മാനസി​ക​രോ​ഗം—ഒരു പ്രതി​വി​ധി​യു​ണ്ടോ?

“അവർ എന്നെ ആശുപ​ത്രി​യിൽ കൊണ്ടു​പോ​യി,” ഐറിൻ ഓർമ്മി​ക്കു​ന്നു. “ഞാൻ മനോ​രോഗ വിദഗ്‌ദ്ധ​നു​മാ​യി കാര്യങ്ങൾ സംസാ​രി​ക്കു​ന്നത്‌ ആസ്വദി​ച്ചു, എന്നാൽ അത്‌ വളരെ​യൊ​ന്നും സഹായി​ച്ചില്ല. പിന്നീട്‌ അവർ എനിക്ക്‌ വൈദ്യു​താ​ഘാത ചികിത്സ നൽകി. ഞാൻ അതിയാ​യി ഭയവി​ഹ്വ​ല​യാ​യി​രു​ന്നു. എന്നാൽ വീണ്ടും, അത്‌ വളരെ​യൊ​ന്നും സഹായ​ക​മാ​യില്ല.

“എന്റെ ഭർത്താവ്‌ തന്നോ​ടൊത്ത്‌ ഒരു കാറിൽ കയറാൻ പറഞ്ഞു. വീട്ടി​ലേ​ക്കാ​യി​രി​ക്കും എന്നു ഞാൻ വിചാ​രി​ച്ചു. എന്നാൽ ഞങ്ങളെ വളരെ പഴക്കം ചെന്ന ഇഷ്ടിക​കൊ​ണ്ടുള്ള ഈ വലിയ കെട്ടി​ട​ത്തി​നു മുമ്പി​ലേക്ക്‌ വലിച്ചു​കൊ​ണ്ടു​വന്നു. ‘ഇതെന്താണ്‌?’ ഞാൻ എന്റെ ഭർത്താ​വി​നോട്‌ ചോദി​ച്ചു. ‘നീ അവിടെ പോയി ഒരാ​ളോട്‌ സംസാ​രി​ക്കാൻ ഞാൻ ആഗ്രഹി​ക്കു​ന്നു,’ എന്ന്‌ അയാൾ പറഞ്ഞു. അപ്പോൾ അത്‌ ഒരു മാനസി​ക​രോ​ഗ​ചി​കി​ത്സാ സ്ഥാപന​മാ​യി​രു​ന്നു എന്ന്‌ ഞാൻ തിരി​ച്ച​റി​ഞ്ഞു  . . . ”

ഐറിന്റെ രോഗം പ്രത്യ​ക്ഷ​പ്പെ​ട്ടത്‌ 1955-ലായി​രു​ന്നു—ഒരു മാനസിക—ആരോഗ്യ വിപ്ലവ​ത്തി​ന്റെ കൃത്യം മദ്ധ്യത്തിൽ. ശാസ്‌ത്ര​ക്രി​യാ വ്രണങ്ങൾ കുറയ്‌ക്കു​ന്ന​തിന്‌ പുതിയ മരുന്നു​കൾ വികസി​പ്പി​ച്ചെ​ടു​ത്തി​രു​ന്നു. ഇതേ ഔഷധങ്ങൾ തന്നെ മാനസിക രോഗി​കൾക്ക്‌ പ്രയോ​ഗി​ക്കു​മ്പോൾ, “നേരത്തെ ഏകാന്ത​മു​റി​ക​ളോ കൈകൾ ബന്ധിക്കുന്ന ജാക്കറ്റു​ക​ളോ ആവശ്യ​മാ​യി​രുന്ന രോഗി​കളെ ഇപ്പോൾ പ്രത്യേ​കം ശ്രദ്ധി​ക്കാ​തെ വിടാൻ സാദ്ധ്യ​മാണ്‌ എന്ന്‌ ഡോക്ടർമാർ കണ്ടുപി​ടി​ച്ചു. . . . ഈ മരുന്നു​കൾ ചില തരം ബുദ്ധി​ഭ്ര​മങ്ങൾ പൂർണ്ണ​മാ​യും തുടച്ചു നീക്കി.” (ഡോ. റിച്ചാർഡ്‌ എം. റെസ്‌റ്റാ​ക്കി​നാ​ലുള്ള ദി ബ്രെയ്‌ൻ) മാനസിക—ആരോ​ഗ്യ​രം​ഗത്ത്‌ ഈ മരുന്നു​കൾക്കുള്ള വിപ്ലവ​ക​ര​മായ ഫലങ്ങൾ വീണ്ടും ഉൻമാ​ദ​രോ​ഗ​ത്താൽ ദൃഷ്ടാ​ന്തീ​ക​രി​ക്കാൻ കഴിയും.

ഐറിന്റെ ഡോക്ടർമാർ ഒരു പുതിയ ആൻറി​സൈ​ക്കോ​ട്ടിക്ക്‌ മയക്കു​മ​രു​ന്നു പരീക്ഷി​ച്ചു നോക്കി. സംസാര ചികി​ത്സ​യും വൈദ്യു​താ​ഘാത ചികി​ത്സ​യും പരാജ​യ​പ്പെ​ട്ടി​ടത്ത്‌ ഔഷധ​പ്ര​യോ​ഗം വിജയി​ച്ചു. ഐറി​നും അവളെ​പ്പോ​ലെ​യുള്ള അനേകാ​യി​ര​ങ്ങൾക്കും ആശുപ​ത്രി വിടു​ന്ന​തി​നും വീട്ടിൽ പോകു​ന്ന​തി​നും കഴിഞ്ഞു.

രാസ നിയ​ന്ത്ര​ണം

മരുന്നു​കൾ എപ്രകാ​രം പ്രവർത്തി​ച്ചു എന്ന്‌ ഡോക്ടർമാർക്ക്‌ അറിവി​ല്ലാ​യി​രു​ന്നു. എന്നാൽ അവ സാധാ​ര​ണ​ഗ​തി​യിൽ ഡോപാ​മിൻ എന്നു പേരായ ഒരു രാസവ​സ്‌തു​വി​നെ സ്വീക​രി​ക്കുന്ന തലച്ചോ​റി​ലെ സ്വീക​ര​ണാ​വ​യ​വ​ങ്ങളെ തടയു​ന്ന​താ​യി പ്രത്യ​ക്ഷ​പ്പെട്ടു. അപ്രകാ​രം ഡോപാ​മി​ന്റെ പ്രവർത്ത​നത്തെ തടഞ്ഞ​പ്പോൾ ചില​രോ​ഗി​കൾ അഭിവൃ​ദ്ധി​പ്രാ​പി​ച്ചു. തലച്ചോ​റി​ലെ ഡോപാ​മി​ന്റെ പ്രവർത്ത​നത്തെ ത്വരി​ത​പ്പെ​ടു​ത്തുന്ന മരുന്നു​കൾ നൽകി​യ​പ്പോൾ രോഗി​കൾ മിക്ക​പ്പോ​ഴും വഷളാ​യി​ത്തീർന്നു. അപ്രകാ​രം മാനസി​ക​രോ​ഗ​ത്തി​ന്റെ രസത​ന്ത്ര​ത്തി​ലേക്ക്‌ ഒരു വാതിൽ തുറക്ക​പ്പെട്ടു. (ചതുര​ക്കോ​ളം കാണുക)

