ജീവി​ച്ചി​രി​ക്കാൻ കുട്ടി​കളെ സഹായി​ക്കൽ!

നൈജീറിയായിലെ ഉണരുക! ലേഖകൻ

മലിന​ജലം, പരിമിത ഭക്ഷ്യല​ഭ്യത, വ്യാപ​ക​മായ രോഗ​വും അണുബാ​ധ​യും—ഈ അവസ്ഥകൾ വികസ്വ​ര​രാ​ജ്യ​ങ്ങ​ളിൽ സാധാ​ര​ണ​മാണ്‌. എന്നിരു​ന്നാ​ലും, മാതാ​പി​താ​ക്കൻമാ​രു​ടെ ഭാഗത്തെ ‘[ശരിയായ ശുചി​ത്വം​സം​ബ​ന്ധിച്ച] അജ്ഞതയും അവഗണ​ന​യും രോഗ​ങ്ങൾക്ക്‌ അനുകൂ​ല​മായ അവസ്ഥകൾ സൃഷ്ടി​ക്കു​ന്ന​തിൽ സഹായി​ക്കു​ന്നു’വെന്ന്‌ ഒരു നൈജീ​റി​യൻ ശിശു​രോ​ഗ​വി​ദ​ഗ്‌ദ്ധ​നായ ഡോ. കിസു ഓക്കു​ഡോ ഉണരുക!യോടു പറയു​ക​യു​ണ്ടാ​യി.

ഡോ. ഓക്കു​ഡോ തുടരു​ന്നു: ‘പഴയ തലമു​റ​ക്കാർ വെള്ള​ത്തോ​ടു​കൂ​ടിയ അതിസാ​രം അശുദ്ധി​യെ കഴുകി​ക്ക​ള​യു​ന്നു​വെ​ന്നും അതിനെ തടയരു​തെ​ന്നും പ്രായം​കു​റഞ്ഞ മാതാ​പി​താ​ക്ക​ളോ​ടു മിക്ക​പ്പോ​ഴും ഉപദേ​ശി​ക്കു​ന്നു.’ അങ്ങനെ​യുള്ള തെററായ ബുദ്ധി​യു​പ​ദേശം അനുസ​രി​ച്ചു​കൊണ്ട്‌ മാതാ​പി​താ​ക്കൾ തങ്ങളുടെ രോഗി​ക​ളായ കുട്ടി​കളെ ചികിൽസി​ക്കാ​തി​രി​ക്കു​ന്നു. മിക്ക​പ്പോ​ഴും മരണം സംഭവി​ക്കു​ന്നു​വെ​ന്ന​താണ്‌ ഫലം.

എന്നിരു​ന്നാ​ലും, “ജീവന്റെ ഉറവിനെ” ബഹുമാ​നി​ക്കുന്ന സകലർക്കും ജീവൻ വില​യേ​റി​യ​താണ്‌. (സങ്കീർത്തനം 36:9) അതു​കൊണ്ട്‌ ദൈവ​ഭ​യ​മുള്ള മാതാ​പി​താ​ക്കൾ തങ്ങളുടെ കുട്ടി​ക​ളു​ടെ ജീവനെ അപകട​പ്പെ​ടു​ത്താൻ അന്ധവി​ശ്വാ​സ​ങ്ങ​ളെ​യോ പ്രാ​ദേ​ശി​കാ​ചാ​ര​ങ്ങ​ളെ​യോ അനുവ​ദി​ക്കു​ന്നില്ല. “രോഗ​പ്ര​തി​രോ​ധം . . . ഭവനത്തിൽ തുടങ്ങണം” എന്ന്‌ മലേഷ്യ​യി​ലെ ഹെൽത്ത്‌ ഡയറക്ടർ ജനറൽ പറയുന്നു.

പോ​റ്റേണ്ട വളരെ​യ​ധി​കം പേരോ?

“ഭക്ത്യക്താ​മം” നമ്മുടെ കാലത്തി​ന്റെ ലക്ഷണമാണ്‌, വിശേ​ഷി​ച്ചും വികസ്വ​ര​രാ​ജ്യ​ങ്ങ​ളെ​യാണ്‌ കഠിന​മാ​യി ബാധി​ച്ചി​രി​ക്കു​ന്നത്‌. (മത്തായി 24:7) “അത്യന്തം ഉയർന്ന സന്താന​പു​ഷ്ടി​യു​ള്ള​വ​രു​ടെ കേന്ദ്രങ്ങൾ—ഓരോ സ്‌ത്രീ​ക്കും ആറു കുട്ടി​ക​ളി​ല​ധി​കം ഉള്ളവർ—ഇപ്പോ​ഴും ആഫ്രി​ക്ക​യി​ലും മദ്ധ്യപൗ​ര​സ്‌ത്യ​ദേ​ശ​ത്തും ഉടനീ​ള​മുണ്ട്‌” എന്ന വസ്‌തുത പ്രശ്‌നത്തെ സങ്കീർണ്ണ​മാ​ക്കു​ന്ന​താണ്‌ എന്ന്‌ ഒരു വേൾഡ്‌വാച്ച്‌ ഇൻസ്‌റ​റി​റ​റ്യൂട്ട്‌ റിപ്പോർട്ടായ ആഗോള കുടും​ബാ​സൂ​ത്രണം പറയുന്നു.

