ബൈബി​ളി​ന്റെ വീക്ഷണം

വിമോ​ചന ദൈവ​ശാ​സ്‌ത്രം എന്തു​കൊണ്ട്‌ ഉത്തരമല്ല

വിമോ​ചന ദൈവ​ശാ​സ്‌ത്രം പ്രായേണ നവീന​മായ ഒരു ആശയമാണ്‌. ഇത്‌ തങ്ങളുടെ ആട്ടിൻകൂ​ട്ട​ത്തി​ലെ അനേക​രു​ടെ​യും ഞെരി​ക്കുന്ന ദാരി​ദ്ര്യ​ത്തിൽ അസ്വസ്ഥ​രാ​യി​ത്തീർന്ന തെക്കേ അമേരി​ക്ക​യി​ലെ റോമൻ കത്തോ​ലി​ക്കാ പുരോ​ഹി​തൻമാ​രാൽ രണ്ട്‌ ദശാബ്ദ​ങ്ങൾക്കു മുമ്പ്‌ ആവിഷ്‌ക്ക​രി​ക്ക​പ്പെ​ട്ട​താണ്‌. നിരാ​ശാ​ജ​ന​ക​മാം​വി​ധം ദാരി​ദ്ര്യ​ത്തി​ലാ​ണ്ട​വ​രോട്‌ വെറുതെ ആത്മീയ കാര്യ​ങ്ങ​ളെ​ക്കു​റിച്ച്‌ സംസാ​രി​ക്കു​ന്നത്‌ അവരെ സഹായി​ക്കു​ന്നി​ല്ലെന്ന്‌ അവർക്കു തോന്നാ​നി​ട​യാ​യി. മറിച്ച്‌ ആളുകൾ ആത്മീയ​മാ​യി അഭിവൃ​ദ്ധി​പ്രാ​പി​ക്കേ​ണ്ട​തിന്‌ തങ്ങൾ സമൂല സാമൂ​ഹ്യ​പ​രി​വർത്ത​നങ്ങൾ ഉന്നമി​പ്പി​ക്കേണ്ട ആവശ്യ​മു​ണ്ടെന്ന്‌ പുരോ​ഹി​തൻമാർക്ക്‌ തോന്നി. ചിലർ വിപ്ലവ​ത്തി​ന്റെ വക്താക്കൾ പോലു​മാ​യി​ത്തീർന്നു.

തീർച്ച​യാ​യും, ദരി​ദ്ര​രു​ടെ ജീവി​ത​ഭാ​ഗ​ധേയം മെച്ച​പ്പെ​ടു​ത്താൻ ശ്രമി​ക്കു​ന്നത്‌ തെററല്ല. യേശു​വി​നു തന്നെ അവന്റെ നാളിലെ ആളുക​ളോട്‌ വലിയ അനുകമ്പ തോന്നി. നാം വായി​ക്കു​ന്നു: “ജനകൂ​ട്ട​ങ്ങളെ കണ്ടപ്പോൾ അവന്‌ അവരോട്‌ ദയ തോന്നി, എന്തെന്നാൽ അവർ തൊലി​യു​രി​യ​പ്പെ​ടു​ക​യും ഇടയനി​ല്ലാത്ത ആടുക​ളെ​പ്പോ​ലെ ഉപേക്ഷി​ക്ക​പ്പെ​ടു​ക​യും ചെയ്‌തി​രു​ന്നു.” (മത്തായി 9:36) സത്യത്തിൽ, യേശു തന്റെ വാക്കു​ക​ളോട്‌ പ്രതി​വർത്തി​ച്ച​വർക്ക്‌ വിമോ​ചനം വാഗ്‌ദാ​നം ചെയ്‌തു​കൊണ്ട്‌ പറഞ്ഞു: “നിങ്ങൾ സത്യം അറിയു​ക​യും, സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും.” (യോഹ​ന്നാൻ 8:32) അതു​കൊണ്ട്‌ വിമോ​ചന ദൈവ​ശാ​സ്‌ത്രം ഒരു ക്രിസ്‌തീയ ശുശ്രൂ​ഷ​കന്‌ ദരി​ദ്രരെ സഹായി​ക്കു​ന്ന​തി​നുള്ള ബൈബി​ളി​ന്റെ മാർഗ്ഗ​മാ​ണോ?