ഉൻമാ​ദ​രോ​ഗ​ത്തെ​ക്കു​റിച്ച്‌ ഇപ്പോ​ഴും വളരെ​യൊ​ന്നും അറിവില്ല. എന്നാൽ ആൻറി​സൈ​ക്കോ​ട്ടിക്ക്‌ മരുന്നു​കൾ ഫലപ്ര​ദ​മായ ചികിത്സ എന്നനി​ല​യിൽ സുസ്ഥാ​പി​ത​മാ​യി​ത്തീർന്നി​രി​ക്കു​ന്നു. ഉൻമാ​ദ​രോ​ഗി​ക​ളിൽ ഏകദേശം മൂന്നി​ലൊ​ന്നു​പേർ മരുന്നു​കൾക്കോ—ഏതെങ്കി​ലും തരത്തി​ലുള്ള ചികി​ത്സ​യ്‌ക്കോ—പ്രതി​ക​രി​ക്കു​ന്നി​ല്ലെ​ന്നു​ള്ളത്‌ ഖേദക​ര​മാ​ണെന്ന്‌ ഡോക്ടർമാർ പറയുന്നു. ഔഷധ പ്രയോ​ഗങ്ങൾ ഈ രോഗ​ത്തി​ന്റെ വന്യമായ കാഠിന്യ ലക്ഷണങ്ങ​ളു​ടെ തീവ്രത കുറയ്‌ക്കു​ന്ന​തി​നോ അഥവാ ഇല്ലായ്‌മ ചെയ്യു​ന്ന​തി​നോ ഇടയാ​ക്കി​ക്കൊണ്ട്‌ ഉൻമാ​ദ​രോ​ഗത്തെ നിയ​ന്ത്രി​ക്കു​ന്ന​തിന്‌—സുഖ​പ്പെ​ടു​ത്തു​ന്ന​തി​നല്ല—സഹായ​ക​മാ​യി​രി​ക്കാൻ കഴിയും എന്നതി​ന​പ്പു​റം പ്രതീ​ക്ഷി​ക്കാ​നാ​വില്ല. എന്നിരു​ന്നാ​ലും, അവ ശസ്‌ത്ര​ക്രി​യ​യിൽ നിന്നോ കൈകൾ ബന്ധിക്കുന്ന ജാക്കറ്റു​ക​ളിൽ നിന്നോ ഉള്ള ഒരു ഗംഭീര ചാട്ടമാണ്‌.

അപ്പോൾ ഈ ഔഷധ പ്രയോ​ഗം നടത്തുന്ന രോഗി​കൾ ബലഹീ​ന​മാ​ന​സ​രോ മയക്കു​മ​രു​ന്നി​ന്റെ അടിമ​ക​ളോ​പോ​ലെ കാണ​പ്പെ​ടു​ന്ന​തെ​ന്തു​കൊണ്ട്‌? ആൻറി​സൈ​ക്കോ​ട്ടിക്ക്‌ ഔഷധങ്ങൾ ആസക്തി ഉളവാ​ക്കു​ന്ന​വയല്ല, രോഗി​കളെ ഉൻമത്ത​രാ​ക്ക​യില്ല, ഉല്ലാസ​ത്തി​നു​വേണ്ടി കഴിക്കു​ന്നു​മില്ല. ഡോ. ഇ. ഫെല്ലർറ്റോ​റി, ആൻറി​സൈ​ക്കോ​ട്ടിക്ക്‌ ഔഷധ​ങ്ങളെ “പ്രമേ​ഹ​രോ​ഗി​കൾക്കുള്ള ഇൻസുലി”നോട്‌ താരത​മ്യം ചെയ്യുന്നു. ഡോ. ജറോൾഡ്‌ എസ്‌. മാക്‌സ്‌മെൻ ഇപ്രകാ​രം നിഗമനം ചെയ്യു​ക​യും ചെയ്യുന്നു: “അത്തരം ഔഷധങ്ങൾ ഉപയോ​ഗി​ക്കുന്ന ആളുകൾ ‘തങ്ങളുടെ പ്രശ്‌ന​ങ്ങ​ളിൽ നിന്ന്‌ ഓടി​പ്പോ​കു​ന്നില്ല,’ പകരം അവയെ അഭിമു​ഖീ​ക​രി​ക്കു​ന്നു.”

എങ്കിലും, ഐറിൻ ഈ ഔഷധ പ്രയോ​ഗ​ങ്ങൾക്ക്‌ ഒരു ഇരുണ്ട വശവും ഉണ്ടെന്ന്‌ പെട്ടെന്നു കണ്ടുപി​ടി​ച്ചു.

പാർശ്വ ഫലങ്ങളാ​ലുള്ള പ്രശ്‌ന​ങ്ങൾ

“എനിക്ക്‌ ഒരു പാവ​യെ​പ്പോ​ലെ തോന്നി, “ഐറിൻ ഓർമ്മി​ക്കു​ന്നു. “എനിക്ക്‌ ഒന്നും ചെയ്യാൻ കഴിഞ്ഞി​രു​ന്നില്ല. ചില​പ്പോൾ ഒരു ദിവസം 16 മണിക്കൂർ വരെ ഉറങ്ങി​യി​രു​ന്ന​താ​യി ഞാൻ ഓർക്കു​ന്നു.” ഐറിന്റെ ജീവിതം ക്ഷയിച്ചി​രു​ന്നു. അവൾ ഔഷധ പ്രയോ​ഗം നിർത്തു​ന്ന​തി​നു ശ്രമിച്ചു—വീണ്ടും മാനസിക ആശുപ​ത്രി​യിൽ എത്തുന്ന​തി​നു​വേണ്ടി മാത്രം.a

ചില​രോ​ഗി​കൾ യഥാർത്ഥ​ത്തിൽ വിശ്ര​മ​രാ​ഹി​ത്യം മാന്ദ്യത, നിദ്രാ​ലു​ത്വം, മഞ്ഞപിത്തം, ഞെട്ടൽ ഭാരക്കൂ​ടു​തൽ തുടങ്ങി പല പ്രതി​കൂല ഫലങ്ങളും അനുഭ​വി​ക്കു​ന്നു. അതിൽ സ്വമേ​ധയാ അല്ലാതുള്ള, മുഖത്തി​ന്റെ​യും വായു​ടെ​യും കോച്ച​ലും ഉൾപ്പെ​ടു​ന്നു.

