ചെറു​പ്പ​ക്കാർ ചോദി​ക്കു​ന്നു . . .

സ്വയം​ഭോ​ഗം എത്ര ഗൗരവ​മു​ള്ള​താണ്‌?

“ദൈവ​ത്തി​ന്റെ ദൃഷ്‌ടി​യിൽ സ്വയം​ഭോ​ഗം തെറ്റാ​ണോ എന്ന്‌ ഞാൻ സംശയി​ക്കു​ന്നു. ഞാൻ എന്നെങ്കി​ലും വിവാഹം കഴിക്കു​ന്നെ​ങ്കിൽ അത്‌ എന്റെ ശാരീ​രി​ക​മോ മാനസി​ക​മോ ആയ ആരോ​ഗ്യ​ത്തെ ബാധി​ക്കു​മോ?”—15 വയസ്സുള്ള മെലിസ്സ.

ഈ ചോദ്യ​ങ്ങൾ അനേക ചെറു​പ്പ​ക്കാ​രെ ബാധി​ച്ചി​ട്ടുണ്ട്‌. കാരണ​മെ​ന്താണ്‌? ലൈം​ഗിക പ്രേര​ണ​യു​ള​വാ​ക്കുന്ന ഏകാ​ഗ്ര​മായ സ്വാനു​പ്ര​ചോ​ദനം അല്ലെങ്കിൽ സ്വയം​ഭോ​ഗം വിപുല വ്യാപ​ക​മാണ്‌. 21 വയസ്സാ​കു​ന്ന​തോ​ടെ 97 ശതമാനം പുരു​ഷൻമാ​രും 90 ശതമാ​ന​ത്തി​ല​ധി​കം സ്‌ത്രീ​ക​ളും സ്വയം​ഭോ​ഗ​ത്തി​ലേർപ്പെ​ടു​ന്ന​താ​യി റിപ്പോർട്ടു ചെയ്‌തി​ട്ടുണ്ട്‌. കൂടാതെ, ഈ പ്രവർത്തനം പല അസ്വസ്ഥ​ത​കൾക്കും കാരണ​മാ​ണെ​ന്നും പറയ​പ്പെ​ടു​ന്നു—അരിമ്പാ​റ​യും ചെങ്കണ്ണും മുതൽ ചുഴലി​ദീ​ന​വും ഭ്രാന്തും വരെ.

എന്നാൽ സ്വയം​ഭോ​ഗം ഏതെങ്കി​ലും ശാരീ​രിക രോഗ​ത്തി​നി​ട​യാ​ക്കു​ന്ന​താ​യി ഏതെങ്കി​ലും ആധുനിക വൈദ്യ​ശാ​സ്‌ത്ര പഠനങ്ങൾ ഇതുവരെ തെളി​യി​ച്ചി​ട്ടില്ല. ഗവേഷ​ക​രാ​യി​രി​ക്കുന്ന വില്യം മാസ്‌റ്റേ​ഴ്‌സും വിർജീ​നിയ ജോൺസ​നും കൂട്ടി​ച്ചേർക്കു​ന്നു: “എത്ര കൂടെ​ക്കൂ​ടെ സ്വയം​ഭോ​ഗ​ത്തി​ലേർപ്പെ​ട്ടി​രു​ന്നാ​ലും അത്‌ മാനസിക രോഗ​ത്തി​ലേക്ക്‌ നയിക്കു​ന്നു എന്നതിനു യാതൊ​രു വൈദ്യ​ശാ​സ്‌ത്ര തെളി​വു​മില്ല.”

