അന്ത്യനാ​ളു​കൾ തെളി​വെന്ത്‌?

“യാതൊ​രു മണിയും അടിച്ചില്ല, നഷ്‌ടം എന്തുത​ന്നെ​യാ​യി​രു​ന്നാ​ലും ആരും കരഞ്ഞില്ല, എന്തു​കൊ​ണ്ടെ​ന്നാൽ മിക്കവാ​റും എല്ലാവ​രും മരണം പ്രതീ​ക്ഷി​ച്ചു. . . . ‘ഇത്‌ ലോകാ​വ​സാ​ന​മാണ്‌’ എന്ന്‌ ആളുകൾ പറയു​ക​യും വിശ്വ​സി​ക്കു​ക​യും​ചെ​യ്‌തു.”—14-ാം നൂററാ​ണ്ടി​ലെ പ്ലേഗി​നാ​ലുള്ള മരണത്തി​ന്റെ ഫലങ്ങ​ളെ​സം​ബ​ന്ധിച്ച്‌ ഒരു ഇററാ​ലി​യൻ പുരാ​വൃ​ത്ത​കൃത്ത്‌ എഴുതു​ന്നു.

മുൻത​ല​മു​റ​ക​ളി​ലെ ആത്മാർത്ഥ​ത​യുള്ള ആളുകൾ തങ്ങൾ അന്ത്യനാ​ളു​ക​ളി​ലാണ്‌ ജീവി​ക്കു​ന്ന​തെന്ന്‌ തെററാ​യി വിശ്വ​സി​ച്ചി​ട്ടുണ്ട്‌. മേലു​ദ്ധ​രിച്ച കേസിൽ ബ്യൂ​ബോ​ണിക്ക്‌ പ്ലേഗാ​യി​രു​ന്നു ലോകാ​വ​സാ​ന​ത്തി​ന്റെ അടയാ​ള​മാ​യി വീക്ഷി​ക്ക​പ്പെ​ട്ടത്‌. അത്‌ യൂറോ​പ്പി​ലെ ജനസം​ഖ്യ​യു​ടെ മൂന്നി​ലൊ​ന്നി​നെ കൊ​ന്നൊ​ടു​ക്കി​യെന്ന്‌ ചില കണക്കു​കൂ​ട്ട​ലു​കൾ പറയുന്നു. എന്നാൽ അവസാനം വന്നില്ല. ദൈവ​ത്തി​ന്റെ ഇടപെ​ട​ലി​നുള്ള സമയം അപ്പോ​ഴും വന്നിരു​ന്നില്ല.

അതു​കൊണ്ട്‌ ഇപ്പോ​ഴത്തെ ലോക​വ്യ​വ​സ്ഥി​തി​യു​ടെ ആസന്നമായ അന്ത്യ​ത്തെ​യും ഭൂമി​മേ​ലുള്ള ദൈവ​രാ​ജ്യ​ഭ​ര​ണ​ത്തി​ന്റെ വ്യാപ​ന​ത്തെ​യും അറിയി​ച്ചു​കൊ​ണ്ടി​രി​ക്കു​ന്ന​തിൽ യഹോ​വ​യു​ടെ സാക്ഷികൾ ചെയ്യു​ന്നത്‌ ശരിയാ​ണെന്ന്‌ ആർക്കെ​ങ്കി​ലും ഉറപ്പു​ണ്ടാ​യി​രി​ക്കാൻ എങ്ങനെ കഴിയും? അവരുടെ അവകാ​ശ​വാ​ദ​ങ്ങളെ പരി​ശോ​ധി​ക്കു​ന്ന​തി​നാ​ലും അവയെ ബൈബിൾപ്ര​വ​ച​ന​ങ്ങ​ളു​മാ​യി താരത​മ്യ​പ്പെ​ടു​ത്തു​ന്ന​തി​നാ​ലും മാത്രമേ അതു സാധിക്കൂ. ആ സ്ഥിതിക്ക്‌, അന്ത്യനാ​ളു​കളെ അടയാ​ള​പ്പെ​ടു​ത്തുന്ന സംഭവങ്ങൾ വിവരി​ക്കുന്ന പ്രത്യേ​ക​പ്ര​വ​ച​നങ്ങൾ ഏതൊ​ക്കെ​യാണ്‌?

