നിങ്ങളു​ടെ തീററി സുരക്ഷി​ത​മാ​ക്കു​ക

ഭക്ഷ്യാ​നു​ബന്ധ രോഗ​ങ്ങൾക്കി​ട​യാ​ക്കുന്ന ബാക്ടീ​രിയ ജീവി​ച്ചി​രി​ക്ക​ണ​മെ​ങ്കിൽ ചില ആവശ്യ​ക​തകൾ ഉണ്ട്‌—ആഹാരം, ജലം, വായു, ചൂട്‌, സമയം എന്നിവ​തന്നെ. ഈ അവശ്യ​വ​ശ​ങ്ങ​ളിൽ ഏതെങ്കി​ലും നീക്കു​ന്നെ​ങ്കിൽ വളർച്ച തടയ​പ്പെ​ടു​ന്നു. അതു​കൊണ്ട്‌ സുരക്ഷി​ത​മാ​യി ഭക്ഷിക്കുക എന്നാൽ, ആഹാര​ത്തിൽ ബാക്ടീ​രിയ വളരു​ന്ന​തി​നോ അടുക്ക​ള​യിൽ അണുക്കൾ വ്യാപി​ക്കു​ന്ന​തി​നോ അനുവ​ദി​ക്കാത്ത അവസ്ഥക​ളിൽ ആഹാരം ഒരുക്ക​ണ​മെന്ന്‌ അർത്ഥമാ​ക്കു​ന്നു. സുരക്ഷി​ത​മായ ഭോജ​ന​ത്തിന്‌ പിൻവ​രുന്ന നിർദ്ദേ​ശങ്ങൾ പരിചി​ന്തി​ക്കു​ക​യും ആവശ്യ​മാ​യി​രി​ക്കു​ന്നി​ടത്ത്‌ നിങ്ങളു​ടെ ഭവനങ്ങ​ളിൽ അവ ജ്ഞാനപൂർവ്വം ബാധക​മാ​ക്കു​ക​യും ചെയ്യുക.

നിങ്ങളു​ടെ കൈകൾ കഴുകുക, ആഹാരം കൈകാ​ര്യം ചെയ്യു​ന്ന​തിന്‌ മുമ്പ്‌ സോപ്പിട്ട്‌ കഴുകു​ന്നത്‌ ഏററവും നല്ലത്‌. കയ്യിൽ മുറി​വു​കൾ ഉണ്ടെങ്കിൽ കഴുകി​ക്കെ​ട്ടി​യെന്ന്‌ ഉറപ്പു​വ​രു​ത്തുക. ആഹാര​ത്തി​നു മീതെ തുമ്മു​ന്ന​തും ചുമക്കു​ന്ന​തും ഒഴിവാ​ക്കുക, ആഹാരം കൈകാ​ര്യം ചെയ്യു​മ്പോൾ മുടി​യിൽ സ്‌പർശി​ക്കു​ന്ന​തും മൂക്കു തുടക്കു​ന്ന​തും ഒഴിവാ​ക്കുക. നിങ്ങൾ മൂത്ര​പ്പു​ര​യിൽ പോവു​ക​യോ മൃഗങ്ങളെ കൈകാ​ര്യം ചെയ്യു​ക​യോ, അങ്ങനെ മററു കാര്യങ്ങൾ ചെയ്‌തു​കൊണ്ട്‌ നിങ്ങളു​ടെ ആഹാര​മൊ​രു​ക്കൽ തടസ്സ​പ്പെ​ടു​ന്നെ​ങ്കിൽ, വീണ്ടും ആഹാര​സാ​ധ​ന​ങ്ങളെ സ്‌പർശി​ക്കു​ന്ന​തി​നു​മുമ്പ്‌ കൈകൾ കഴുകി​യെന്ന്‌ ഉറപ്പു​വ​രു​ത്തുക.