എന്നിരു​ന്നാ​ലും ഈ ശീലത്തി​ന്റെ ഗൗരവം സംബന്ധിച്ച്‌ പല ക്രിസ്‌തീയ യുവാ​ക്ക​ളും ചിന്തയു​ള്ള​വ​രാണ്‌. “ഞാൻ സ്വയം​ഭോ​ഗം ചെയ്‌തു​ക​ഴി​ഞ്ഞ​പ്പോൾ ഞാൻ യഹോ​വയെ നിരാ​ശ​പ്പെ​ടു​ത്തു​ന്ന​താ​യി എനിക്കു തോന്നി. എനിക്കു​തന്നെ ചില​പ്പോൾ വലിയ നിരാശ തോന്നി​യി​ട്ടുണ്ട്‌” എന്ന്‌ ഒരു യുവാവ്‌ എഴുതി. മറ്റൊ​രു യുവാവ്‌ ഇപ്രകാ​രം ചോദി​ച്ചു: “സ്വയം​ഭോ​ഗം ക്ഷമകി​ട്ടാത്ത ഒരു പാപമാ​ണോ?

ബൈബിൾ എന്തു പറയുന്നു?

വിവാ​ഹ​ത്തി​നു​മു​മ്പുള്ള ലൈം​ഗി​ക​ബ​ന്ധ​വും (പരസം​ഗ​വും) സ്വവർഗ്ഗ സംഭോ​ഗ​വും വ്യഭി​ചാ​ര​വും മൃഗങ്ങ​ളു​മാ​യുള്ള സംഭോ​ഗ​വും പോലുള്ള ലൈം​ഗിക കുറ്റങ്ങൾ ബൈബി​ളിൽ ഗുരു​ത​ര​മായ പാപങ്ങൾ എന്ന നിലയിൽ സ്‌പഷ്ട​മാ​യി കുറ്റം വിധി​ച്ചി​ട്ടു​ണ്ടെ​ങ്കി​ലും സ്വയം​ഭോ​ഗ​ത്തെ​ക്കു​റി​ച്ചു പറഞ്ഞി​ട്ടില്ല. (ഉല്‌പത്തി 39:7-9; ലേവ്യ​പു​സ്‌തകം 18:20, 22, 23; 1 കൊരി​ന്ത്യർ 6:9, 10) ബൈബിൾ കാലങ്ങ​ളിൽ ഗ്രീക്ക്‌ ഭാഷ സംസാ​രി​ക്കു​ന്നി​ട​ങ്ങ​ളിൽ സ്വയം​ഭോ​ഗം സർവ്വസാ​ധാ​ര​ണ​മാ​യി​രു​ന്നു. അത്തരം കാര്യങ്ങൾ വർണ്ണി​ക്കു​ന്ന​തി​നു​വേണ്ടി നിരവധി ഗ്രീക്കു​വാ​ക്കു​കൾ ഉപയോ​ഗി​ച്ചി​ട്ടുണ്ട്‌. രസാവ​ഹ​മാ​യി, ഈ വാക്കു​ക​ളിൽ ഒന്നു​പോ​ലും ബൈബി​ളിൽ ഉപയോ​ഗി​ച്ചി​ട്ടില്ല.a

