ചെറു​പ്പ​ക്കാർ ചോദി​ക്കു​ന്നു. . .

ഞാൻ ഇത്ര വില​കെ​ട്ട​വ​നാ​യി എനിക്കു തോന്നു​ന്ന​തെ​ന്തു​കൊണ്ട്‌?

“മമ്മി ഡാഡിയെ ഉപേക്ഷി​ച്ച​പ്പോൾ എനിക്ക്‌ എട്ടു വയസ്സു​മാ​ത്രമേ ഉണ്ടായി​രു​ന്നു​ള്ളു,” ഒരു പെൺകു​ട്ടി ഓർമ്മി​ക്കു​ന്നു. നമുക്ക്‌ അവളെ ആൻ എന്നു വിളി​ക്കാം. ഞാൻ ഡാഡിയെ കെട്ടി​പ്പി​ടി​ക്കു​ക​യും ശക്തിക്കു​വണ്ടി അദ്ദേഹ​ത്തി​ലേക്കു നോക്കു​ക​യും ചെയ്‌തി​രു​ന്ന​താ​യി എനിക്ക്‌ ഓർമ്മി​ക്കാൻ കഴിയും. പിന്നീട്‌ എനിക്ക്‌ 15 വയസ്സാ​യ​പ്പോൾ ഡാഡി എന്റെ രണ്ടാന​മ്മയെ ഉപേക്ഷി​ച്ചു. അത്‌ തകർത്തു​ക​ള​യു​ന്ന​താ​യി​രു​ന്നു. എന്റെ പക്ഷത്ത്‌ എന്തെങ്കി​ലും കുഴപ്പ​മു​ണ്ടോ എന്ന്‌ ഞാൻ സംശയി​ച്ചു. ഒരുപക്ഷെ കാരണം ഞാനാ​യി​രു​ന്നോ? ഞാൻ വില​കെ​ട്ട​വ​ളാ​ണെന്ന്‌ ചിന്തി​ക്കാൻ തുടങ്ങി.”

അത്തരം വിചാ​രങ്ങൾ അനേകം ചെറു​പ്പ​ക്കാ​രെ ബാധി​ക്കു​ന്നു. അവയെ ത്വരി​പ്പി​ക്കു​ന്നത്‌ എപ്പോ​ഴും മാതാ​പി​താ​ക്ക​ളു​ടെ വിവാ​ഹ​മോ​ചനം പോലെ വലുതായ ഹൃദയാ​ഘാ​തം ആയിരി​ക്ക​യില്ല. വിലയി​ല്ലാ​യ്‌മ​യു​ടെ വിചാ​ര​ങ്ങൾക്ക്‌ തുടക്കം​കു​റി​ക്കാൻ സ്‌കൂൾ പരീക്ഷ​യിൽ മാർക്കു കുറഞ്ഞു​പോ​കു​ന്ന​തു​പോ​ലെ താരത​മ്യേന നിസ്സാ​ര​മായ ചിലതു മതിയാ​യി​രി​ക്കും. അത്തരം വിചാ​രങ്ങൾ വികാ​സം​പ്രാ​പി​ക്കു​ന്ന​തെ​ന്തു​കൊ​ണ്ടാണ്‌? അവയെ അകററി​ക്ക​ള​യു​ന്ന​തിന്‌ എന്തെങ്കി​ലും മാർഗ്ഗ​മു​ണ്ടോ?

