ബൈബി​ളി​ന്റെ വീക്ഷണം

നിങ്ങളു​ടെ മതം ദൈവ​ത്തി​നു കൊള്ളാ​വു​ന്ന​തോ?

“ഇവിടെ ഓരോ​രു​ത്ത​നും അവനവന്റെ സ്വന്തം രീതി​യിൽ രക്ഷിക്ക​പ്പെ​ടാൻ കഴിയും,” എന്ന്‌ പ്രഷ്യ​യി​ലെ മഹാനായ ഫ്രെഡ​റിക്ക്‌ തന്റെ രാജ്യത്തെ മതസഹി​ഷ്‌ണു​ത​യെ​ക്കു​റിച്ച്‌ വീമ്പി​ളക്കി. ഇപ്പോൾ, രണ്ടു ശതാബ്ദ​ങ്ങൾക്കു​ശേഷം, ജർമ്മൻകാർ, എല്ലാ മതങ്ങളും കേവലം ഒരേ ദൈവ​ത്തി​ങ്ക​ലേക്ക്‌ വ്യത്യസ്‌ത മാർഗ്ഗ​ങ്ങ​ളി​ലുള്ള സമീപ​ന​മാണ്‌ എന്ന്‌ തെളി​യി​ക്കാൻവേണ്ടി അദ്ദേഹ​ത്തി​ന്റെ വാക്കുകൾ വിശു​ദ്ധ​ഗ്രന്ഥം എന്നപോ​ലെ ഉദ്ധരി​ക്കു​ന്നു.

‘എന്നിരു​ന്നാ​ലും,’ ‘ഒരു ദൈവ​മേ​യു​ള്ളു, അല്ലേ?’ എന്ന്‌ അവർ വാദി​ക്കു​ന്നു. അങ്ങനെ​യാ​ണെ​ങ്കിൽ, ഒരേ ദൈവ​ത്തി​ങ്ക​ലേ​ക്കെന്നു സങ്കൽപ്പി​ക്ക​പ്പെ​ടുന്ന ഈ വിവിധ മാർഗ്ഗങ്ങൾ അവനെ​സം​ബ​ന്ധിച്ച്‌ പരസ്‌പ​ര​വി​രു​ദ്ധ​ങ്ങ​ളായ കാര്യങ്ങൾ പഠിപ്പി​ക്കു​ന്ന​തെ​ന്തു​കൊണ്ട്‌? ഇത്‌, അവൻ “ക്രമരാ​ഹി​ത്യ​ത്തി​ന്റെയല്ല, പിന്നെ​യൊ സമാധാ​ന​ത്തി​ന്റെ ദൈവ​മാണ്‌” എന്നതി​നോട്‌ എങ്ങനെ യോജി​ക്കു​ന്നു?—1 കൊരി​ന്ത്യർ 14:33.

അനേകം “ദൈവ​ങ്ങ​ളും” അനേകം “കർത്താ​ക്കൻമാ​രും”?

ക്രിസ്‌തീയ അപ്പോ​സ്‌ത​ല​നായ പൗലോസ്‌, “ഒരു ദൈവം മാത്ര​മേ​യു​ള്ളു . . . എന്ന്‌ നാം അറിയു​ന്നു” എന്ന്‌ പറയു​ക​തന്നെ ചെയ്‌തു എന്നത്‌ സത്യം തന്നെ. എന്നാൽ അവന്റെ വിശദീ​ക​രണം ശ്രദ്ധി​ക്കുക: “എന്തു​കൊ​ണ്ടെ​ന്നാൽ, അനേകം ‘ദൈവ​ങ്ങ​ളും’ അനേകം ‘കർത്താ​ക്കൻമാ​രും’ ഉള്ളതു​പോ​ലെ തന്നെ ആകാശ​ത്തി​ലൊ ഭൂമി​യി​ലൊ ‘ദൈവങ്ങൾ’ എന്നു വിളി​ക്ക​പ്പെ​ടു​ന്നവർ ഉണ്ടെന്നു​വ​രി​കി​ലും യഥാർത്ഥ​ത്തിൽ നമുക്ക്‌ പിതാ​വായ ഏക​ദൈ​വ​മേ​യു​ള്ളു.” (1 കൊരി​ന്ത്യർ 8:4-6) വ്യക്തമാ​യും, ചില ആളുകൾ അസ്‌തി​ത്വ​ത്തി​ലി​ല്ലാത്ത ദൈവ​ങ്ങളെ ആരാധി​ക്കു​ന്നു എന്നതാണ്‌ പൗലോ​സി​ന്റെ വാദം. എന്നാൽ ക്രിസ്‌ത്യാ​നി​കൾ ആരാധന അർഹി​ക്കുന്ന, “യഹോ​വ​യെന്നു നാമമു​ള്ള​വ​നായ” ഒരു ദൈവം മാത്ര​മേ​യു​ള്ളു എന്ന്‌ പരിഗ​ണി​ക്കു​ന്നു.—സങ്കീർത്തനം 83:18.