ഒരു തെറ്റായ സിദ്ധാന്തം

അല്ലെന്ന​തിന്‌ അനേകം കാരണ​ങ്ങ​ളുണ്ട്‌. ഒരു സംഗതി, ഒരു ക്രിസ്‌തീയ ശുശ്രൂ​ഷ​കന്റെ പ്രാഥ​മിക ഉത്തരവാ​ദി​ത്വം അവന്റെ ആട്ടിൻകൂ​ട്ട​ത്തി​ന്റെ ആത്മീയ സുസ്ഥിതി ആണ്‌. ഒരു ദരി​ദ്ര​വ്യ​ക്തി​യു​ടെ ജീവിത നിലവാ​രങ്ങൾ മെച്ച​പ്പെ​ട്ടാൽ, അയാൾ ആത്മീയ​മാ​യി മെച്ച​പ്പെ​ടാൻ കൂടുതൽ ചായ്‌വു​ള്ള​വ​നാ​യി​രി​ക്കു​മെ​ന്നുള്ള​തിന്‌ യാതൊ​രു തെളി​വു​മില്ല. യഥാർത്ഥ​ത്തിൽ വടക്കെ അമേരി​ക്ക​യി​ലെ​യും യൂറോ​പ്പി​ലെ​യും ഏറെ സമ്പന്നമായ രാഷ്‌ട്ര​ങ്ങൾക്ക്‌ ഉയർന്ന ജീവി​ത​നി​ല​വാ​രം ഉണ്ടായി​രു​ന്നി​ട്ടും അവ ഗുരു​ത​ര​മായ ആത്മീയ പ്രശ്‌നങ്ങൾ അനുഭ​വി​ക്കു​ന്നു. സത്യസ​ന്ധ​ത​യി​ല്ലായ്‌മ, അധാർമ്മി​കത, കുട്ടി​ക​ളു​ടെ​യും പ്രായ​മാ​യ​വ​രു​ടെ​യും ദുർവി​നി​യോ​ഗം, അത്യാ​ഗ്രഹം ഇവ—ചുരുക്കം ചിലവ മാത്രം പരിഗ​ണി​ച്ചാൽ—പ്രചു​ര​മാ​യി​രി​ക്കു​ന്നു. ചില സ്ഥലങ്ങളിൽ ദൈവ​ത്തി​ലുള്ള താൽപ​ര്യം മരിച്ചി​രി​ക്കു​ന്നു.—2 തിമൊ​ഥെ​യോസ്‌ 3:1-5.

ഇനിയും, യഥാർത്ഥ ക്രിസ്‌ത്യാ​നി​ക​ളു​ടെ ഉദാത്ത മാതൃ​ക​യായ യേശു പാവങ്ങളെ സഹായി​ക്കാൻ അവലം​ബിച്ച മാർഗ്ഗം വിമോ​ചന ദൈവ​ശാ​സ്‌ത്ര​മാ​യി​രു​ന്നില്ല. (1 പത്രോസ്‌ 2:21) യേശു ഭൂമി​യി​ലാ​യി​രു​ന്ന​പ്പോൾ ഒരു സാമ്രാ​ജ്യ​ത്ത്വ​ശ​ക്തി​യു​ടെ പ്രജക​ളും, വഞ്ചകരായ നികു​തി​പി​രി​വു​കാ​രു​ടെ കയ്യാൽ കഷ്ടപ്പെ​ട്ടി​രു​ന്ന​വ​രു​മായ ഒരു ജനതയു​ടെ​യി​ട​യിൽ അവൻ ജീവി​ച്ചും അധീര വർഗ്ഗത്തി​ലെ ദുരാ​ഗ്ര​ഹി​ക​ളായ ആളുകൾ, അവരിൽ ഏററം നിസ്സഹാ​യ​രാ​യി​രു​ന്ന​വരെ ഇരകളാ​ക്കി​യി​രു​ന്നു. (മത്തായി 22:21, ലൂക്കോസ്‌ 3:12, 13; 20:46, 47) എന്നുവ​രി​കി​ലും യേശു അവരുടെ ഭാഗ​ധേയം മെച്ച​പ്പെ​ടു​ത്തു​ന്ന​തിന്‌ രാഷ്‌ട്രീയ സൈദ്ധാ​ന്തീ​ക​ര​ണ​ത്തി​ലോ, സാമൂ​ഹ്യ​പ്ര​ക്ഷോ​ഭ​ത്തി​ലോ ഉൾപ്പെ​ട്ടില്ല. പ്രത്യുത, അവൻ “രാജ്യ​ത്തി​ന്റെ സുവാർത്ത” പ്രസം​ഗി​ച്ചു.—മത്തായി 4:23.