നീതി​ര​ഹി​ത​മായ താരത​മ്യ​ങ്ങൾ

അനേകം ചെറു​പ്പ​ക്കാർ വിലയി​ല്ലാ​ത്ത​വ​രെന്ന്‌ ചിന്തി​ക്കു​ന്ന​തി​നുള്ള ഒരു വലിയ കാരണം നാം ജീവി​ക്കുന്ന ലോക​ത്തി​ന്റെ സ്വധീ​ന​മാണ്‌. പല സമുദാ​യ​ങ്ങ​ളി​ലും ചെറു​പ്പ​ക്കാർ ചെയ്യുന്ന എല്ലാക്കാ​ര്യ​ത്തി​ലും—സ്‌കൂൾപ്ര​വർത്ത​ന​ങ്ങ​ളി​ലും കളിക​ളി​ലും വിനോ​ദ​വൃ​ത്തി​ക​ളി​ലും—ഏററവും മികച്ചു​നിൽക്കാൻ നിർബ​ന്ധി​ക്ക​പ്പെ​ടു​ന്നു. വിജയം മിക്ക​പ്പോ​ഴും ഏററവും മെച്ചമാ​യി ആരു കൈകാ​ര്യം ചെയ്‌തു​വെ​ന്നും കാഴ്‌ചക്ക്‌ ഏററവും നന്നായി​രി​ക്കു​ന്ന​താ​രെ​ന്നും ഏററവു​മ​ധി​കം സമ്പാദി​ച്ചി​രി​ക്കു​ന്ന​താ​രെ​ന്നും ഉള്ളതിനെ അടിസ്ഥാ​ന​മാ​ക്കി​യാണ്‌ തീരു​മാ​നി​ക്ക​പ്പെ​ടു​ന്നത്‌. ദക്ഷിണാ​ഫ്രി​ക്ക​യി​ലെ ഒരു വിദ്യാ​ഭ്യാ​സ​പ്ര​വർത്തകൻ ഇപ്രകാ​രം പറഞ്ഞു: “ഒരു നല്ല മട്രി​ക്കു​ലേഷൻ (അവസാന വർഷ സ്‌കൂൾ ഗ്രേഡ്‌) ലഭിക്കാ​ത്ത​തി​നോ​ടും വിശി​ഷ്ട​മാ​യി കണക്കാ​ക്കുന്ന ഒരു ജോലി ലഭിക്കാ​ത്ത​തി​നോ​ടും ബന്ധപ്പെട്ട ഒരു ഭയാന​ക​മായ ദുഷ്‌കീർത്തി​യുണ്ട്‌.” സമാന​മാ​യി മനഃശാ​സ്‌ത്ര​ജ്ഞ​നായ ഡോ. ഡേവിഡ്‌ എൽക്കിൻഡ്‌ ഇപ്രകാ​രം പ്രസ്‌താ​വി​ച്ചു: “കൗമാ​ര​പ്രാ​യ​ക്കാ​രെ അവരുടെ മാന്യ​ത​യോ വ്യക്തി​ത്വ​മോ നിമിത്തം വിലമ​തി​ക്കു​ന്നില്ല, പകരം അവരുടെ മത്സരത്തി​ലെ മേൻമ​ക്കൊ അവർക്കു ലഭിച്ച ഗ്രേഡി​നൊ ആണ്‌ മൂല്യം കൽപ്പി​ക്കു​ന്നത്‌.” ഈ മത്സരാ​ത്മാവ്‌ അനേകം ചെറു​പ്പ​ക്കാ​രു​ടെ​യും സ്വന്തമായ വിലയെ കെടു​ത്തി​ക്ക​ള​യു​ന്നു.

നമ്മുടെ “കൈക്കു ചെയ്യാൻ കാണു​ന്ന​തൊ​ക്കെ​യും” പരമാ​വധി ചെയ്യാൻ ബൈബിൾ നമ്മെ പ്രേരി​പ്പി​ക്കു​ന്നു, എന്നാൽ “മറെറാ​രാ​ളോ​ടുള്ള താരത​മ്യ​ത്തി​ലാ​ക​രുത്‌.” (സഭാ​പ്ര​സം​ഗി 9:10; ഗലാത്യർ 6:4) എന്തു​കൊ​ണ്ടാ​ക​രുത്‌? ഒരു സംഗതി, നാം എല്ലാവ​രും വ്യത്യസ്‌ത കഴിവു​ക​ളു​ള്ള​വ​രാണ്‌, എല്ലാത്തി​ലും ഏററം മികച്ചു​നിൽക്കാൻ കഴിയു​ക​യു​മില്ല. (മത്തായി 25:14, 15) തീർച്ച​യാ​യും അപൂർണ്ണത നിമിത്തം നാമെ​ല്ലാം ഒരു വിധത്തി​ല​ല്ലെ​ങ്കിൽ മറെറാ​രു വിധത്തിൽ പ്രാതി​കൂ​ല്യ​മ​നു​ഭ​വി​ക്കു​ന്ന​വ​രാണ്‌. (റോമർ 3:23) അതു​കൊണ്ട്‌ ജീവി​ത​വി​ജ​യ​ത്തിന്‌ പരാജ​യ​ങ്ങ​ളെ​യും നിരാ​ശ​ക​ളെ​യും അഭിമു​ഖീ​ക​രി​ക്കാൻ പഠിക്കു​ന്ന​തും ആവശ്യ​മാണ്‌.

