മലിനീ​ക​ര​ണ​ത്തി​ന്റെ മാരക​മായ വിള

സംഗീത ഫലിത വിദഗ്‌ദ്‌ധ​നായ റേറാം ലേറർ 1960-കളിൽ മലിനീ​ക​ര​ണ​ത്തെ​ക്കു​റി​ച്ചു പാടു​ക​യും, വെള്ളം കുടി​ക്ക​രു​തെ​ന്നും വായു ശ്വസി​ക്ക​രു​തെ​ന്നും ഐക്യ​നാ​ടു​ക​ളി​ലെ സന്ദർശ​കരെ ബുദ്ധി​യു​പ​ദേ​ശി​ക്കു​ക​യും ചെയ്‌ത​പ്പോൾ അത്‌ തമാശ​യാ​യി​രു​ന്നു.

ഈയിടെ ആരും ചിരി​ക്കു​ന്നില്ല. ഏതായാ​ലും, മലിനീ​ക​രണം യഥാർത്ഥ​ത്തിൽ ചിരി​ക്കാ​നുള്ള കാര്യമല്ല. താപന, വ്യാവ​സാ​യിക ഉൽസർജ്ജ​ന​ങ്ങ​ളാ​ലും, എൻജിൻ നിഷ്‌ക്കാ​സ​ന​ത്താ​ലും, റേഡി​യോ ആക്ടീവ്‌ ധൂളി​പ​ത​ന​ത്താ​ലും നമ്മുടെ വായു മലിനീ​ക​രി​ക്ക​പ്പെ​ടു​ക​യാണ്‌. നമ്മുടെ വെള്ളം രാസവ​സ്‌തു​ക്ക​ളു​ടെ​യും എണ്ണയു​ടെ​യും തൂകലി​നാ​ലും, നമ്മുടെ മണ്ണ്‌ അമ്ലമഴ​യാ​ലും വിഷമ​യ​മായ പാഴ്‌വ​സ്‌തു​ക്ക​ളാ​ലും മലിനീ​ക​രി​ക്ക​പ്പെ​ടു​ന്നു. ചെർനോ​ബിൽ, ലൗ കനാൽ, അമോ​ക്കോ കാഡിസ്‌, ഭോപ്പാൽ എന്നിങ്ങ​നെ​യുള്ള പേരു​കളെ അമ്പര​പ്പോ​ടെ മാത്രം നേരി​ടുന്ന ഒരു സമയമു​ണ്ടാ​യി​രു​ന്നു. ഇപ്പോൾ അവ മനോ​വ്യഥ ഉളവാ​ക്കു​ന്നു. നാഗരി​ക​ത്വം വഴി​തെ​റ​റി​പ്പോ​യി​രി​ക്കു​ന്നു. അത്‌ ഒന്നുകിൽ ആശങ്കാ​ജ​ന​ക​മായ തീരാ​വ്യാ​ധി​യാൽ അല്ലെങ്കിൽ പെട്ടെ​ന്നുള്ള മരണത്താൽ ദശലക്ഷ​ക്ക​ണ​ക്കി​നാ​ളു​കളെ ഭീഷണി​പ്പെ​ടു​ത്തു​ക​യാണ്‌.

ഒട്ടുമി​ക്ക​പ്പോ​ഴും മലിനീ​ക​രണം കാണ​പ്പെ​ടു​ന്നി​ല്ലാ​ത്ത​തി​നാൽ അതു വിശേ​ഷാൽ ഭയജന​ക​മാണ്‌. വായു സുഖദാ​യ​ക​വും ശുദ്ധവു​മാ​ണെന്നു തോന്നി​യേ​ക്കാം, എന്നാൽ അത്‌ റേഡി​യോ ആക്‌റ​റി​വത ഉള്ളതാ​യി​രി​ക്കാം. ആഹാര​വും വെള്ളവും ആരോ​ഗ്യ​പ്ര​ദ​മെന്നു തോന്നി​യേ​ക്കാം, എന്നാൽ അവ രാസവി​ഷം നിറഞ്ഞ​താ​യി​രി​ക്കാം. മലിനീ​ക​രണം ഒരു അദൃശ്യ​കൊ​ല​യാ​ളി​യാ​ണെ​ന്നു​ള്ള​താ​ണു സത്യം.