ബൈബി​ളിൽ സ്വയം​ഭോ​ഗത്തെ നേരിട്ട്‌ കുറ്റം വിധി​ച്ചി​ട്ടി​ല്ലാ​ത്ത​തി​നാൽ ഇത്‌ നിരു​പ​ദ്ര​വ​ക​ര​മാ​ണെന്ന്‌ ഇതിനർത്ഥ​മു​ണ്ടൊ? ഒരിക്ക​ലു​മില്ല! ദൈവി​ക​വീ​ക്ഷണം വിശിഷ്യ പരിഗ​ണി​ക്കാ​ത്ത​വർക്കു​പോ​ലും സ്വയം​ഭോ​ഗ​ത്തി​ലേർപ്പെ​ടു​ന്നത്‌ മനോ​വി​ഷ​മ​മു​ണ്ടാ​ക്കു​ന്നുണ്ട്‌. ഉദാഹ​ര​ണ​ത്തിന്‌ ലൈം​ഗിക പ്രവർത്ത​ന​ങ്ങ​ളോ​ടുള്ള ബന്ധത്തിൽ 625 കൗമാ​ര​പ്രാ​യ​ക്കാ​രു​ടെ​യി​ട​യിൽ നടത്തിയ ഒരു സർവ്വേ​യിൽ ഡോക്ടർ ആരോൻ ഹാസ്‌ ഇപ്രകാ​രം റിപ്പോർട്ടു ചെയ്‌തു: “സ്വയം​ഭോ​ഗ​ത്തി​ലേർപ്പെട്ട ചെറു​പ്പ​ക്കാ​രിൽ ഭൂരി​ഭാ​ഗ​ത്തി​നും കുറ്റ​ബോ​ധ​വും ലജ്ജയും വൃത്തി​കേ​ടും ഭോഷ​ത്വ​വും ക്ലേശവും വിഷമ​വും തോന്നി​യ​താ​യി റിപ്പോർട്ടു ചെയ്യ​പ്പെട്ടു.” നിശ്ചയ​മാ​യും സ്വയം​ഭോ​ഗം വൃത്തി​കെട്ട ഒരു ശീലമാണ്‌. എന്നാൽ ബൈബി​ള​നു​സ​രിച്ച്‌ “അശുദ്ധി” എന്ന പദം വളരെ ഗൗരവം അർഹി​ക്കുന്ന ഒരു പദമാ​യി​രി​ക്കു​ന്ന​തി​നാൽ പരസം​ഗ​മൊ മറ്റു തരത്തി​ലുള്ള വലിയ ദുർമ്മാർഗ്ഗ​മൊ പോലുള്ള ഗുരു​ത​ര​മായ പാപങ്ങ​ളിൽ സ്വയം​ഭോ​ഗം ഉൾപ്പെ​ടു​ത്തേ​ണ്ട​തില്ല.—എഫേസ്യർ 4:19.

എന്നിരു​ന്നാ​ലും വലിയ ലൈം​ഗിക ദുർമ്മാർഗ്ഗ​ത്തി​നെ​തി​രെ​യുള്ള ബൈബിൾ വിലക്കു​കൾ ആദരി​ക്കു​ന്നത്‌ അത്ര നിസ്സാ​ര​മ​ല്ലെന്ന്‌ ദൈവ​ത്തി​ന​റി​യാം. അതു​കൊണ്ട്‌ ലൈം​ഗി​ക​ദുർമാർഗ്ഗം ഒഴിവാ​ക്കേ​ണ്ട​തെ​ങ്ങ​നെ​യെ​ന്നതു സംബന്ധിച്ച്‌ ദൈവം ബുദ്ധി​യു​പ​ദേ​ശി​ക്കു​ന്നു. അവൻ ‘നിങ്ങളു​ടെ പ്രയോ​ജ​ന​ത്തി​നാ​യി നിങ്ങളെ ഉപദേ​ശി​ക്കു​ന്നു.’ (യെശയ്യാവ്‌ 48:17) ഈ വൃത്തി​കെട്ട ശീലത്തെ പ്രതി​രോ​ധി​ക്കു​ന്ന​തു​വഴി “നിങ്ങൾക്കു​തന്നെ പ്രയോ​ജനം ലഭിക്കു​ന്നു”വെന്ന്‌ അവന്റെ വചനത്തി​ലെ തത്വങ്ങൾ സൂചി​പ്പി​ക്കു​ന്നു. കാരണം ഇതു ഒന്നാമ​താ​യി . . .