കൂടാതെ മററു​ള്ള​വരെ കവച്ചു​വെ​ക്കാ​നുള്ള ആഗ്രഹം, സഹകര​ണ​മ​നോ​ഭാ​വം, പരിഗണന, പ്രസന്നത, സമാധാ​നം, ക്ഷമ എന്നിങ്ങ​നെ​യുള്ള ആത്മാഭി​മാ​ന​ത്തി​ന്റെ നിലനിൽക്കുന്ന വികാ​രങ്ങൾ കൈവ​രു​ത്തുന്ന ഗുണങ്ങൾക്കെ​തി​രെ തന്നെ പ്രവർത്തി​ക്കു​ന്നു. ബൈബിൾ ഇപ്രകാ​രം ജ്ഞാനപൂർവം ബുദ്ധി​യു​പ​ദേ​ശി​ക്കു​ന്നു: “നാം അന്യോ​ന്യം മത്സരം ഇളക്കി​വി​ട്ടു​കൊ​ണ്ടും അന്യോ​ന്യം അസൂയ​പ്പെ​ട്ടു​കൊ​ണ്ടും വൃഥാ​ഭി​മാ​നി​ക​ളാ​യി​ത്തീ​ര​രുത്‌.”—ഗലാത്യർ 5:22, 23, 26.

അതു​കൊണ്ട്‌ സ്‌കൂ​ളി​ലൊ ക്രിസ്‌തീയ പ്രവർത്ത​ന​ങ്ങ​ളി​ലൊ നിങ്ങൾ പരമാ​വധി ചെയ്യു​ന്നി​ട​ത്തോ​ളം കാലം നിങ്ങളു​ടെ നേട്ടങ്ങ​ളിൽ തൃപ്‌ത​രാ​യി​രി​ക്കുക. നിങ്ങൾ ചില വശങ്ങളിൽ ഗുരു​ത​ര​മാ​യി കുറവു​ള്ള​വ​രാ​ണെ​ങ്കിൽ ഏതു വിധേ​ന​യും സഹായ​ത്തി​നാ​യി അപേക്ഷി​ക്കുക. അത്‌ നിങ്ങൾ യഥാർത്ഥ​മൂ​ല്യ​മുള്ള മറെറാ​രു ഗുണമായ എളിമ വികസി​പ്പി​ക്കു​ന്നു എന്നതിന്റെ ഒരു ലക്ഷണമാ​യി​രി​ക്കും. (സദൃശ​വാ​ക്യം 18:12) നിങ്ങളു​ടെ പുരോ​ഗതി സാവകാ​ശ​മാ​ണെ​ങ്കിൽ നിരു​ത്സാ​ഹി​ത​രാ​ക​രുത്‌. നിങ്ങൾ നിങ്ങളു​ടെ വിജയത്തെ നിങ്ങളു​ടെ കഴിഞ്ഞ​കാല ഫലങ്ങൾക്ക​നു​സ​ര​ണ​മാ​യി അളക്കുക—മററാ​രു​ടെ​യെ​ങ്കി​ലു​മ​നു​സ​രി​ച്ചല്ല.

കേവലം വിഷാ​ദ​മു​ള്ള​വ​രാ​യി​രി​ക്കു​ന്ന​തി​നേ​ക്കാൾ അധിക​മോ?