നിങ്ങൾ ഒരുക്കാൻ പോകുന്ന ആഹാര​സാ​ധ​നങ്ങൾ കഴുകുക. ചന്തയിൽനി​ന്നോ നിങ്ങളു​ടെ സ്വന്തം കൃഷി​ത്തോ​ട്ട​ത്തിൽ നിന്നോ കിട്ടുന്ന പഴങ്ങളോ പച്ചക്കറി​ക​ളോ അവ വേവി​ക്കു​മെ​ങ്കിൽ പോലും കഴുകാ​തെ ഉപയോ​ഗി​ക്ക​രുത്‌. കഴുകാൻ ഉപയോ​ഗി​ക്കുന്ന വെള്ളം വൃത്തി​യു​ള്ള​താ​യി​രി​ക്കണം. തൊലി​ക​ള​യാത്ത പച്ചക്കറി​ക​ളോ പഴങ്ങളോ വേവി​ക്കാ​തെ തിന്നു​ന്നെ​ങ്കിൽ ഈ ആഹാര​സാ​ധ​നങ്ങൾ ചുരണ്ടി​ക്ക​ള​യുക, (വെജി​റ​റ​ബിൾ ബ്രഷ്‌ അഭികാ​മ്യം) അഴുക്കും കീടനാ​ശി​നി​യു​ടെ അവശി​ഷ്‌ട​ങ്ങ​ളും നീക്കു​ന്ന​തി​നു തന്നെ. മണലും മണ്ണും നീക്കം ചെയ്യു​ന്ന​തിന്‌ ചീര​പോ​ലുള്ള ഇലക്കറി​ക​ളും നന്നായി കഴുകി​യെ​ടു​ക്കണം.

കുടൽ സംബന്ധ​മായ വിരക​ളും നാടവി​ര​ക​ളും പോലെ പരജീ​വി​കൾ സർവ്വസാ​ധാ​ര​ണ​മായ ഉഷ്‌ണ​മേ​ഖലാ പ്രദേ​ശ​ത്താണ്‌ നിങ്ങൾ ജീവി​ക്കു​ന്ന​തെ​ങ്കിൽ പച്ചയാ​യോ അൽപ്പം മാത്രം വേവി​ച്ചോ പഴങ്ങളും പച്ചക്കറി​ക​ളും ഭക്ഷിക്കു​മ്പോൾ ഈ ജീവി​കളെ കൊല്ലു​ന്ന​തിന്‌ രോഗാ​ണു​നാ​ശി​നി ചേർത്ത ശുദ്ധ​വെ​ള്ള​ത്തിൽ അവ കഴുകി​യെ​ടു​ക്കണം. വിവിധ പേരു​ക​ളിൽ വിപണനം നടത്ത​പ്പെ​ടുന്ന ഹൈ​പ്പോ​ക്ലോ​റേ​ററ്‌ ഫലകര​മായ ഒരു സാധാരണ രോഗാ​ണു​നാ​ശി​നി​യാണ്‌. സാധാ​ര​ണ​ഗ​തി​യിൽ അൽപ്പം ശുദ്ധ​വെ​ള്ള​ത്തിൽ കലക്കി പഴങ്ങളും പച്ചക്കറി​ക​ളും അതിൽ മുക്കി​യി​ടു​ന്നു. ആഹാര​സാ​ധനം പിന്നീട്‌ ഭക്ഷിക്കു​ന്ന​തിന്‌ മുമ്പ്‌ ശുദ്ധ​വെ​ള്ള​ത്തിൽ കഴുകി​യെ​ടു​ക്കു​ന്നു.

ഉപദ്ര​വ​കാ​രി​ക​ളായ സൂക്ഷ്‌മ ജീവി​കളെ നശിപ്പി​ക്കു​ന്ന​തിന്‌ മാംസ​വും മൽസ്യ​വും കോഴി​യി​റ​ച്ചി​യും നന്നായി വേവി​ക്കുക. ശീതീ​ക​രി​ച്ചു സൂക്ഷി​ച്ചി​രി​ക്കുന്ന മാംസ​വും കോഴി​യി​റ​ച്ചി​യും വേവി​ക്കു​ന്ന​തി​നു​മുമ്പ്‌ ചൂട്‌ അവയുടെ കേന്ദ്ര ഭാഗ​ത്തേക്ക്‌ കയറത്ത​ക്ക​വണ്ണം പൂർണ്ണ​മാ​യും മരവിപ്പ്‌ നീക്കി​യെ​ടു​ക്കേ​ണ്ടത്‌ ആവശ്യ​മാണ്‌. പന്നികളെ ട്രിക്കീ​നാ വിരകൾ ബാധി​ച്ചേ​ക്കാം, വേണ്ടതു​പോ​ലെ വേവി​ക്കാ​തെ പന്നിയി​റച്ചി ഭക്ഷിക്കുന്ന മനുഷ്യർക്ക്‌ ട്രിക്കി​നോ​സിസ്‌ രോഗം ബാധി​ച്ചേ​ക്കാം. ചില രാജ്യ​ങ്ങ​ളിൽ വൻനഗ​ര​ങ്ങ​ളി​ലെ ചന്തകളിൽ വിൽക്ക​പ്പെ​ടുന്ന സോ​സേജ്‌ ഇറച്ചി​യു​ടെ 10 ശതമാ​ന​ത്തിൽ ട്രിക്കി​നോ​സിസ്‌ അണുബാ​ധ​യു​ണ്ടെന്ന്‌ പറയ​പ്പെ​ടു​ന്നു. ഉയർന്ന ഊഷ്‌മാ​വിൽ വേവി​ക്കു​ന്നതു മുഖാ​ന്തരം ട്രിക്കി​നാ വിരകളെ കൊല്ലാൻ കഴിയും, എന്നാൽ പുകക്ക​ലും ഉപ്പിട​ലും പോലുള്ള മററ്‌ സംസ്‌ക്ക​രി​ക്കൽ രീതികൾ അവയെ നശിപ്പി​ക്കു​ന്നില്ല.