ഡോക്ടർമാർക്ക്‌ ഒരു രോഗി ഒരു മരുന്നി​നോട്‌ എങ്ങനെ പ്രതി​ക​രി​ക്കു​മെന്ന്‌ പ്രവചി​ക്കാൻ കഴിയാ​ത്ത​തി​നാൽ ഔഷധം തീരു​മാ​നി​ക്കു​ന്ന​തിന്‌ ഒരു അളവു​വരെ പരീക്ഷ​ണ​വും പിശകും ഉൾപ്പെ​ടു​ന്നു. ഒരു ആശുപ​ത്രി​യി​ലെ മനോ​രോഗ വിദഗ്‌ദ്ധൻ ഉണരുക!യോട്‌ ഇപ്രകാ​രം പറഞ്ഞു: “ഡോക്ടർമാർ ഏറ്റവും കുറച്ചു പാർശ്വ​ഫ​ലങ്ങൾ ഉള്ള ഒരു മരുന്നു കണ്ടുപി​ടി​ക്കു​ന്ന​തി​നു മുമ്പ്‌ മൂന്നോ നാലോ വ്യത്യസ്‌ത ഔഷധ​ങ്ങ​ളി​ലൂ​ടെ ക്ലേശിച്ചു കടന്നു പോകു​ന്നു.”

മിക്ക പാർശ്വ​ഫല പ്രശ്‌ന​ങ്ങ​ളും നിയ​ന്ത്രി​ക്കാൻ കഴിയു​മെ​ന്നത്‌ സന്തോ​ഷ​ക​ര​മാണ്‌. ഐറിന്റെ സംഗതി​യിൽ കേവലം ഔഷധ​മാ​റ്റം കാര്യം സാധിച്ചു. അവളുടെ നിദ്രാ​ലു​ത്വ​വും വിഭ്ര​മ​വും അപ്രത്യ​ക്ഷ​മാ​യി. അവൾ ആശുപ​ത്രി വിടു​ക​യും വീണ്ടും ഒരു സാധാരണ ജീവിതം നയിക്കാൻ തുടങ്ങു​ക​യും ചെയ്‌തു! 30 വർഷ​ത്തോ​ളം അവൾ—മരുന്ന്‌ ഉപേക്ഷി​ക്കാൻ ശ്രമി​ച്ച​തു​വരെ—സ്ഥിരമാ​യി സ്ഥിതി ചെയ്‌തി​രു​ന്നു. അവൾ പറയുന്നു: “എനിക്കു സുഖമാ​ണെന്നു ഞാൻ കരുതി. എന്നാൽ ഒരു വർഷത്തി​നു​ശേഷം എന്റെ ചിന്ത വീണ്ടും മറിഞ്ഞു. എന്റെ ഡോക്ടർ പറഞ്ഞു, ‘ഔഷധ​ത്തി​ലേക്കു തിരികെ പോകൂ!” അവളുടെ ജീവിതം നേർവ​ഴി​ക്കാ​കാൻ കൊടു​ക്കേ​ണ്ടി​യി​രുന്ന ഒരു ചെറിയ വില.

എല്ലാവ​രും മരുന്നിന്‌ വിജയ​പൂർവ്വം പ്രതി​ക​രണം കാണി​ക്ക​യില്ല, ഔഷധ​പ്ര​യോ​ഗം മിക്ക​പ്പോ​ഴും ഒച്ചിഴ​യു​ന്ന​തു​പോ​ലെയേ ഫലിച്ചു വരിക​യു​ള്ളു. കൂടാതെ ചില രോഗി​കൾ തങ്ങളുടെ മരുന്ന്‌ തീവ്ര​മാ​യി വെറു​ക്കു​ന്നു. എന്നാൽ അവരുടെ ലക്ഷണങ്ങൾ വളരെ കഠിന​മാ​യി​രി​ക്ക​യും അവർക്കു പ്രവർത്തി​ക്കാൻ പറ്റാതി​രി​ക്ക​യും ചെയ്യു​മ്പോൾ, അത്‌ മരുന്ന്‌ ഉപയോ​ഗി​ക്കു​ന്ന​തി​നും ആശുപ​ത്രി​ക്കും മദ്ധ്യേ​യുള്ള ഒരു തിര​ഞ്ഞെ​ടു​പ്പാ​യി​രു​ന്നേ​ക്കാം.

മാറി​മാ​റി​യുള്ള ചികി​ത്സ​കൾ

രസാവ​ഹ​മാ​യി, പഞ്ചസാര, ഗോതമ്പ്‌, പാല്‌, ഈയം, വിറ്റാ​മി​നു​കൾ എന്നിവ​യു​ടെ കുറവു​കളെ വൈകാ​രി​ക​ശ​ല്യ​ങ്ങ​ളു​ടെ കുറ്റക്കാർ ആയി വിവക്തി​ക്കു​ന്നു. ഇത്‌ ഉൻമാ​ദ​രോ​ഗ​ത്തിന്‌ ഒരു പോഷ​കാ​ഹാര ചികി​ത്സ​യ്‌ക്കുള്ള സാദ്ധ്യത ഉണർത്തു​ന്നു. അത്തരത്തി​ലുള്ള ഒരു സമീപനം മ്ലാനത​യു​ടെ ചികി​ത്സ​യ്‌ക്കു ഒരു അളവു​വരെ വിജയം കൈവ​രു​ത്താൻ കഴിഞ്ഞി​ട്ടുണ്ട്‌. ചില ഗവേഷകർ—നോബൽ സമ്മാനം നേടിയ ലിനസ്‌ പോളിംഗ്‌ ഉൾപ്പെടെ—വിറ്റാ​മി​നു​ക​ളു​ടെ കൂടിയ ഡോസു​കൾ ചില രോഗി​ക​ളിൽ ഉൻമാ​ദ​രോഗ ലക്ഷണങ്ങൾ നാടകീ​യ​മാ​യി കുറച്ചി​ട്ടു​ണ്ടെന്ന്‌ അവകാ​ശ​പ്പെ​ടു​ന്നു. ഇതിനെ ഓർത്തോ​മോ​ളി​കു​ലാർ സൈകാ​ട്രി എന്നു വിളി​ക്കു​ന്നു.

ഈ ആശയം—കുറഞ്ഞ​പക്ഷം, തത്വത്തിൽ—അനേകർക്കും വിശ്വ​സ​നീ​യ​മാ​യി തോന്നു​ന്നു. ഓർത്തോ​മോ​ളി​കു​ലാർ മനോ​രോഗ വിദഗ്‌ദ്ധർ വിറ്റാ​മിൻ-ബി-യുടെ കുറവു​കൊ​ണ്ടു​ണ്ടാ​കുന്ന പെല്ലാ​ഗ്രാ എന്നു വിളി​ക്ക​പ്പെ​ടുന്ന ഒരു രോഗം സൈ​ക്കോ​ട്ടിക്ക്‌ ലക്ഷണങ്ങൾ ഉല്‌പാ​ദി​പ്പി​ക്കു​ന്നു എന്ന്‌ ചൂണ്ടി​ക്കാ​ണി​ക്കു​ന്നു. പ്രതി​വി​ധി​യെ​ന്താണ്‌? വിറ്റാ​മിൻ നയാസി​ന്റെ വലിയ ഡോസു​കൾ. എന്നാൽ അതേ ചികിത്സ ഉൻമാ​ദ​രോ​ഗ​ത്തി​നു ഫലിക്കു​മോ? ഇതുവ​രെ​യും ഓർത്തോ​മോ​ളി​കു​ലാർ മനോ​രോഗ വിദഗ്‌ദ്ധർ തങ്ങളുടെ യാഥാ​സ്ഥി​തിക വീക്ഷണങ്ങൾ ബോദ്ധ്യ​പ്പെ​ടു​ത്താൻ അപ്രാ​പ്‌ത​രാ​യി​രു​ന്നു.