മോച​ന​മി​ല്ലാ​തെ ആഴ്‌ച​ക​ളോ​ളം നീണ്ടു​നിൽക്കുന്ന വിഷാ​ദ​ത്തി​ന്റെ ഒരു ചീത്ത സംഗതി​യാൽ പ്രയാ​സ​മ​നു​ഭ​വി​ക്കു​ന്ന​തി​നെ​ക്കു​റിച്ച്‌ സങ്കൽപ്പി​ക്കുക—പ്രത്യ​ക്ഷ​മായ കാരണ​മി​ല്ലാ​തെ. “നിങ്ങൾ നിശബ്ദ​മാ​യി സഹിക്കാ​തി​രി​ക്കു​ന്നത്‌ നിർണ്ണാ​യ​ക​മാണ്‌” എന്ന്‌ ററൻ മാസിക പറയുന്നു. നിങ്ങളു​ടെ മാതാ​പി​താ​ക്ക​ളി​ലൊ​രാ​ളെ​പ്പോ​ലെ യഥാർത്ഥ​ത്തിൽ കരുത​ലുള്ള ആരു​ടെ​യെ​ങ്കി​ലും മുമ്പാകെ നിങ്ങളു​ടെ വികാ​രങ്ങൾ പകരുക. ബൈബിൾ പറയു​ന്ന​പ്ര​കാ​രം: “ഇരുവർ ഒരുവ​നേ​ക്കാൾ മെച്ചമാണ്‌, . . . കാരണം അവരിൽ ഒരാൾ വീണാൽ മറെറ​യാൾക്ക്‌ തന്റെ സഹകാ​രി​യെ ഉയർത്താൻ കഴിയും. എന്നാൽ വീണയാൾ തന്നെ എഴു​ന്നേൽപ്പി​ക്കാൻ ആരുമി​ല്ലാ​ത്ത​പ്പോ​ഴാണ്‌ വീഴു​ന്ന​തെ​ങ്കിൽ എങ്ങനെ​യാ​യി​രി​ക്കും?” (സഭാ​പ്ര​സം​ഗി 4:9, 10) അനേക​സം​ഗ​തി​ക​ളി​ലും, ഒരു അനുക​മ്പ​യുള്ള കേൾവി​ക്കാ​രന്‌ നിങ്ങളു​ടെ ചിന്തയെ നേരെ​യാ​ക്കാൻ സഹായി​ക്കാൻ കഴിയും.a

പ്രാരം​ഭ​ത്തിൽ പരാമർശി​ക്ക​പ്പെട്ട ആനി​നെ​ക്കു​റിച്ച്‌ ചിന്തി​ക്കുക. അവളുടെ കൂട്ടു​കാർ വിലയി​ല്ലായ്‌മ സംബന്ധിച്ച അവളുടെ വിചാരം തെററായ ന്യായ​വാ​ദത്തെ അടിസ്ഥാ​ന​പ്പെ​ടു​ത്തി​യു​ള്ള​വ​യാ​യി​രു​ന്നു​വെ​ന്നും യഥാർത്ഥ​മ​ല്ലാ​യി​രു​ന്നു​വെ​ന്നും തിരി​ച്ച​റി​യു​ന്ന​തിന്‌ അവളെ സഹായി​ച്ചു. ഒരു വെറും കൊച്ചു​കു​ട്ടി​യാ​യി​രുന്ന അവൾക്ക്‌ എങ്ങനെ അവളുടെ മാതാ​പി​താ​ക്ക​ളു​ടെ വൈവാ​ഹി​ക​പ​രാ​ജ​യ​ത്തിന്‌ ഉത്തരവാ​ദി​യാ​യി​രി​ക്കാൻ കഴിയു​മാ​യി​രു​ന്നു? ഇത്‌ തിരി​ച്ച​റി​ഞ്ഞ​പ്പോൾ വിലയി​ല്ലാ​യ്‌മ​യു​ടെ വിചാരം ശമിക്കാൻ തുടങ്ങി.

നിങ്ങളു​ടെ ചിന്തകളെ പുനഃ​ക്ര​മീ​ക​രി​ക്കു​ന്ന​തി​നുള്ള പ്രയത്‌ന​ങ്ങ​ളു​ണ്ടാ​യി​രു​ന്നി​ട്ടും അത്തരം വിചാ​രങ്ങൾ നിലനിൽക്കു​ന്നെ​ങ്കിൽ എന്ത്‌? ററൻ തുടരു​ന്നു, “നിങ്ങളു​ടെ മ്ലാനത​യു​ടെ മൂലമാ​യി ഏതെങ്കി​ലും ശാരീ​രിക രോഗ​മി​ല്ലെന്ന്‌ ഉറപ്പു​വ​രു​ത്തു​ന്ന​തിന്‌ പരി​ശോ​ധന നടത്താൻ ഒരു ഡോക്‌ടറെ സന്ദർശി​ക്കുക എന്നതും ഒരു മഹത്തായ ആശയമാണ്‌.” എന്തു​കൊണ്ട്‌? എന്തു​കൊ​ണ്ടെ​ന്നാൽ വിലയി​ല്ലാ​യ്‌മ​യു​ടെ തങ്ങിനിൽക്കുന്ന വികാരം ചികിൽസ ആവശ്യ​മുള്ള ഒരു ക്രമ​ക്കേ​ടി​ലേക്ക്‌ വിരൽചൂ​ണ്ടി​യേ​ക്കാം: വലിയ വിഷാ​ദ​രോ​ഗം.