“പിതാ​വായ ഏക​ദൈവം”

തന്റെ കുട്ടി​ക​ളു​ടെ ക്ഷേമത്തിൽ തൽപ്പര​നും അവരെ അപകട​ത്തിൽ നിന്ന്‌ സംരക്ഷി​ക്കു​ന്ന​തിന്‌ ആഗ്രഹ​മു​ള്ള​വ​നു​മാ​യി​രി​ക്കുന്ന ഒരു മാനുഷ പിതാവ്‌ അവർക്ക്‌ പിൻപ​റ​റു​ന്ന​തി​നുള്ള മാർഗ്ഗ​നിർദ്ദേ​ശ​ങ്ങ​ളും തത്വങ്ങ​ളും വെക്കുന്നു. അവൻ അവരുടെ വ്യക്തി​പ​ര​മായ ആവശ്യ​ങ്ങ​ളും പരിമി​തി​ക​ളും സ്‌നേ​ഹ​പൂർവം പരിഗ​ണി​ക്കു​മ്പോൾ തന്നെ, അവൻ എല്ലാവ​രും ഒരേ പ്രമാ​ണങ്ങൾ അനുസ​രി​ക്കു​ന്ന​തിന്‌ ആവശ്യ​പ്പെ​ടും.

മനുഷ്യ​വർഗ്ഗ​ത്തി​ന്റെ സ്വർഗ്ഗീയ പിതാവ്‌ ഓരോ ആളെയും ഓരോ വ്യത്യസ്‌ത വ്യക്തി​യാ​യി വീക്ഷി​ക്കു​മ്പോൾതന്നെ, തന്റെ എല്ലാ സൃഷ്ടി​ക​ളും ഒരേ നിയമങ്ങൾ അനുസ​രി​ക്കു​ന്ന​തി​നും ഒരേ തത്വങ്ങൾക്കു ചേർച്ച​യാ​യി ജീവി​ക്കു​ന്ന​തി​നും ആവശ്യ​പ്പെ​ടു​ന്നു. ഈ തത്വങ്ങൾ വ്യക്തി​തോ​റും രാജ്യം തോറും വ്യത്യാ​സ​പ്പെ​ടു​ന്നില്ല. ഏതായാ​ലും ഒരു കത്തോ​ലി​ക്കൻ ഒരു ഗർഭച്ഛി​ദ്രം നടത്തു​ന്നത്‌ പാപമാ​ണെ​ങ്കിൽ, ഒരു സ്വതന്ത്ര പ്രൊ​ട്ട​സ്‌റ​റൻറ്‌ അംഗത്തെ സംബന്ധിച്ച്‌ അത്‌ കുറഞ്ഞ തോതി​ലേ പാപമാ​യി​രി​ക്കു​ക​യു​ള്ളോ? ഒരു അമേരി​ക്കൻ മൗലി​ക​വാ​ദിക്ക്‌ ലഹരി​പാ​നീ​യങ്ങൾ കുടി​ക്കു​ന്നത്‌ പാപമാ​ണെ​ങ്കിൽ ബിയറോ വീഞ്ഞോ ആഹാര​ത്തോ​ടു​കൂ​ടെ കഴിക്കുന്ന യൂറോ​പ്യൻ കത്തോ​ലി​ക്ക​നേ​സം​ബ​ന്ധിച്ച്‌ അത്‌ അത്രതന്നെ പാപമല്ലേ?