മീനും കക്കയും കരളി​ലെ​യോ ശ്വാസ​കോ​ശ​ത്തി​ലെ​യോ വിരകളെ വഹിക്കു​ന്ന​വ​യാ​യി​രി​ക്കാം, മൽസ്യം നന്നായി വേവി​ക്കാ​ത്ത​പക്ഷം അവ മമനു​ഷ്യ​ന്റെ ശരീര​ത്തിൽ പ്രവേ​ശി​ക്കു​ന്നു. ഉപ്പിടു​ക​യോ പിക്കി​ളി​ടു​ക​യോ ചാരാ​യ​ത്തിൽ മുക്കി​യി​ടു​ക​യോ ചെയ്യു​ന്നത്‌ അത്തരം പരജീ​വി​കളെ കൊല്ലു​വാൻ പര്യാ​പ്‌തമല്ല. വേവി​ക്കാത്ത മൽസ്യ​വും കക്കായി​റ​ച്ചി​യും ചില സംസ്‌ക്കാ​ര​ങ്ങ​ളിൽ ഭക്ഷിക്ക​പ്പെ​ടു​ന്നെ​ങ്കി​ലും ജലമലി​നീ​ക​രണം കൂടു​ത​ലാ​യി​രി​ക്കു​ന്നി​ടത്ത്‌ ജാഗ്രത പുലർത്തേ​ണ്ടത്‌ അത്യാ​വ​ശ്യ​മാണ്‌.

വെള്ളം സംശയ​ക​ര​മായ ഒരു ഉറവിൽ നിന്നാ​യി​രി​ക്കു​മ്പോൾ, അത്‌ കുടി​ക്കു​ന്ന​തി​നു മുമ്പ്‌ തിളപ്പി​ക്കണം, ജലമലി​നീ​ക​രണം കൂടു​ത​ലു​ള്ളി​ടത്ത്‌ 15 മിനി​ട്ടെ​ങ്കി​ലും തിളപ്പി​ക്കണം. ചില പ്രദേ​ശ​ങ്ങ​ളിൽ കുടി​വെള്ളം ക്ലോറിൻ കലർത്തി ശുദ്ധി ചെയ്‌തേ​ക്കാം, എന്നാൽ ബാക്ടീ​രി​യ​യും പരജീ​വി​ക​ളും സാധാ​ര​ണ​മാ​യി​രി​ക്കു​ന്നി​ടത്ത്‌ അതിൽ ആശ്രയി​ക്കാൻ കഴിയില്ല. തിളപ്പി​ക്കു​ന്ന​താണ്‌ ഉത്തമം.

പല രാജ്യ​ങ്ങ​ളി​ലും മലിന​ജലം കോളറ, മഞ്ഞപ്പിത്തം, ടൈ​ഫോ​യിഡ്‌, വയറു​കടി, അമീബിക്‌ ഡിസൻട്രി, എന്നിവ​യും മററു രോഗ​ങ്ങ​ളും പരത്തുന്നു. ചില സ്ഥലങ്ങളിൽ കോർപ്പ​റേഷൻ ജലവി​ത​രണം പോലും സുരക്ഷി​ത​മാ​ണെന്ന്‌ കരുതാൻ കഴിയു​ക​യില്ല. ഒരിക്കൽ വെള്ളം തിളപ്പി​ച്ച​ശേഷം വൃത്തി​യുള്ള പാത്ര​ങ്ങ​ളിൽ മൂടി സൂക്ഷി​ക്കുക.