“ലൈം​ഗിക തൃഷ്‌ണ” ഉണർത്തു​ന്നു

“അതു​കൊണ്ട്‌ ലൈം​ഗിക തൃഷ്‌ണ . . . സംബന്ധിച്ച്‌ നിങ്ങളു​ടെ ശരീരാ​വ​യ​വ​ങ്ങളെ മരിപ്പി​ക്കുക” എന്ന്‌ ബൈബിൾ പ്രോ​ത്‌സാ​ഹി​പ്പി​ക്കു​ന്നു. (കൊ​ലോ​സ്യർ 3:5) ഈ “ലൈം​ഗിക തൃഷ്‌ണ” യൗവനാ​രം​ഭ​ത്തിൽ മിക്ക ചെറു​പ്പ​ക്കാർക്കും തോന്നുന്ന നവ ലൈം​ഗിക വികാ​രമല്ല, അതി​നെ​ക്കു​റിച്ച്‌ മറ്റൊ​ന്നും തോ​ന്നേ​ണ്ട​തില്ല. എന്നാൽ ഈ വികാ​രങ്ങൾ വർദ്ധിച്ച്‌ ഒരുവന്റെ നിയ​ന്ത്രണം നഷ്‌ട​പ്പെ​ടു​മ്പോൾ ആ വ്യക്തി​യിൽ “ലൈം​ഗിക തൃഷ്‌ണ”യുണ്ട്‌. റോമർ 1:26, 27-ൽ പൗലോസ്‌ വർണ്ണി​ച്ചി​രി​ക്കു​ന്ന​തു​പോ​ലുള്ള വലിയ ലൈം​ഗിക ദുർമ്മാർഗ്ഗ​ത്തി​ലേക്ക്‌ അത്തരം ലൈം​ഗിക തൃഷ്‌ണ നയിച്ചി​ട്ടുണ്ട്‌.b

എന്നാൽ സ്വയം​ഭോ​ഗം ഇത്തരം മോഹ​ങ്ങളെ “മരിപ്പി​ക്കു”ന്നില്ലേ? ഒരു യുവാവ്‌ സമ്മതിച്ചു പറഞ്ഞ​പ്ര​കാ​രം, വസ്‌തുത തിരി​ച്ചാണ്‌: “നിങ്ങൾ ഹസ്‌ത​മൈ​ഥു​നം ചെയ്യു​മ്പോൾ നിങ്ങൾ മാനസി​ക​മാ​യി തെറ്റായ ആഗ്രഹ​ങ്ങ​ളിൽ സ്ഥിതി​ചെ​യ്യു​ക​യും ആ ആഗ്രഹ​ങ്ങ​ളോ​ടുള്ള വിശപ്പ്‌ വർദ്ധി​ക്കു​ക​യും ചെയ്യുന്നു.” ലൈം​ഗിക ഉല്ലാസം വർദ്ധി​പ്പി​ക്കു​ന്ന​തി​നു​വേണ്ടി പലപ്പോ​ഴും മറ്റാ​രെ​യെ​ങ്കി​ലും അധാർമ്മി​ക​മാ​യി സങ്കല്‌പി​ക്കാ​റുണ്ട്‌. (മത്തായി 5:27, 28) നിങ്ങൾ അതിനു പറ്റിയ സാഹച​ര്യ​ത്തി​ലാ​ണെ​ങ്കിൽ വളരെ​യെ​ളു​പ്പ​ത്തിൽ നിങ്ങൾ ദുർവൃ​ത്തി​യിൽ ഏർപ്പെ​ട്ടേ​ക്കാം. പരസം​ഗ​ത്തി​ലേർപ്പെ​ട്ട​ശേഷം ഒരു യുവാവ്‌ ഇപ്രകാ​രം വിലപി​ച്ചു​പ​റഞ്ഞു: “ഒരു പെൺകു​ട്ടി​യു​മാ​യി ലൈം​ഗിക ബന്ധത്തി​ലേർപ്പെ​ടാ​തെ സ്വയം​ഭോ​ഗ​ത്തി​ലേർപ്പെ​ട്ടാൽ എന്റെ നിരാശ ഇല്ലതാ​ക്കാൻ കഴിയു​മെന്ന്‌ ഞാൻ ഒരിക്കൽ വിചാ​രി​ച്ചു. എന്നാൽ ബന്ധപ്പെ​ടാ​നുള്ള ശക്തിമ​ത്തായ ഒരാ​ഗ്രഹം എന്നിൽ വികസി​ച്ചു​വന്നു.” സ്വയം​ഭോ​ഗ​ത്തി​ലേർപ്പെ​ടുന്ന ചെറു​പ്പ​ക്കാ​രിൽ നടത്തിയ ഒരു ദേശവ്യാ​പക പഠനം അവരിൽ മിക്കവ​രും പരസം​ഗ​ത്തി​ലേർപ്പെ​ടു​ന്ന​താ​യും വെളി​പ്പെ​ടു​ത്തി. അവരുടെ സംഖ്യ സ്വയം​ഭോ​ഗ​ത്തി​ലേർപ്പെ​ടാ​ത്ത​വ​രേ​ക്കാൾ 50 ശതമാനം കൂടു​ത​ലാണ്‌! അതു​കൊണ്ട്‌ ഈ ശീലം അവരുടെ “ലൈം​ഗിക തൃഷ്‌ണ”യെ ശമിപ്പി​ച്ചില്ല!