ഒരു എൻ. ഐ. എം. എച്ച്‌ (നാഷനൽ ഇൻസ്‌റ്റി​ട്യൂട്ട്‌ ഓഫ്‌ മെൻറൽ ഹെൽത്ത്‌) റിപ്പോർട്ട്‌ ഇപ്രകാ​രം മുന്നറി​യി​പ്പു നൽകുന്നു: “ഓർത്തോ​മോ​ളി​കു​ലാർ സൈകാ​ട്രി സിദ്ധാന്തം ഗവേഷ​ണ​ത്തി​നും അന്വേ​ഷ​ണ​ത്തി​നു​മാ​യി ഒരു പ്രബല​മായ പ്രദേശം അവതരി​പ്പി​ച്ചു എന്ന്‌ തോന്നി​യേ​ക്കാ​മെ​ങ്കി​ലും ചികി​ത്സ​യു​ടെ ഫലദാ​യ​ക​ത്വ​ത്തെ സംബന്ധിച്ച ഇപ്പോ​ഴത്തെ അവകാ​ശ​വാ​ദ​ങ്ങൾക്ക്‌ [ശാസ്‌ത്രീയ] പഠനങ്ങ​ളിൽ നിന്ന്‌ ഒട്ടും തന്നെ പിൻതുണ ലഭിക്കു​ന്നില്ല.” ഒരു സമീകൃത, പോഷ​കാ​ഹാ​ര​ക്രമം നല്ല ബോധം ഉണ്ടാക്കു​ന്നു എന്നു പറയു​ന്ന​തിൽ അർത്ഥമില്ല. എന്നിരു​ന്നാ​ലും ഒരു ഡോക്ടർക്ക്‌ വിറ്റാ​മി​ന്റെ ഒരു കാതലായ കുറവ്‌ ഉണ്ടോ എന്ന്‌ മെച്ചമാ​യി തീരു​മാ​നി​ക്കാൻ കഴിയും.

“എല്ലാവ​രും ഉൻമാ​ദ​രോ​ഗ​ത്തിന്‌ ഒരു എളുപ്പ​മായ പ്രതി​വി​ധി ഇഷ്ടപ്പെ​ടു​ന്നു—വിറ്റാ​മി​നു​ക​ളോ ഡയാലി​സോ പോലെ.b എന്നാൽ അത്‌ കേവലം അത്ര ലളിത​മാ​യതല്ല. അത്‌ അപ്രകാ​ര​മാ​യി​രു​ന്നെ​ങ്കിൽ എന്നു ഞങ്ങൾ ആഗ്രഹി​ക്കു​ന്നു,” എന്ന്‌ എൻ. ഐ. എം. എച്ച്‌-ലെ ഉൻമാ​ദ​രോഗ ഗവേഷണ ബ്രാഞ്ചി​ലെ ഡോ. ഡേവിഡ്‌ ഷോർ ഉണരുക!യോട്‌ പറഞ്ഞ​പ്പോൾ വൈദ്യ​ശാ​സ്‌ത്ര​ത്തി​ന്റെ മുഖ്യ​ധാ​ര​യു​ടെ മനോ​ഭാ​വം സമാഹ​രി​ച്ചു എന്നു തോന്നു​ന്നു.

ഒരു വ്യക്തി വികാ​രോ​ജ്ജ്വ​ല​മായ അവകാ​ശ​വാ​ദങ്ങൾ സംബന്ധിച്ച്‌ സൂക്ഷ്‌മ​ത​യു​ള്ള​വ​നാ​യി എല്ലാ ഔഷധ പ്രയോ​ഗ​ങ്ങ​ളെ​യും ശരിയായ ജാഗ്ര​ത​യോ​ടെ സമീപി​ക്കണം. “അനുഭവ പരിച​യ​മി​ല്ലാത്ത ഏതൊ​രു​വ​നും ഏതു വാക്കും വിശ്വ​സി​ക്കു​ന്നു, എന്നാൽ കൂർമ്മ​ബു​ദ്ധി​യു​ള്ളവൻ തന്റെ നടപ്പു സൂക്ഷി​ക്കു​ന്നു.” (സദൃശ​വാ​ക്യ​ങ്ങൾ 14:15) ഏത്‌ ചികി​ത്സ​യും അന്ധമായി സ്വീക​രി​ക്ക​രുത്‌. മരുന്നു കുറിച്ചു തരു​ന്നെ​ങ്കിൽ സാദ്ധ്യ​ത​യുള്ള പ്രതി​പ്ര​വർത്ത​ന​ങ്ങ​ളും പാർശ്വ ഫലങ്ങളും പരിച​യ​പ്പെ​ടു​ന്ന​തിന്‌ സമയ​മെ​ടു​ക്കുക.

മാനസി​ക​രോ​ഗി​കൾക്ക്‌ ആശ്വാസം

നാം ഇടപെ​ടാൻ പ്രയാ​സ​മുള്ള ദുർഘട സമയത്ത്‌” ജീവി​ക്കു​ന്ന​തി​നാൽ ആളുകൾ ഇന്ന്‌ പരിഗ​ണ​നാർഹ​മായ സമ്മർദ്ദ​ത്തി​നു വശംവ​ദ​രാണ്‌. (2 തിമൊ​ഥെ​യോസ്‌ 3:1; ലൂക്കോസ്‌ 21:26) എല്ലാവ​രും പാപത്തി​ന്റെ​യും അപൂർണ്ണ​ത​യു​ടെ​യും ദുർബ്ബ​ല​മാ​ക്കുന്ന ഫലങ്ങൾക്കു വശംവ​ദ​രാ​ക​യാൽ ദൈവ​ഭ​യ​മുള്ള ആളുക​ളിൽ ചിലർപോ​ലും മാനസി​ക​രോ​ഗ​ത്തി​നു അടിമ​പ്പെ​ട്ടി​ട്ടു​ണ്ടെ​ന്നത്‌ അതിശ​യമല്ല.—റോമർ 5:12.