യുദ്ധവും ക്ഷാമവും ബാധയും

ഈ പ്രവച​ന​ങ്ങ​ളു​ടെ മുഖ്യ​വ​ശ​ങ്ങ​ളിൽ ചിലത്‌ വെളി​പ്പാട്‌ 6:1-8-ൽ കാണുന്ന അപ്പോ​ക്ക​ലി​പ്‌സി​ലെ കുതി​ര​ക്കാ​രു​ടെ പ്രസി​ദ്ധ​മായ ദർശന​ത്തിൽ സംഗ്ര​ഹി​ക്ക​പ്പെ​ട്ടി​രി​ക്കു​ന്നു. അവ താഴെ പറയു​ന്ന​വ​യാണ്‌:

“ഒരു തീനി​റ​മുള്ള കുതിര; അതിൻമേൽ ഇരിക്കു​ന്ന​വന്‌ അവർ അന്യോ​ന്യം സംഹരി​ക്കേ​ണ്ട​തിന്‌ ഭൂമി​യിൽനിന്ന്‌ സമാധാ​നം എടുത്തു​ക​ള​യാൻ അനുവാ​ദം​കൊ​ടു​ക്ക​പ്പെട്ടു.” ഈ കുതി​ര​ക്കാ​രൻ ഏതാനും ചില രാഷ്‌ട്ര​ങ്ങ​ളിൽനി​ന്നു മാത്രമല്ല, ഭൂമി​യിൽനിന്ന്‌ സമാധാ​നം എടുത്തു​ക​ള​യു​മെന്ന്‌ ദയവായി കുറി​ക്കൊ​ള്ളുക. അതു​കൊണ്ട്‌ അത്‌ ലോക​വ്യാ​പ​ക​യു​ദ്ധ​ത്തി​ന്റെ​യും സംഹാ​ര​ത്തി​ന്റെ​യും ഒരു സമയത്തെ പ്രതീ​ക​പ്പെ​ടു​ത്തു​ന്നു. നാം അത്‌ 20-ാം നൂററാ​ണ്ടിൽ കണ്ടിരി​ക്കു​ന്നു​വോ?

“ഒരു കറുത്ത കുതിര; അതിൻമേൽ ഇരിക്കു​ന്ന​വന്‌ കയ്യിൽ ഒരു ത്രാസ്സ്‌ ഉണ്ടായി​രു​ന്നു.” ഇത്‌ ഉചിത​മാ​യി വിശപ്പി​നെ​യും ഭക്ഷ്യദൗർല​ഭ്യ​ത്തെ​യും ക്ഷാമ​ത്തെ​യും പ്രതീ​ക​പ്പെ​ടു​ത്തു​ന്നു. ഈ അവസ്ഥകൾ നമ്മുടെ തലമു​റ​യിൽ നിലവി​ലു​ണ്ടോ?

