ചെറു​പ്പ​ക്കാർ ചോദി​ക്കു​ന്നു. . . 

സ്വയം​ഭോ​ഗ​ത്തി​ന്റെ ശീലത്തി​നെ​തി​രെ എനിക്ക്‌ എങ്ങനെ പോരാ​ടാൻ കഴിയും?

“ഞാൻ മുഷ്ടി യുദ്ധം നടത്തു​ന്നത്‌ അന്തരീ​ക്ഷത്തെ അടിക്കു​ന്ന​തു​പോ​ലെയല്ല” എന്ന്‌ ക്രിസ്‌തീയ അപ്പോ​സ്‌ത​ല​നായ പൗലോസ്‌ എഴുതി. (1 കൊരി​ന്ത്യർ 9:26) തന്റെ ആഗ്രഹങ്ങൾ നിയ​ന്ത്രി​ക്കാ​നുള്ള പോരാ​ട്ടത്തെ അദ്ദേഹം ഒരു ബോക്‌സിംഗ്‌ മത്സര​ത്തോട്‌ ഉപമിച്ചു. ഒരു ബോക്‌സിം​ഗു​കാ​രന്റെ ഇടികൾ അന്തരീ​ക്ഷ​ത്തിൽ മാത്രം കൊള്ളു​ന്നു​വെ​ങ്കിൽ അയാൾ പെട്ടെ​ന്നു​തന്നെ ആ ഏററു​മു​ട്ട​ലിൽ പരാജ​യ​മ​ട​യും. അതു​കൊണ്ട്‌ സ്വയം​ഭോ​ഗ​ത്തി​ന്റെ ശീലത്തി​നെ​തി​രെ വിജയ​ക​ര​മാ​യി പോരാ​ടു​ന്ന​തിന്‌ തന്റെ ശ്രമങ്ങളെ അല്ലെങ്കിൽ “ഇടികളെ” ഉചിത​മാ​യി എങ്ങനെ ഉപയോ​ഗി​ക്കാ​മെന്ന്‌ ഒരു വ്യക്തി അറിഞ്ഞി​രി​ക്കണം.a

“നിങ്ങളു​ടെ മനസ്സു​കളെ പ്രവർത്ത​ന​ത്തിന്‌ സജ്ജമാ​ക്കുക”

സ്വയം​ഭോ​ഗ​ത്തി​നെ​തി​രെ​യുള്ള പോരാ​ട്ടം നടക്കു​ന്നത്‌ നമ്മുടെ മനസ്സി​ലാണ്‌. അതു​കൊണ്ട്‌ ബൈബിൾ ഇപ്രകാ​രം ശുപാർശ ചെയ്യുന്നു: “പ്രവർത്ത​ന​ത്തി​നാ​യി നിങ്ങളു​ടെ മനസ്സു​കളെ സജ്ജമാ​ക്കുക; ആത്മനി​യ​ന്ത്ര​ണ​മു​ള്ള​വ​രാ​യി​രി​ക്കുക.” (1 പത്രോസ്‌ 1:13, ന്യൂ ഇൻറർനാ​ഷനൽ ഭാഷാ​ന്തരം) ഉദാഹ​ര​ണ​ത്തിന്‌ ലൈം​ഗി​ക​മാ​യി ഉത്തേജി​പ്പി​ക്കുന്ന എന്തെങ്കി​ലും നാം ശ്രദ്ധി​ക്കാ​നി​ട​യാ​യേ​ക്കാം. അത്തരം കാര്യങ്ങൾ മനസ്സിൽ വച്ചുതാ​ലോ​ലി​ക്കു​ന്ന​തി​നും വികാരം വികാസം പ്രാപി​ക്കാ​ന​നു​വ​ദി​ക്കു​ന്ന​തി​നു​മാണ്‌ മനസ്സിന്റെ ചായ്‌വ്‌. (മത്തായി 5:28) അതു സംഭവി​ക്കു​മ്പോൾ നമ്മുടെ ശരീരം ലൈം​ഗിക പ്രവർത്ത​ന​ത്തിന്‌ താൽപ​ര്യം കാട്ടുന്നു. ആ തെററായ ചിന്തയിൽ മനസ്സ്‌ എത്രയ​ധി​കം സമയം തങ്ങിനിൽക്കു​ന്നു​വോ അത്രയ​ധി​കം ഈ ശാരീ​രിക പ്രക്രിയ ഉത്തേജ​ന​ത്തി​ന്റെ ഉന്നത ശ്രേണി​ക​ളി​ലെ​ത്തു​ന്നു. ക്രമത്തിൽ ഈ ഉത്തേജനം ഹസ്‌ത​മൈ​ഥു​ന​ത്തി​ലേക്ക്‌ നയി​ച്ചേ​ക്കാം. എന്നാൽ മനസ്സ്‌ ഒരു നല്ല ശ്രമം ചെയ്‌ത്‌ ആ അധാർമ്മിക ചിന്തയെ പുറന്ത​ള്ളേ​ണ്ട​തുണ്ട്‌. അത്‌ അങ്ങനെ ചെയ്യു​ന്നു​വെ​ങ്കിൽ ഉത്തേജനം സാവകാ​ശം കെട്ടട​ങ്ങു​ക​യും ശാരീ​രിക പിരി​മു​റു​ക്കം മൂലമുള്ള അസ്വസ്ഥത പെട്ടെന്ന്‌ അപ്രത്യ​ക്ഷ​മാ​വു​ക​യും ചെയ്യുന്നു.