ചില സ്ഥലങ്ങളിൽ വെള്ളം അരി​ച്ചെ​ടു​ക്കു​ന്ന​തി​നും ശുപാർശ ചെയ്യ​പ്പെ​ടു​ന്നു. ഒരു ഉപകര​ണ​മെന്ന നിലയിൽ ഫിൽറ​റ​റു​കൾ ലഭ്യമാണ്‌, അല്ലെങ്കിൽ മിനു​സ​പ്പെ​ടു​ത്താത്ത പോർസ​ലേൻ വഴിയോ മററു വസ്‌തു​ക്ക​ളി​ലൂ​ടെ​യോ വെള്ളം അരി​ച്ചെ​ടു​ക്കു​ന്ന​തി​നും വെള്ളം ഒഴിക്കാ​നും രണ്ട്‌ വ്യത്യസ്‌ത പാത്ര​ങ്ങ​ളും ലഭ്യമാണ്‌. അരി​ച്ചെ​ടു​ക്കൽ രീതി ഖരവസ്‌തു​ക്ക​ളും മററ്‌ മാലി​ന്യ​ങ്ങ​ളും നീക്കം ചെയ്യുന്നു, എന്നാൽ അത്‌ സാധാ​ര​ണ​യാ​യി ഉപദ്ര​വ​കാ​രി​ക​ളായ ബാക്‌ടീ​രി​യ​കളെ നീക്കം ചെയ്യു​ന്നില്ല. എന്നിരു​ന്നാ​ലും, ചില പുതിയ ഫിൽറ​റ​റു​കൾ, അവ ചെല​വേ​റി​യ​താ​ണെ​ങ്കി​ലും ഉപദ്ര​വ​കാ​രി​ക​ളായ ബാക്‌ടീ​രി​യ​ക​ളെ​യും നീക്കുന്നു. കൂടാതെ, അവ നിരന്തരം മാററു​ന്നി​ല്ലെ​ങ്കിൽ അവതന്നെ മാലി​ന്യം പരത്തി​യേ​ക്കാം. ആധുനിക അരിപ്പകൾ ശൂന്യാ​കാ​ശ​സ​ഞ്ചാ​രി​കളെ അവരുടെ സ്വന്തം മൂത്രം പോലും കുടി​ക്കാൻ പ്രാപ്‌ത​രാ​ക്കു​ന്നു.

നിങ്ങളു​ടെ പാൽ പാസ്‌റ​റ​റൈസ്‌ ചെയ്‌ത​ത​ല്ലെ​ങ്കിൽ അത്‌ തിളപ്പിച്ച്‌ രോഗാ​ണു വിമു​ക്ത​മാ​ക്കു​ന്നത്‌ ജ്ഞാനപൂർവ​ക​മാണ്‌. ഇന്ത്യൻ പോഷ​കാ​ഹാര വിദഗ്‌ദ്ധ​യായ ഡോ. സൂസി ഈപ്പൻ ഇപ്രകാ​രം മുന്നറി​യി​പ്പു നൽകുന്നു: “മൃഗത്താൽത്ത​ന്നെ​യും വിൽപ്പ​ന​ക്കാ​ര​നാ​ലും അയാൾ അത്‌ കൈകാ​ര്യം ചെയ്യുന്ന വിധത്താ​ലും പാല്‌ സൂക്ഷി​ക്കാൻ ഉപയോ​ഗി​ക്കുന്ന പാത്ര​ങ്ങ​ളാ​ലും അത്‌ മലിന​മാ​യി​ത്തീ​രു​ന്ന​തി​ന്റെ അപകടം സ്ഥിതി​ചെ​യ്യു​ന്നു.”

പാല്‌ 160 ഡിഗ്രി ഫാരൻഹീ​റ​റി​നു മുകളിൽ ചൂടാ​ക്കു​ക​യും ആ ഊഷ്‌മാ​വിൽ 15 സെക്കൻഡെ​ങ്കി​ലും വെച്ചി​രി​ക്കു​ക​യും ചെയ്യണം. തുടർന്ന്‌ 50 ഡിഗ്രി ഫാരൻഹീ​റ​റി​നു താഴേക്ക്‌ അത്‌ പെട്ടെന്ന്‌ തണുപ്പി​ക്കുക. ഉൾപ്പെ​ട്ടി​രി​ക്കുന്ന മറെറാ​രു രീതി പാല്‌ കുറഞ്ഞ ഊഷ്‌മാ​വിൽ കൂടുതൽ സമയം ചൂടാ​ക്കി​ക്കൊ​ണ്ടി​രി​ക്കുക എന്നതാണ്‌: 30 മിനി​ററു സമയം 145നും 151 ഡിഗ്രി ഫാരൻഹീ​റ​റി​നും ഇടക്ക്‌.