മലിനീ​ക​ര​ണ​ത്തി​ന്റെ ദൃശ്യ​വി​ള

മലിനീ​ക​രണം അദൃശ്യ​മാ​യി​രി​ക്കാ​മെ​ങ്കി​ലും, അതിന്റെ മാരക​മായ വിള അദൃശ്യ​മല്ല. നോക്കു​ന്ന​ട​ത്തെ​ല്ലാം നിങ്ങൾക്ക്‌ അതു കാണാൻ കഴിയും: കാൻസ​റും ശ്വസന​ത​ക​രാ​റും ബാധിച്ച്‌ മരിക്കുന്ന ആളുകൾ; വികൃ​ത​മായ കെട്ടി​ട​ങ്ങ​ളും സ്‌മാരക സ്ഥാപന​ങ്ങ​ളും; വമ്പിച്ച​തോ​തിൽ സംഹരി​ക്ക​പ്പെ​ടുന്ന മൃഗജാ​ല​ങ്ങ​ളും സസ്യജാ​ല​ങ്ങ​ളും; മൽസ്യം ചത്തൊ​ടു​ങ്ങുന്ന നദികൾ; മരിച്ച​തും മരിച്ചു​കൊ​ണ്ടി​രി​ക്കു​ന്ന​തു​മായ വനങ്ങൾ.

ഇപ്പോൾ മറെറാ​രു പ്രതി​ഭാ​സം പ്രത്യ​ക്ഷ​പ്പെ​ടു​ന്നുണ്ട്‌. അതിനും മലിനീ​ക​ര​ണ​ത്തി​ന്റെ ട്രേഡ്‌മാർക്കുണ്ട്‌. ശാസ്‌ത്ര​ജ്ഞൻമാർ ഭൂമിയെ ആവരണം ചെയ്യുന്ന ഓസോൺ പാളി​യിൽ ഒരു ദ്വാരം കണ്ടുപി​ടി​ച്ചി​രി​ക്കു​ന്നു. അതു വലുതാ​യി​ക്കൊ​ണ്ടി​രി​ക്കു​ക​യാണ്‌. ഏറോ​സോൾ സ്‌​പ്രേ​ക​ളു​ടെ വിപു​ല​മായ ഉപയോ​ഗ​ത്തിൽനിന്ന്‌ സംജാ​ത​മാ​കുന്ന ക്ലോ​റോ​ഫ്‌ളൂ​റോ​കാർബൺ മലിനീ​ക​രണം ഒരു ഘടകമാ​യി​രി​ക്കാ​മെന്ന്‌ ചിലർ വിചാ​രി​ക്കു​ന്നു. ഹാനി​ക​ര​മായ സൗരവി​കി​ര​ണത്തെ അരിച്ചു മാററുന്ന ഓസോൺ പാളി​യു​ടെ ഈ നശീക​രണം സ്‌കിൻകാൻസ​റിൽ ഒരു വർദ്ധന​വു​ണ്ടാ​ക്കു​മോ? അല്ലെങ്കിൽ അതിലും ഗുരു​ത​ര​മായ എന്തെങ്കി​ലും വരുത്തി​ക്കൂ​ട്ടു​മോ?