ഫലങ്ങൾ സത്യമ​തത്തെ നിർണ്ണ​യി​ക്കു​ന്നു

ക്രി. മു. എട്ടാം നൂററാ​ണ്ടിൽ വടക്കേ പത്തു​ഗോ​ത്ര യിസ്രാ​യേൽരാ​ജ്യം അസ്സീറി​യ​യ്‌ക്ക്‌ കീഴട​ങ്ങിയ ശേഷം അസ്സീറി​യൻ പ്രദേ​ശ​ത്തി​ന്റെ മററു ഭാഗങ്ങ​ളിൽനി​ന്നുള്ള ആളുകൾ ശമര്യ​യി​ലേക്കു മാററി പാർപ്പി​ക്ക​പ്പെട്ടു. ഈ പുതിയ നിവാ​സി​കൾ “തങ്ങളുടെ മുൻ മതങ്ങൾക്ക​നു​സൃ​ത​മാ​യി പ്രവർത്തി​ക്കു​ന്ന​തിൽ” തുടർന്നു. എന്നാൽ ഈ മതങ്ങൾ സത്യ​ദൈ​വ​മായ യഹോ​വയെ സമീപി​ക്കു​ന്ന​തി​നുള്ള വ്യത്യസ്‌ത മാർഗ്ഗ​ങ്ങ​ളാ​യി​രു​ന്നോ? അല്ലായി​രു​ന്നു, എന്തു​കൊ​ണ്ടെ​ന്നാൽ വാക്യം വ്യക്തമാ​യി ഇങ്ങനെ പറയുന്നു: “യഹോ​വയെ ഭയപ്പെ​ടുന്ന ആരുമി​ല്ലാ​യി​രു​ന്നു, അവന്റെ ചട്ടങ്ങളും ന്യായ​ത്തീർപ്പു​ക​ളു​മ​നു​സ​രി​ച്ചു പ്രവർത്തി​ക്കുന്ന ആരുമി​ല്ലാ​യി​രു​ന്നു.”—2 രാജാ​ക്കൻമാർ 17:34.

യുക്ത്യാ​നു​സൃ​തം, ദൈവ​നി​യ​മ​ങ്ങളെ അവഗണി​ക്കുന്ന മതങ്ങൾക്ക്‌ ദൈവത്തെ പ്രസാ​ദി​പ്പി​ക്കാൻ കഴിക​യില്ല. ഇതിൽ യേശു പ്രസ്‌താ​വിച്ച തത്വം ഉൾപ്പെ​ട്ടി​രി​ക്കു​ന്നു: “നിങ്ങൾക്ക്‌ നിങ്ങളു​ടെ ഇടയിൽത്തന്നെ സ്‌നേ​ഹ​മു​ണ്ടെ​ങ്കിൽ അതിനാൽ നിങ്ങൾ എന്റെ ശിഷ്യൻമാ​രാ​ണെന്ന്‌ എല്ലാവ​രും അറിയും.” ഒരു മതത്തിലെ അംഗങ്ങൾക്ക്‌ സത്യമ​ത​ത്തി​ന്റെ ഈ തിരി​ച്ച​റി​യൽ ഫലം ഇല്ലെങ്കിൽ അതിന്‌ “സ്‌നേ​ഹ​മാ​യി​രി​ക്കുന്ന ദൈവ”ത്തെ എങ്ങനെ പ്രതി​നി​ധാ​നം ചെയ്യാൻക​ഴി​യും?—യോഹ​ന്നാൻ 13:35; 1 യോഹ​ന്നാൻ 4:8.

ഏകസത്യ​ദൈ​വ​ത്തെ പ്രതി​നി​ധാ​നം​ചെ​യ്യുന്ന ഒരു മതം അവനെ​പ്പോ​ലെ സ്‌നേ​ഹ​വും സന്തോ​ഷ​വും സമാധാ​ന​വും ദീർഘ​ക്ഷ​മ​യും ദയയും നൻമയും സൗമ്യ​ത​യും ആത്മനി​യ​ന്ത്ര​ണ​വു​മുള്ള ആളുകളെ ഉളവാ​ക്കേ​ണ്ട​താണ്‌. (ഗലാത്യർ 5:22, 23) അത്‌ നടത്തയും ധാർമ്മി​ക​ത​യും​സം​ബ​ന്ധിച്ച അവന്റെ പ്രമാ​ണ​ങ്ങളെ ദൃഢമാ​യി ഉയർത്തി​പ്പി​ടി​ക്കുന്ന ഉറച്ച വിശ്വാ​സ​മുള്ള ആളുകളെ ഉളവാ​ക്കേ​ണ്ട​താണ്‌. “അവരുടെ ഫലങ്ങളാൽ നിങ്ങൾ അവരെ തിരി​ച്ച​റി​യും,” എന്ന്‌ ഒരു വൃക്ഷത്തി​ന്റെ ദൃഷ്‌ടാ​ന്തം ഉപയോ​ഗി​ച്ചു​കൊണ്ട്‌ യേശു പറഞ്ഞു. ‘ദൈവ​ത്തി​ന്റെ ഇഷ്ടം ചെയ്യു​ന്ന​വർക്കു മാത്രമേ ദൈവ​രാ​ജ്യ​ത്തിൽ പ്രവേ​ശി​ക്കാൻ കഴിയു​ക​യു​ള്ളു.’ ഒരു മതം ചീത്തഫ​ലങ്ങൾ പുറ​പ്പെ​ടു​വി​ക്കുന്ന ആളുകളെ ഉൽപ്പാ​ദി​പ്പി​ക്കു​ന്നു​വെ​ങ്കിൽ അതിനെ നല്ലത്‌ എന്ന്‌ ശുപാർശ ചെയ്യു​ന്ന​തെ​ന്താണ്‌?—മത്തായി 7:16-23.