ധാർമ്മി​ക​മാ​യി അപകടം​പി​ടിച്ച ഒരു സാഹച​ര്യ​ത്തിൽ നിങ്ങൾക്കു നിങ്ങ​ളെ​ത്തന്നെ നിയ​ന്ത്രി​ക്കാൻ കഴിയു​മെന്ന്‌ തോന്നി​യാൽ പോലും സ്വയം​ഭോ​ഗ​ത്തി​ലൂ​ടെ ലൈം​ഗിക പ്രേരണ വർദ്ധി​പ്പി​ച്ചു​കൊണ്ട്‌ എന്തിന്‌ നിങ്ങ​ളെ​ത്തന്നെ പരീക്ഷി​ക്കണം? പരസം​ഗ​ത്തി​ലേർപ്പെ​ടാ​നുള്ള സാഹച​ര്യം ഉണ്ടായാൽ അതൊ​ഴി​വാ​ക്കാൻ നിങ്ങൾക്ക്‌ യഥാർത്ഥ​ത്തിൽ കഴിയു​മോ?

മാനസിക, വൈകാ​രിക അശുദ്ധി

സ്വയം​ഭോ​ഗം മാനസി​ക​മാ​യി അശുദ്ധ​മാ​ക്കുന്ന ചില വിചാ​രങ്ങൾ മനസ്സി​ലേക്ക്‌ പടിപ​ടി​യാ​യി കടത്തി​യേ​ക്കാം. (2 കൊരി​ന്ത്യർ 11:3 താരത​മ്യ​പ്പെ​ടു​ത്തുക.) ഈ ശീലം ഒരുവനെ തന്റെ ശരീരത്തെ ലൈം​ഗിക ഉല്ലാസ​ത്തി​നു​വേണ്ടി മാത്രം ഉപയോ​ഗി​ക്കാൻ പഠിപ്പി​ക്കു​ന്നു. സ്വയം​ഭോ​ഗ​ത്തി​ലേർപ്പെ​ടുന്ന സമയത്ത്‌ ഒരു വ്യക്തി തന്റെ സ്വന്തം ശാരീ​രിക വികാ​ര​ങ്ങ​ളിൽ മുഴു​കി​യി​രി​ക്ക​യാണ്‌—പൂർണ്ണ​മാ​യി തന്നിൽത്തന്നെ കേന്ദ്രീ​ക​രി​ച്ചി​രി​ക്ക​യാണ്‌. അപ്പോൾ ലൈം​ഗി​കത സ്‌നേ​ഹ​ത്തിൽനി​ന്നു വേർപെ​ടു​ക​യും പിരി​മു​റു​ക്ക​ത്തി​ന​യവു വരുത്തുന്ന ഒരു അനിച്ഛാ​വർത്ത​ന​മാ​യി തരംതാ​ഴ്‌ത്ത​പ്പെ​ടു​ക​യും​ചെ​യ്യു​ന്നു. എന്നാൽ ലൈം​ഗി​ക​ബ​ന്ധ​ങ്ങ​ളാൽ ലൈം​ഗി​കാ​ഗ്ര​ഹങ്ങൾ തൃപ്‌തി​പ്പെ​ടു​ത്താ​നാണ്‌ ദൈവം ഉദ്ദേശി​ച്ചത്‌. അത്‌ സ്‌ത്രീ​യും പുരു​ഷ​നും തമ്മിലുള്ള യഥാർത്ഥ​സ്‌നേ​ഹ​ത്തി​ന്റെ ഒരു പ്രകട​ന​മാണ്‌.—സദൃശ​വാ​ക്യ​ങ്ങൾ 5:15-19.