ഒടുവിൽ, ദൈവ​ത്തി​ന്റെ വിധത്തിൽ മാത്രം പരിഹ​രി​ക്ക​പ്പെ​ടാൻ കഴിയുന്ന ഒരു പ്രശ്‌ന​ത്തിന്‌ മതശു​ശ്രൂ​ഷകർ ഒരു രാഷ്‌ട്രീയ പ്രശ്‌ന പരിഹാ​രം അന്വേ​ഷി​ച്ചു​കൊ​ണ്ടി​രി​ക്കു​ക​യാണ്‌. അവരുടെ സിദ്ധാന്തം ഒരു ദൈവ​ശാ​സ്‌ത്രം എന്ന്‌ വിളി​ക്ക​പ്പെ​ടു​ന്നെ​ങ്കി​ലും അത്‌ ബൈബി​ള​ധി​ഷ്‌ഠി​തമല്ല. യേശു തന്റെ അനുഗാ​മി​ക​ളെ​ക്കു​റിച്ച്‌ ഇങ്ങനെ പറഞ്ഞു: “ഞാൻ ലോക​ത്തി​ന്റെ ഭാഗമ​ല്ലാ​തി​രി​ക്കു​ന്ന​തു​പോ​ലെ​തന്നെ, അവരും ലോക​ത്തി​ന്റെ ഭാഗമല്ല.” (യോഹ​ന്നാൻ 17:16) രാഷ്‌ട്രീയ പ്രവർത്ത​ന​ത്തി​നു പ്രോ​ത്സാ​ഹി​പ്പി​ക്കവേ “ലോക​ത്തി​ന്റെ ഭാഗമ​ല്ലാ​തി​രി​ക്കാൻ” അസാദ്ധ്യ​മാണ്‌.—യാക്കോബ്‌ 4:4.

ദരി​ദ്രരെ യഥാർത്ഥ​ത്തിൽ സഹായി​ക്കു​ന്ന​തെന്ത്‌?

യഥാർത്ഥ​ത്തിൽ, വളരെ ദരി​ദ്ര​രാ​യ​വർക്കും പ്രസക്ത​മായ ഒരു ആത്മീയ സന്ദേശം വിമോ​ച​ന​ദൈ​വ​ശാ​സ്‌ത്ര​ജ്ഞർക്ക്‌ ഇല്ലെങ്കിൽ, അവർ തെററായ സന്ദേശ​മാണ്‌ പ്രസം​ഗി​ക്കു​ന്ന​തെന്നു നാം പറയേ​ണ്ടി​യി​രി​ക്കു​ന്നു. തന്റെ നാളിൽ ചെവി​കൊ​ടുത്ത ദരി​ദ്രർക്ക്‌ യേശു വലിയ സഹായ​മാ​യി​രു​ന്നു, യഹോ​വ​യു​ടെ സാക്ഷി​ക​ളും “രാജ്യ​ത്തി​ന്റെ സുവാർത്ത” പ്രസം​ഗി​ക്കു​ന്ന​തിൽ പങ്കുപ​റ​റു​മ്പോൾ അതുത​ന്നെ​യാണ്‌ ചെയ്‌തു​കൊ​ണ്ടി​രി​ക്കു​ന്നത്‌.—മത്തായി 24:14.

എന്താണ്‌ ഈ സുവാർത്ത? ഇത്‌ നമ്മുടെ നാളിൽ, ദൈവ​രാ​ജ്യം സ്വർഗ്ഗ​ത്തിൽ സ്ഥാപി​ത​മാ​യി​രി​ക്കു​ന്നു​വെ​ന്നും അത്‌ ഈ ഭൂമി​യിൽനിന്ന്‌ സർവ്വദു​ഷ്ട​ത​യും അടിച്ച​മർത്ത​ലും വേഗം ഇല്ലായ്‌മ ചെയ്യു​ന്നു​വെ​ന്നു​മുള്ള സത്യമാണ്‌. (വെളി​പ്പാട്‌ 11:15, 18) ഈ വിധത്തിൽ ദൈവ​രാ​ജ്യം പട്ടിണി​യു​ടെ​യും അടിച്ച​മർത്ത​ലി​ന്റെ​യും പ്രശ്‌നങ്ങൾ എന്നേക്കും പരിഹ​രി​ക്കും. ദൈവ​രാ​ജ്യ​ഭ​ര​ണ​ത്തി​ന്റെ ഫലങ്ങ​ളെ​ക്കു​റിച്ച്‌ സംസാ​രി​ച്ചു​കൊണ്ട്‌ ബൈബിൾ പറയുന്നു: “അവൻ അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും. മരണം മേലാൽ ഉണ്ടായി​രി​ക്കു​ക​യില്ല. വിലാ​പ​മോ, മുറവി​ളി​യോ, വേദന​യോ മേലാൽ ഉണ്ടാവു​ക​യില്ല. പൂർവ്വ​കാ​ര്യ​ങ്ങൾ കടന്നു​പോ​യി​രി​ക്കു​ന്നു.” (വെളി​പ്പാട്‌ 21:4) പരമാർത്ഥ​ഹൃ​ദ​യർക്ക്‌ എന്തോ​രൽഭു​ത​ക​ര​മായ ഭാവി​പ്ര​തീക്ത!