അപ്പോൾ ആഫ്രിക്കൻ ദമ്പതികൾ തങ്ങളുടെ കുടും​ബ​ത്തി​ന്റെ വലിപ്പത്തെ പരിമി​ത​പ്പെ​ടു​ത്താ​ത്ത​തെ​ന്തു​കൊണ്ട്‌? ദി വേൾഡ്‌വാച്ച്‌ റിപ്പോർട്ട്‌ ഇങ്ങനെ വിശദീ​ക​രി​ക്കു​ന്നു: “വിശേ​ഷിച്ച്‌ കുട്ടികൾ കൃഷി​യി​ലും വിപണ​ന​ത്തി​ലും മററു ജോലി​ക​ളി​ലും സഹായി​ക്കാൻ കൂടു​ത​ലായ ആളുകളെ പ്രതി​നി​ധാ​നം ചെയ്യു​ന്ന​തു​കൊണ്ട്‌ ഒരു ആഫ്രിക്കൻ സ്‌ത്രീ​യു​ടെ സാമ്പത്തി​ക​വും സാമൂ​ഹ്യ​വു​മായ അന്തസ്സ്‌ അവൾ പ്രസവി​ക്കുന്ന കുട്ടി​ക​ളു​ടെ എണ്ണത്തി​ന​നു​സ​രിച്ച്‌ ഉയരുന്നു.” പ്രതി​സ​ന്ധി​യി​ലായ ആഫ്രിക്കാ എന്ന പുസ്‌തകം ഇങ്ങനെ കൂട്ടി​ച്ചേർക്കു​ന്നു: “കുട്ടികൾ ജീവി​ക്കാ​തി​രി​ക്കാ​നുള്ള ഉയർന്ന സാദ്ധ്യത വലിയ കുടും​ബ​ങ്ങ​ളു​ണ്ടാ​യി​രി​ക്കാൻ ആഫ്രിക്കൻ മാതാ​പി​താ​ക്കളെ പ്രോൽസാ​ഹി​പ്പി​ക്കു​ന്നു.” ചില ആഫ്രിക്കൻ രാജ്യ​ങ്ങ​ളിൽ കുട്ടി​ക​ളു​ടെ ഏതാണ്ട്‌ അഞ്ചി​ലൊന്ന്‌ അവരുടെ ഒന്നാം വർഷത്തിൽത്തന്നെ മരിക്കു​ന്നു! വിരോ​ധാ​ഭാ​സ​മെന്നു പറയട്ടെ, കൂടുതൽ കുട്ടികൾ ഉണ്ടായി​രി​ക്കു​ന്നത്‌ തിക്കലു​ള്ള​തും ആരോ​ഗ്യ​ക​ര​മ​ല്ലാ​ത്ത​തു​മായ വസതി​കൾക്കും അപര്യാ​പ്‌ത​മായ ആരോ​ഗ്യ​പാ​ല​ന​ത്തി​നും ഇടയാ​ക്കു​ന്നു—കുട്ടി​കളെ കൊല്ലു​ന്ന​തിൽ ഒരു വലിയ പങ്കു വഹിക്കു​ന്നത്‌ ആ അവസ്ഥകൾത​ന്നെ​യാണ്‌.

ഗർഭധാ​ര​ണ​ത്തി​നും പ്രസവ​ത്തി​നും ശേഷം ഒരു സ്‌ത്രീ വീണ്ടും ഗർഭി​ണി​യാ​കു​ന്ന​തി​നു​മുമ്പ്‌ ആരോ​ഗ്യം വീണ്ടെ​ടു​ക്കു​ന്ന​തിന്‌ സമയമാ​വ​ശ്യ​മാ​ണെന്ന്‌ ഡോക്ടർമാർ പറയുന്നു. അതല്ലെ​ങ്കിൽ, ആരോ​ഗ്യ​മുള്ള കുട്ടി​ക​ളു​ണ്ടാ​കാ​നുള്ള അവളുടെ പ്രാപ്‌തിക്ക്‌ ഗുരു​ത​ര​മായ തകരാറു ഭവി​ച്ചേ​ക്കാം.