മലിനീ​ക​ര​ണം വളരെ വിപൽക്ക​ര​മായ പരിമാ​ണ​ത്തി​ലെ​ത്തി​യി​രി​ക്കു​ന്ന​തി​നാൽ ആഗോള ദുരന്തം ഒഴിവാ​ക്കു​ന്ന​തിന്‌ എന്തെങ്കി​ലും ചെയ്‌തേ തീരൂ—പെട്ടെ​ന്നു​തന്നെ. ഈ പ്രശ്‌ന​ത്തി​ന്റെ ഗൗരവം സംബന്ധിച്ച ഏറിയ അവബോ​ധം പരിസ്ഥി​തി സമൂഹ​ങ്ങ​ളു​ടെ രൂപവർക്ക​ര​ണ​ത്തി​ലേക്കു നയിച്ചി​രി​ക്കു​ന്നു. പുതിയ രാഷ്‌ട്രീയ കക്ഷികളെ അധികാ​ര​സ്ഥാ​ന​ങ്ങ​ളി​ലേ​ക്കു​യർത്താൻപോ​ലും അതു സഹായി​ച്ചി​ട്ടുണ്ട്‌. ദൃഷ്‌ടാ​ന്ത​ത്തിന്‌, ഫെഡറൽ റിപ്പബ്ലിക്‌ ഓഫ്‌ ജർമ്മനി​യിൽ, 1987 ജനുവ​രി​യി​ലെ ഫെഡറൽ തെര​ഞ്ഞെ​ടു​പ്പു​ക​ളിൽ, പരിസ്ഥി​തി​യുൻമു​ഖ​രും ഉചിത​മായ ഗ്രീൻസ്‌ എന്നു വിളി​ക്ക​പ്പെ​ട്ട​വ​രു​മായ കക്ഷി, ജനകീയ വോട്ടി​ന്റെ 8.3 ശതമാനം നേടി.

മാനുഷ താൽപ്പ​ര്യ​ത്തെ, അദൃശ്യ കൊല​യാ​ളി​യായ മലിനീ​ക​ര​ണ​ത്തിൽനിന്ന്‌ നമ്മുടെ ഭൂഗ്ര​ഹത്തെ വിമു​ക്ത​മാ​ക്കാൻ പോന്ന ക്രിയാ​ത്മ​ക​ന​ട​പ​ടി​യി​ലേക്ക്‌ മാററാൻ കഴിയു​മെന്ന്‌ നമുക്ക്‌ എന്നെങ്കി​ലും ആശിക്കാ​മോ? നമുക്ക്‌ അതിന്റെ മാരക​മായ ലക്ഷ്യങ്ങ​ളിൽനിന്ന്‌ നമ്മേത്തന്നെ വ്യക്തി​പ​ര​മാ​യി സംരക്ഷി​ക്കാൻ കഴിയു​മോ? (g88 5/8)

[4-ാം പേജിലെ ചതുരം]

നമ്മുടെ മലിനീ​കൃത ഗ്രഹം

ബ്രസീൽ: “[കുബാ​ട്ടോ​യിൽ] ജീവി​ക്കുന്ന ആളുകൾ അതിനെ ‘മരണത്തി​ന്റെ താഴ്‌വര’ എന്നു വിളി​ക്കു​ന്നു. . . . വൃക്ഷങ്ങ​ളും മണ്ണും നിർജ്ജീ​വ​മാണ്‌. കുട്ടി​ക​ളു​ടെ വർദ്ധിച്ച സംഖ്യ മരിച്ചോ മരിച്ചു​കൊ​ണ്ടോ ജനിക്കു​ന്നു. ജീവനു​ള്ളത്‌ മലിനീ​ക​ര​ണ​ത്തി​നാണ്‌.”—ലാററൻ അമേരി​ക്കാ ഡയിലി പോസ്‌ററ.

ചൈന: “മിക്ക വടക്കു​കി​ഴക്കൻ ചൈനീസ്‌ നഗരങ്ങ​ളി​ലും വായൂ​മ​ലി​നീ​ക​രണം [അനുഭ​വ​പ്പെ​ടു​ന്നു], അതു വളരെ വ്യാപ​ക​മാ​യ​തി​നാൽ, സായാഹ്നം കഴിഞ്ഞാൽ തഴമ്പിച്ച സ്ഥലവാ​സി​കൾക്കു മാത്രമേ ശ്വാസ​കോ​ശ​ങ്ങ​ളിൽ എരിച്ചിൽ കൂടാ​തെ​യും കണ്ണുക​ളിൽ വെള്ളം നിറയാ​തെ​യും തെരു​വു​ക​ളി​ലൂ​ടെ നടക്കാൻ കഴിയൂ.”—റൈറ.