ഈ വീക്ഷണം നഷ്ടപ്പെ​ടു​ത്തു​ന്നെ​ങ്കിൽ അത്‌ വിപരീത ലിംഗ​വർഗ്ഗ​ത്തിൽപ്പെ​ട്ട​വ​രു​മാ​യുള്ള ഉചിത​മായ സ്‌നേ​ഹ​ബ​ന്ധ​ത്തിൽ പ്രശ്‌നങ്ങൾ സൃഷ്ടി​ച്ചേ​ക്കാം. അത്തരക്കാ​രെ സംവേ​ദ​ക​ത്വ​മുള്ള മനുഷ്യ​രെന്നു കാണു​ന്ന​തി​നു പകരം ലൈം​ഗിക ലക്ഷ്യക്കാ​രാ​യി വീക്ഷി​ച്ചേ​ക്കാം. ഒരാൾ മറ്റൊ​രാ​ളെ തന്റെ ലൈം​ഗിക തൃപ്‌തി​ക്കുള്ള ഒരുപ​ക​ര​ണ​മെന്ന നിലയിൽ ചൂഷണം ചെയ്‌തേ​ക്കാം. സ്വയം​ഭോ​ഗ​ത്തി​ലൂ​ടെ പഠിപ്പി​ച്ചി​രി​ക്കുന്ന അത്തരം തെറ്റായ മനോ​ഭാ​വങ്ങൾ ഒരുവന്റെ “ആത്മാവി​നെ” അല്ലെങ്കിൽ പ്രമു​ഖ​മായ മാനസിക ചായ്‌വി​നെ അശുദ്ധ​മാ​ക്കി​യേ​ക്കാം. ഈ കാരണ​ത്താൽ ദൈവ​വ​ചനം ഇപ്രകാ​രം പ്രോ​ത്സാ​ഹി​പ്പി​ക്കു​ന്നു: “പ്രിയരേ, നമുക്ക്‌ ജഡത്തി​ന്റെ​യും ആത്മാവി​ന്റെ​യും സകല മാലി​ന്യ​വും നീക്കി നമ്മെത്തന്നെ ശുദ്ധീ​ക​രി​ക്കാം.” (2 കൊരി​ന്ത്യർ 7:1) വിവാ​ഹ​ത്തി​നു​ശേഷം മിക്ക ദമ്പതി​ക​ളും സ്വയം​ഭോ​ഗം കൈവ​രു​ത്തിയ പ്രശ്‌ന​ങ്ങൾക്കുള്ള പരിഹാ​രം കണ്ടെത്തി​യേ​ക്കാ​മെ​ന്നതു സത്യം തന്നെ. എന്നാൽ ഈ പ്രശ്‌നങ്ങൾ എത്ര വിഷമം​പി​ടി​ച്ച​വ​യാ​ണെ​ന്നും എത്രമാ​ത്രം നിലനിൽക്കു​ന്ന​വ​യാ​ണെ​ന്നും അനേകം ഉദാഹ​ര​ണങ്ങൾ ചൂണ്ടി​ക്കാ​ണി​ക്കു​ന്നു. ഇതു പലപ്പോ​ഴും വിവാ​ഹ​ഇ​ണ​ക​ളു​ടെ യോജി​പ്പി​നെ ബാധി​ക്കാ​റുണ്ട്‌.

എന്നാൽ ഈ ദുഷിച്ച ശീലത്തെ മറിക​ട​ക്കാൻ ശ്രമി​ച്ചിട്ട്‌ പലപ്പോ​ഴും വിജയം ലഭിക്ക​യും അതേസ​മ​യം​തന്നെ ആ പ്രശ്‌നം വിട്ടു​മാ​റാ​തി​രി​ക്ക​യും ചെയ്യു​ന്നെ​ങ്കി​ലെന്ത്‌?