ആഹാര​സാ​ധ​ന​ങ്ങൾ ഈച്ച പിടി​ക്കാ​തെ സൂക്ഷി​ക്കുക. ഈച്ചകൾ ടൈ​ഫോ​യ്‌ഡ്‌, കോളറ, വയറു​കടി, വിഷജ്വ​രം, ഡിഫ്‌തീ​രിയ എന്നിവ​യു​ടെ അണുക്കൾ വഹിച്ചു​കൊ​ണ്ടു വന്നേക്കാം. അവ പോളി​യോ വൈറ​സ്സു​ക​ളും കുടൽ വിരക​ളു​ടെ​യും പരജീ​വി​ക​ളു​ടെ​യും മുട്ടക​ളും സംക്ര​മണം നടത്തി​യേ​ക്കാം. വീടിന്റെ പരിസ​രത്ത്‌ ഈച്ചകളെ നേരി​ടു​ന്ന​തി​നുള്ള ഏററവും നല്ല രീതി അവ മുട്ടയിട്ട്‌ വളരു​ന്ന​തി​നെ തടയു​ക​യെ​ന്ന​താണ്‌. നിങ്ങൾക്ക്‌ സ്വന്തം ചുററു​പാ​ടു​കൾ പരി​ശോ​ധിച്ച്‌ ഉച്‌ഛി​ഷ്‌ടങ്ങൾ നീക്കം ചെയ്‌ത്‌ വൃത്തി വരു​ത്തേ​ണ്ട​തു​ണ്ടോ​യെന്ന്‌ കാണാൻ കഴിയും. ചപ്പുച​വ​റു​കൾ ഇടുന്ന​തി​നുള്ള പാത്രം വേണ്ടതു​പോ​ലെ മൂടി​വെ​ക്കു​ക​യും രോഗാ​ണു വിമു​ക്ത​മാ​ക്കു​ക​യും ചെയ്യണം. നിങ്ങൾ താമസി​ക്കുന്ന സ്ഥലത്തിനു ചുററും ചപ്പുച​വ​റു​കൾ ഇടാൻ ആരെയും അനുവ​ദി​ക്ക​രുത്‌. വിസർജ്ജന വസ്‌തു​ക്കൾ മൂടി​ക്ക​ള​യു​ക​യോ നശിപ്പി​ച്ചു​ക​ള​യു​ക​യോ ചെയ്യണം, ഈച്ചകൾ അവിടെ മുട്ടയിട്ട്‌ വളരാ​തി​രി​ക്കു​ന്ന​തി​നു തന്നെ.

പാചകം ചെയ്‌ത​ശേഷം ഉടനെ ആഹാരം കഴിക്കുക, വിശേ​ഷി​ച്ചും ചൂടുള്ള കാലാ​വ​സ്ഥ​യിൽ. ദ്രോ​ഹി​ക​ളായ ബാക്ടീ​രി​യകൾ പെട്ടെന്ന്‌ വർദ്ധി​ക്കും. നിങ്ങൾ ഭക്ഷണം നേരത്തെ പാചകം ചെയ്‌ത്‌, പിന്നീട്‌ കഴിക്കാൻ ആഗ്രഹി​ക്കു​ന്നെ​ങ്കിൽ, പാചക ശേഷം ഭക്ഷണം തണുപ്പി​ക്കു​ക​യും വിളമ്പു​ന്ന​തി​നു​മുമ്പ്‌ അത്‌ വീണ്ടും നന്നായി ചൂടാ​ക്കു​ക​യും ചെയ്യുക.

പാചകം ചെയ്‌ത ആഹാരം വേണ്ടത്ര ചൂടിൽ (140° ഫാരൻ ഹീററി​നു മുകളിൽ) അല്ലെങ്കിൽ തണുപ്പിൽ (50° ഫാരൻഹീ​റ​റിൽ താഴെ) സൂക്ഷി​ക്കുക. ബാക്ടീ​രിയ വർദ്ധിച്ച്‌ പെരു​കുന്ന അപകട​മേഖല അതിനി​ട​ക്കാണ്‌. ബാക്കി വരുന്നവ തണുപ്പി​ക്കാൻ കഴിയി​ല്ലെ​ങ്കിൽ അവ സൂക്ഷിച്ചു വെക്കരു​തെ​ന്നാണ്‌ അതിന്റെ അർത്ഥം. നിങ്ങൾക്ക്‌ ശീതീ​കരണ സംവി​ധാ​ന​മി​ല്ലെ​ങ്കിൽ ഒരു നേരത്തെ ആഹാര​ത്തി​നു​ള്ളതു മാത്രം പാചകം ചെയ്യുക. ചില രാജ്യ​ങ്ങ​ളിൽ സുഗന്ധ ദ്രവ്യ​ങ്ങ​ളി​ലും പച്ചകൊ​ത്ത​മ​ല്ലി​പോ​ലുള്ള സസ്യങ്ങ​ളി​ലും മിക്ക​പ്പോ​ഴും ബാക്ടീ​രി​യാ ബാധയുണ്ട്‌. അതു​കൊണ്ട്‌ പൂർണ്ണ അളവിൽ ചൂടു ലഭിക്കു​ന്ന​തിന്‌ പാചകം തുടങ്ങു​മ്പോൾ തന്നെ ഇവ ആഹാര​ത്തിൽ ചേർക്കണം.