“ഒരു മഞ്ഞ കുതിര; അതിൻമേൽ ഇരിക്കു​ന്ന​വന്‌ മരണം എന്ന പേർ ഉണ്ടായി​രു​ന്നു. ഹേഡീസ്‌ അവനെ അടുത്തു പിന്തു​ട​രു​ക​യാ​യി​രു​ന്നു. ഒരു നീണ്ട വാൾകൊ​ണ്ടും ഭക്ഷ്യദൗർല​ഭ്യം​കൊ​ണ്ടും മാരക​മായ പകർച്ച​വ്യാ​ധി​കൊ​ണ്ടും ഭൂമി​യി​ലെ മൃഗങ്ങളെ കൊണ്ടും കൊല്ലു​ന്ന​തിന്‌ ഭൂമി​യു​ടെ കാൽഭാ​ഗ​ത്തിൻമേൽ അവക്ക്‌ അധികാ​രം കൊടു​ക്ക​പ്പെട്ടു.” ഇവിടെ യുദ്ധത്താ​ലാ​യാ​ലും ക്ഷാമത്താ​ലാ​യാ​ലും പകർച്ച​വ്യാ​ധി​യാ​ലാ​യാ​ലും കാട്ടു​മൃ​ഗ​ത്താ​ലാ​യാ​ലും അകാല​മ​രണം അതിന്റെ ഇരകളെ അകാല ശവക്കു​ഴി​യിൽ (ഹേഡീസ്‌) കൂട്ടി​യി​ടു​ന്നു. നമ്മുടെ കാലത്ത്‌ കോടി​ക്ക​ണ​ക്കി​നാ​ളു​കൾ അത്തര​മൊ​രു ശവക്കു​ഴി​യി​ലേക്ക്‌ പോയി​ട്ടി​ല്ലേ?

ഈ ദർശന​ങ്ങ​ളോട്‌ ഒക്കുന്ന​താണ്‌ യേശു മുൻകൂ​ട്ടി​പ്പറഞ്ഞ അവസ്ഥകൾ. അവയിൽ ചിലത്‌ ഇവയാണ്‌: “ജനത ജനത​ക്കെ​തി​രെ​യും രാജ്യം രാജ്യ​ത്തി​നെ​തി​രെ​യും യുദ്ധം​ചെ​യ്യും. ക്ഷാമങ്ങ​ളും ഭൂകമ്പ​ങ്ങ​ളും ഉണ്ടായി​രി​ക്കും . . . അനേകം കള്ളപ്ര​വാ​ച​കൻമാർ എഴു​ന്നേൽക്കും; അവർ അനേകരെ വഞ്ചിക്കും, അധർമ്മ​ത്തി​ന്റെ വർദ്ധനവ്‌ ഉണ്ടാകു​ന്ന​തോ​ടെ മിക്ക മനുഷ്യ​രി​ലെ​യും സ്‌നേഹം തണുത്തു​പോ​കും.” (ദി യരുശ​ലേം ബൈബിൾ) അവൻ ഒരു ലോക​വ്യാ​പക സാക്ഷീ​ക​ര​ണ​വേ​ല​യെ​ക്കു​റി​ച്ചും അഥവാ അവസാ​നം​വ​രു​ന്ന​തി​നു മുമ്പത്തെ “രാജ്യ​ത്തി​ന്റെ സുവാർത്ത​യു​ടെ” പ്രസം​ഗ​ത്തെ​ക്കു​റി​ച്ചും മുൻകൂ​ട്ടി​പ്പ​റഞ്ഞു.

അതിനു പുറമേ, ക്രിസ്‌തീയ അപ്പോ​സ്‌ത​ല​നായ പൗലോസ്‌ ആളുക​ളു​ടെ പ്രതി​ക​ര​ണത്തെ വർണ്ണി​ച്ചു​കൊണ്ട്‌ പറഞ്ഞു, അന്ത്യനാ​ളു​ക​ളിൽ “ആളുകൾ പണത്തെ​യും തങ്ങളേ​ത്ത​ന്നെ​യു​മ​ല്ലാ​തെ ഒന്നി​നെ​യും സ്‌നേ​ഹി​ക്കു​ക​യില്ല. . . മാതാ​പി​താ​ക്ക​ളോട്‌ ആദരവില്ല, നന്ദിയില്ല.” അവൻ ഇങ്ങനെ കൂട്ടി​ച്ചേർത്തു: “അവർ ദൈവ​ത്തി​ന്റെ സ്ഥാനത്ത്‌ ഉല്ലാസത്തെ വെക്കുന്ന മനുഷ്യർ, മതത്തിന്റെ ബാഹ്യ​രൂ​പം കാത്തു​സൂ​ക്ഷി​ക്കു​ന്ന​വ​രെ​ങ്കി​ലും അതിന്റെ യാഥാർത്ഥ്യ​ത്തി​ന്റെ നിരന്ത​ര​നി​ഷേ​ധ​മാ​യി​രി​ക്കുന്ന മനുഷ്യർ, ആയിരി​ക്കും.”—ദി ന്യൂ ഇംഗ്ലീഷ്‌ ബൈബിൾ.a