എന്നാൽ ദൈവ​രാ​ജ്യ​ത്തെ സംബന്ധിച്ച ഈ സത്യം ഇപ്പോൾ ദരി​ദ്രരെ സഹായി​ക്കു​ന്ന​തെ​ങ്ങ​നെ​യാണ്‌? ശരി, യേശു പറഞ്ഞത്‌ ഓർമ്മി​ക്കുക: “നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും.” (യോഹ​ന്നാൻ 8:32) ഒരു കുററ​ബോ​ധ​മുള്ള മനസാക്ഷി, ഭാവിയെ സംബന്ധിച്ച ഭയം, മതപര​മായ അന്ധവി​ശ്വാ​സം ഇവയിൽ നിന്നെ​ല്ലാ​മുള്ള സ്വാത​ന്ത്ര്യം പ്രാപി​ക്കു​ന്ന​തിന്‌ സത്യം ഒരുവനെ സഹായി​ക്കു​ന്നു.

കൂടാതെ, ഈ സത്യം പഠിക്കുന്ന വ്യക്തി രണ്ടു കരുത്തു​ററ സ്‌നേ​ഹി​തരെ നേടുന്നു. ഒന്ന്‌ ദൈവ​രാ​ജ്യ​ത്തി​ന്റെ രാജാ​വാ​യി ഇപ്പോൾ സേവി​ച്ചു​കൊ​ണ്ടി​രി​ക്കുന്ന ക്രിസ്‌തു​യേ​ശു​വാണ്‌. മറെറാന്ന്‌ “നിന്റെ ഭാരം യഹോ​വ​യിൻമേൽത്തന്നെ ഇട്ടു​കൊൾക, അവൻ തന്നെ നിന്നെ പുലർത്തും” എന്ന്‌ ആരെക്കു​റി​ച്ചു ബൈബിൾ പറയു​ന്നു​വോ ആ ഒരുവ​നായ യഹോവ. (സങ്കീർത്തനം 55:22) ഒരു ദരി​ദ്ര​വ്യ​ക്തി രാഷ്‌ട്രീ​യ​മോ സാമ്പത്തി​ക​മോ ആയി ഞെരു​ക്കുന്ന ഒരു വ്യവസ്ഥി​തി​യു​ടെ കീഴി​ലാണ്‌ ജീവി​ക്കു​ന്ന​തെ​ങ്കിൽപോ​ലും ക്രിസ്‌തീ​യസഭ മുഖാ​ന്തരം ഈ രണ്ടു ദയാലു​ക്ക​ളായ സ്‌നേ​ഹി​തർക്ക്‌ അയാളെ സഹായി​ക്കാൻ കഴിയും.