നിങ്ങ​ളോ​ടു തന്നേ ചോദി​ക്കുക: മിക്ക മതങ്ങളും കൊല്ലു​ന്നത്‌ തെററാ​ണെന്ന്‌ പഠിപ്പി​ക്കു​ന്നു. എന്നാൽ യുദ്ധത്തി​ന്റെ സമയത്ത്‌ അവയുടെ അംഗങ്ങൾ എന്തു ചെയ്യുന്നു? മിക്കതും വിവാഹം പവി​ത്ര​മായ ഒരു ഏർപ്പാ​ടാണ്‌ എന്ന്‌ പഠിപ്പി​ക്കു​ന്നു. എന്നാൽ വിവാ​ഹ​മോ​ചനം സംബന്ധി​ച്ചും വിവാ​ഹ​ത്തി​നു മുമ്പും വിവാ​ഹ​ത്തി​നു വെളി​യി​ലും ഉള്ള ലൈം​ഗി​കത സംബന്ധി​ച്ചും അവയിലെ അംഗങ്ങൾക്ക്‌ എന്തു രേഖയാ​ണു​ള്ളത്‌?

വാക്കുകൾ പ്രവൃ​ത്തി​കൾക്ക്‌ വിരുദ്ധം

ഒരു പൗരസ്‌ത്യ യൂറോ​പ്യൻ യൂണി​വേ​ഴ്‌സി​റ​റി​യി​ലെ ഒരു ഫിസി​ക്‌സ്‌ പ്രൊ​ഫസർ 1982-ൽ, യഹോ​വ​യു​ടെ ഒരു സാക്ഷി​യാ​യി​ത്തീർന്ന​പ്പോൾ ഇപ്രകാ​രം പറഞ്ഞു: “ആപേക്ഷിക സ്വാത​ന്ത്ര്യ​ത്തി​ന്റെ പരിധി​കളെ സംബന്ധിച്ച്‌ വ്യക്തമാ​യി നിർവ​ചി​ക്കാൻ പ്രാപ്‌ത​മായ ഒററ മതസ്ഥാ​പനം മാത്രമേ ഭൂമി​യി​ലു​ള്ളു എന്ന്‌ ഞാൻ കണ്ടെത്തി. യഹോ​വ​യു​ടെ സാക്ഷി​ക​ളോ​ടൊ​ത്തുള്ള എന്റെ പഠനസ​മ​യത്ത്‌ എനിക്ക്‌ പ്രത്യേ​കാൽ ബോധ്യ​മായ സംഗതി ഈ സംഘട​നക്ക്‌ അതിന്റെ അംഗങ്ങൾ ഈ അതിർത്തി​ക്കു​ള്ളിൽ നിൽക്കു​ന്ന​തിന്‌ ആവശ്യ​പ്പെ​ടാ​നുള്ള കരുത്തുണ്ട്‌ എന്ന വസ്‌തു​ത​യാണ്‌.”