എന്നാൽ മോശ​മായ ചിന്തകളെ തള്ളിക്ക​ള​യു​ന്നത്‌ പ്രയാ​സ​ക​ര​മാണ്‌, വിശേ​ഷി​ച്ചും ഒരു വ്യക്തി രാത്രി​യിൽ ഒററയ്‌ക്കാ​യി​രി​ക്കു​മ്പോൾ. താൻ എന്തു നടപടി​കൾ സ്വീക​രി​ക്കു​ന്നു​വെന്ന്‌ ഒരു 17 വയസ്സു​കാ​രൻ ഇപ്രകാ​രം വിശദീ​ക​രി​ക്കു​ന്നു: “ആദ്യം തന്നെ ഉത്തേജ​ന​ത്തി​നി​ട​യാ​ക്കിയ ചിന്തക​ളിൽനിന്ന്‌ എന്റെ മനസ്സു​മാ​റ​റു​ന്ന​തിന്‌ ഞാൻ ‘വിഷയം മാററാൻ’ ശ്രമി​ക്കു​ന്നു. ഈ ഉത്തേജനം ക്രമേണ മാറും എന്ന്‌ തിരി​ച്ച​റി​യു​ന്ന​തും അത്‌ കൂടുതൽ എളുപ്പ​മാ​ക്കി​ത്തീർക്കു​ന്നു.” “വിഷയം മാററു​ന്ന​തിന്‌” വെറും മാനസി​ക​മായ ശ്രമ​ത്തേ​ക്കാൾ അധികം ആവശ്യ​മാ​യി​രു​ന്നേ​ക്കാം. ഒരു യുവതി ഇപ്രകാ​രം കൂട്ടി​ച്ചേർക്കു​ന്നു: “ഉടൻ കിടക്ക​യിൽനിന്ന്‌ എഴു​ന്നേ​ററ്‌ ഏതെങ്കി​ലും ജോലി​യിൽ തിര​ക്കോ​ടെ ഏർപ്പെ​ടു​ന്ന​താണ്‌ ഏററം നല്ല സംഗതി, അല്ലെങ്കിൽ നിങ്ങളു​ടെ മനസ്സ്‌ മററ കാര്യ​ങ്ങ​ളി​ലേക്ക്‌ തിരി​യാൻ തക്കവണ്ണം എന്തെങ്കി​ലും ലഘുഭ​ക്ഷണം കഴിക്കുക.” അതെ, ‘ഘനമാ​യത്‌ ഒക്കെയും നീതി​യാ​യ​തൊ​ക്കെ​യും നിർമ്മ​ല​മാ​യ​തൊ​ക്കെ​യും രമ്യമാ​യ​തൊ​ക്കെ​യും സൽക്കീർത്തി​യാ​യ​തൊ​ക്കെ​യും സൽഗു​ണ​മോ പുകഴ്‌ച്ച​യോ അതൊ​ക്കെ​യും ചിന്തി​ച്ചു​കൊ​ണ്ടി​രി​ക്കാൻ നിങ്ങ​ളെ​ത്തന്നെ നിർബ​ന്ധി​ക്കുക.’—ഫിലി​പ്യർ 4:8.

നിങ്ങൾക്ക്‌ ഉറക്കം വരാൻ പ്രയാ​സ​മു​ള്ള​പ്പോൾ ഇപ്രകാ​ര​മെ​ഴു​തിയ വിശ്വ​സ്‌ത​നായ ദാവീ​ദു​രാ​ജാ​വി​നെ അനുക​രി​ക്കുക: “എന്റെ കിടക്ക​യിൽ ഞാൻ നിന്നെ [ദൈവത്തെ] ഓർക്കു​മ്പോൾ രാത്രി​യാ​മ​ങ്ങ​ളിൽ ഞാൻ നിന്നെ​പ്പ​ററി ധ്യാനി​ക്കു​ന്നു.” (സങ്കീർത്തനം 63:6) ദൈവ​ത്തെ​യും അവന്റെ ഗുണങ്ങ​ളെ​യും പററി ധ്യാനി​ക്കാൻ നമ്മുടെ മനസ്സു​കളെ നിർബ​ന്ധി​ക്കു​ന്നത്‌ മിക്ക​പ്പോ​ഴും പ്രശ്‌നം പരിഹ​രി​ക്കും. “യഹോ​വയെ സ്‌നേ​ഹി​ക്കു​ന്ന​വരേ, തിൻമയെ വെറു​ക്കു​വിൻ” എന്ന്‌ സങ്കീർത്ത​ന​ക്കാ​രൻ എഴുതി. (സങ്കീർത്തനം 97:10) നൈമി​ഷി​ക​മായ ജഡിക ഉല്ലാസം കൈവ​രു​ത്തുന്ന ഒരു നടപടി​യെ വെറു​ക്കുക എളുപ്പമല്ല, എന്നാൽ ഈ അശുദ്ധ ശീലത്തെ ദൈവം എങ്ങനെ വീക്ഷി​ക്കു​ന്നു​വെന്ന്‌ ചിന്തി​ക്കു​ന്ന​തിൽ തുടരുക. എന്നിരു​ന്നാ​ലും നിങ്ങൾ . . .

