ഒരു മുന്നറി​യിപ്പ്‌ അനുസ​രി​ക്കു​ന്നതു നിങ്ങളു​ടെ ജീവനെ രക്ഷി​ച്ചേ​ക്കാം

ഒരു മുന്നറി​യിപ്പ്‌ “സാവധാ​നം പോകുക” എന്നോ “സൂക്തി​ക്കുക” എന്നോ “വഴങ്ങുക” എന്നോ ഉള്ള ഒരു ട്രാഫിക്‌ നിർദ്ദേശം ആയിരു​ന്നേ​ക്കാം. അല്ലെങ്കിൽ അത്‌ മിന്നി​മ​റി​യുന്ന ഒരു മഞ്ഞ ലൈറ്റാ​യി​രി​ക്കാം. ഒരു മുന്നറി​യിപ്പ്‌ ഒരു മരുന്നു​കു​പ്പി​മേ​ലോ വിഷക്കു​പ്പി​മേ​ലോ കണ്ടേക്കാം. അങ്ങനെ​യുള്ള മുന്നറി​യിപ്പ്‌ അനുസ​രി​ക്കു​ന്നത്‌ വലിയ അസൗക​ര്യ​മല്ല, അതു നിങ്ങളു​ടെ ജീവനെ രക്ഷി​ച്ചേ​ക്കാം.

എന്നിരു​ന്നാ​ലും, ചില കേസു​ക​ളിൽ അത്‌ ആസൂ​ത്ര​ണ​ങ്ങ​ളു​ടെ തകർച്ച​യെ​യോ ഭൗതി​ക​സ്വ​ത്തു​ക്ക​ളു​ടെ നഷ്ടത്തെ​യോ അർത്ഥമാ​ക്കി​യേ​ക്കാം. കൊടു​ങ്കാ​റ്റോ ചുഴലി​ക്കാ​റ്റോ സംബന്ധിച്ച മുന്നറി​യി​പ്പു​കൾ കടൽത്തീ​ര​ത്തേക്കു മടങ്ങാ​നോ തുറമു​ഖ​ത്തു​തന്നെ കഴിഞ്ഞു​കൊണ്ട്‌ പണിക്കു​പോ​കാ​തി​രി​ക്കാ​നോ മീൻപി​ടു​ത്ത​ക്കാ​രോട്‌ ആവശ്യ​പ്പെ​ട്ടേ​ക്കാം. മുന്നറി​യി​പ്പു​കൾ ആസൂ​ത്ര​ണ​ങ്ങ​ളു​ടെ ഒരു തകർച്ചയെ മാത്രമല്ല, പിന്നെ​യോ വീടും സ്വത്തു​ക്ക​ളും ഉപേക്ഷി​ക്കേ​ണ്ടി​വ​രു​ന്ന​തി​നെ​യോ താൽക്കാ​ലിക അഭയ​കേ​ന്ദ്ര​ങ്ങ​ളിൽ അസൗക​ര്യ​ങ്ങൾ സഹി​ക്കേ​ണ്ടി​വ​രു​ന്ന​തി​നെ​യോ അർത്ഥമാ​ക്കി​യേ​ക്കാം. ചില​പ്പോൾ അങ്ങനെ​യുള്ള മുന്നറി​യി​പ്പു​കൾ ശ്രദ്ധി​ക്ക​പ്പെ​ടാ​തെ പോകു​ന്നു, തത്‌ഫ​ല​മാ​യി ജീവനഷ്ടം ഭവിക്കു​ന്നു.