വലിയ വിഷാ​ദ​രോ​ഗ​ത്തി​ന്റെ പല സംഗതി​യി​ലും തലച്ചോ​റി​ലെ രസത​ന്ത്ര​പ​ര​മായ വികല​പ്ര​വർത്ത​നങ്ങൾ ഉൾപ്പെ​ടു​ന്ന​താ​യി പ്രകട​മാണ്‌. ദൃഷ്ടാ​ന്ത​ത്തിന്‌ ചില​പ്പോൾ തലച്ചോ​റി​ന്റെ പ്രധാന ന്യൂ​റോൺസ്‌ അഥവാ മസ്‌തി​ഷ്‌ക​കോ​ശങ്ങൾ സന്ദേശങ്ങൾ ഉചിത​മാ​യി സ്വീക​രി​ക്കു​ക​യൊ അയക്കു​ക​യൊ ചെയ്യു​ന്ന​തിൽ പരാജ​യ​പ്പെ​ടു​ന്നു. അനു​ഗ്ര​ഹ​വ​ശാൽ ന്യൂ​റോൺപ്ര​വർത്ത​നത്തെ പ്രത്യ​ക്ഷ​ത്തിൽ ക്രമവൽക്ക​രി​ക്കു​ക​യും വിഷാ​ദ​രോ​ഗി​കളെ വിജയ​ക​ര​മാ​യി നേരി​ടു​ന്ന​തിന്‌ സഹായി​ക്കു​ക​യും ചെയ്യുന്ന ചികി​ത്സകൾ ലഭ്യമാണ്‌. കേവലം വിഷാദം നിങ്ങളെ അലട്ടു​ന്ന​തി​നേ​ക്കാൾ ഉപരി​യാ​യി ഉണ്ടെന്ന്‌ സംശയി​ക്കാൻ കാരണ​മു​ള്ള​പ്പോൾ ഒരു ഡോക്ടറെ സന്ദർശി​ക്കു​ന്നത്‌ ഉചിത​മാണ്‌.

നിങ്ങളു​ടെ മനസ്സാക്ഷി നിങ്ങളെ ശല്യ​പ്പെ​ടു​ത്തു​മ്പോൾ

വിലയി​ല്ലാ​യ്‌മ​യു​ടെ വികാ​ര​ങ്ങൾക്കി​ട​യാ​ക്കാൻ കഴിയുന്ന മറെറാ​രു ഘടകം ഒരുവന്റെ മനസ്സാ​ക്ഷി​യു​ടെ പ്രവർത്ത​ന​മാണ്‌. (റോമർ 2:14, 15) ഉചിത​മാ​യി ഇതി​നോട്‌ പ്രതി​ക​രി​ച്ചാൽ നിങ്ങളു​ടെ മനസ്സാ​ക്ഷിക്ക്‌ നിങ്ങളെ ഒരു വിനാ​ശ​ക​മായ പാതയിൽനിന്ന്‌ തിരി​ച്ചു​വി​ടാൻ കഴിയും. അതിനെ അവഗണി​ച്ചാൽ അത്‌ ദണ്ഡനത്തി​ന്റെ ഒരു ഉറവി​ട​മാ​യി​ത്തീ​രാ​നും കഴിയും.

