കുട്ടികൾ മരിക്കു​ന്ന​ത്‌ എ​ന്തു​കൊണ്ട്‌?

നിങ്ങൾ ഈ വാക്യം വായി​ക്കാൻ എടുക്കുന്ന സമയം​കൊണ്ട്‌ മൂന്ന്‌ കുട്ടികൾ ആവശ്യ​മി​ല്ലാ​തെ മരിക്കും.

ഓരോ രണ്ടു സെക്കണ്ടി​ലും ഒന്ന്‌ എന്ന അതിശ​യി​പ്പി​ക്കുന്ന നിരക്കിൽ കുട്ടി​കളെ ഞെക്കി​ക്കൊ​ല്ലു​ന്നത്‌ പ്രളയ​മോ ക്ഷാമമോ വരൾച​യോ അല്ല. ലോകാ​വസ്ഥ 1986 എന്ന വേൾഡ്‌വാച്ച്‌ ഇൻസ്‌റ​റി​റ​റ്യൂട്ട്‌ റിപ്പോർട്ടിൽ വില്യം യൂ. ചാൻഡ്‌ലർ ഇങ്ങനെ എഴുതു​ന്നു: “ക്ഷാമം​കൊ​ണ്ടു മരിക്കു​ന്ന​തി​നെ​ക്കാൾ, അനുചി​ത​മാ​യി കുട്ടി​ക​ളു​ടെ മുലകു​ടി​മാ​റ​റു​ന്ന​തു​കൊണ്ട്‌ കൂടുതൽ കുട്ടികൾ മരിക്കു​ന്നു. പകർച്ച​വ്യാ​ധി​കൊ​ണ്ടു മരിക്കു​ന്ന​തി​നെ​ക്കാൾ അതിസാ​രത്തെ എങ്ങനെ കൈകാ​ര്യം​ചെ​യ്യാ​മെന്ന്‌ മാതാ​പി​താ​ക്കൾക്ക്‌ അറിയാൻപാ​ടി​ല്ലാ​ത്ത​തു​കൊണ്ട്‌ കൂടുതൽ കുട്ടികൾ മരിക്കു​ന്നു. . . . വികല​പോ​ഷ​ണ​ത്താ​ലും അതിസാ​ര​ത്താ​ലും മലമ്പനി​യാ​ലും ന്യു​മോ​ണി​യാ​യാ​ലും അഞ്ചാം പനിയാ​ലും വില്ലൻചു​മ​യാ​ലും റെററ​റ​ന​സി​നാ​ലും ഓരോ വർഷവും മൊത്തം 1 കോടി 70 ലക്ഷത്തോ​ട​ടു​ത്തു കുട്ടികൾ മരിക്കു​ന്നു​ണ്ടെ​ന്നു​ള്ള​തി​നോട്‌ അപഗ്ര​ഥ​ന​വി​ദ​ഗ്‌ദ്ധർ പൊതു​വേ യോജി​ക്കു​ന്നു. യഥാർത്ഥ​ത്തിൽ ഈ മരണങ്ങ​ളെ​ല്ലാം സംഭവി​ക്കു​ന്നത്‌ മൂന്നാം ലോക​ത്തി​ലാണ്‌.”

ഒരു ഭയങ്കര വിരോ​ധാ​ഭാ​സ​ത്താൽ അങ്ങനെ​യുള്ള നഷ്ടദു​രന്തം തീവ്ര​മാ​കു​ക​യാണ്‌. ചാൻഡ്‌ലർ ഇങ്ങനെ തുടരു​ന്നു: “താരത​മ്യേന ലളിത​മായ നടപടി​ക​ളാൽ [ഈ മരണങ്ങ​ളു​ടെ] പകുതി മുതൽ മുക്കാൽ വരെ തടയാൻ കഴിയും. (ഇററാ​ലി​ക്‌സ്‌ ഞങ്ങളു​ടേത്‌) അതെ, വികസ്വ​ര​രാ​ജ്യ​ങ്ങ​ളി​ലെ മാതാ​പി​താ​ക്കൾ ഗംഭീര ഗവൺമെൻറ്‌ പദ്ധതി​കൾക്കോ വൻതോ​തി​ലുള്ള ആരോ​ഗ്യ​പ​ദ്ധ​തി​കൾക്കോ വേണ്ടി കാത്തി​രി​ക്കേ​ണ്ട​തില്ല. അവരുടെ കുട്ടി​ക​ളു​ടെ ജീവനെ രക്ഷിക്കാൻ അവരെ സഹായി​ക്കാ​നുള്ള അറിവ്‌ ഇപ്പോൾത്ത​ന്നെ​യുണ്ട്‌! ആവശ്യ​മാ​യി​രി​ക്കു​ന്നത്‌ താരത​മ്യേന ലളിത​വും ചെലവു​കു​റ​ഞ്ഞ​തു​മായ ചില നടപടി​കൾ പഠിച്ചു നടപ്പി​ലാ​ക്കാൻ അവരുടെ ഭാഗത്തെ മനസ്സൊ​രു​ക്കം മാത്ര​മാണ്‌. അതു​കൊണ്ട്‌ രണ്ട്‌ ആഫ്രി​ക്കൻരാ​ജ്യ​ങ്ങ​ളി​ലെ ഉണരുക! ലേഖകൻമാ​രു​ടെ റിപ്പോർട്ടു​കൾ വായി​ക്കാൻ ഞങ്ങൾ നിങ്ങളെ ക്ഷണിക്കു​ക​യാണ്‌. ഈ ലേഖനങ്ങൾ വിജ്ഞാ​ന​പരം മാത്രമല്ല ജീവര​ക്താ​കര​വും​കൂ​ടെ​യാ​യി​രി​ക്കു​മെന്ന്‌ ആശിക്കു​ക​യാണ്‌. (g88 9/22)