ദൃഷ്ടാ​ന്ത​മാ​യി, 1902-മാണ്ടിലെ വസന്തത്തിൽ മാർട്ടി​നിക്ക്‌ എന്ന മനോ​ജ്ഞ​മായ കരീബി​യൻ ദ്വീപിൽ എല്ലാം ശുഭമാ​യി​രു​ന്നു. അങ്ങനെ​യി​രി​ക്കെ, ദ്വീപി​ലെ മുഖ്യ​ന​ഗ​ര​മായ സെൻറ്‌ പിയ​രേ​യിൽനിന്ന്‌ അഞ്ചു മൈൽ (8കി.മീ.) അകലെ​യുള്ള ഒരു അഗ്നിപർവ്വ​ത​മായ മൗണ്ട്‌ പെലീ സജീവ​മാ​യ​തോ​ടെ അപകട​മു​ന്ന​റി​യി​പ്പു​കൾ പ്രത്യ​ക്ഷ​പ്പെട്ടു തുടങ്ങി. ഒടുവിൽ പുകയും ചാരവും പാറക്ക​ഷ​ണ​ങ്ങ​ളും രൂക്ഷമായ ആവി​യോ​ടെ പുറത്തു​ചാ​ടാൻ തുടങ്ങി​യ​പ്പോൾ പട്ടണവാ​സി​കൾ ഭയപ്പെ​ടാൻ തുടങ്ങി. അവസ്ഥകൾ വഷളാ​യി​ക്കൊ​ണ്ടി​രു​ന്നു. യഥാർത്ഥ അപകടം സ്‌പഷ്ട​മാ​യി​രി​ക്കേ​ണ്ട​താ​യി​രു​ന്നു.

ശ്രദ്ധി​ക്ക​പ്പെ​ടാത്ത മുന്നറി​യി​പ്പു​കൾ

കരിമ്പി​ന്റെ വിള​വെ​ടുപ്പ്‌ അടുത്തു​വ​രി​ക​യാ​യി​രു​ന്ന​തു​കൊണ്ട്‌ സെൻറ്‌ പിയെ​രാ​യി​ലെ വ്യാപാ​രി​കൾ അപകട​മി​ല്ലെന്ന്‌ കർഷകർക്ക്‌ ഉറപ്പു​കൊ​ടു​ത്തു. അടുത്തു​വന്ന തെര​ഞ്ഞെ​ടു​പ്പി​ലുള്ള താൽപ്പ​ര്യ​ത്താൽ രാജ്യ​ത​ന്ത്ര​ജ്ഞൻമാർ ഇതേ രീതി​യിൽ തന്നെ സംസാ​രി​ച്ചു; കാരണം ആളുകൾ ഓടി​പ്പോ​കാൻ അവരാ​ഗ്ര​ഹി​ച്ചില്ല. എല്ലാം ശുഭമാ​ണെന്ന്‌ തങ്ങളുടെ ഇടവകാം​ഗ​ങ്ങ​ളോ​ടു പറഞ്ഞു​കൊണ്ട്‌ മതനേ​താ​ക്കൻമാർ സഹകരി​ച്ചു. അങ്ങനെ​യി​രി​ക്കെ, ഭയങ്കര​മായ ഒരു ഗർജ്ജന​ത്തോ​ടെ മെയ്‌ 8-ാം തീയതി മൗണ്ട്‌ പെലീ പൊട്ടി​ത്തെ​റി​ച്ചു. അത്യധി​ക​മായ ചൂടു​ണ്ടാ​യി​രുന്ന കരി​മേ​ഘങ്ങൾ സെൻറ്‌ പിയെ​രാ​യു​ടെ നേരേ പാഞ്ഞു, ഏതാണ്ട്‌ 30,000 പേർ മരണമ​ടഞ്ഞു.