ഈ വസ്‌തു​ത​ക​ളൊ​ക്കെ​യു​ണ്ടെ​ങ്കി​ലും, ആഫ്രി​ക്ക​ക്കാർ കുടും​ബാ​സൂ​ത്ര​ണ​ത്തി​ന്റെ ആശയ​ത്തോട്‌ എതിർപ്പു​പ്ര​ക​ടി​പ്പി​ക്കാ​നാണ്‌ പ്രവണ​ത​കാ​ട്ടു​ന്നത്‌.a എന്നിരു​ന്നാ​ലും വ്യക്തികൾ സഗൗര​വ​മായ ചിന്തകൂ​ടാ​തെ സംഗതി തള്ളിക്ക​ള​യ​രുത്‌. കുട്ടികൾ ഉണ്ടായി​രി​ക്കു​ന്ന​തി​നെ ബൈബിൾ കുററം വിധി​ക്കു​ന്നി​ല്ലെ​ങ്കി​ലും അത്‌ 1 തിമൊ​ഥെ​യോസ്‌ 5:8ൽ ഇങ്ങനെ പറയു​ക​തന്നെ ചെയ്യുന്നു: “തീർച്ച​യാ​യും, ആരെങ്കി​ലും തന്റെ സ്വന്തക്കാർക്കു​വേ​ണ്ടി​യും, വിശേ​ഷാൽ തന്റെ കുടും​ബാം​ഗ​ങ്ങൾക്കു​വേ​ണ്ടി​യും കരുതു​ന്നി​ല്ലെ​ങ്കിൽ അയാൾ തന്റെ വിശ്വാ​സം തള്ളിക്ക​ള​ഞ്ഞി​രി​ക്കു​ന്നു.” വളരെ വലിയ ഒരു കുടും​ബ​മു​ണ്ടാ​യി​രി​ക്കു​ന്നത്‌ തങ്ങളുടെ സന്താന​ങ്ങൾക്ക്‌ മതിയായ ഭക്ഷണവും വസ്‌ത്ര​വും അഭയവും പ്രദാ​നം​ചെ​യ്യു​ന്നത്‌ മാതാ​പി​താ​ക്കളെ സംബന്ധിച്ച്‌ അസാദ്ധ്യ​മാ​ക്കി​ത്തീർത്തേ​ക്കാം. ഒരു വ്യക്തി​പ​ര​മായ സംഗതി​യാ​ണെ​ങ്കി​ലും ചില ഇണകൾ അങ്ങനെ ഗർഭനി​രോ​ധനം പ്രാവർത്തി​ക​മാ​ക്കാ​നും തങ്ങൾക്ക്‌ ഉചിത​മാ​യി പരിപാ​ലി​ക്കാൻ കഴിയാ​ത്ത​തി​ല​ധി​കം കുട്ടികൾ ഉണ്ടാകു​ന്ന​തൊ​ഴി​വാ​ക്കാ​നും പഠിച്ചി​രി​ക്കു​ന്നു.

മുലയൂ​ട്ടൽ കുപ്പി​പ്പാൽ കൊടു​ക്കു​ന്ന​തി​നു വിരുദ്ധം

“മോശ​മായ ശിശു​പോ​ഷ​ണ​ത്താ​ലു​ള്ളള വികല​പോ​ഷ​ണ​രോ​ഗങ്ങൾ യഥാർത്ഥ ക്ഷാമത്താ​ലു​ള്ള​തി​നേ​ക്കാൾ കൂടുതൽ ജീവഹാ​നി വരുത്തി​ക്കൂ​ട്ടു​ന്നു”വെന്ന്‌ ഗവേഷ​ക​നായ വില്യം ചാൻഡ്‌ലർ പറയുന്നു: “വികല​പോ​ഷ​ണ​വും ഒപ്പം അതിസാ​ര​ത്താ​ലുള്ള ദ്രാവ​ക​ന​ഷ്ട​വു​മാണ്‌ ലോക​ത്തി​ലെ പ്രമുഖ കൊല​യാ​ളി.” മിക്ക​പ്പോ​ഴും ‘മോശ​മായ പോഷി​പ്പി​ക്കൽ നടപടി​കൾ’ ശൈശ​വ​ത്തിൽത്തന്നെ തുടങ്ങു​ന്നു.

മുലപ്പാ​ലിൽ ആവശ്യ​മുള്ള പോഷ​ക​ങ്ങ​ളെ​ല്ലാം അടങ്ങി​യി​ട്ടു​ള്ള​തു​കൊണ്ട്‌ മുലപ്പാൽ മിക്ക ശിശു​ക്കൾക്കും പററിയ ആഹാര​മാണ്‌. അത്‌ അനായാ​സ​വും സത്വര​വും ദഹിക്കു​ന്നു. അത്‌ എപ്പോ​ഴും പുത്തനും ശരിയായ ഊഷ്‌മാ​വു​ള്ള​തു​മാ​കു​ന്നു. അതിൽ ശിശു​വി​നെ സംരക്ഷി​ക്കു​ന്ന​തും അണുബാ​ധ​ക്കെ​തി​രായ പ്രതി​രോ​ധത്തെ പുഷ്ടി​പ്പെ​ടു​ത്താൻ ശിശു​വി​നെ സഹായി​ക്കു​ന്ന​തു​മായ പ്രതി​വ​സ്‌തു​ക്കൾ അടങ്ങി​യി​രി​ക്കു​ന്നു. മുലയൂ​ട്ടൽ ഒരു ശിശു​വിന്‌ വൈകാ​രി​ക​വ​ളർച്ചക്ക്‌ അത്യന്താ​പേ​ക്ഷി​ത​മായ സ്‌നേ​ഹ​നിർഭ​ര​മായ ശ്രദ്ധയും പ്രദാ​നം​ചെ​യ്യു​ന്നു.