കരുതൽ നടപടി​കൾ കൈ​ക്കൊ​ള്ള​ണം

“അനർത്ഥം കണ്ട്‌ തന്നെത്തന്നെ മറച്ചു​കൊ​ള്ളു​ന്നവൻ വിവേ​ക​മു​ള്ള​വ​നാണ്‌, അനുഭ​വ​പ​രി​ച​യ​മി​ല്ലാ​ത്തവൻ നേരെ ചെന്ന്‌ ശിക്ഷ സഹി​ക്കേ​ണ്ടി​വ​രു​ന്നു,” എന്ന്‌ നിശ്വസ്‌ത ജ്ഞാനി​യായ മനുഷ്യൻ എഴുതി. (സദൃശ​വാ​ക്യ​ങ്ങൾ 22:3) മൂല എബ്രായ പദമനു​സ​രിച്ച്‌ “വിവേ​ക​മു​ള്ളവൻ” എന്നതി​നാൽ ഇവിടെ അർത്ഥമാ​ക്കു​ന്നത്‌ “വേഗത, മനസ്സിന്റെ ഒരുക്കം, ഗ്രാഹ്യം” ഇവയെ​യാണ്‌. അത്തര​മൊ​രു വ്യക്തി മുന്നമേ ചിന്തി​ക്കു​ക​യും ഒരു സാഹച​ര്യ​ത്തെ കൂടുതൽ വഷളാ​ക്കു​ന്ന​തെ​ന്താ​ണെന്ന്‌ അറിയു​ക​യും ചെയ്യുന്നു. അതു​കൊണ്ട്‌ ചിലതരം പ്രവർത്ത​നങ്ങൾ, ചിലയി​നം വസ്‌ത്രങ്ങൾ, അല്ലെങ്കിൽ ഭക്ഷണം എന്നിവ നിങ്ങൾ ലൈം​ഗി​ക​മാ​യി ഉത്തേജി​ത​രാ​കാൻ ഇടയാ​ക്കി​യി​ട്ടു​ണ്ടെ​ങ്കിൽ അത്തരം കാര്യങ്ങൾ തീർച്ച​യാ​യും ഒഴിവാ​ക്കുക.b വികാരം ഉണർത്തുന്ന വിഷയ​ങ്ങ​ളോ​ടു​കൂ​ടിയ സാഹി​ത്യം, ടെലി​വി​ഷൻ പരിപാ​ടി​കൾ, സിനി​മകൾ, എന്നിവ ഒരു പകർച്ച​വ്യാ​ധി എന്നപോ​ലെ ഒഴിവാ​ക്കുക. അത്തരം കാര്യങ്ങൾ നോക്കി​ക്കൊ​ണ്ടി​രി​ക്ക​രുത്‌. “വിലകെട്ട കാര്യങ്ങൾ കാണാ​ത​വണ്ണം എന്റെ കണ്ണുകൾ കടന്നു​പോ​കാൻ ഇടയാ​ക്ക​ണമേ” എന്ന്‌ സങ്കീർത്ത​ന​ക്കാ​രൻ പ്രാർത്ഥി​ച്ചു. (സങ്കീർത്തനം 119:37) അത്തരം ഇന്ദ്രി​യ​സു​ഖ​ദാ​യ​ക​മായ ദൃശ്യങ്ങൾ നിങ്ങളു​ടെ മനസ്സിൽ ശേഖരി​ച്ചു​വ​യ്‌ക്ക​പ്പെ​ടു​ക​യും മിക്ക​പ്പോ​ഴും നിങ്ങൾ ഒററയ്‌ക്കാ​യി​രി​ക്കു​മ്പോൾ അതു മുൻപ​ന്തി​യി​ലേക്ക്‌ വരിക​യും ചെയ്യും.

നിങ്ങൾ വൈകാ​രി​ക​മാ​യി മുറി​വേററ നിലയി​ലോ നിരു​ത്സാ​ഹി​താ​വ​സ്ഥ​യി​ലോ ഒരു പക്ഷേ മ്ലാനത​യി​ലോ ആയിരി​ക്കു​മ്പോൾ ഭാവി പ്രശ്‌ന​ങ്ങ​ളിൽനിന്ന്‌ നിങ്ങ​ളെ​ത്തന്നെ മറയ്‌ക്കു​ന്ന​തിന്‌ നടപടി സ്വീക​രി​ക്കു​ന്നത്‌ വിശേ​ഷാൽ ആവശ്യ​മാണ്‌. “കഷ്ടകാ​ലത്ത്‌ നീ നിരു​ത്സാ​ഹി​ത​നാ​യി​രി​ക്കു​ന്നു​വോ? നിനക്ക്‌ വേണ്ടത്ര ബലമു​ണ്ടാ​യി​രി​ക്ക​യില്ല,” എന്ന്‌ സദൃശ്യ​വാ​ക്യ​ങ്ങൾ 24:10 മുന്നറി​യിപ്പ്‌ നൽകുന്നു. അത്തരം സമയങ്ങ​ളിൽ ചെറു​ത്തു​നിൽക്കാ​നുള്ള നിങ്ങളു​ടെ പ്രാപ്‌തി താണി​രി​ക്കും അല്ലെങ്കിൽ “കുറഞ്ഞി​രി​ക്കും” എന്നറി​ഞ്ഞു​കൊണ്ട്‌ ദീർഘ​സ​മ​യ​ത്തേക്ക്‌ ഒററയ്‌ക്കാ​യി​രി​ക്കു​ന്നത്‌ ഒഴിവാ​ക്കാൻ നിങ്ങളു​ടെ കാര്യാ​ദി​കളെ ക്രമീ​ക​രി​ക്കാൻ കഴിവ​തും ശ്രമി​ക്കുക. വെല്ലു​വി​ളി​കൾ നിറഞ്ഞ കാര്യ​ങ്ങ​ളിൽ നിങ്ങളു​ടെ മനസ്സു മുഴു​കാൻ തക്കവണ്ണം, അധാർമ്മിക ചിന്തക​ളി​ലേക്ക്‌ അത്‌ വഴുതി വീഴാൻ അവസരം നൽകാതെ കെട്ടു​പ​ണി​ചെ​യ്യുന്ന പ്രവർത്ത​ന​ങ്ങ​ളു​ടെ ഒരു നല്ല പട്ടിക​യു​ണ്ടാ​യി​രി​ക്കാൻ പ്ലാൻ ചെയ്യുക. എന്തു​കൊണ്ട്‌ നിങ്ങൾ നിങ്ങളു​ടെ മനസ്സു നിറയ്‌ക്കു​ന്നു എന്നതു സംബന്ധി​ച്ചും വിശേ​ഷാൽ ശ്രദ്ധാ​ലു​ക്ക​ളാ​യി​രി​ക്കുക. മാസത്തി​ലെ ചില പ്രത്യേക സമയങ്ങ​ളിൽ ആഗ്രഹങ്ങൾ ശക്തി​പ്പെ​ടുന്ന ഒരു സ്‌ത്രീ​യും അതു​പോ​ലെ ആ കൂടു​ത​ലായ പ്രശ്‌നത്തെ നേരി​ടു​ന്ന​തിന്‌ പ്രാ​യോ​ഗിക ജ്ഞാനം പ്രകട​മാ​ക്കണം.

മേൽപ്പറഞ്ഞ നിർദ്ദേ​ശങ്ങൾ അനുസ​രി​ക്കു​ന്നത്‌ സഹായ​ക​മാ​ണെ​ങ്കി​ലും ഈ ദുശ്ശീ​ല​ത്തി​നെ​തി​രെ വിജയ​ക​ര​മാ​യി പോരാ​ടി​യി​ട്ടുള്ള മിക്കവ​രും യഥാർത്ഥ പരിഹാ​രം ഒരു ശക്തമായ ആത്മീയ പോരാ​ട്ട​ത്തിൽ വേരൂ​ന്നി​യി​ട്ടു​ള്ള​താ​യി കണ്ടെത്തി​യി​ട്ടുണ്ട്‌.