ഒരിക്കൽ ദാവീ​ദ്‌രാ​ജാ​വി​ന്റെ മനസ്സാക്ഷി അവൻ ഇപ്രകാ​രം എഴുതാൻത​ക്ക​വണ്ണം അവനെ ആഴമായി അലട്ടി: “എന്റെ പാപം നിമിത്തം എന്റെ അസ്ഥിക​ളിൽ എനിക്ക്‌ സമാധാ​നം ഇല്ല. എന്റെ സ്വന്തം തെററു​കൾ എന്റെ തലക്കു​മീ​തെ കടന്നു​പോ​യി​രി​ക്കു​ന്നു; ഒരു വലിയ ചുമടു​പോ​ലെ അവ എനിക്കു വലിയ ഭാരമാ​കു​ന്നു. . . . ദിവസം​മു​ഴു​വൻ ഞാൻ ദുഃഖ​ത്തിൽ നടന്നി​രി​ക്കു​ന്നു. . . . ഞാൻ മരവി​ച്ചു​പോ​ക​യും അങ്ങേയ​ററം തകർന്ന​വ​നാ​യി​ത്തീ​രു​ക​യും ചെയ്‌തി​രി​ക്കു​ന്നു.” (സങ്കീർത്തനം 38:3-8) ദാവീദ്‌ മറെറാ​രു മമനു​ഷ്യ​ന്റെ ഭാര്യയെ എടുത്ത​ശേഷം ഈ വാക്കുകൾ എഴുതി​യി​രി​ക്കാ​നാണ്‌ ഏററവു​മ​ധി​കം സാധ്യ​ത​യു​ള്ളത്‌. ദൈവ​ത്തി​ന്റെ പ്രവാ​ച​ക​നാ​യി​രുന്ന നാഥാന്റെ വിചാ​ര​ണാ​സ​മ​യത്ത്‌ അവൻ തന്റെ ഗുരു​ത​ര​മായ പാപം​സം​ബ​ന്ധിച്ച്‌ പരസ്യ​മാ​യി ഏററു​പ​റ​ഞ്ഞ​പ്പോൾമാ​ത്രമേ അവന്‌ ആശ്വാസം ലഭിച്ചു​ള്ളു. എന്തു ഫലത്തോ​ടെ? “അവസാനം ഞാൻ എന്റെ പാപം നിന്നോട്‌ ഏററു​പ​റഞ്ഞു, ഞാൻ എന്റെ കുററം മൂടി​വെ​ച്ചില്ല . . . നീ തന്നേ എന്റെ പാപങ്ങ​ളു​ടെ തെററി​നെ ക്ഷമിച്ചു.”—സങ്കീർത്തനം 32:5; യാക്കോബ്‌ 5:16 താരത​മ്യ​പ്പെ​ടു​ത്തുക.

പല ചെറു​പ്പ​ക്കാ​രും പാപം ചെയ്‌ത​തു​മൂ​ലം സമാന​മാ​യി കുററ​ബോ​ധ​ത്താൽ ഭാര​പ്പെ​ടു​ന്നുണ്ട്‌—ചിലർ നിസ്സാ​ര​മാ​യ​തും ചിലർ ഗുരു​ത​ര​മാ​യ​തും. എന്നാൽ അവർക്കും ദാവീ​ദി​നെ​പ്പോ​ലെ തങ്ങളുടെ പാപങ്ങൾ തുറന്ന്‌ ഏററു​പ​റ​ഞ്ഞു​കൊ​ണ്ടും സത്യ​ക്രി​സ്‌ത്യാ​നി​ക​ളിൽനിന്ന്‌ സഹായം തേടി​ക്കൊ​ണ്ടും ആശ്വാസം നേടാൻ കഴിയും. താൻ ജനിക്കു​ന്ന​തി​നു​മുമ്പ്‌ തന്റെ പിതാവ്‌ തന്റെ അമ്മയെ ഉപേക്ഷി​ച്ചു​പോയ സ്‌തേ​ഫാ​ന​സ്സി​നെ പരിഗ​ണി​ക്കുക. “അദ്ദേഹ​ത്തിന്‌ എന്നെ വേണ്ടാ​തെ​വ​രി​ക​യും എന്റെ പിതൃ​ത്വം തിരസ്‌ക​രി​ക്ക​യും ചെയ്‌തത്‌ എന്നെ കഠിന​മാ​യി വ്രണ​പ്പെ​ടു​ത്തി. ഞാൻ വളർന്ന​പ്പോൾ, അത്‌ എന്നെ വിലയി​ല്ലാ​ത്ത​വ​നെന്നു ചിന്തി​ക്കാൻ ഇടയാക്കി.” സ്‌തേ​ഫാ​നസ്‌ സ്വവർഗ്ഗ​ര​തി​യു​ടെ ഗുരു​ത​ര​മായ പാപത്തിൽ വീണു. (ഉൽപ്പത്തി 13:13; 1 കൊരി​ന്ത്യർ 6:9) സ്‌തേ​ഫാ​നസ്‌ ഇപ്രകാ​രം പറയുന്നു: “എനിക്കു നേര​ത്തെ​യു​ണ്ടാ​യി​രുന്ന എല്ലാ വിഷമാ​വ​സ്ഥ​കൾക്കും പുറമേ ഇപ്പോൾ ആത്മാഭി​മാ​ന​ത്തി​ന്റെ​യും നല്ല മനസ്സാ​ക്ഷി​യു​ടെ​യും നഷ്ടവും പട്ടിക​യോ​ടു കൂട്ട​പ്പെട്ടു. ഞാൻ കൂടുതൽ വിലയി​ല്ലാ​ത്ത​വ​നാ​യി എനിക്കു തോന്നി.”