എന്നിരു​ന്നാ​ലും, വനിതകൾ ലൗകി​ക​ജോ​ലി​കൾ ഏറെറ​ടു​ക്കു​മ്പോൾ പല വികസ്വ​ര​രാ​ജ്യ​ങ്ങ​ളി​ലും മുലയൂ​ട്ടൽ കുറയു​ന്നു. തൽഫല​മാ​യി, അനേകം ആഫ്രിക്കൻ ശിശു​ക്കൾക്ക്‌ പാൽപ്പൊ​ടി​യു​ടെ ആസൂ​ത്രി​ത​കൂ​ട്ടു​ക​ളാണ്‌ കൊടു​ക്കു​ന്നത്‌. അങ്ങനെ​യുള്ള ഫോർമു​ലാ​കൾ ആരോ​ഗ്യാ​വ​ഹ​മായ അവസ്ഥക​ളിൽ ശരിയാ​യി തയ്യാറാ​ക്കു​മ്പോൾ പോഷ​ക​ഗു​ണ​മു​ള്ള​വ​യാണ്‌. “എന്നിരു​ന്നാ​ലും, ലോക​ത്തി​ലെ ദരിദ്ര പ്രദേ​ശ​ങ്ങ​ളിൽ അത്‌ ചില​പ്പോൾ അസാദ്ധ്യ​മാണ്‌” എന്ന്‌ റൈറ മാസിക റിപ്പോർട്ടു​ചെ​യ്‌തു. “തള്ളമാർ അറിയാ​തെ മലിന​ജ​ല​ത്തിൽ പൊടി കലക്കി​യേ​ക്കാം അല്ലെങ്കിൽ പണം ലാഭി​ക്കാൻ അത്‌ വളരെ​യ​ധി​കം നേർപ്പി​ച്ചേ​ക്കാം.” ഫലം മാരക​മാ​യി​രി​ക്കാൻ കഴിയും.

ആശുപ​ത്രി​യി​ലെ നേഴ്‌സു​കൾ തുടക്കം​മു​തൽതന്നെ തന്റെ ശിശു​ക്കളെ കുപ്പി​പ്പാൽ കുടി​പ്പി​ച്ചു​തു​ട​ങ്ങി​യെന്ന്‌ ഏഴു മക്കളുടെ മാതാ​വായ ക്വീൻ അനുസ്‌മ​രി​ക്കു​ന്നു. ക്വീൻ വീട്ടി​ലും ഈ നടപടി തുടർന്നു. എന്നിരു​ന്നാ​ലും, അവളുടെ ആറു കുട്ടി​ക​ളും ഗുരു​ത​ര​മാ​യും ആവർത്തി​ച്ചും അതിസാ​ര​ത്താൽ വലഞ്ഞു—ഒരു കുട്ടി മരിക്കാ​റാ​കു​ക​യും ചെയ്‌തു. അവരുടെ ഭർത്താവ്‌ പറയുന്നു: “ഞങ്ങളുടെ ആറാമത്തെ കുട്ടിക്ക്‌ കുപ്പി​യി​ലൂ​ടെ​യാണ്‌ അണുബാ​ധ​യു​ണ്ടാ​യ​തെന്ന്‌ ഞങ്ങൾ തിരി​ച്ച​റി​ഞ്ഞു. അതു​കൊണ്ട്‌ ഞങ്ങൾ അതിന്റെ ഉപയോ​ഗം നിർത്തി, അവൾ രക്ഷപെട്ടു. ഇപ്പോൾ ക്വീൻ ഞങ്ങളുടെ ഏഴാമത്തെ കുട്ടിക്ക്‌ ആദ്യത്തെ ഏതാനും മാസങ്ങ​ളിൽ മുലപ്പാ​ലാണ്‌ കൊടു​ക്കു​ന്നത്‌.”