ഡൻമാർക്ക്‌: “കൂടെ​ക്കൂ​ടെ​യുള്ള വടക്കു​പ​ടി​ഞ്ഞാ​റൻ കൊടു​ങ്കാ​ററു സഹിതം, തണുത്ത, കാററുള്ള വേനലു​ക​ളു​ടെ ഒരു പരമ്പര​ക്കു​മാ​ത്രമേ ഡൻമാർക്കി​ലെ തീര​പ്ര​ദേ​ശത്തെ ഒരു പരിസ്ഥി​തീയ വിപത്തിൽനി​ന്നും രക്ഷിക്കാൻ കഴിയൂ. . . . [ഒരു പ്രദേ​ശത്ത്‌] ഓക്‌സി​ജന്റെ കുറവു​നി​മി​ത്തം, മൽസ്യ​ത്തി​നും കടൽജീ​വി​കൾക്കും അതിജീ​വി​ക്കാൻ സാദ്ധ്യ​മ​ല്ലാ​യി​രി​ക്കും.”—ബാസ്‌ലർ സീററഗ്‌.

ഫെഡറൽ റിപ്പബ്ലിക്‌ ഓഫ്‌ ജർമ്മനി: “[സ്വിറ​റ്‌സർല​ണ്ടി​ലെ ബാസലി​ന​ടു​ത്തുള ഒരു രാസവ​സ്‌തു​വെയർ ഹൗസി​ലു​ണ്ടായ തീപി​ടു​ത്തം നിമിത്തം] ഒരു വിഷമി​ശ്രി​തം റൈൻ നദിയി​ലേക്കു തൂവി 15 വർഷത്തെ റൈൻ പുനര​ധി​വാ​സ​ത്തെ​യും [ടൺ കണക്കിനു മൽസ്യ​ത്തെ​യും] നശിപ്പി​ച്ചു. . . . സാൻഡോസ്‌ അപകടം റൈനി​ലെ 280 കിലോ​മീ​റ​റ​റിൽ ഗുരു​ത​ര​മായ പരിസ്ഥി​തീയ നാശം വരുത്തി​ക്കൂ​ട്ടി​യി​രി​ക്കു​ന്നു.”—ഡർ സ്‌പീജൽ.

സോവ്യറ്റ്‌ യൂണിയൻ: “ചെർനോ​ബി​ലി​ലെ റീയാക്ടർ ദുരന്തം ആധുനിക നാഗരി​ക​ത​യു​ടെ ചരി​ത്ര​ത്തി​ലെ ഒരു വഴിത്തി​രി​വാ​യി​രു​ന്നു. അതു നമ്മെ നൂററാ​ണ്ടു​ക​ളിൽ കാര്യ​മാ​യി ബാധി​ക്കുന്ന ഒരു അനർത്ഥ​മാ​യി​രു​ന്നു. . . . 57കോടി യൂറോ​പ്യൻമാർ, വ്യത്യസ്‌ത അളവു​ക​ളിൽ, 300 വർഷം കൂടു​ത​ലായ റേഡി​യോ ആക്‌റ​റി​വി​റ​റിക്ക്‌, വിധേ​യ​രാ​യി​രു​ന്നു​വെ​ന്നും വിധേ​യ​രാ​ണെ​ന്നും വിധേ​യ​രാ​യി​രി​ക്കു​മെ​ന്നു​മു​ള്ള​തിന്‌ മുൻകൂ​ട്ടി​ക്കാ​ണാൻ കഴിയാത്ത പരിണ​ത​ഫ​ലങ്ങൾ ഉണ്ടായി​രി​ക്കും.”—സൈ​ക്കോ​ളജി ഹ്യൂറേറ.

ഐക്യനാടുകൾ: “അമ്ലമഴ, തടാക​ങ്ങളെ നിർജ്ജീ​വ​മാ​ക്കു​ന്ന​തി​നു പുറമേ, വനങ്ങളു​ടെ വളർച്ചയെ മുരടി​പ്പി​ച്ചി​രി​ക്കു​ന്നു​വെ​ന്നും, കുടി​വെ​ള്ളത്തെ മലിനീ​ക​രി​ച്ചു​കൊണ്ട്‌ മനുഷ്യർക്ക്‌ ആരോ​ഗ്യാ​പ​കടം വരുത്തി​യെ​ന്നും . . . ശാസ്‌ത്ര​ജ്ഞൻമാർ പുതിയ ആശങ്കകൾ പുറ​പ്പെടു[വിച്ചി​രി​ക്കു​ന്നു].”—മക്ലീൻസ്‌.