മാനസി​ക​രോ​ഗം ഒരു രോഗ​മാ​ണെ​ന്ന​റി​യു​ന്നത്‌ ഒരുവനെ അതു സംബന്ധിച്ച്‌ ഒരു സമീകൃത വീക്ഷണം ഉണ്ടായി​രി​ക്കു​ന്ന​തിന്‌ സഹായി​ക്കും. ദൃഷ്ടാ​ന്ത​ത്തിന്‌ ഐറിൻ, തന്റെ രോഗം ഭൂതങ്ങ​ളു​ടെ ആക്രമ​ണ​ത്താൽ ഉണ്ടായ​താ​യി​രു​ന്നെന്ന്‌ ഭയപ്പെ​ട്ടി​രു​ന്നു. ചില സംഗതി​ക​ളിൽ ഭൂതശ​ക്തി​കൾ ഉൾപ്പെ​ട്ടി​രു​ന്നേ​ക്കാ​മെ​ങ്കി​ലും, എല്ലാ​രോ​ഗ​ങ്ങ​ളും ഭൂതങ്ങ​ളാൽ വരുത്ത​പ്പെ​ടു​ന്ന​താ​ണെന്ന്‌ ബൈബിൾ പഠിപ്പി​ക്കു​ന്നില്ല. (എഫേസ്യർ 6:12; മത്തായി 4:24; മർക്കോസ്‌ 1:32-34; പ്രവൃ​ത്തി​കൾ 5:16 എന്നിവ​യു​മാ​യി താരത​മ്യ​പ്പെ​ടു​ത്തുക.) ഒരു വ്യക്തി​കൂ​ടെ​ക്കൂ​ടെ ശബ്ദങ്ങൾ കേൾക്കു​ക​യോ അഥവാ അതിവി​ചി​ത്ര​മായ പെരു​മാ​റ്റം പ്രകട​മാ​ക്കു​ക​യോ ചെയ്യു​മ്പോൾ ഉൻമാ​ദ​രോ​ഗം പോ​ലെ​യുള്ള ഒരു രോഗം ഉൾപ്പെ​ട്ടി​രു​ന്നേ​ക്കാം.

ഐറിന്റെ രോഗം ഭൂത ഉറവി​ട​മു​ള്ളതല്ല എന്ന്‌ അറിഞ്ഞ​പ്പോൾ അവൾക്ക്‌ വളരെ ആശ്വാസം തോന്നി. അവൾ വൈദ്യ​ശാ​സ്‌ത്ര സഹായം തേടു​ക​യും കുറേ ആശ്വാസം കണ്ടെത്തു​ക​യും ചെയ്‌തു. എന്നിരു​ന്നാ​ലും പല വൈദ്യൻമാ​രാ​ലും അനേകം വേദന സഹിക്കു​ക​യും തന്റെ വരുമാ​നം മുഴു​വ​നും ചെലവ​ഴി​ക്ക​യും പ്രയോ​ജനം ലഭിക്കാ​തി​രി​ക്ക​യും, പകരം വഷളാ​ക​യും ചെയ്‌തി​രുന്ന” രോഗി​യാ​യി​രുന്ന ഒരു സ്‌ത്രീ​യെ​ക്കു​റിച്ച്‌ ബൈബിൾ പറയുന്നു എന്ന്‌ ഓർക്കുക. യേശു​ക്രി​സ്‌തു​വി​നു മാത്രമേ അവളെ സുഖ​പ്പെ​ടു​ത്താൻ കഴിഞ്ഞു​ള്ളു. (മർക്കോസ്‌ 5:25-29) അതു​പോ​ലെ വൈദ്യ​ശാ​സ്‌ത്രം ഇന്നും പരിമി​തി​യു​ള്ള​താണ്‌. ഒരു അളവി​ലുള്ള ആശ്വാസം ലഭിക്കു​ന്ന​തിന്‌ ന്യായ​മായ പടികൾ സ്വീക​രി​ക്കാൻ കഴിയു​മെ​ന്നതു സത്യം തന്നെ. എന്നാൽ വഴുതി​മാ​റുന്ന പ്രതി​വി​ധി​ക്കാ​യി അന്വേ​ഷി​ച്ചു​കൊണ്ട്‌ വിരസ​മായ മുറയിൽ കുരു​ക്ക​പ്പെ​ടു​ന്ന​തി​നു​പ​കരം ചിലർ പ്രശ്‌നം അംഗീ​ക​രി​ച്ചു​കൊ​ണ്ടും സഹിച്ചു​കൊ​ണ്ടും ജീവി​ക്കാൻ പഠിക്ക​മാ​ത്രം ചെയ്‌തേ​ക്കാം.

എന്നിരു​ന്നാ​ലും, ദൈവം നമുക്കു​വേണ്ടി ആഴമായി കരുതു​ന്നു എന്നറി​യു​ന്ന​തി​നാൽ ഉൽക്കണ്‌ഠ​യി​ല​ധി​ക​വും കുറയ്‌ക്കാൻ കഴിയും. (1 പത്രോസ്‌ 5:6, 7) “യഹോവ ഇതും മറ്റനേ​ക​വു​മായ പരി​ശോ​ധ​ന​ക​ളിൽ എന്നെ സംരക്ഷി​ച്ചി​രി​ക്കു​ന്നു” എന്ന്‌ ഐറിൻ പറയുന്നു. “നിവാ​സി​ക​ളി​ലാ​രും: ‘എനിക്കു ദീനം’ എന്നു പറയു​ക​യി​ല്ലാത്ത,” യേശു​ക്രി​സ്‌തു​വിൻ കീഴിൽ വരാൻ പോകുന്ന ഒരു പുതിയ വ്യവസ്ഥി​തി​യെ​ക്കു​റി​ച്ചുള്ള പ്രത്യാ​ശ​യും അവൾക്കുണ്ട്‌. (യെശയ്യാവ്‌ 33:24; 2 പത്രോസ്‌ 3:13) ഇപ്പോൾ ഏറ്റവും സമീപി​ച്ചി​രി​ക്കുന്ന പരദീ​സ​യിൽ എന്നേക്കും ജീവി​ക്കു​ന്ന​തി​നുള്ള സമ്മാന​ത്തിൻമേൽ എന്റെ ദൃഷ്ടികൾ ഉറപ്പി​ച്ച​തി​നാൽ ഉറച്ചു നിൽക്കു​ന്ന​തിന്‌ എനിക്കു സാധിച്ചു.” അവളുടെ വിശ്വാ​സം ഡോക്ടർമാർ നൽകുന്ന ഏതു ഔഷധ​ങ്ങ​ളെ​ക്കാ​ളും അധികം അവൾക്കു സഹായ​ക​മാ​കു​ന്നു. (g86 9/8)

[അടിക്കു​റി​പ്പു​കൾ]

[21-ാം പേജിലെ ചതുരം]