സന്ദേശ​മെ​ന്താണ്‌? സാധ്യ​മാ​കു​ന്നി​ട​ത്തോ​ളം പെട്ടെ​ന്നു​തന്നെ നിങ്ങളു​ടെ കുട്ടിയെ മുലയൂ​ട്ടി​ത്തു​ട​ങ്ങുക! നിങ്ങൾക്ക്‌ ആരോ​ഗ്യാ​വ​ഹ​മായ പാൽ ഉല്‌പാ​ദി​പ്പി​ക്കാൻ കഴിയ​ത്ത​ക്ക​വണ്ണം സമീകൃ​താ​ഹാ​രം ഭക്ഷിക്കുക. മുലയൂ​ട്ട​ലി​ന്റെ ഒരു പാർശ്വ​പ്ര​യോ​ജനം അത്‌ ഒരു ശിശു​വി​ന്റെ ജനന​ശേ​ഷ​മുള്ള തള്ളയുടെ ആർത്തവ തുടക്കത്തെ താമസി​പ്പി​ക്കാൻ പ്രവണ​ത​കാ​ട്ടു​ന്നു​വെ​ന്ന​താണ്‌. അങ്ങനെ അത്‌ പ്രകൃ​തി​യു​ടെ ഗർഭനി​രോ​ധ​ന​മാർഗ്ഗം എന്ന്‌ വിളി​ക്ക​പ്പെ​ടു​ന്നു.

അവരെ ശരിയാ​യി പോഷി​പ്പി​ക്കുക!

എന്നാൽ ചില​പ്പോൾ ആഫ്രി​ക്ക​യി​ലെ കുട്ടികൾ 18-മത്തെ മാസം​വരെ മുലപ്പാ​ലി​നാൽ മാത്രം പോഷി​പ്പി​ക്ക​പ്പെ​ടു​ന്നുണ്ട്‌. “മുലകു​ടി​മാ​റു​മ്പോൾ പല കുട്ടി​കൾക്കും ചവക്കാ​നോ ദഹിപ്പി​ക്കാ​നോ കഴിയാ​ത്ത​തോ പോഷ​ക​ഗു​ണ​മി​ല്ലാ​ത്ത​തോ ആയ ഭക്ഷണം കൊടു​ക്കു​ന്നു”വെന്ന്‌ വില്യം ചാൻഡ്‌ലർ പറയുന്നു.

കോട്ട്‌ഡി​വൊ​യ​റി​ലെ യൂനി​സെഫ്‌ ഓഫീസ്‌ “അഞ്ചുമാ​സം കഴിഞ്ഞാൽ മുലപ്പാൽ മാത്രം പോരാ” എന്ന്‌ തള്ളമാരെ ഉപദേ​ശി​ക്കുന്ന ഒരു പോസ്‌ററർ ഇറക്കി. മുലപ്പാ​ലി​നു പുറമേ പഴങ്ങളും ധാന്യ​ങ്ങ​ളും ഒരു ശിശു​വിന്‌ ചവക്കാ​നും വിഴു​ങ്ങാ​നും തക്കവണ്ണം മാർദ്ദവം വരുന്ന​തു​വരെ വേവിച്ച സസ്യങ്ങ​ളും കൊടു​ക്കേ​ണ്ട​താണ്‌. ഇജി​യോ​മാ എന്നു പേരുള്ള ഒരു ആഫ്രി​ക്കൻമാ​താവ്‌ തന്റെ നാലു കുട്ടി​കൾക്കും ആദ്യത്തെ നാലു​മാ​സ​ക്കാ​ലത്ത്‌ മുല​കൊ​ടു​ത്തു. അവൾ അല്‌പാ​ല്‌പം പഴച്ചാ​റോ കുഴമ്പു​രൂ​പ​ത്തി​ലുള്ള ആഹാര​മോ മററു ഭക്ഷ്യങ്ങ​ളോ കൊടു​ത്തു​കൊണ്ട്‌ 12 മാസം​വരെ മുലയൂ​ട്ടു​ന്ന​തിൽ തുടർന്നു. ഭക്ഷണം പാചകം​ചെ​യ്യു​മ്പോൾ അവൾ കർശന​മായ ശുചി​ത്വം പാലിച്ചു. ഫലമെ​ന്താ​യി​രു​ന്നു? അവളുടെ കുട്ടികൾ ആരോ​ഗ്യ​മു​ള്ള​വ​രാ​യി വളർന്നു​വന്നു. അവർക്ക്‌ രോഗ​ബാധ വളരെ കുറവാ​യി​രു​ന്നു.

കുട്ടി വളരു​മ്പോൾ ഒരു സമീകൃ​താ​ഹാ​രം ആരോ​ഗ്യ​മു​ള്ള​വ​നാ​യി​രി​ക്കാൻ അവനെ സഹായി​ക്കും. ചേനയോ കപ്പയോ കുത്തരി​യോ​പോ​ലെ ധാന്യകം മാത്ര​മ​ട​ങ്ങിയ ഭക്ഷണം വേണ്ടത്ര പോഷകം പ്രദാ​നം​ചെ​യ്യു​ക​യില്ല. അവന്റെ ശരീര​ത്തിന്‌ പ്രോ​ട്ടീ​നു​ക​ളും വൈറ​റ​മി​നു​ക​ളും ധാതു​ക്ക​ളും ആവശ്യ​മാണ്‌. അവ മുട്ടയി​ലും മാംസ​ത്തി​ലും പാലി​ലും ബീൻസി​ലും ചോള​ത്തി​ലും വിവി​ധ​യി​നം സസ്യങ്ങ​ളി​ലും പഴങ്ങളി​ലും കാണ​പ്പെ​ടു​ന്നു.