ഒരു ആത്മീയ പോരാ​ട്ടം

തന്റെ 11-ാമത്തെ വയസ്സു​മു​തൽ ഈ ദുശ്ശീ​ലത്തെ ചെറു​ക്കാൻ ശ്രമി​ച്ചി​രുന്ന ഒരു 27 വയസ്സു​കാ​രൻ അവസാനം അതിൽ വിജയി​ച്ചു. എങ്ങനെ? ഒന്നാമത്‌ അയാൾ ശ്രദ്ധാ​പൂർവം അശ്ലീല സാഹി​ത്യം ഒഴിവാ​ക്കി. “തുടർന്ന്‌ എന്റെ എല്ലാ ആത്‌മീയ ആയുധ​ങ്ങ​ളു​മു​പ​യോ​ഗിച്ച്‌ പോരാ​ട്ടം നടത്തു​ന്ന​തി​ന്റെ ഒരു സംഗതി​യാ​യി​രു​ന്നു അത്‌,” അയാൾ വിശദീ​ക​രി​ച്ചു. ഒരിക്ക​ലും വീഴ്‌ച വരുത്താ​തെ എല്ലാ ദിവസ​വും ഞാൻ ബൈബി​ളി​ന്റെ രണ്ട്‌ അദ്ധ്യാ​യ​ങ്ങ​ളെ​ങ്കി​ലും വായിച്ചു.” അയാൾ അത്‌ മുടക്കം വരുത്താ​തെ മൂന്നു വർഷം തുടർന്നി​രി​ക്കു​ന്നു.

ഈ ദുശ്ശീ​ലത്തെ കീഴട​ക്കു​ന്ന​തിൽ പ്രയാ​സ​മു​ണ്ടാ​യി​രുന്ന മററു ക്രിസ്‌ത്യാ​നി​കൾ വ്യക്തി​പ​ര​മാ​യി ദൈവ​വ​ചനം പഠിക്കു​ന്ന​തിൽ വന്ന വീഴ്‌ച​യാണ്‌ അതിന്‌ കാരണ​മാ​ക്കി​യത്‌ എന്ന്‌ സമ്മതി​ച്ചു​പ​റ​ഞ്ഞി​രി​ക്കു​ന്നു. വിവാ​ഹ​ത്തി​നു​ശേ​ഷം​പോ​ലും ഹസ്‌ത​മൈ​ഥു​ന​ത്തി​ന്റെ പ്രശ്‌ന​മു​ണ്ടാ​യി​രുന്ന ഒരു ക്രിസ്‌ത്യാ​നി പറയുന്നു: “ഒരു കാലഘ​ട്ട​ത്തിൽ ഹസ്‌ത​മൈ​ഥു​ന​ത്തിൽ ഏർപ്പെ​ടു​ന്ന​തിന്‌ സാധാ​ര​ണ​യിൽ കവിഞ്ഞ്‌ ശക്തമായ ആഗ്രഹ​മു​ണ്ടാ​യി​രു​ന്നു. ജോലി​സ്ഥ​ല​ത്തും മററു നിരവധി കാര്യ​ങ്ങ​ളിൽനി​ന്നും സമ്മർദ്ദം അനുഭ​വ​പ്പെ​ട്ടി​രു​ന്ന​തി​നാൽ എന്റെ വ്യക്തി​പ​ര​മായ പഠനത്തിന്‌ കുറവു സംഭവി​ച്ചു. കൂടുതൽ പഠി​ക്കേ​ണ്ട​തി​ന്റെ ആവശ്യം ഞാൻ തിരി​ച്ച​റി​ഞ്ഞു. അതു സഹായ​ക​മാ​യി​രു​ന്നു, വീണ്ടും വീണു​പോ​കാ​തെ ആ ആഗ്രഹത്തെ കീഴട​ക്കാൻ കഴിഞ്ഞ​തിൽ എനിക്ക്‌ നന്ദിയുണ്ട്‌.”

മററു​ള്ള​വ​രെ ബൈബിൾ പഠിപ്പി​ക്കുന്ന ജോലി​പോ​ലെ “കർത്താ​വി​ന്റെ വേലയിൽ ധാരാളം ചെയ്യാ​നു​ണ്ടാ​യി​രി​ക്കു”ന്നത്‌ സഹായ​ക​മാണ്‌. (1 കൊരി​ന്ത്യർ 15:58) ഹസ്‌ത​മൈ​ഥു​നത്തെ കീഴ്‌പ്പെ​ടു​ത്തിയ ഒരു സ്‌ത്രീ പറഞ്ഞത്‌ ഇപ്രകാ​ര​മാണ്‌: “ഈ ശീലം ഒഴിവാ​ക്കാൻ എന്നെ സഹായി​ക്കുന്ന ഒരു സംഗതി ഒരു മുഴു​സമയ സുവി​ശേഷക എന്ന നിലയിൽ ദൈവ​വു​മാ​യി ഒരു അംഗീ​കൃത ബന്ധം സമ്പാദി​ക്കു​ന്ന​തിന്‌ മററു​ള്ള​വരെ സഹായി​ക്കാൻ എന്റെ മനസ്സും ഊർജ്ജ​വു​മെ​ല്ലാം തിരി​ച്ചു​വി​ട്ടി​രി​ക്കു​ന്നു എന്നതാണ്‌.”

അവസാ​ന​മാ​യി, രാത്രി​കാ​ല​ങ്ങ​ളിൽ ആത്മനി​യ​ന്ത്രണം പാലി​ക്കാൻ സഹായി​ക്കു​ന്ന​തിന്‌ ഒരു ക്രിസ്‌ത്യാ​നി ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “കിടക്കാൻ പോകു​ന്ന​തി​നു മുൻപ്‌ ആത്മീയ കാര്യ​ങ്ങ​ളോട്‌ ബന്ധപ്പെട്ട എന്തെങ്കി​ലും വായി​ക്കുക. ദിവസ​ത്തി​ന്റെ അവസാ​നത്തെ ചിന്ത ആത്മീയ​മാ​യി​രി​ക്കു​ന്നത്‌ വളരെ പ്രധാ​ന​മാണ്‌. ആ സമയത്തെ പ്രാർത്ഥ​ന​യും വളരെ സഹായ​ക​മാണ്‌.”