കുറ്റ​ബോ​ധ​ത്തെ​ക്കു​റി​ച്ചുള്ള ഒരു സന്തുലി​ത​വീ​ക്ഷ​ണം

നാം ഒരു പാപം ചെയ്‌താൽ അത്‌ പാപം​ത​ന്നെ​യാ​ണെ​ങ്കി​ലും ദൈവം നമ്മുടെ തെറ്റു​കളെ വ്യത്യസ്‌ത അനുപാ​ത​ത്തിൽ വീക്ഷി​ക്കു​ന്നു​വെ​ന്നും അവൻ വളരെ കരുണാ​ലു​വാ​ണെ​ന്നും ബൈബിൾ ചൂണ്ടി​ക്കാ​ണി​ക്കു​ന്നു. “എന്തു​കൊ​ണ്ടെ​ന്നാൽ, യഹോവേ, നീ നല്ലവനും ക്ഷമിക്കു​ന്ന​വ​നു​മാ​കു​ന്നു. നിന്നെ വിളി​ച്ച​പേ​ക്ഷി​ക്കു​ന്ന​വ​രോ​ടുള്ള നിന്റെ സ്‌നേ​ഹദയ വലുതാണ്‌.” (സങ്കീർത്തനം 86:5) ഒരു ക്രിസ്‌ത്യാ​നി സ്വയം​ഭോ​ഗ​ത്തി​നു വഴങ്ങു​മ്പോൾ അവന്റെ ഹൃദയം പലപ്പോ​ഴും തന്നെ കുറ്റ​പ്പെ​ടു​ത്തും. എന്നിരു​ന്നാ​ലും “ദൈവം നമ്മുടെ ഹൃദയ​ങ്ങ​ളെ​ക്കാൾ മഹാനാ​ണെ​ന്നും അവനു സകലതും അറിയാ​മെ​ന്നും” ബൈബിൾ പറയുന്നു. (1 യോഹ​ന്നാൻ 3:20) ദൈവം നമ്മുടെ പാപങ്ങൾ മാത്രമല്ല കാണു​ന്നത്‌. അവന്റെ അറിവി​ന്റെ മാഹാ​ത്മ്യം അവനെ നമ്മുടെ ആത്മാർത്ഥ​മായ ക്ഷമാപ​ണങ്ങൾ സഹാനു​ഭൂ​തി​യോ​ടെ കേൾക്കു​ന്ന​തി​നും പ്രാപ്‌ത​നാ​ക്കു​ന്നു. ഒരു യുവതി എഴുതിയ പ്രകാരം “ഒരളവു​വരെ എനിക്കു കുറ്റ​ബോ​ധം തോന്നി. എന്നാൽ ഞാൻ പരാജ​യ​പ്പെ​ടുന്ന അവസര​ങ്ങ​ളിൽ യഹോവ വളരെ സ്‌നേ​ഹാ​ലു​വാ​ണെ​ന്നും അവന്‌ എന്റെ ഹൃദയം വായി​ക്കു​ന്ന​തി​നും എന്റെ ശ്രമങ്ങ​ളും ആന്തരങ്ങ​ളും അറിയു​ന്ന​തി​നും കഴിയു​മെ​ന്നു​മുള്ള അറിവ്‌ മനോ​വ്യ​സ​ന​ത്തിൽ ആണ്ടു​പോ​കു​ന്ന​തിൽനിന്ന്‌ എന്നെ സംരക്ഷി​ക്കു​ന്നു.” സ്വയം​ഭോ​ഗ​ത്തി​നെ​തി​രെ പോരാ​ടു​ന്നെ​ങ്കിൽ പരസംഗം എന്ന ഗുരു​ത​ര​മായ പാപത്തി​ല​ക​പ്പെ​ടാ​നുള്ള സാദ്ധ്യത കുറവാണ്‌.