ഭക്ഷണം കൈകാ​ര്യം​ചെ​യ്യു​ക​യും സംഭരി​ക്കു​ക​യും ചെയ്യുന്ന വിധവും പ്രധാ​ന​മാണ്‌. ചുരുക്കം ചില ദിവസ​ങ്ങ​ളിൽ ഫ്രിഡ്‌ജിൽ വെക്കാതെ സൂക്ഷി​ക്കുന്ന കേടു​ബാ​ധി​ക്കാ​വുന്ന ഭക്ഷണം ഉപയോ​ഗി​ക്കാൻ പ്രലോ​ഭനം തോന്നി​യേ​ക്കാം. എന്നാൽ അത്‌ ഉപയോ​ഗി​ക്ക​രുത്‌! മലിന​മായ ആഹാരം പലപ്പോ​ഴും ഹാനി​ക​ര​മാണ്‌, അവ കൂടെ​ക്കൂ​ടെ അതിസാ​ര​ത്തി​ന്റെ​യും മററു സാം​ക്ര​മി​ക​രോ​ഗ​ങ്ങ​ളു​ടെ​യും ആക്രമ​ണ​ത്തി​നി​ട​യാ​ക്കി​യേ​ക്കാം. അതു​കൊണ്ട്‌, (1) ആഹാരത്തെ തൊടു​ക​യോ പാചകം​ചെ​യ്യു​ക​യോ ചെയ്യു​ന്ന​തി​നു​മുമ്പ്‌ നിങ്ങളു​ടെ കൈകൾ കഴുകുക. (2) ഭക്ഷണം പാചകം​ചെ​യ്‌താ​ലു​ടനെ ഭക്ഷിക്കുക. മുറി​യി​ലെ സാധാരണ ഊഷ്‌മാ​വിൽ അത്‌ ദീർഘ​നേരം വെച്ചേ​ക്ക​രുത്‌. (3) എല്ലാ സമയങ്ങ​ളി​ലും നിങ്ങളു​ടെ അടുക്ക​ള​യും നിങ്ങളു​ടെ പാച​കോ​പ​ക​ര​ണ​ങ്ങ​ളും നിങ്ങളു​ടെ വസ്‌ത്ര​വും നിങ്ങ​ളേ​ത്ത​ന്നെ​യും ശുചി​യാ​യും വൃത്തി​യാ​യും സൂക്ഷി​ക്കുക.—വൾഡ്‌ ഹെൽത്ത്‌ മാസിക.

മലിന​ജ​ല​ത്തിൽ രോഗാ​ണു​ക്ക​ളും പരാദ​ങ്ങ​ളും പെരു​കു​ന്നു. അതു​കൊണ്ട്‌ ഉപയോ​ഗി​ക്കു​ന്ന​തി​നു​മുമ്പ്‌ വെള്ളം അരിക്കു​ക​യോ തിളപ്പി​ക്കു​ക​യോ ചെയ്യുക. ഭക്ഷണത്തിന്‌ ഉപയോ​ഗി​ക്കുന്ന ഉപകര​ണങ്ങൾ തിളപ്പിച്ച വെള്ളത്തിൽ കഴുകുക. ഭക്ഷണം കൈകാ​ര്യം​ചെ​യ്യു​ന്ന​തി​നു​മുമ്പ്‌ നിങ്ങളു​ടെ കൈകൾ കഴുകുക.

തീർച്ച​യാ​യും, ഒരുപക്ഷേ ഏററവും ലളിത​മായ ആരോ​ഗ്യ​രക്ഷ ശുചി​ത്വ​ത്തി​ന്റെ ഉയർന്ന നിലവാ​രം പുലർത്തു​ന്ന​താണ്‌. എന്നിരു​ന്നാ​ലും വികസ്വ​ര​രാ​ജ്യ​ങ്ങ​ളിൽ ഇത്‌ ഒരു യഥാർത്ഥ വെല്ലു​വി​ളി​യാ​യി​രി​ക്കാൻ കഴിയും. (g88 9/22)

[അടിക്കു​റി​പ്പു​കൾ]

[5-ാം പേജിലെ ചതുരം]