പ്രാർത്ഥ​ന​യു​ടെ സുപ്ര​ധാ​ന​മായ പങ്ക്‌

അതെ, ഈ ദുശ്ശീ​ല​ത്തി​നെ​തി​രെ വിജയ​ക​ര​മാ​യി പോരാ​ടു​ന്ന​തിന്‌ “സാധാ​ര​ണ​യിൽ കവിഞ്ഞ ശക്തി” ആവശ്യ​മാണ്‌. (2 കൊരി​ന്ത്യർ 4:7) ഹൃദയം​ഗ​മ​മായ പ്രാർത്ഥ​ന​യി​ലൂ​ടെ നിങ്ങൾക്ക്‌ ദൈവ​ത്തോട്‌ ഈ ശക്തിക്കു​വേണ്ടി യാചി​ക്കാൻ കഴിയും. “അവന്റെ (ദൈവ​ത്തി​ന്റെ) മുമ്പാകെ നിങ്ങളു​ടെ ഹൃദയം പകരുക,” എന്ന്‌ സങ്കീർത്ത​ന​ക്കാ​രൻ എഴുതി. (സങ്കീർത്തനം 62:8) “സംസാ​ര​സ്വാ​ത​ന്ത്ര്യ​ത്തോ​ടെ” തന്നെ സമീപി​ക്കു​ന്ന​വർക്ക്‌ “തക്ക സമയത്ത്‌” താൻ സഹായം നൽകു​ന്ന​താ​യി അവർ കണ്ടെത്തു​മെന്ന്‌ ദൈവം വാഗ്‌ദത്തം ചെയ്യുന്നു. (എബ്രായർ 4:16) ഈ ശീലത്താൽ ശല്യം അനുഭ​വ​പ്പെ​ട്ടു​കൊ​ണ്ടി​രുന്ന ഒരു ക്രിസ്‌തീയ യുവതി ഇപ്രകാ​രം റിപ്പോർട്ടു ചെയ്‌തു: “പ്രാർത്ഥന ഉടനടി ലഭ്യമാ​കുന്ന ശക്തിയു​ടെ ഒരു ഉറവാണ്‌. ആഗ്രഹം ഉണരു​മ്പോൾ പ്രാർത്ഥി​ക്കു​ന്നത്‌ തീർച്ച​യാ​യും സഹായി​ക്കു​ന്നു.” കൂടാതെ ഉണരു​മ്പോ​ഴും ദിവസം മുഴു​വ​നും നിങ്ങളു​ടെ ആഗ്രഹം യഹോ​വ​യു​ടെ മുമ്പാകെ പ്രകട​മാ​ക്കു​ക​യും ശക്തി നൽകുന്ന അവന്റെ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ക്കു​ക​യും ചെയ്യുക.—ലൂക്കോസ്‌ 11:13.

ആത്മാർത്ഥ​മാ​യ പ്രാർത്ഥന നിങ്ങളെ ദൈവ​ത്തോട്‌ കൂടുതൽ അടുപ്പി​ക്കും, കൂടാതെ ദൈവം ഒരു യാഥാർത്ഥ്യ​വും വ്യക്തി​പ​ര​മാ​യി ഒരു സഹായി​യു​മാ​യി​ത്തീ​രു​ക​യും ചെയ്യും. ദൈവ​വു​മാ​യുള്ള നിങ്ങളു​ടെ സുഹൃ​ദ്‌ബ​ന്ധ​ത്തെ​പ്പ​ററി ധ്യാനി​ക്കു​ന്ന​തും “സംസാര സ്വാത​ന്ത്ര്യം” നിലനിർത്താൻ ആഗ്രഹി​ക്കു​ന്ന​തും പ്രധാ​ന​മാണ്‌. എന്നിരു​ന്നാ​ലും ചില​പ്പോൾ ലജ്ജകൊ​ണ്ടോ ലൈം​ഗിക ഉത്തേജനം വളരെ രസമാ​യ​തി​നാൽ അത്‌ ഉപേക്ഷി​ക്കാൻ ആഗ്രഹി​ക്കാ​ത്ത​തു​കൊ​ണ്ടോ ഒരു വ്യക്തി പ്രാർത്ഥി​ക്കു​ന്ന​തിൽനിന്ന്‌ പിൻമാ​റി നിന്നേ​ക്കാം. അത്തരം വികാ​ര​ങ്ങളെ ചെറു​ത്തു​തോൽപ്പി​ക്കേ​ണ്ടത്‌ അപ്പോ​ഴാണ്‌. ബൈബിൾ പറയുന്നു: “പ്രാർത്ഥ​ന​യിൽ ഉററി​രി​ക്കുക.” ദൈവ​ത്തോട്‌ യാചി​ക്കു​ന്ന​തി​നാൽ—ആ നിമിഷം സഹായ​ത്തി​നു​വേണ്ടി അപേക്ഷി​ക്കു​ന്ന​തി​നാൽ— തെററായ പ്രേരണ ശമിക്കു​മെന്ന്‌ ഒരു വ്യക്തി കണ്ടെത്തു​ന്നു.—റോമർ 12:12.