നിങ്ങളു​ടെ അടുക്കള വൃത്തി​യാ​യി സൂക്ഷി​ക്കുക. ഇതിൽ നിങ്ങളു​ടെ അടുക്കള സാധന​ങ്ങ​ളും നിങ്ങളു​ടെ വസ്‌ത്ര​ങ്ങ​ളും നിങ്ങൾത​ന്നെ​യും ഉൾപ്പെ​ടു​ന്നു. നിങ്ങൾ തറയി​ലി​രുന്ന്‌ ഭക്ഷണം ഒരുക്കു​ക​യും വേവി​ക്കു​ക​യും ചെയ്യു​ന്നെ​ങ്കിൽ വെളി​യിൽ ഉപയോ​ഗി​ക്കുന്ന ചെരു​പ്പു​കൾ അടുക്ക​ള​യിൽ പ്രവേ​ശി​ക്കു​ന്ന​തി​നു​മുമ്പ്‌ നീക്കം ചെയ്യു​ന്നത്‌ ഒരു ശീലമാ​ക്കുക. മനുഷ്യ​രു​ടെ​യോ മൃഗങ്ങ​ളു​ടെ​യോ വിസർജ്ജ്യ വസ്‌തു​ക്ക​ളു​മാ​യുള്ള സമ്പർക്ക​ത്താൽ ചെരു​പ്പു​കൾ രോഗാ​ണു​ക്കളെ വഹി​ച്ചേ​ക്കാം, അത്‌ നിങ്ങൾ വളരെ കഷ്ടപ്പെട്ട്‌ തയ്യാറാ​ക്കുന്ന ആഹാരം മലീമ​സ​മാ​ക്കു​ക​യും ചെയ്‌തേ​ക്കാം. ഭക്ഷണ​മൊ​രു​ക്കുന്ന സ്ഥലത്തു​നിന്ന്‌ വളർത്തു മൃഗങ്ങ​ളെ​യും മററും അകററി നിർത്തുക.

ചൂടു​വെ​ള്ള​വും സോപ്പും ഉപയോ​ഗിച്ച്‌ പാത്രങ്ങൾ കഴുകുക. നിങ്ങൾ വളരെ​യ​ധി​കം പാത്രങ്ങൾ കഴുകു​ന്നെ​ങ്കിൽ വെള്ളം അഴുക്കാ​കു​ന്ന​ത​നു​സ​രിച്ച്‌ അത്‌ മാററി പകരം നല്ല ചൂടു​വെ​ള്ള​വും സോപ്പും ഉപയോ​ഗി​ക്കുക. വൃത്തി​യുള്ള വസ്‌ത്രങ്ങൾ കൊണ്ട്‌ പാത്രങ്ങൾ തുടച്ചു​വെ​ക്കുക, അല്ലെങ്കിൽ പൊടി​യും പ്രാണി​ക​ളും ബാധി​ക്കാത്ത സ്ഥലത്ത്‌ തുറന്നു​വെച്ച്‌ ഉണക്കുക.

ചില രാജ്യ​ങ്ങ​ളിൽ പാത്രങ്ങൾ ചാരം തേച്ച്‌ ഉരച്ചു കഴുകു​ക​യും വെയി​ലത്ത്‌ വച്ച്‌ ഉണക്കു​ക​യും ചെയ്യുന്നു. സോപ്പ്‌ ഉപയോ​ഗി​ക്കു​ന്നത്‌ ലാഭക​ര​മ​ല്ലാത്ത സ്ഥലങ്ങളിൽ ഇത്‌ തൃപ്‌തി​ക​ര​മായ ഫലങ്ങൾ ഉളവാ​ക്കു​ന്നു. ക്ഷാരമ​യ​മുള്ള ചാരം സൂക്ഷ്‌മ​ജീ​വി​കളെ കൊല്ലു​ന്നു, ചൂടും സൂര്യ​നിൽനി​ന്നുള്ള അൾട്രാ​വ​യ​ല​ററ്‌ രശ്‌മി​ക​ളും പാത്ര​ങ്ങളെ ആരോ​ഗ്യ​ര​ക്ഷാ​ക​ര​മാ​ക്കു​ക​യും ചെയ്യുന്നു.