ഇതിന്റെ കൂട്ടു​മാ​സി​ക​യായ വീക്ഷാ​ഗോ​പു​ര​ത്തി​ന്റെ 1954 ഫെബ്രു​വരി 15-ലെ [ഇംഗ്‌ളീഷ്‌] ലക്കത്തിൽ ഇപ്രകാ​രം വിവരി​ക്കു​ക​യു​ണ്ടാ​യി: “നാം വിചാ​രി​ച്ചി​രു​ന്ന​തി​നെ​ക്കാൾ കൂടു​ത​ലാ​യി നമ്മുടെ പഴയ ജീവി​ത​രീ​തി​യെ അഗാധ​മാ​യി ബാധിച്ച ചില ദുഷിച്ച ശീലങ്ങൾ നിമിത്തം നമുക്ക്‌ പലപ്രാ​വ​ശ്യം വീഴ്‌ച സംഭവി​ക്കു​ന്ന​താ​യി നാം നമ്മെത്തന്നെ കണ്ടെത്തി​യേ​ക്കാം. അപ്പോൾ നാം വളരെ നിരാ​ശ​പ്പെ​ടു​ന്ന​തി​നും നാം വില​കെ​ട്ട​വ​രാ​ണെന്ന്‌ തോന്നു​ന്ന​തി​നു​മുള്ള സാദ്ധ്യ​ത​യുണ്ട്‌ . . . നിരു​ത്സാ​ഹ​പ്പെ​ട​രുത്‌. നിങ്ങൾ ക്ഷമ കിട്ടാത്ത വലി​യൊ​രു പാപം ചെയ്‌തെന്ന്‌ ഒരിക്ക​ലും സങ്കല്‌പി​ക്ക​രുത്‌. നിങ്ങൾ ആ വിധത്തിൽ ചിന്തി​ക്കാൻ സാത്താൻ ഇഷ്ടപ്പെ​ടും. നിങ്ങൾക്കു വിഷമ​വും അസ്വസ്ഥ​ത​യും തോന്നു​ന്ന​തു​തന്നെ നിങ്ങൾ ബഹുദൂ​രം പോയി​ട്ടില്ല എന്നതിന്റെ തെളി​വാണ്‌. എളിമ​യോ​ടും ആത്മാർത്ഥ​ത​യോ​ടും കൂടെ ദൈവ​ത്തി​ലേക്ക്‌ തിരി​യാൻ ഒരിക്ക​ലും മടിക്ക​രുത്‌. അവന്റെ സഹായ​വും ക്ഷമയും ശുദ്ധീ​ക​ര​ണ​വും തേടുക. വിഷമ​ത്തി​ലാ​യി​രി​ക്കുന്ന ഒരു കുട്ടി തന്റെ പിതാ​വി​ന്റെ​യ​ടു​ക്ക​ലേക്കു പോകു​ന്ന​തു​പോ​ലെ അവന്റെ​യ​ടു​ക്ക​ലേക്ക്‌ പോവുക. ഒരേ ബലഹീ​ന​ത​യ്‌ക്കു​വേണ്ടി എത്ര കൂടെ​ക്കൂ​ടെ അവനെ സമീപി​ച്ചാ​ലും അവൻ തന്റെ അനർഹദയ നിമിത്തം ഉദാര​മാ​യി സഹായ​മ​രു​ളും. നിങ്ങൾ ആത്മാർത്ഥ​മാ​യി യാചി​ക്കു​ന്നെ​ങ്കിൽ അവൻ നിങ്ങൾക്ക്‌ ഒരു ശുദ്ധമായ മനസ്സാ​ക്ഷി​യു​ണ്ടാ​യി​രി​ക്കാ​നി​ട​യാ​ക്കും.” (g87 9/8)

[അടിക്കു​റി​പ്പു​കൾ]

[21-ാം പേജിലെ ചിത്രം]

സ്വയംഭോഗം വലിയ കുറ്റ​ബോ​ധ​ത്തി​നി​ട​യാ​ക്കി​യേ​ക്കാ​മെ​ങ്കി​ലും ദൈവ​ത്തി​ന്റെ ക്ഷമയ്‌ക്കു​വേ​ണ്ടി​യുള്ള ആത്മാർത്ഥ​മായ പ്രാർത്ഥ​ന​യും ആ ശീലത്തെ ചെറു​ക്കാ​നുള്ള കഠിന​ശ്ര​മ​വും ഒരുവന്‌ നല്ലൊരു മനസ്സാക്ഷി നൽകി​യേ​ക്കാം.