മററ​ള്ള​വ​രിൽനി​ന്നുള്ള സഹായം

നിങ്ങളു​ടെ വ്യക്തി​പ​ര​മായ ശ്രമം വിജയി​ക്കു​ന്നി​ല്ലെ​ങ്കി​ലും നിങ്ങൾ വിജയി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ സഹായി​ക്കാൻ കഴിയുന്ന മാതാ​പി​താ​ക്ക​ളി​ലൊ​രാ​ളോ​ടോ ആത്മീയ യോഗ്യ​ത​യുള്ള മറെറാ​രാ​ളോ​ടൊ സംസാ​രി​ക്കുക. ഹസ്‌ത​മൈ​ഥു​ന​ത്തി​നെ​തി​രെ​യുള്ള പോരാ​ട്ട​ത്തിൽ പരാജ​യ​പ്പെ​ട്ടു​കൊ​ണ്ടി​രുന്ന ഒരു യുവാവ്‌ നിരാ​ശി​ത​നാ​യി​ത്തീർന്നു. “ഞാൻ ഒരു ദിവസം വൈകിട്ട്‌ സ്വകാ​ര്യ​മാ​യി എന്റെ പിതാ​വി​നോട്‌ സംസാ​രി​ച്ചു,” അയാൾ വെളി​പ്പെ​ടു​ത്തി. “എനിക്കു പറയാ​നു​ള്ള​തെ​ല്ലാം ഞാൻ പറഞ്ഞു. സംസാ​രി​ച്ച​പ്പോൾ ഞാൻ കരഞ്ഞു​കൊ​ണ്ടി​രു​ന്നു, എനിക്ക്‌ അത്ര​യേറെ ലജ്ജ തോന്നി. എന്നാൽ അദ്ദേഹം എന്നോടു പറഞ്ഞത്‌ എനിക്ക്‌ ഒരിക്ക​ലും മറക്കാൻ കഴിയില്ല. മുഖത്ത്‌ എനിക്ക്‌ ആത്മവി​ശ്വാ​സം പകർന്ന ഒരു പുഞ്ചി​രി​യോ​ടെ അദ്ദേഹം പറഞ്ഞു: ‘എനിക്ക്‌ നിന്നെ​പ്പ​ററി വളരെ അഭിമാ​നം തോന്നു​ന്നു.’ അങ്ങനെ ചെന്ന്‌ സംസാ​രി​ക്കാൻ ഞാൻ എത്രമാ​ത്രം പ്രയാ​സ​പ്പെ​ട്ടി​രി​ക്ക​ണ​മെന്ന്‌ അദ്ദേഹ​ത്തി​ന​റി​യാ​മാ​യി​രു​ന്നു. അതിലു​മ​ധി​കം എന്റെ ഉത്സാഹ​വും നിശ്ചയ​ദാർഢ്യ​വും ഉണർത്താൻ മറെറാ​രു വാക്കു​കൾക്കും കഴിയു​മാ​യി​രു​ന്നില്ല.

ആ യുവാവ്‌ ഇപ്രകാ​രം തുടരു​ന്നു: “ഞാൻ ‘അങ്ങേയ​ററം മോശ​മായ’ നിലയി​ലാ​യി​ട്ടില്ല എന്ന്‌ കാണി​ക്കാൻ പിതാവ്‌ എന്നെ ചില തിരു​വെ​ഴു​ത്തു​കൾ കാണിച്ചു, എന്റെ തെററായ ഗതിയു​ടെ ഗൗരവം എനിക്കു മനസ്സി​ലാ​യി എന്ന്‌ ഉറപ്പു​വ​രു​ത്താൻ തുടർന്ന്‌ മററു ചില തിരു​വെ​ഴു​ത്തു​ക​ളും കാണിച്ചു. ഒരു നിശ്ചിത സമയം വരെ “സെയ്‌ളി​ററ്‌ വൃത്തി​യാ​യി സൂക്ഷിക്കണ”മെന്നും അപ്പോൾ വീണ്ടും സംസാ​രി​ക്കാ​മെ​ന്നും അദ്ദേഹം പറഞ്ഞു. ഞാൻ വീണ്ടും തെററി​ല​ക​പ്പെ​ട്ടാ​ലും അതെന്നെ നിരാ​ശ​നാ​ക്ക​രു​തെ​ന്നും തുടർന്ന്‌ അതിലും ദീർഘ​മായ ഒരു സമയ​ത്തേ​യ്‌ക്ക്‌ വീഴാതെ പിടി​ച്ചു​നിൽക്കാൻ ശ്രമി​ക്ക​ണ​മെ​ന്നും അദ്ദേഹം പറഞ്ഞു.” പ്രശ്‌നം പൂർണ്ണ​മാ​യി പരിഹ​രി​ക്കാൻ കഴിഞ്ഞ​ശേഷം ആ ചെറു​പ്പ​ക്കാ​രൻ ഇപ്രകാ​രം കൂട്ടി​ച്ചേർത്തു: “എന്റെ പ്രശ്‌ന​ത്തെ​പ്പ​ററി അറിയാ​വുന്ന, എന്നെ സഹായി​ക്കുന്ന ഒരാളു​ണ്ടാ​യി​രു​ന്നത്‌ വളരെ​യേറെ പ്രയോ​ജനം ചെയ്‌തു.”

ക്രിസ്‌തീയ സഭയിലെ ഒരു മൂപ്പന്റെ സഹായം തേടു​ന്നത്‌ അനേകരെ സംബന്ധി​ച്ച​ട​ത്തോ​ളം സഹായ​ക​മാ​യി​രു​ന്നി​ട്ടുണ്ട്‌. അത്തരം വ്യക്തി​പ​ര​മായ പ്രശ്‌നങ്ങൾ ഒരു പുരു​ഷ​നോട്‌ ചർച്ച ചെയ്യു​ന്നത്‌ പ്രയാ​സ​മാ​ണെന്ന്‌ വിചാ​രി​ച്ചി​ട്ടുള്ള സ്‌ത്രീ​കൾ പക്വത​യുള്ള ക്രിസ്‌തീയ സ്‌ത്രീ​ക​ളോ​ടു സംസാ​രി​ക്കു​ന്നത്‌ സഹായ​ക​മെന്ന്‌ കണ്ടെത്തി​യി​ട്ടുണ്ട്‌. (തീത്തോസ്‌ 2:3, 4) ഈ വ്യക്തി​കൾക്കുള്ള സഹായ​ക​മായ അറിവ്‌ ഹസ്‌ത​മൈ​ഥു​ന​ത്തി​നെ​തി​രെ വിജയ​ക​ര​മാ​യി പോരാ​ടാ​നുള്ള നിങ്ങളു​ടെ ശ്രമങ്ങളെ ബലപ്പെ​ടു​ത്തും. ബൈബി​ളി​ലെ ഈ സദൃശ​വാ​ക്യം എത്ര സത്യമാണ്‌: “ജ്ഞാനി​യായ ഒരു പുരുഷൻ [അല്ലെങ്കിൽ സ്‌ത്രീ] ബലം നൽകുന്നു. സമർത്ഥ​മായ മാർഗ്ഗ​നിർദ്ദേ​ശ​ത്തോ​ടെ നീ യുദ്ധം നടത്തും, ആലോ​ച​ന​ക്കാ​രു​ടെ ബഹുത്വ​ത്തിൽ രക്ഷയുണ്ട്‌.”!—സദൃശ​വാ​ക്യ​ങ്ങൾ 24:5, 6.