യേശു​വി​ന്റെ പ്രവചനം ഈ സംഭവ​ങ്ങ​ളെ​ല്ലാം ഒരേ തലമു​റ​യിൽ ഒന്നിച്ചു​വ​രു​മ്പോൾ മനുഷ്യ​ച​രി​ത്ര​ത്തിൽ ഒരു പാരമ്യ​ത്തെ സൂചി​പ്പി​ക്കു​ന്നു​വെ​ന്നി​രി​ക്കെ, അവ എണ്ണത്തി​ലോ വലിപ്പ​ത്തി​ലോ ഏതു മുൻത​ല​മു​റ​യി​ലേ​തി​ലും കൂടിയതായിരിക്കേണ്ടതാവശ്യമായിരിക്കുന്നില്ലെന്ന്‌ നമുക്ക്‌ ഓർമ്മി​ക്കാം, എന്നാൽ അത്‌ അങ്ങനെ​യാ​യി​രി​ക്കാം.

നിങ്ങൾ 20-ാം നൂററാ​ണ്ടിൽ, വിശേ​ഷിച്ച്‌ 1914 മുതൽ, ഈ സംഭവ​ങ്ങ​ളും അവസ്ഥക​ളും കണ്ടിരി​ക്കു​ന്നു​വോ? നിങ്ങൾ 1989-ൽപോ​ലും അവ കാണു​ന്നു​ണ്ടോ? ഒരു ഓർമ്മി​പ്പി​ക്കൽ എന്ന നിലയിൽ, മനുഷ്യ​വർഗ്ഗത്തെ ബാധി​ച്ചി​രി​ക്കു​ന്ന​തും ബാധി​ച്ചു​കൊ​ണ്ടി​രി​ക്കു​ന്ന​തു​മായ മുന്തിയ സംഭവ​ങ്ങ​ളിൽ ചിലത്‌ നമുക്ക്‌ പുനര​വ​ലോ​കനം ചെയ്‌തിട്ട്‌ അവ തന്റെ രാജ്യം​മു​ഖേ​ന​യുള്ള ദൈവ​ത്തി​ന്റെ ഇടപെ​ട​ലി​നുള്ള സമയം അടുത്തി​രി​ക്കു​ന്നു​വെന്ന്‌ സൂചി​പ്പി​ക്കു​ന്നു​വോ​യെന്ന ചോദ്യ​ത്തിന്‌ ഉത്തരം പറയാം.—ലൂക്കോസ്‌ 21:29-33. (g88 4/1)

[അടിക്കു​റി​പ്പു​കൾ]

[4-ാം പേജിലെ ചിത്രം]

ഒന്നാം ലോക​മ​ഹാ​യു​ദ്ധ​ത്തി​ന്റെ ഈ മാതൃകാ സ്‌മാ​ര​ക​ത്തി​ന്റെ അടിയി​ലെ ആലേഖനം ഇങ്ങനെ വായി​ക്ക​പ്പെ​ടു​ന്നു: “ബറോ ഓഫ്‌ ഈവ്‌ഷാ​മിൽ [ഇംഗ്ലണ്ട്‌] തങ്ങളുടെ രാജ്യ​ത്തി​നു​വേണ്ടി മഹായു​ദ്ധ​ത്തിൽ ജീവനർപ്പിച്ച മഹത്വ​മുള്ള മൃതരു​ടെ നിലനിൽക്കുന്ന ഓർമ്മക്ക്‌.”