്തി​ന്റെ​യും ഒരു അഭ്യാ​സ​മാ​യി​ത്തീ​രു​ന്നു. വഴക്കു​ക​ളും പരുക്കു​ക​ളും സാധാ​ര​ണ​മാണ്‌. റൈറ​റോൺ എന്നു പേരുള്ള ഒരു യുവാവ്‌ ഇങ്ങനെ സമ്മതി​ച്ചു​പ​റ​യു​ന്നു: “എല്ലാവ​രും കളിയിൽ രസിക്കു​ക​യും ഫൗൾചെ​യ്യ​പ്പെട്ട ഒരാൾ ഭ്രാന്ത​മാ​യി പെരു​മാ​റു​ക​യും തന്റെ എതിരാ​ളി​യെ​യൊ റഫറി​യെ​യോ തെറി​വി​ളി​ക്കു​ക​യും ചെയ്യു​മ്പോൾ അത്‌ നിങ്ങ​ളെ​യും ബാധി​ച്ചേ​ക്കാം.”

എന്നാൽ ഹീനസം​സാ​രം “നിങ്ങളെ ബാധി​ക്കു​ന്നത്‌” ഒരു ചീത്ത ശീലമാ​ണെന്ന്‌ സ്‌പഷ്‌ട​മാണ്‌. ബൈബിൾ ഇങ്ങനെ പറയുന്നു: “ഒരു മൂഢൻ തന്റെ മുഴു ആത്‌മാ​വും പ്രകട​മാ​ക്കു​ന്നു, എന്നാൽ ജ്ഞാനി​യാ​യവൻ അവസാ​ന​ത്തോ​ളം അതിനെ ശാന്തമാ​യി സൂക്ഷി​ക്കു​ന്നു.” (സദൃശ​വാ​ക്യ​ങ്ങൾ 29:11) എന്നാൽ ശപിക്കാൻ സമ്മർദ്ദ​മ​നു​ഭ​വ​പ്പെ​ടു​മ്പോൾ ‘നിങ്ങൾക്ക്‌ വായിക്ക്‌ ഒരു മുഖ​ക്കൊട്ട കെട്ടാൻ’ എങ്ങനെ കഴിയും? (സങ്കീർത്തനം 39:1) ഒരു ഭാവി ലേഖനം ഇതു ചർച്ച​ചെ​യ്യും. (g89 8⁄22)

[26-ാം പേജിലെ ചിത്രം]

അസഭ്യം പറയുന്ന ശീലമു​ള്ള​യാൾ അവ പരസ്യ​മാ​യി ഉപയോ​ഗി​ച്ചേ​ക്കാം