പുനഃ​പ​ത​നത്തെ നേരിടൽ

ഈ ദുശ്ശീ​ലത്തെ നേരി​ടാൻ കഠിന​മാ​യി പ്രയത്‌നി​ച്ച​ശേഷം ഒരു യുവാവ്‌ വീണ്ടും ആ തെററിൽ അകപ്പെട്ടു. അയാൾ ഇപ്രകാ​രം ഏററു​പ​റഞ്ഞു: “അത്‌ എന്നെ ഞെരു​ക്കുന്ന ഒരു ഭാരം പോ​ലെ​യാ​യി​രു​ന്നു. ഞാൻ ഒന്നിനും കൊള്ളാ​ത്ത​വ​നാ​ണെന്ന്‌ എനിക്കു തോന്നി. ഞാൻ ഇങ്ങനെ ന്യായ​വാ​ദം ചെയ്‌തു: ‘ഞാൻ അങ്ങേയ​ററം പോയി​രി​ക്കു​ന്നു. എനിക്ക്‌ ഏതായാ​ലും യഹോ​വ​യു​ടെ അനു​ഗ്ര​ഹ​മില്ല, അതു​കൊണ്ട്‌ ഞാൻ എന്തിന്‌ എന്നോ​ടു​തന്നെ ഇത്ര കർക്കശ​നാ​വണം?’” എന്നിരു​ന്നാ​ലും അത്തര​മൊ​രു പുനഃ​പ​തനം ഒരുവൻ പോരാ​ട്ട​ത്തിൽ പാടെ പരാജ​യ​പ്പെ​ട്ടി​രി​ക്കു​ന്നു​വെന്ന്‌ അർത്ഥമാ​ക്കു​ന്നില്ല. അഞ്ചു​കൊ​ല്ല​ക്കാ​ലം ഈ ദുശ്ശീ​ല​ത്തി​നെ​തി​രെ പോരാ​ടിയ ഒരു 19 വയസ്സു​കാ​രി ഇപ്രകാ​രം വിശദീ​ക​രി​ച്ചു: “ആദ്യ​മൊ​ക്കെ ഏതാണ്ട്‌ എല്ലാരാ​ത്രി​യി​ലും അതു സംഭവി​ച്ചു, എന്നാൽ പിന്നീട്‌ ഞാൻ യഹോ​വ​യിൽ കൂടു​ത​ലാ​യി ആശ്രയി​ക്കാൻ തുടങ്ങി, അവന്റെ ആത്മാവി​ന്റെ സഹായ​ത്താൽ ഇപ്പോൾ ഒരു വർഷം ഞാൻ ഒരു പക്ഷേ ഒരു ആറു പ്രാവ​ശ്യം പരാജ​യ​പ്പെ​ടു​ന്നു. അതിനു​ശേഷം എനിക്ക്‌ വല്ലാത്ത വിഷമം തോന്നു​ന്നു. എന്നാൽ ഓരോ പരാജ​യ​ത്തി​നു​ശേ​ഷ​വും അടുത്ത പ്രലോ​ഭ​ന​മു​ണ്ടാ​കു​മ്പോൾ ഞാൻ കൂടുതൽ ശക്തയാണ്‌.” അതു​കൊണ്ട്‌ സാവകാ​ശം അവൾ അവളുടെ പോരാ​ട്ട​ത്തിൽ വിജയി​ക്കു​ക​യാണ്‌.

ഒരു പുനഃ​പ​തനം സംഭവി​ക്കു​മ്പോൾ എന്താണ്‌ അതി​ലേക്ക്‌ നയിച്ച​തെന്ന്‌ അപഗ്ര​ഥി​ക്കുക. ഒരു വീഴ്‌ച സംഭവി​ച്ച​പ്പോൾ ഒരു യുവതി ഇപ്രകാ​രം സമ്മതി​ച്ചു​പ​റഞ്ഞു: “ഞാൻ ക്ഷമയ്‌ക്കു​വേണ്ടി യാചി​ക്കു​ക​യും ഞാൻ എന്താണ്‌ വായി​ച്ചു​കൊണ്ട്‌ അല്ലെങ്കിൽ ചിന്തി​ച്ചു​കൊ​ണ്ടി​രു​ന്നത്‌ എന്ന്‌ പരി​ശോ​ധി​ക്കു​ക​യും ചെയ്യുന്നു. ഏതാണ്ട്‌ എല്ലായ്‌പ്പോ​ഴും​തന്നെ ഞാൻ വീണതി​ന്റെ കാരണം എനിക്ക്‌ കണ്ടുപി​ടി​ക്കാൻ കഴിയു​ന്നു. അതുവഴി എനിക്ക്‌ അപ്രകാ​രം ചെയ്യു​ന്നത്‌ നിറു​ത്താ​നും തിരു​ത്താ​നും കഴിയു​ന്നു.” പുനഃ​പ​ത​ന​ത്തി​ന്റെ കാല​ദൈർഘ്യം കണക്കി​ലെ​ടു​ക്കു​ന്ന​തി​നാൽ ഒരു വ്യക്തിക്ക്‌ തന്റെ പുരോ​ഗ​തി​യെ നയിക്കാൻ കഴിയും.