നിങ്ങളു​ടെ ഭവനത്തി​നു വെളി​യിൽ

റെസ്‌റേ​റാ​റൻറു​ക​ളി​ലോ വലിയ സമ്മേള​ന​ങ്ങ​ളി​ലോ കൗണ്ടറിൽ നിന്ന്‌ നാം സ്വയം ആഹാര​സാ​ധ​നങ്ങൾ തെര​ഞ്ഞെ​ടു​ക്കു​ന്നി​ട​ങ്ങ​ളിൽ, നല്ല ചൂടു​ള്ള​തോ അല്ലെങ്കിൽ നന്നായി തണുത്ത​തോ ആയ ആഹാര​സാ​ധ​നങ്ങൾ തെര​ഞ്ഞെ​ടു​ക്കാൻ ശ്രമി​ക്കുക. ആഹാരം അന്തരീക്ഷ ഊഷ്‌മാ​വിൽ വളരെ​നേ​ര​മാ​യി ഇരിക്കു​ന്നു​വെന്ന്‌ കണ്ടാൽ അത്‌ ഒഴിവാ​ക്കു​ന്നത്‌ ഉത്തമമാ​യി​രി​ക്കാം.

വെള്ളം തിളപ്പി​ക്കു​ന്ന​തിന്‌ പണച്ചെ​ല​വു​ള്ള​തു​കൊണ്ട്‌ വികസ്വര രാജ്യ​ങ്ങ​ളിൽ പല റെസ്‌റേ​റാ​റൻറു​ക​ളും തങ്ങളുടെ പതിവു​കാർക്ക്‌ നൽകുന്ന വെള്ളം തിളപ്പി​ക്കു​ന്നില്ല, അതു​കൊണ്ട്‌ അത്‌ കുടി​ക്കാ​തി​രി​ക്കു​ന്ന​താണ്‌ സുരക്ഷി​തം. വീണ്ടും വെള്ളമോ ഐസോ ചേർക്കേണ്ട പാനീ​യ​ങ്ങ​ളും പഴച്ചാ​റു​ക​ളും ഒഴിവാ​ക്കുക. കുപ്പി​യിൽ അടച്ചു വരുന്ന പാനീ​യ​ങ്ങ​ളും ചൂടുള്ള പാനീ​യ​ങ്ങ​ളും ആണ്‌ പൊതു​വെ സുരക്ഷി​തം.

വിരക​ളും മററ്‌ കുടൽ സംബന്ധ​മായ പരജീ​വി​ക​ളും പ്രദേ​ശത്ത്‌ ഒരു പ്രശ്‌ന​മാ​ണെ​ങ്കിൽ വേവി​ക്കാത്ത എല്ലാ സാലഡു​ക​ളും ഒഴിവാ​ക്കുക. എത്ര പ്രലോ​ഭി​പ്പി​ക്കു​ന്ന​വ​യാ​ണെ​ങ്കി​ലും തൊലി​പൊ​ളി​ച്ചു​ക​ള​യു​ന്നി​ല്ലാത്ത എല്ലാ പച്ചക്കറി​ക​ളും പഴവർഗ്ഗ​ങ്ങ​ളും ഒഴിവാ​ക്കുക. അത്തരം ആഹാരം വേണ്ടതു​പോ​ലെ കഴുകാ​തി​രി​ക്കാ​നും അണുമു​ക്ത​മാ​ക്കാ​തി​രി​ക്കാ​നും സാദ്ധ്യ​ത​യുണ്ട്‌. ചില സ്ഥലങ്ങളിൽ ഭക്ഷിക്കാ​നുള്ള എളുപ്പ​ത്തിന്‌ പഴങ്ങളും പച്ചക്കറി​ക​ളും മുറി​ച്ചു​വെച്ച്‌ വിൽപ്പന നടത്തുന്നു. ഇവ ഭക്ഷിക്കു​ന്നത്‌ സുരക്ഷി​ത​മ​ല്ലാ​യി​രി​ക്കാം.