വികലപോഷണരോഗത്തിന്റെ ചില ലക്ഷണങ്ങൾ

◼ ഊർജ്ജി​ത​ക്കു​റവ്‌—കുട്ടി ഊർജ്ജ്വ​സ്വ​ല​മായ കളി ഒഴിവാ​ക്കു​ന്നു

◼ വിശപ്പി​ല്ലായ്‌മ—കുട്ടി ഭക്ഷണം നിരസി​ക്കു​ന്നു, അല്‌പം​മാ​ത്രം ഭക്ഷിക്കു​ന്നു

◼ സാവധാ​ന​ത്തി​ലുള്ള വളർച്ച—കുട്ടിക്ക്‌ പ്രായ​ത്തി​നു​തക്ക വലിപ്പ​മി​ല്ല

◼ പ്രതി​രോ​ധ​ശക്തി കുറവ്‌—നിസ്സാ​ര​മായ അണുബാ​ധ​യാൽ കൂടെ​ക്കൂ​ടെ രോഗം

വികലപോഷണത്തിന്റെ ചില കാരണങ്ങൾ

◼ ആഹാര​ക്കു​റവ്‌

◼ ആഹാരം ധാരാ​ള​മു​ണ്ടെ​ങ്കി​ലും മോശ​മായ തരം

◼ ഗുണം​കു​റഞ്ഞ കുപ്പി​പ്പാൽ കൊടു​ക്കു​ന്ന​തോ ശുചി​ത്വ​മി​ല്ലാത്ത കൈകാ​ര്യ​മോ

◼ അണുബാ​ധ​കൾ

◼ കുടലി​ലെ പരാദങ്ങൾ, അവ അതിസാ​ര​മോ ഛർദ്ദി​യോ വരുത്തി​ക്കൂ​ട്ടു​ന്നു

[7-ാം പേജിലെ ചതുരം/ചിത്രങ്ങൾ]

ജീവരക്താകരമായ മററു നടപടികൾb

അഞ്ചാം​പനി, പോളി​യോ, വില്ലൻചുമ, ഡിഫ്‌ത്തീ​രി​യാ, റെററ​റ​നസ്‌, ക്ഷയം, മുതലായ രോഗ​ങ്ങ​ളാൽ ഓരോ ദിവസ​വും 2,000ത്തിൽപരം കുട്ടികൾ മരിക്കു​ന്നു—ഇവയെ​ല്ലാം പ്രതി​രോ​ധ​വൽക്ക​ര​ണ​ത്താൽ അനായാ​സം തടയാ​വു​ന്ന​താ​ണെന്ന്‌ ഡോക്ടർമാർ അവകാ​ശ​പ്പെ​ടു​ന്നു. അതു​കൊണ്ട്‌ അനേകം മാതാ​പി​താ​ക്കൻമാർ ഈ രോഗ​ങ്ങൾക്കെ​തി​രെ തങ്ങളുടെ കുട്ടി​കൾക്ക്‌ കുത്തി​വെപ്പു നടത്താൻ വ്യക്തി​പ​ര​മായ തീരു​മാ​നം ചെയ്‌തി​രി​ക്കു​ന്നു. ദൃഷ്ടാ​ന്ത​ത്തിന്‌, നൈജീ​രി​യാ​യിൽ വികസി​ത​പ്ര​തി​രോ​ധ​വൽക്കരണ പരിപാ​ടി​യുണ്ട്‌. ഒരുപക്ഷേ നിങ്ങളു​ടെ രാജ്യത്ത്‌ സമാന​മായ ഒരു പരിപാ​ടി നിലവി​ലു​ണ്ടാ​യി​രി​ക്കാം.—1965 ഓഗസ്‌ററ്‌ 22ലെ “എവേക്ക്‌!” വാക്‌സി​നേ​ഷൻസം​ബ​ന്ധിച്ച കൂടുതൽ വിവര​ങ്ങൾക്കാ​യി കാണുക.

എന്നിരു​ന്നാ​ലും കുട്ടിക്ക്‌ പൂർണ്ണ​സം​ര​ക്ഷണം ലഭിക്ക​ണ​മെ​ങ്കിൽ, ബൂസ്‌ററർ ഡോസു​കൾക്കാ​യി മടങ്ങി​ച്ചെ​ല്ലേ​ണ്ട​താ​വ​ശ്യ​മാ​യി​രി​ക്കാം എന്ന്‌ ഓർക്കുക. മിക്ക​പ്പോ​ഴും കുട്ടി​യു​ടെ ആദ്യത്തെ കുത്തി​വെ​പ്പി​നു​ശേ​ഷ​മു​ണ്ടാ​കുന്ന പനിക​ളി​ലും വേദന​ക​ളി​ലും അനേകം മാതാ​പി​താ​ക്കൾ ഉൽക്കണ്‌ഠ​പ്പെ​ടു​ന്നു. ഏതായാ​ലും അങ്ങനെ​യുള്ള ചെറിയ അസുഖം മരണക​ര​മായ രോഗ​ത്തിൽനി​ന്നുള്ള കുട്ടി​യു​ടെ സംരക്ഷ​ണ​ത്തിന്‌ കൊടു​ക്കേണ്ട ഒരു ചെറിയ വിലയാ​ണെന്ന്‌ അനേകം മാതാ​പി​താ​ക്കൾ ന്യായ​വാ​ദം​ചെ​യ്യു​ന്നു.