ഒരു നല്ല പോരാ​ട്ട​ത്തി​ന്റെ പ്രതി​ഫ​ല​ങ്ങൾ

അവസാനം ഹസ്‌ത​മൈ​ഥു​ന​ത്തി​നെ​തി​രെ പോരാ​ടി വിജയി​ച്ച​പ്പോൾ ഒരു യുവാവ്‌ ഇപ്രകാ​രം പറഞ്ഞു: “അത്‌ എന്നിൽനിന്ന്‌ ഒരു വലിയ ഭാരം എടുത്തു​മാ​റ​റി​യ​തു​പോ​ലെ​യാ​യി​രു​ന്നു.” മറെറാ​രു ക്രിസ്‌തീയ യുവാവ്‌ ഇപ്രകാ​രം റിപ്പോർട്ടു​ചെ​യ്‌തു: “ആ പ്രശ്‌നം പരിഹ​രി​ക്കാൻ കഴിഞ്ഞ​തി​നു​ശേഷം എനിക്ക്‌ യഹോ​വ​യു​ടെ മുമ്പാകെ ഒരു നല്ല മനസ്സാക്ഷി ഉണ്ടായി​രി​ക്കാൻ കഴിയു​ന്നു, മറെറാ​ന്നി​നും​വേണ്ടി അതു വച്ചുമാ​റാൻ ഞാൻ ആഗ്രഹി​ക്കു​ന്നില്ല!”

അതെ, ഒരു നല്ല മനസ്സാക്ഷി, സ്വന്തം വ്യക്തി​ത്വ​ത്തി​ന്റെ വില​യെ​പ്പ​റ​റി​യുള്ള മെച്ചപ്പെട്ട ബോധം, നിങ്ങളു​ടെ സമയത്തി​ന്റെ​യും ഊർജ്ജ​ത്തി​ന്റെ​യും കൂടുതൽ മെച്ചപ്പെട്ട ഉപയോ​ഗം, ലൈം​ഗിക അധാർമ്മി​ക​ത​യിൽ ഉൾപ്പെ​ടു​ന്ന​തി​നുള്ള കുറഞ്ഞ സാദ്ധ്യത, ദൈവ​വു​മാ​യുള്ള കൂടുതൽ അടുത്ത ബന്ധം, ഇവയെ​ല്ലാം ഹസ്‌ത​മൈ​ഥു​ന​ത്തി​നെ​തി​രെ ഒരു നല്ല പോരാ​ട്ടം നടത്തു​ന്ന​തി​ന്റെ പ്രതി​ഫ​ല​ങ്ങ​ളാണ്‌. സ്വയം​ഭോ​ഗ​ത്തിന്‌ “അടിമ​യാ​യി” എന്ന്‌ കരുതി​യി​രുന്ന ഒരു യുവതി ഇപ്രകാ​രം പറഞ്ഞു: “എന്നോ​ടു​ത​ന്നെ​യുള്ള വളരെ നാളത്തെ പോരാ​ട്ട​ത്തി​നു​ശേഷം എന്നെത്തന്നെ ‘നിയ​ന്ത്രി​ക്കാൻ’ കഴിയു​ന്ന​തി​നാൽ ഞാൻ വളരെ സന്തോഷം അനുഭ​വി​ക്കു​ന്നു. യഹോവ വെറു​ക്കു​ന്ന​തി​നെ വെറു​ക്കു​ന്ന​തി​ന്റെ പ്രാധാ​ന്യം ഇപ്പോ​ഴെ​നി​ക്ക​റി​യാം. ഏററം വലിയ സഹായം അവനു​മാ​യുള്ള എന്റെ ബന്ധത്തെ​പ്പ​ററി ധ്യാനി​ക്കു​ന്ന​താ​യി​രു​ന്നു. എനിക്കു​ണ്ടാ​യി​രു​ന്ന​തി​ലേ​ക്കും ഏററം വലിയ ബന്ധത്തെ നശിപ്പി​ക്കാൻ ഹസ്‌ത​മൈ​ഥു​നത്തെ അനുവ​ദി​ക്കു​ന്നത്‌ എത്ര വലിയ വിഡ്‌ഢി​ത്ത​മാ​യി​രി​ക്കു​മെന്ന്‌ ഞാൻ കണ്ടു. എന്നെ വിശ്വ​സി​ക്കു, ഈ ശീലത്തി​നെ​തി​രെ​യുള്ള പോരാ​ട്ട​ത്തിൽ നാം ചെയ്യുന്ന ഏതു ശ്രമവും അതിനു തക്ക വിലയു​ള്ള​താണ്‌.” ഈ വിധത്തി​ലും ഒരുവൻ 1 കൊരി​ന്ത്യർ 9:25-27-ലെ അപ്പോ​സ്‌ത​ല​നായ പൗലോ​സി​ന്റെ ബുദ്ധി​യു​പ​ദേശം അനുസ​രി​ക്കണം, അതു ഭാഗി​ക​മാ​യി ഇങ്ങനെ പറയുന്നു: “മററു​ള്ള​വ​രോ​ടു പ്രസം​ഗി​ച്ച​ശേഷം ഞാൻതന്നെ കൊള്ള​രു​താ​ത്ത​വ​നാ​യി പോകാ​തി​രി​ക്കേ​ണ്ട​തിന്‌ ഞാൻ എന്റെ ശരീരത്തെ ദണ്ഡിപ്പിച്ച്‌ അടിമ​യാ​ക്കു​ക​യ​ത്രേ ചെയ്യു​ന്നത്‌.” (g88 3/8)

[അടിക്കു​റി​പ്പു​കൾ]

[23-ാം പേജിലെ ചതുരം]

ഹസ്‌തമൈഥുനത്തിന്റെ ശീലത്തി​നെ​തി​രെ വിജയ​ക​ര​മാ​യി പോരാ​ടു​ന്ന​തിന്‌ ആവശ്യ​മാ​യി​രി​ക്കു​ന്നത്‌ (1) കാമ ചിന്തകൾ ഒഴിവാ​ക്കുക, (2) നല്ല പഠനശീ​ല​ങ്ങ​ളി​ലൂ​ടെ ആത്മീയ പോരാ​ട്ടം നടത്തുക, (3) തക്ക സമയത്ത്‌ സഹായ​ത്തി​നു​വേണ്ടി ദൈവ​ത്തോ​ടു പ്രാർത്ഥി​ക്കുക, (4) ചിലരു​ടെ സംഗതി​യിൽ പ്രശ്‌ന​ത്തെ​പ്പ​ററി പക്വത​യുള്ള ഒരു ക്രിസ്‌ത്യാ​നി​യോട്‌ സംസാ​രി​ക്കു​ക