ഉൻമാദരോഗത്തിന്റെ രസതന്ത്രം

നമ്മുടെ തലച്ചോറ്‌ ദശലക്ഷ​ക്ക​ണ​ക്കിന്‌ ന്യൂ​റോൺസ്‌ അഥവാ നാഡീ​കോ​ശ​ങ്ങളെ ബന്ധിക്കുന്ന അവിശ്വ​സ​നീ​യ​മാ​യി സങ്കീർണ്ണ​മായ വാർത്താ​വി​നി​മയ വലപോ​ലെ​യു​ള്ള​താണ്‌. എന്നിരു​ന്നാ​ലും ന്യൂ​റോൺസ്‌ ഭൗതി​ക​മാ​യി തമ്മിൽ തമ്മിൽ ബന്ധിച്ചി​ട്ടില്ല. ഒരിഞ്ചി​ന്റെ പത്തുല​ക്ഷ​ത്തിൽ ഒരു ഭാഗം (0.000003 സെ. മീ.) മാത്രം വലിപ്പ​മുള്ള ഒരു വിടവ്‌ അവയുടെ സ്‌പർശി​നി​പോ​ലുള്ള അവയവ​ങ്ങളെ അഥവാ ഡെൻ​ഡ്രൈ​റ്റ്‌സി​നെ തമ്മിൽ വേർതി​രി​ക്കു​ന്നു. നാഡി​യു​ടെ ആവേഗങ്ങൾ തടസ്സം കൂടാതെ ഒഴുകു​ന്ന​തിന്‌ നാഡി​യു​ടെ ചിഹ്നങ്ങൾ ഈ വിടവ്‌ എടുത്തു ചാടണം. അപ്രകാ​രം ചെയ്യു​ന്ന​തിന്‌ കോശം നാഡീ പ്രേക്ഷ​ണങ്ങൾ എന്നു വിളി​ക്ക​പ്പെ​ടുന്ന രാസ “സന്ദേശ​വാ​ഹ​ക​രു​ടെ” ഒരു കൂട്ടത്തെ പുറത്തു വിടുന്നു. ഇവ വിടവി​നു കുറുകെ “നീന്തുക”യും ഒരു പ്രത്യേക രാസവ​സ്‌തു​വി​നെ സ്വീക​രി​ക്കാൻ രൂപക​ല്‌പന ചെയ്‌തി​ട്ടുള്ള പ്രത്യേക ആതി​ഥേ​യ​രിൽ ബന്ധിക്കു​ക​യും ചെയ്യുന്നു.

ഒരു സാധാരണ തലച്ചോ​റിൽ ഈ പ്രവർത്ത​ന​ങ്ങ​ളെ​ല്ലാം തടസ്സം കൂടാതെ ക്രമാ​നു​ഗ​ത​മാ​യി നടന്നു​കൊ​ണ്ടി​രി​ക്കു​ന്നു. എന്നിരു​ന്നാ​ലും, ഉൻമാ​ദ​രോ​ഗി​ക​ളിൽ നാഡീ പ്രേക്ഷ​ണങ്ങൾ നിയ​ന്ത്ര​ണാ​തീ​ത​മാ​യി​ത്തീ​രു​ന്ന​താ​യി തോന്നു​ന്നു. ചിലർക്ക്‌ ഡോപാ​മി​ന്റെ ഒരു അമിത​ത്വം ന്യൂ​റോൺസി​നെ അമിത​മാ​യി ഉത്തേജി​പ്പി​ക്കു​ന്ന​താ​യും “ഉന്നം തെറ്റി നിറ​യോ​ഴി​ക്കുന്ന”തിനി​ട​യാ​ക്കു​ന്ന​താ​യും അനുഭ​വ​പ്പെ​ടു​ന്നു. പരസ്‌പരം ബന്ധമി​ല്ലാത്ത ചിന്തകൾ ആയിരി​ക്കാം ഫലം. എന്നിരു​ന്നാ​ലും എല്ലാ ഉൻമാ​ദ​രോ​ഗി​കൾക്കും തങ്ങളുടെ തലച്ചോ​റിൽ ഉയർന്ന​നി​ല​യി​ലുള്ള ഡോപാ​മിൻ ഇല്ല എന്നത്‌ ജിജ്ഞാ​സ​യു​ള​വാ​ക്കു​ന്നു. ചില തലച്ചോ​റു​കൾ കേവലം ഡോപാ​മിന്‌ അമിത വേദക​ത്വ​മു​ള്ള​വ​യാ​യി​രി​ക്കു​മോ? അഥവാ വ്യത്യസ്‌ത തരം ഉൻമാ​ദ​രോ​ഗ​മു​ണ്ടോ? അതോ മറ്റുചില രാസ അസാധാ​ര​ണ​ത്വം ഡോപാ​മി​നു​മാ​യി കൂടി​ക​ല​രു​ന്നു​വോ?

ഒരുത്തർക്കും യഥാർത്ഥ​ത്തിൽ അറിവില്ല. ദുഷിച്ച രസതന്ത്രം ഉൻമാ​ദ​രോ​ഗം ഉണ്ടാക്കു​ന്നു​വോ അതോ മറിച്ചാ​ണോ എന്നു ആർക്കും അറിഞ്ഞു​കൂ​ടാ. രസതന്ത്രം ഉൻമാ​ദ​രോ​ഗത്തെ സംബന്ധിച്ച വിഷമ​പ്ര​ശ്‌ന​ത്തി​ന്റെ കേവലം ഒരു തുണ്ടാണ്‌.

[22-ാം പേജിലെ ചതുരം]

ഷോക്ക്‌ ചികിത്സ—വിവാ​ദാ​സ്‌പ​ദം

ഒരുപക്ഷേ എല്ലാറ്റി​ലും വെച്ച്‌ ഏറ്റവും വിവാ​ദാ​സ്‌പ​ദ​മായ ചികിത്സ ഷോക്ക്‌ ചികി​ത്സ​യാണ്‌. എന്നിരു​ന്നാ​ലും ഡോക്ടർമാർ ഇതിനെ മിക്ക​പ്പോ​ഴും കൂടുതൽ ഹിതക​ര​മായ വൈദ്യു​ത കമ്പന ചികിത്സ അഥവാ ഇ.സി.റ്റി എന്നു വിളി​ക്കു​ന്നു. കുയി​ലി​ന്റെ കൂടിൻ മുകളി​ലൂ​ടെ പറന്ന ഒരുവൻ എന്ന പോ​ലെ​യുള്ള ഫിലി​മു​ക​ളിൽ ഞെട്ടി​പ്പി​ക്കുന്ന വിധത്തിൽ ചിത്രീ​ക​രി​ച്ചി​രി​ക്കുന്ന നടപടി​ക്രമം പൊതു​ജ​ന​ങ്ങളെ പൊതു​വേ ഇ.സി.റ്റി ഭയജന​ക​മാ​ക്കി​യി​രി​ക്കു​ന്നു. എന്നിട്ടും, ഐക്യ​നാ​ടു​ക​ളിൽ മാത്രം ഓരോ വർഷവും കണക്കു​ക​ള​നു​സ​രിച്ച്‌ ഒരു നൂറാ​യി​രം രോഗി​കൾ ഇ.സി.റ്റി സ്വീക​രി​ക്കു​ന്നുണ്ട്‌. മനോ​രോഗ വിദഗ്‌ദ്ധ​രു​ടെ ഒരു സർവ്വേ, ഇ.സി.റ്റി “ഔഷധ​പ്ര​യോ​ഗം, സാധാ​ര​ണ​യാ​യി വലിയ അളവി​ലും മിക്ക​പ്പോ​ഴും മനഃശാ​സ്‌ത്ര​ചി​കി​ത്സ​യോട്‌ ചേർത്തും ഫലപ്ര​ദ​മ​ല്ലാ​ത്ത​പ്പോൾ മാത്ര​മാണ്‌ അധിക​മാ​യി ഉപയോ​ഗി​ക്കു​ന്നത്‌” എന്ന്‌ വെളി​പ്പെ​ടു​ത്തി.