കൂടാതെ ഓആർടി​യും പരിചി​ത​മാ​ക്കുക (ശരീര​ത്തി​ലെ ദ്രാവകം വർദ്ധി​പ്പി​ക്കാ​നുള്ള പാനീയം).c അടുത്ത കാലത്ത്‌ പത്തു വർഷത്തി​നകം ഏതാണ്ടു 3 കോടി കുട്ടികൾ അതിസാ​രം മൂലം ശരീര​ത്തി​ലെ ജലാംശം നഷ്ടപ്പെ​ട്ടും വികല​പോ​ഷ​ണ​ത്താ​ലും മരണമ​ടഞ്ഞു. എന്നിരു​ന്നാ​ലും അതിസാ​രം പിടി​പെ​ടു​ന്നു​വെ​ങ്കിൽ ഗ്ലൂക്കോ​സും ഉപ്പും വെള്ളവും ചേർത്തു​ണ്ടാ​ക്കുന്ന ഒരു ലായനിക്ക്‌ നിങ്ങളു​ടെ കുട്ടി​യു​ടെ ജീവനെ രക്ഷിക്കാൻ കഴിയും. ഒരു പാനീ​യ​മാ​യി കൊടു​ക്കു​മ്പോൾ അതിസാ​ര​ത്താ​ലും ഛർദ്ദി​യാ​ലും നഷ്ടപ്പെ​ടുന്ന ദ്രാവ​ക​ത്തി​ന്റെ സ്ഥാനത്ത്‌ അത്‌ ആഗിരണം ചെയ്യാ​നുള്ള ശരീര​ത്തി​ന്റെ പ്രാപ്‌തി വർദ്ധി​ക്കു​ന്നു. നിങ്ങൾക്ക്‌ പാക്ക്‌ചെയ്‌ത ഉപ്പുകൾ കിട്ടാൻ സാധി​ക്കു​ന്നി​ല്ലെ​ങ്കിൽ ഈ ലളിത​മായ നിർദ്ദേശം അനുസ​രി​ക്കുക: ഒരു ടീസ്‌പൂൺ വടിച്ച്‌ കറിയു​പ്പും എട്ട്‌ ടീസ്‌പൂൺ വടിച്ച്‌ പഞ്ചസാ​ര​യും കാൽ ഗ്യാലൻ വെള്ളവും യോജി​പ്പി​ക്കുക. ഓആർടി അതിസാ​രം​മൂ​ലം ജലാംശം നഷ്ടപ്പെ​ടുന്ന 90 ശതമാനം കേസു​ക​ളി​ലും മരണത്തെ ഒഴിവാ​ക്കു​ന്നു.”

എല്ലാ മുൻക​രു​ത​ലു​ക​ളും സ്വീക​രി​ച്ചാ​ലും, കുട്ടി​കളെ പിന്നെ​യും രോഗാ​ണു​സം​ക്ര​മ​ണ​വും കുടലി​ലെ പരാദ​ങ്ങ​ളും ബാധി​ച്ചേ​ക്കാം. അങ്ങനെ​യുള്ള അപകടാ​വസ്ഥ സംബന്ധിച്ച്‌ ഒരുവന്‌ എങ്ങനെ ജാഗരൂ​ക​നാ​കാൻ കഴിയും? മിക്കരാ​ജ്യ​ങ്ങ​ളി​ലും അനായാ​സം ലഭ്യമായ ഒരു തൂക്ക-പുരോ​ഗ​തി​ചാർട്ട്‌ സഹായ​ക​മാ​യി​രി​ക്കും. കേവലം ഓരോ മാസവും നിങ്ങളു​ടെ കുട്ടി​യു​ടെ തൂക്കം നോക്കു​ക​യും സാധാരണ വളർച്ചാ​നി​രക്കു കാണി​ക്കുന്ന ഒരു ചാർട്ടിൽ തൂക്കം രേഖ​പ്പെ​ടു​ത്തു​ക​യും ചെയ്യുക. രണ്ടു തൂക്കങ്ങ​ളു​ടെ താരത​മ്യ​പ​ഠനം കുട്ടി​യു​ടെ വളർച്ച​യി​ലെ ഏതു തകരാ​റും സൂചി​പ്പി​ക്കും.

[ചാർട്ട്‌]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

തൂക്കപുരോഗതിചാർട്ട്‌

ശരാശരി ആരോ​ഗ്യ​മുള്ള കുട്ടി

മോശമായ ഭക്ഷണ​ക്ര​മത്തെ സൂചി​പ്പി​ച്ചേ​ക്കാം(ഡോക്ട​റെ​യോ ക്ലിനി​ക്കി​ലോ സന്ദർശി​ക്കുക)

1 കിലോ=2.2 റാത്തൽ

20

18

16

14

12

10

8

6

4

2

കി 0

1-ാം വർഷം, 2-ാം വർഷം, 3-ാം വർഷം, 4-ാം വർഷം, 5-ാം വർഷം

[അടിക്കു​റി​പ്പു​കൾ]