മററു മതങ്ങൾക്ക്‌ അത്ര​ത്തോ​ളം പറയാൻ കഴിയു​മോ? ദൃഷ്ടാ​ന്ത​ത്തിന്‌, പോപ്പ്‌ ജോൺ പോൾ ll, 1986-ലെ അദ്ദേഹ​ത്തി​ന്റെ ക്രിസ്‌തു​മസ്സ്‌ സന്ദേശ​ത്തിൽ, “സ്‌നേ​ഹ​ത്തി​നു മാത്രമേ നമ്മുടെ ഗ്രഹത്തി​ന്റെ മുഖത്തെ മാററാൻ കഴിയു​ക​യു​ള്ളു” എന്ന്‌ പറഞ്ഞു​കൊണ്ട്‌ വിദ്വേ​ഷ​ത്തിന്‌ ഒരു അറുതി വരുത്താൻ ആവശ്യ​പ്പെട്ടു. എന്നാൽ കത്തോ​ലി​ക്കാ​സഭ അതിന്റെ സ്വന്തം അണിക​ളിൽ ഇത്‌ നേടു​ന്ന​തിൽ എത്രമാ​ത്രം വിജയി​ച്ചി​ട്ടുണ്ട്‌? എല്ലാ മതങ്ങളും “സമാധാ​ന​ത്തി​ന്റെ ദൈവ​ത്തി​ങ്ക​ലേ​ക്കുള്ള” വ്യത്യസ്‌ത മാർഗ്ഗങ്ങൾ മാത്ര​മാ​ണെ​ങ്കിൽ അവയുടെ അംഗങ്ങ​ളിൽ ഇത്ര കുറച്ചു സമാധാ​നം കണ്ടെത്ത​പ്പെ​ടു​ന്നത്‌ എന്തു​കൊണ്ട്‌?—ഫിലി​പ്യർ 4:9.

അവർ ഉത്തരം കണ്ടെത്തി

കുർട്ട്‌ തന്റെ മതത്തിൽ നിരു​ത്സാ​ഹി​ത​നാ​യി​ത്തീർന്നു, എന്തു​കൊ​ണ്ടെ​ന്നാൽ അത്‌ “മിക്കവാ​റും എല്ലാറ​റി​നും മാപ്പു​കൊ​ടു​ക്കു​ക​യും ദൈവ​വ​ച​ന​ത്തി​ന്റെ ഗൗരവ​പൂർവ​മായ പഠനത്തെ അവഗണി​ക്കു​ക​യും ചെയ്‌തു.” തന്റെ പാസ്‌ററർ ബൈബി​ളി​നെ​പ്പോ​ലും വിശ്വ​സി​ക്കു​ന്നി​ല്ലെന്ന്‌ ഡയെററർ കണ്ടെത്തി​യ​പ്പോൾ അയാൾ ഞെട്ടി​പ്പോ​യി. ഗുണ്ടർ “ദൈവത്തെ സേവി​ക്കു​ന്ന​തിൽ കേവലം പ്രസം​ഗങ്ങൾ ശ്രദ്ധി​ക്കു​ക​യും പാട്ടുകൾ പാടു​ക​യും ചെയ്യു​ന്ന​തി​ലും അധികം ഉൾപ്പെ​ട്ടി​രി​ക്കണം” എന്ന്‌ വിചാ​രി​ച്ചു. ഈ മൂന്നു​പേ​രും ഇപ്പോൾ യഹോ​വ​യു​ടെ സാക്ഷി​ക​ളാൽ നടത്ത​പ്പെ​ടുന്ന വിപു​ല​മായ ബൈബിൾ പരിശീ​ലന പരിപാ​ടി​യിൽ സംബന്ധി​ച്ചു​കൊണ്ട്‌ സംതൃ​പ്‌തി കണ്ടെത്തു​ന്നു.

‘ഓരോ​രു​ത്ത​നും അവനവന്റെ സ്വന്തം മാർഗ്ഗ​ത്തിൽ രക്ഷപ്പെ​ടാൻ കഴിയും’ എന്നു വിശ്വ​സി​ക്കു​ന്ന​തി​ലേക്ക്‌ നിങ്ങളെ വഴി​തെ​റ​റി​ക്കാൻ ലോക​ത്തി​ന്റെ ചിന്തയെ അനുവ​ദി​ക്ക​രുത്‌. ബൈബിൾ അദ്ധ്യയനം ഏകസത്യ​ദൈ​വ​മായ യഹോ​വ​യെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറിച്ച്‌ കൂടുതൽ പഠിക്കു​ന്ന​തിന്‌ നിങ്ങളെ സഹായി​ക്കും. അത്‌ യോഗ്യ​മാ​യി അവനെ പ്രതി​നി​ധാ​നം​ചെ​യ്യുന്ന ഏകസത്യ​മ​ത​ത്തി​ലേ​ക്കും നിങ്ങളെ നയിക്കും. (g88 3/8)