ഇ.സി.റ്റി പരിഷ്‌ക്ക​രി​ച്ച​തി​നാൽ അനേക​രും സങ്കല്‌പി​ക്കു​ന്ന​തു​പോ​ലെ അതി​ഘോ​ര​മായ നടപടി​ക്രമല്ല. ഉചിത​മാ​യി പ്രയോ​ഗി​ക്കു​മ്പോൾ രോഗിക്ക്‌ കാര്യ​മാ​യി അനുഭ​വ​പ്പെ​ടു​ക​യില്ല. അയാളെ ബോധം കെടു​ത്തു​ക​യും മാംസ​പേ​ശിക്ക്‌ അയവു വരുത്തുന്ന ഒരു മരുന്ന്‌ പ്രയോ​ഗി​ക്ക​യും (അസ്ഥിക്ക്‌ പൊട്ടൽ സംഭവി​ക്കാ​തെ സംരക്ഷണം നൽകു​ന്ന​തിന്‌) ചെയ്യുന്നു. അയാളു​ടെ തലയിൽ ഇലക്‌​ട്രോ​ഡു​കൾ വെക്കു​ക​യും ഒരു ചുരു​ങ്ങിയ ആഘാത​ത്തി​നി​ട​യാ​ക്കി​ക്കൊണ്ട്‌ അയാളു​ടെ തലച്ചോ​റി​ലൂ​ടെ ചെറിയ അളവി​ലുള്ള വൈദ്യു​തി കടത്തി​വി​ടു​ക​യും ചെയ്യുന്നു.

അമേരി​ക്കൻ മനഃശാ​സ്‌ത്ര​സം​ഘ​ട​ന​യു​ടെ (എ.പി.എ) വക്താവായ ജോൺ ബോ​ണേജ്‌, ഇ.സി.റ്റി “മ്ലാനത​യ്‌ക്ക്‌ ചികി​ത്സി​ക്കു​ന്ന​തി​നുള്ള ഏറ്റവും ഫലപ്ര​ദ​മായ വിധങ്ങ​ളിൽ ഒന്നായി​രു​ന്നു” എന്ന്‌ ഒരു എ.പി.എ. യത്‌ന-ശക്തി പഠനം നിഗമനം ചെയ്‌തു എന്നു ചൂണ്ടി​ക്കാ​ണി​ക്കു​ന്നു. എന്നിരു​ന്നാ​ലും, തീവ്ര​മായ മ്ലാനത കൂടി​യി​ല്ലെ​ങ്കിൽ ഉൻമാ​ദ​രോഗ ചികി​ത്സ​യ്‌ക്ക്‌ ഇ.സി.റ്റി മേലാൽ അപൂർവ്വ​മാ​യി മാത്രമേ ഉപയോ​ഗി​ക്കു​ന്നു​ള്ളു” എന്ന്‌ ബോ​ണേജ്‌ ഉണരുക!യോട്‌ പറഞ്ഞു.

എങ്ങനെ അല്ലെങ്കിൽ എന്തു​കൊണ്ട്‌ ഇ.സി.റ്റി ഫലിക്കു​ന്നു എന്ന്‌ ഡോക്ടർമാർക്ക്‌ യഥാർത്ഥ​ത്തിൽ അറിഞ്ഞു​കൂ​ടാ. എതിരാ​ളി​കൾ ഇതിനെ സംബന്ധിച്ച്‌, “ചിത്രം മോശ​മാ​കാൻ തുടങ്ങു​മ്പോൾ ടീ. വി സെറ്റിൻമേൽ തൊഴി​ക്കു​ന്ന​തി​നു തുല്യ​മായ മനഃശാ​സ്‌ത്ര​മാണ്‌” എന്ന്‌ വിവരി​ച്ചു. എന്നിരു​ന്നാ​ലും ഇ.സി.റ്റി മനഃശാ​സ്‌ത്ര ഔഷധ​ങ്ങൾക്കു സമാന​മാ​യി ഒരു വിധത്തിൽ നാഡീ​പ്രേ​ക്ഷ​ണത്തെ ബാധി​ച്ചേ​ക്കാ​മെ​ന്ന​തി​നു​തെ​ളി​വുണ്ട്‌. വിമർശകർ, ഓർമ്മ നഷ്ടമാ​ക​ലി​ന്റെ​യും മരണത്തി​ന്റെ​പോ​ലും അപകട സാദ്ധ്യത ചൂണ്ടി​ക്കാ​ണി​ച്ചു​കൊണ്ട്‌ ഇ.സി.റ്റി. അപകട​ക​ര​വും തലച്ചോ​റി​ന്റെ കഴിവ്‌ നഷ്ടപ്പെ​ടു​ത്തു​ന്ന​തും ആണെന്നു പറയുന്നു. എന്നിരു​ന്നാ​ലും, അതിനെ പിൻതാ​ങ്ങു​ന്നവർ പരിഷ്‌ക്ക​രിച്ച നടപടി​ക്ര​മങ്ങൾ ഈ അപകട​സാ​ദ്ധ്യ​തയെ വളരെ​യ​ധി​കം കുറച്ചി​ട്ടു​ണ്ടെന്നു പറയുന്നു. അവർ കഠിന​മായ മ്ലാനത​യോ​ടൊ​ത്തു വരുന്ന ആത്മഹത്യ​യു​ടെ വലിയ അപകട​ത്തി​നെ​തി​രെ ഇ.സി.റ്റിയുടെ പ്രയോ​ജനം ഏതു അപകട​സാ​ദ്ധ്യ​ത​യെ​യും തീർത്തും ഘനം കുറഞ്ഞ​താ​ക്കി​തീർക്കു​ന്നു എന്ന്‌ വാദി​ക്ക​യും ചെയ്യുന്നു.

[24-ാം പേജിലെ ചതുരം]

ഫ്രോയിഡിന്റെ “ഉൾക്കാ​ഴ്‌ചാ” ചികി​ത്സകൾ—സഹായ​മോ തടസ്സമോ?