മനസ്സാക്ഷി തകർന്ന സ്‌തേ​ഫാ​നസ്‌ യഥാർത്ഥ ക്രിസ്‌ത്യാ​നി​ക​ളു​ടെ സഹായം തേടി. ഏററം പ്രധാ​ന​മാ​യി അവൻ തന്റെ പാപങ്ങൾ ദൈവ​ത്തോട്‌ ഏററു​പ​റ​യു​ക​യും ദൈവ​ത്തി​ന്റെ സഹായ​ത്തോ​ടെ തന്റെ ബലഹീ​ന​ത​കളെ തരണം ചെയ്യാൻ അവന്‌ സാധ്യ​മാ​യി​ത്തീ​രു​ക​യും ചെയ്‌തു. “യേശു​വി​ന്റെ മറുവി​ല​യാ​ഗം സ്വീക​രി​ക്ക​യും അതിന്റെ മൂല്യ​ത്തിൽ വിശ്വാ​സം അർപ്പി​ക്ക​യും ചെയ്യു​ന്ന​തി​നാൽ യഹോ​വക്ക്‌ കുറെ വിലയു​ള്ള​വ​നാ​യി​ത്തീ​രാൻ എനിക്കു കഴിയു​മെന്ന്‌ ഞാൻ മനസ്സി​ലാ​ക്കി,” എന്ന്‌ അവൻ പറയുന്നു. (സദൃശ​വാ​ക്യ​ങ്ങൾ 28:13; 1 യോഹ​ന്നാൻ 1:9–2:2) കഴിഞ്ഞ നാലു വർഷങ്ങ​ളാ​യി യുവാ​വായ സ്‌തേ​ഫാ​നസ്‌ ദൈവ​ത്തി​ന്റെ കരുണാ​പൂർവ​ക​മായ കരുത​ലു​കളെ സംബന്ധിച്ച്‌ ഗ്രഹി​ക്കാൻ മററു​ള്ള​വരെ സഹായി​ച്ചു​കൊണ്ട്‌ ഒരു മുഴു​സ​മ​യ​ശു​ശ്രൂ​ഷ​ക​നാ​യി സേവി​ച്ചു​കൊ​ണ്ടി​രി​ക്കു​ന്നു.

ആത്മാഭി​മാ​ന​ത്തി​ന്റെ ഒരു ബോധ​മു​ണ്ടാ​യി​രി​ക്കുക

നിസ്സം​ശ​യ​മാ​യി, ഒരു ക്രിസ്‌തീയ ശുശ്രൂ​ഷ​ക​നെന്ന നിലയി​ലുള്ള സ്‌തേ​ഫാ​ന​സി​ന്റെ സംതൃ​പ്‌തി​ക​ര​മായ ജീവിതം അയാളു​ടെ പുതു​താ​യി കണ്ടെത്തിയ ആത്മാഭി​മാ​ന​ത്തി​ന്റെ വികാ​രത്തെ നിലനിർത്താൻ അയാളെ സഹായി​ച്ചു. ഡോ. എഡ്‌നാ ഇർവിൻ അവരുടെ പുസ്‌ത​ക​മായ ഗ്രോ​യിംഗ്‌ പെയിൻസ്‌—എ സ്‌ററഡി ഓഫ്‌ ററൻ എയ്‌ജ്‌ ഡിസ്‌ട്ര​സിൽ ഇങ്ങനെ സമ്മതി​ച്ചു​പ​റ​യു​ന്നു: “താൻ പിൻപ​റ​റാൻ ആഗ്രഹി​ക്കുന്ന ജോലി എന്തെന്ന​റി​യാ​വുന്ന കൗമാ​ര​പ്രാ​യ​ക്കാ​രന്‌ താൻ ലക്ഷ്യം​വെ​ക്കുന്ന ഒരു ലാക്ക്‌ ഉണ്ട്‌ . . . അത്‌ നേടു​ന്ന​പക്ഷം, അത്‌ കൗമാ​ര​പ്രാ​യ​ക്കാ​രന്റെ സുരക്ഷി​ത​ത്വ​ത്തി​നും ആത്മാഭി​മാ​ന​ത്തി​നും അത്യധി​കം സംഭാ​വ​ന​ചെ​യ്യു​ന്നു.” സ്‌തേ​ഫാ​ന​സി​നെ​പ്പോ​ലുള്ള ആയിര​ക്ക​ണ​ക്കിന്‌ യുവാക്കൾ ബൈബി​ളി​ന്റെ ദൂത്‌ മററു​ള്ള​വ​രു​മാ​യി പങ്കു​വെ​ക്കുന്ന വേല അത്തരത്തിൽ തന്നെ ‘നേടാ​വുന്ന ഒരു ജീവി​ത​വൃ​ത്തി’യാണെന്ന്‌, “സുരക്ഷി​ത​ത്വ​ത്തി​ന്റെ​യും ആത്മാഭി​മാ​ന​ത്തി​ന്റെ​യും” ഒരു തോന്നൽ കൊണ്ട്‌ തങ്ങളെ കൃതാർത്ഥ​രാ​ക്കുന്ന ഒന്നാ​ണെന്ന്‌, കണ്ടെത്തി​യി​രി​ക്കു​ന്നു.