പല പൗരസ്‌ത്യ​രാ​ജ്യ​ങ്ങ​ളി​ലും തെരു​വി​ലെ കച്ചവട​ക്കാർ ഒരു സാധാരണ ദൃശ്യ​മാണ്‌, വായിൽ വെള്ളമൂ​റുന്ന വിവി​ധ​യി​നങ്ങൾ വിൽക്കു​ന്നവർ തന്നെ. അത്തരം ഒരു സ്ഥലത്തു​നിന്ന്‌ ഭക്ഷിക്കു​ന്ന​തി​നു​മുമ്പ്‌ ആരോ​ഗ്യ​ര​ക്ഷാ​ക​ര​മായ അവസ്ഥകൾ നോക്കുക. അത്‌ വൃത്തി​ഹീ​ന​മോ? ആഹാരം വേവിച്ച്‌ തുറന്നു​വെ​ച്ചി​രി​ക്കു​ന്നു​വോ? അവശി​ഷ്‌ടങ്ങൾ നശിപ്പി​ക്കാൻ ഒരു സ്ഥലമു​ണ്ടോ, അതോ അവ ചിതറി​യി​ട്ടി​രി​ക്കു​ക​യാ​ണോ? ആഹാരം ഉണ്ടാക്കു​ന്ന​യാൾ മുടി​ചീ​കാ​തെ വൃത്തി​കെട്ട വസ്‌ത്രം ധരിച്ച​വ​നോ? അടുത്ത്‌ മൃഗങ്ങ​ളും വളരെ​യ​ധി​കം ഈച്ചക​ളും ഉണ്ടോ? ഈ ചോദ്യ​ങ്ങ​ളിൽ ഏതി​ന്റെ​യെ​ങ്കി​ലും ഉത്തരം ഉവ്വ്‌ എന്നാ​ണെ​ങ്കിൽ, അപ്പോൾ അവിടെ നിന്ന്‌ ഭക്ഷിച്ചാൽ നിങ്ങൾ പ്രശ്‌നങ്ങൾ വിളിച്ചു വരുത്തു​ക​യാണ്‌.

മിക്കവാ​റും എല്ലാവ​രും നന്നായി തയ്യാറാ​ക്കിയ രുചി​ക​ര​മായ ആഹാരം ഭക്ഷിക്കാൻ ആഗ്രഹി​ക്കു​ന്നു. എന്നാൽ ഭക്ഷണം കൈകാ​ര്യം ചെയ്യു​മ്പോ​ഴും തെര​ഞ്ഞെ​ടു​ക്കു​മ്പോ​ഴും നല്ല ന്യായ​ബോ​ധ​വും ശ്രദ്ധയും പ്രയോ​ഗി​ക്കുക. തുടർന്ന്‌ സുരക്ഷി​ത​മായ തീററി ആസ്വദി​ക്കുക! (g89 6/22)

[22-ാം പേജിലെ ചിത്രം]

ആഹാരം കൈകാ​ര്യം ചെയ്യു​ന്ന​തി​നു​മുമ്പ്‌, സോപ്പ്‌ ഉപയോ​ഗിച്ച്‌ നിങ്ങളു​ടെ കൈകൾ കഴുകുക

[23-ാം പേജിലെ ചിത്രം]

ഉപദ്രവകാരികളായ സൂക്ഷ്‌മ​ജീ​വി​കളെ നശിപ്പി​ക്കു​ന്ന​തിന്‌ മാംസ​വും മൽസ്യ​വും കോഴി​യി​റ​ച്ചി​യും നന്നായി വേവി​ക്കു​ക

[23-ാം പേജിലെ ചിത്രം]

സംശയകരമായ ഒരു ഉറവിൽ നിന്നുള്ള വെള്ളം തിളപ്പി​ക്ക​ണം

[24-ാം പേജിലെ ചിത്രം]

പാല്‌ പാസ്‌റ​റ​റൈസ്‌ ചെയ്‌ത​ത​ല്ലെ​ങ്കിൽ ചൂടാക്കി രോഗാ​ണു വിമു​ക്ത​മാ​ക്കു​ക

[24-ാം പേജിലെ ചിത്രം]

ആഹാര സാധനങ്ങൾ ഈച്ചപി​ടി​ക്കാ​തെ സൂക്ഷി​ക്കു​ക

[24-ാം പേജിലെ ചിത്രം]

നിങ്ങളുടെ ആഹാരം മലിന​മാ​കാ​തെ സൂക്ഷി​ക്കു​ക

[25-ാം പേജിലെ ചിത്രം]

പാത്രങ്ങളും പാച​കോ​പ​ക​ര​ണ​ങ്ങ​ളും വൃത്തി​യാ​യി സൂക്ഷി​ക്കു​ക

[25-ാം പേജിലെ ചിത്രം]

തെരുവു കച്ചവട​ക്കാർ വിൽക്കുന്ന ആഹാര​ത്തി​ന്റെ സുരക്ഷി​ത​ത്വം സംശയി​ക്കാൻ പലപ്പോ​ഴും മതിയായ കാരണ​മുണ്ട്‌