എൻ.ഐ.എം.എച്ച്‌-ന്റെ ഉൻമാ​ദ​രോഗ ഗവേഷണ ശാഖയി​ലെ ഡോ. ഡേവിഡ്‌ ഷോർ ഉണരുക!യോട്‌ ഇപ്രകാ​രം പറഞ്ഞു: “മനഃശാ​സ്‌ത്ര​ത്തിൽ ഈ കാലത്ത്‌ വളരെ കുറച്ച്‌ മാത്രമേ മാനസി​കാ​പ​ഗ്ര​ഥ​ന​വും അതു​പോ​ലു​ള്ള​വ​യും നടക്കു​ന്നു​ള്ളു.” കാരണം എന്താണ്‌? ഒരു സംഗതി ഫ്രോ​യി​ഡി​ന്റെ അപഗ്ര​ഥ​ന​വും അതി​നോട്‌ ബന്ധപ്പെട്ട ഉൾക്കാഴ്‌ച ചികി​ത്സ​ക​ളും ഉൻമാ​ദ​രോ​ഗത്തെ കേവലം സുഖ​പ്പെ​ടു​ത്തു​ന്നില്ല എന്നതിനു പർവ്വത സമാന​മായ തെളി​വു​ള്ള​തി​നാൽ ഫ്രോ​യി​ഡി​യൻ ചികി​ത്സകൾ, മാനസിക രോഗങ്ങൾ അബോധ മനസ്സിൽ മറഞ്ഞു​കി​ട​ക്കുന്ന ജീവി​താ​നു​ഭ​വ​ങ്ങ​ളു​ടെ​യും ബാല്യ​കാല ആഘാത​ങ്ങ​ളു​ടെ​യും പ്രത്യാ​ഘാ​ത​മാ​ണെ​ന്നുള്ള തെളി​യി​ക്ക​പ്പെ​ടാത്ത അഭി​പ്രാ​യ​ത്തിൽ ചുറ്റി​ത്തി​രി​യു​ക​യാണ്‌. അപഗ്ര​ഥനം നടത്തു​ന്ന​യാൾ അപ്രകാ​രം ചോദ്യ​ങ്ങൾ വഴി അബോ​ധ​മ​ന​സ്സി​നെ സൂക്ഷ്‌മ​പ​രി​ശോ​ധന നടത്തു​ന്ന​തി​നും “സ്വതന്ത്ര സഹവാസ”ത്തിലൂടെ രോഗിക്ക്‌ തന്റെ പ്രശ്‌ന​ങ്ങ​ളു​ടെ ഉറവി​ട​ത്തിൻമേൽ ഉൾക്കാഴ്‌ച ലഭിക്കാൻ സഹായി​ക്കു​ന്ന​തി​നും പരി​ശ്ര​മി​ക്കു​ന്നു.

എന്നിരു​ന്നാ​ലും ഉൻമാ​ദ​രോ​ഗി​കൾക്ക്‌ ആശയവി​നി​മ​യ​ത്തിന്‌ നേര​ത്തെ​തന്നെ പ്രയാ​സ​മുണ്ട്‌. അത്തരക്കാ​രെ ഉൾക്കാ​ഴ്‌ചാ ചികി​ത്സ​യ്‌ക്കാ​യി സൂക്ഷ്‌മ പരി​ശോ​ധ​ന​കൾക്കു​വി​ധേ​യ​മാ​ക്കു​ന്നത്‌, ഡോ. ഇ. ഫുള്ളർ റ്റോ​റെ​യു​ടെ അഭി​പ്രാ​യ​ത്തിൽ, “ഒരു ചുഴലി​ക്കാ​റ്റിൽ തകർന്നു​പോയ ഒരു പട്ടണത്തി​ലേക്ക്‌ ഒരു പ്രളയ​ജലം തിരിച്ചു വിടു​ന്നതു”പോ​ലെ​യാണ്‌.

ഒരു രോഗിക്ക്‌ ഡോക്ട​റു​ടെ മേൽ അതിശ​ക്ത​മായ വികാ​രങ്ങൾ വികസി​പ്പി​ക്കാൻ തക്കവണ്ണം “സ്ഥാനാന്തര പ്രാപ്‌തി”യുടെ അപകടങ്ങൾ ഉണ്ട്‌. രോഗി​കൾ തങ്ങളുടെ ഡോക്ടർമാ​രു​ടെ മേൽ “ആസക്തരാ​യി​ത്തീർന്നു”കൊണ്ട്‌ ചികിത്സ ചുരു​ക്കാൻ സാധി​ക്കാ​തി​രി​ക്കു​ന്ന​താ​യി ചിലർ പറയന്നു. കൂടാതെ, എതിർ ലിംഗ​ത്തിൽ പെട്ട ഒരു അംഗവു​മാ​യി ഗാഢ സൗഹൃദം പങ്കു വെക്കു​ന്ന​തി​നാൽ ധാർമ്മിക പ്രശ്‌നങ്ങൾ ക്ഷണിച്ചു വരുത്തി​യേ​ക്കാം.

അങ്ങനെ, മുഖ്യ​ധാ​ര​യി​ലെ മനോ​രോഗ വിദഗ്‌ദ്ധർ ജീവശാ​സ്‌ത്ര ചികി​ത്സ​ക​ളി​ലേക്കു തിരി​യു​ക​യും ശാസ്‌ത്രീയ മാനസിക അപഗ്ര​ഥനം ഉൻമാ​ദ​രോഗ ചികി​ത്സ​യ്‌ക്ക്‌ ഇന്നേക്കു പറ്റിയ​ത​ല്ലെന്നു വീക്ഷി​ക്ക​യും ചെയ്യുന്നു. എങ്കിലും ചിലത​ര​ത്തി​ലുള്ള സംസാര ചികിത്സ, ഔഷധ പ്രയോ​ഗ​ത്തോ​ടൊത്ത്‌, രോഗിക്ക്‌ പിൻതുണ പ്രദാനം ചെയ്യു​ന്ന​തി​നും അയാളു​ടെ രോഗം അയാൾക്ക്‌ മനസ്സി​ലാ​കാൻ സഹായി​ക്കു​ന്ന​തി​നും മരുന്നു കഴിക്കു​ന്ന​തി​നുള്ള ആവശ്യം അടി​ച്ചേ​ല്‌പ്പി​ക്കു​ന്ന​തി​നും​വേണ്ടി ഫലപ്ര​ദ​മാ​യി ഉപയോ​ഗി​ക്കാൻ കഴി​ഞ്ഞേ​ക്കും. ചില​പ്പോൾ ഒരു ഡോക്ടർ രോഗ​നിർണ്ണ​യ​ത്തി​നു സഹായ​ക​മാ​യി ചുഴി​ഞ്ഞി​റ​ങ്ങുന്ന ചോദ്യ​ങ്ങൾ ഉപയോ​ഗി​ക്കു​ന്നു. എന്നിരു​ന്നാ​ലും ഇത്‌ മാനസിക അപഗ്ര​ഥനം പോ​ലെ​ത​ന്നെ​യു​ള്ളതല്ല.

[23-ാം പേജിലെ ചിത്രങ്ങൾ]

ഔഷധപ്രയോഗത്തിന്റെ ഫലം പലപ്പോ​ഴും നാടകീ​യ​മാണ്‌.