എന്നാൽ അത്തരത്തി​ലുള്ള ഒരു ജീവി​ത​വൃ​ത്തി ചില യുവാ​ക്കൾക്ക്‌ വർഷങ്ങൾ അകലെ​യാ​യി​രി​ക്കാം. അതു​കൊണ്ട്‌ ഇതിനി​ട​യിൽ വിലയി​ല്ലാ​യ്‌മ​യു​ടെ വികാ​രങ്ങൾ നിങ്ങളെ ക്ഷീണി​ത​നാ​ക്കാൻ അനുവ​ദി​ക്ക​രുത്‌. ഓർമ്മി​ക്കുക: നിങ്ങൾതന്നേ സ്വയമാ​യി നേരി​ടേ​ണ്ട​തില്ല. മററു​ള്ള​വരെ, പ്രത്യേ​കിച്ച്‌ നിങ്ങളു​ടെ മാതാ​പി​താ​ക്കളെ വിശ്വ​സി​ക്കുക. “വിഷാ​ദ​മ​നു​ഭ​വി​ക്കുന്ന ദേഹി​കളെ സമാശ്വ​സി​പ്പി​ച്ചു​കൊണ്ട്‌ സംസാ​രി​ക്കുക” എന്ന്‌ പ്രോൽസാ​ഹി​പ്പി​ക്ക​പ്പെട്ട സഹക്രി​സ്‌ത്യാ​നി​ക​ളു​ടെ പിൻതു​ണ​യും നിങ്ങൾക്കു​ണ്ടാ​കും. (1 തെസ്സ​ലോ​നി​ക്യർ 5:14) എല്ലാറ​റി​ലും ഉപരി യഹോ​വ​യാം ദൈവം നിങ്ങളെ സ്‌നേ​ഹി​ക്ക​യും പോഷി​പ്പി​ക്ക​യും ചെയ്യുന്നു എന്നറി​യു​ന്ന​തി​ലുള്ള ആശ്വാ​സ​വു​മുണ്ട്‌. എന്തിന്‌, ദൈവം ‘നിങ്ങളു​ടെ തലയിലെ മുടികൾ പോലും എണ്ണിയി​രി​ക്കു​ന്നു!’ എന്ന്‌ യേശു പറഞ്ഞു. (ലൂക്കോസ്‌ 12:7) ദൈവം തന്നെ സ്‌നേ​ഹി​ക്കു​ന്ന​വർക്കു കൽപ്പി​ക്കുന്ന വലിയ വിലയെ സംബന്ധി​ച്ച​റി​യു​ന്ന​തി​നാൽ നിങ്ങൾ ഒരിക്ക​ലും വിലയി​ല്ലാ​ത്ത​വ​നാ​യി വിചാ​രി​ക്കേ​ണ്ട​തില്ല. (g88 8/8)

[അടിക്കു​റിപ്പ്‌]

[22-ാം പേജിലെ ചിത്രം]

നിങ്ങൾ ഈ ലോക​ത്തി​ന്റെ മത്സരാ​ത്മാ​വി​നെ വിലയി​ല്ലാ​യ്‌മ​യു​ടെ വിചാ​ര​ങ്ങൾക്കു സംഭാവന ചെയ്യാൻ അനുവ​ദി​ക്കു​മോ?