യു. എസ്‌. ഏ യിലെ വാഷിം​ഗ്‌ടൺ സംസ്ഥാ​ന​ത്തുള്ള മൗണ്ട്‌ സെൻറ്‌ ഹെലൻസ്‌ അനേകം തലമു​റ​ക​ളി​ലാ​യി സമാധാ​ന​ത്തി​ന്റെ​യും പ്രശാ​ന്ത​ത​യു​ടെ​യും ഒരു ചിത്ര​മാ​യി​രു​ന്നു. ഈ പ്രദേശം വിവി​ധ​യി​ന​ത്തി​ലുള്ള ഒട്ടേറെ കാട്ടു​മൃ​ഗ​ങ്ങ​ളെ​ക്കൊ​ണ്ടു നിറഞ്ഞി​രു​ന്നു. വിനോ​ദ​സ​ഞ്ചാ​ര​ത്തി​നും മീൻപി​ടു​ത്ത​ത്തി​നും പറ്റിയ സ്ഥലവു​മാ​യി​രു​ന്നു. എന്നാൽ പിന്നീട്‌ 1980 മാർച്ചിൽ നിരവധി ഭൂകമ്പ​ങ്ങ​ളു​ടെ​യും ചെറിയ ആവി പ്രവാ​ഹ​ങ്ങ​ളു​ടെ​യും രൂപത്തിൽ അപകട​സി​ഗ്ന​ലു​കൾ ഉണ്ടായി. മെയ്‌ ആദ്യഘ​ട്ട​ത്തിൽ പർവ്വതം കുറേ​ക്കൂ​ടെ ശക്തമായി പ്രവർത്തി​ച്ചു തുടങ്ങി. തദ്ദേശ സംസ്ഥാന ഉദ്യോ​ഗ​സ്ഥൻമാർ അഗ്നിപർവ്വ​ത​പ്ര​ദേ​ശത്തു വസിച്ചി​രു​ന്ന​വർക്ക്‌ അപകട​മു​ന്ന​റി​യി​പ്പു കൊടു​ത്തു തുടങ്ങി.

എന്നിട്ടും ഒട്ടേറെ ആളുകൾ അവി​ടെ​ത്തന്നെ കഴിഞ്ഞു. അതേസ​മയം മറ്റു ചിലർ അപകട​മേ​ഖ​ല​യി​ലേക്ക്‌ കടക്കു​ന്ന​തി​നെ​തി​രായ മുന്നറി​യി​പ്പു പരസ്യ​ങ്ങളെ അവഗണി​ച്ചു. പെട്ടെന്ന്‌, മെയ്‌ 18-ാം തീയതി ഒരു ഭയങ്കര​സ്‌ഫോ​ടനം നടന്നു. അത്‌ ഏതാണ്ട്‌ 1,300 അടി​യോ​ളം (400 മീറ്റർ) പർവ്വത​ശി​ഖ​രത്തെ തെറി​പ്പി​ക്ക​യും ചെടി​ക​ളു​ടെ​മേ​ലും മൃഗങ്ങ​ളു​ടെ മേലും, കൊടു​ക്ക​പ്പെട്ട മുന്നറി​യിപ്പ്‌ അവഗണി​ച്ചി​രുന്ന 60 മനുഷ്യ​രു​ടെ​മേ​ലും നാശം വർഷി​ക്കു​ക​യും ചെയ്‌തു.

ഇതിൽനി​ന്നു വ്യത്യ​സ്‌ത​മാ​യി 1986 നവംബ​റിൽ ജപ്പാനി​ലെ ഇസു-ഒഷിമാ ദ്വീപി​ലുള്ള മൗണ്ട്‌ മിഹറാ പെട്ടെന്നു പൊട്ടി​യൊ​ഴു​കു​ക​യും മുഴു​ദ്വീ​പി​നെ​യും ദ്വീപു​വാ​സി​ക​ളും വിനോ​ദ​സ​ഞ്ചാ​രി​ക​ളു​മ​ട​ങ്ങുന്ന പതിനാ​യി​ര​ത്തോ​ളം വരുന്ന ജനസം​ഖ്യ​യെ​യും ഭീഷണി​പ്പെ​ടു​ത്തു​ക​യും ചെയ്‌തു. “ഇപ്പോൾ ഒഴിഞ്ഞു​പോ​കുക” എന്ന പ്രഖ്യാ​പ​ന​മു​ണ്ടാ​യ​പ്പോൾ അവർ മുന്നറി​യി​പ്പ​നു​സ​രി​ച്ചു. ജപ്പാനി​ലെ ഉണരുക! ലേഖകൻ എഴുതിയ അടുത്ത ലേഖനങ്ങൾ കഥ വിവരി​ക്കു​ന്നു. (g87 7/8)