കൂടാതെ ദൈവ​രാ​ജ്യ​ത്തെ സംബന്ധി​ച്ചുള്ള സത്യ​ത്തോ​ടു പ്രതി​ക​രി​ക്കു​ന്നത്‌ തന്റെ വിഭവ​ശേ​ഷി​കൾ എന്തെല്ലാം തന്നെയാ​യാ​ലും അവ പരമാ​വധി പ്രയോ​ജ​ന​പ്പെ​ടു​ത്താൻ തക്കവണ്ണം ചീത്ത ശീലങ്ങൾ ഉരിഞ്ഞു​ക​ള​യു​ന്ന​തി​ലേ​യ്‌ക്കും ഒരുവനെ നയിക്കു​ന്നു. ഇല്ല ഒരു പാവ​പ്പെ​ട്ട​യാൾ ഒരു ക്രിസ്‌തീയ ജീവിതം നയിക്കു​ന്ന​തി​നാൽ അവശ്യം ധനിക​നാ​യി​ത്തീ​രു​ന്നില്ല. എന്നാൽ അയാൾ ഒന്നാമതു ദൈവ​ത്തി​ന്റെ രാജ്യം അന്വേ​ഷി​ക്കു​ക​യും അവന്റെ നീതി​യുള്ള നിലവാ​ര​ങ്ങ​ള​നു​സ​രിച്ച്‌ ജീവി​ക്കു​ക​യു​മാ​ണെ​ങ്കിൽ, ഒരു വിധത്തി​ല​ല്ലെ​ങ്കിൽ മറെറാ​രു​വി​ധ​ത്തിൽ ജീവി​ത​ത്തി​ലെ ഭൗതി​കാ​വ​ശ്യ​ങ്ങൾ കരുത​പ്പെ​ടു​ന്നു. അത്‌ യേശു വാഗ്‌ദാ​നം ചെയ്‌ത​തു​പോ​ലെ തന്നെയാണ്‌. “മുമ്പേ അവന്റെ രാജ്യ​വും നീതി​യും അന്വേ​ഷി​ച്ചു​കൊ​ണ്ടേ​യി​രി​ക്കുക, അതോ​ടൊ​പ്പം ഈ മററു സംഗതി​ക​ളും നിങ്ങൾക്കു കൂട്ട​പ്പെ​ടും.”—മത്തായി 6:33.

പുരാ​ത​ന​കാ​ല​ത്തെ ദാവീ​ദു​രാ​ജാവ്‌ ദൈവം തനിക്കു​ള്ള​വരെ കരുതുന്ന വിധം സംബന്ധിച്ച്‌ ഹൃദ​യോ​ദ്ദീ​പ​ക​മായ സാക്ഷ്യം നൽകി. അവൻ പറഞ്ഞു: “ഞാൻ ഒരു യുവാ​വാ​യി​രു​ന്നു, ഞാൻ വൃദ്ധനാ​യി​ത്തീ​രു​ക​യും ചെയ്‌തി​രി​ക്കു​ന്നു, എന്നുവ​രി​കി​ലും നീതി​മാൻ പൂർണ്ണ​മാ​യി ഉപേക്ഷി​ക്ക​പ്പെ​ട്ട​തോ അവന്റെ സന്തതി അപ്പം തിരയു​ന്ന​തോ ഞാൻ കണ്ടിട്ടില്ല.” (സങ്കീർത്തനം 37:25) ഇത്‌ സത്യമാ​ണെന്നു തെളി​യി​ക്കുന്ന അസംഖ്യം ദൃഷ്‌ടാ​ന്തങ്ങൾ ഇന്ന്‌ യഹോ​വ​യു​ടെ സാക്ഷി​ക​ളു​ടെ​യി​ട​യിൽ ഉണ്ട്‌.

അതു​കൊണ്ട്‌, മാനു​ഷ​സി​ദ്ധാ​ന്ത​ങ്ങ​ളും ദൈവ​ശാ​സ്‌ത്ര​ങ്ങ​ളും മുഖാ​ന്തരം താൽക്കാ​ലി​കാ​ശ്വാ​സം അന്വേ​ഷി​ക്കു​ന്ന​തി​നു പകരം, ദരി​ദ്ര​രുൾപ്പെടെ ഏവരും, ദൈവത്തെ സേവി​ക്കു​ന്ന​തിൽ നിന്നും കൈവ​രുന്ന വളരെ യഥാർത്ഥ​മായ പ്രയോ​ജ​നങ്ങൾ ആസ്വദി​ക്കാൻ പ്രോ​ത്‌സാ​ഹി​പ്പി​ക്ക​പ്പെ​ടു​ക​യാണ്‌. അങ്ങനെ ചെയ്യു​ന്നവർ “ദൈവി​ക​ഭക്തി ഇപ്പോ​ഴത്തെ ജീവ​ന്റെ​യും വരാനി​രി​ക്കു​ന്ന​തി​ന്റെ​യും വാഗ്‌ദാ​ന​മു​ള്ള​തി​നാൽ എല്ലാകാ​ര്യ​ങ്ങൾക്കും പ്രയോ​ജ​ന​മു​ള്ള​താ​കു​ന്നു” എന്നു പറഞ്ഞ അപ്പോ​സ്‌ത​ല​നായ പൗലോ​സി​നോ​ടു യോജി​ക്കു​ന്നു.—1 തിമൊ​ഥെ​യോസ്‌ 4:8. (g88 9/8)

[23-ാം പേജിലെ ചിത്രം]

ദൈവരാജ്യഭരണമാണ്‌ ലോക ദാരി​ദ്ര്യ​ത്തി​നുള്ള ഏക പരിഹാ​രം