നിഗൂ​ഢ​ത​യി​ലുള്ള ഹരം

അതിമാ​നു​ഷം, ദുർഗ്രഹം, ഭൂതാ​വി​ഷ്ടം—ഈ വാക്കുകൾ നിഗൂ​ഢ​തയെ വർണ്ണി​ക്കാൻ അനേകർ ഉപയോ​ഗി​ക്കുന്ന വാക്കു​ക​ളാണ്‌. ഈ പദത്തിന്റെ ശബ്ദാർത്ഥം “മറഞ്ഞി​രി​ക്കു​ന്നത്‌,” “മൂടി​മ​റ​ച്ചി​രി​ക്കു​ന്നത്‌,” “ഗോപനം ചെയ്‌തി​രി​ക്കു​ന്നത്‌” എന്നാണ്‌. വെബ്‌സ്‌റ്റേ​ഴ്‌സ്‌ തേർഡ്‌ ന്യൂ ഇൻറർനാ​ഷനൽ ഡിക്‌ഷ​ണറി നിഗൂ​ഢ​തയെ നിർവ്വ​ചി​ക്കു​ന്നത്‌ “ദുർഗ്ര​ഹ​മോ പ്രകൃ​താ​തീ​ത​മോ ആയത്‌” എന്നാണ്‌.

അതു​കൊണ്ട്‌ നിഗൂ​ഢ​വി​ദ്യ​യിൽ സാധാ​ര​ണ​ഗ​തി​യിൽ വിശദീ​ക​രി​ക്കാ​നാ​വാത്ത അനുഭ​വ​ങ്ങ​ളും സംഭവ​ങ്ങ​ളും ഉൾപ്പെ​ടു​ന്നു. നിഗൂ​ഢ​തയെ വർണ്ണി​ക്കു​മ്പോൾ കൂടെ​ക്കൂ​ടെ ഉപയോ​ഗി​ക്കുന്ന മറ്റൊരു ഇംഗ്ലീഷ്‌ പദമാണ്‌ പാരാ​നോർമൽ എന്നത്‌. അത്‌ “ശാസ്‌ത്രീ​യ​മാ​യി അറിയ​പ്പെ​ടു​ന്ന​തോ തിരി​ച്ച​റി​യാ​വു​ന്ന​തോ ആയ പ്രതി​ഭാ​സ​ത്തി​ന്റെ പരിധി​ക്ക​തീ​ത​മായ” എന്നാണ്‌ നിർവ്വ​ചി​ക്ക​പ്പെ​ടു​ന്നത്‌.

ഡോ. ജോസഫ്‌ ബാങ്ക്‌സ്‌ റൈൻ 1960-കളിൽ തുടങ്ങി നിഗൂ​ഢ​ത​യു​ടെ മർമ്മങ്ങൾ സംബന്ധിച്ച പഠനങ്ങൾക്ക്‌ മുൻകൈ എടുക്കു​ക​യും “അതീ​ന്ദ്രി​യ​ഗ്ര​ഹണം” (ESP) എന്ന പദം അവതരി​പ്പി​ക്കു​ക​യും ചെയ്‌തു. “ശാസ്‌ത്രീയ ഗവേഷ​ണ​ത്തി​ന്റെ പ്രബുദ്ധത ഇപ്പോ​ഴും ദുർഗ്രഹത തങ്ങിനിൽക്കുന്ന ഇരുണ്ട മൂലക​ളി​ലേക്കു വ്യാപി​ക്കു​മ്പോൾ” നിഗൂഢത മൺമറ​യും എന്ന്‌ അദ്ദേഹം മുൻകൂ​ട്ടി​പ്പ​റഞ്ഞു. “ജ്യോ​തി​ഷ​ത്തി​ന്റെ നിഗൂഢ നടപടി​കൾ ജ്യോ​തി​ശാ​സ്‌ത്ര​ത്തി​നു വഴിമാ​റി​യ​തു​പോ​ലെ​യും നിഗൂ​ഢ​ത​യു​ടെ രസവിദ്യ ശാസ്‌ത്രീയ രസത​ന്ത്ര​മാ​യി മാറി​യ​തു​പോ​ലെ​യും മാന്ത്രിക പ്രതി​വി​ധി​കൾക്കു പകരം അവിക​ല​മായ ഔഷധം സ്ഥലം പിടി​ച്ച​തു​പോ​ലെ​യും കാല​ക്ര​മ​ത്തിൽ കൂടുതൽ വിശ്വ​സ​നീ​യ​മായ ഒരു അടിസ്ഥാ​നം ശേഷി​ക്കുന്ന നിഗൂ​ഢ​പ​ദ്ധ​തി​കളെ പുറന്ത​ള്ളും” എന്ന്‌ അദ്ദേഹം പറയു​ക​യു​ണ്ടാ​യി.

എന്നിരു​ന്നാ​ലും, നിഗൂ​ഢ​വി​ദ്യ​യു​ടെ വിപു​ല​മായ പഠനങ്ങൾക്കു ശേഷവും മർമ്മങ്ങൾ പരിഹ​രി​ക്ക​പ്പെ​ടാ​തെ അവശേ​ഷി​ക്കു​ക​യാണ്‌. ഹരം കുറയു​ന്ന​തി​നു​പ​കരം വളരു​ക​യാണ്‌.

ഹരത്തിന്റെ കാരണങ്ങൾ

മിസ്സിസ്‌ റോസ്‌ മേരി ബ്രൗണി​ന്റെ സംഗതി എടുക്കുക. കുട്ടി​ക്കാ​ലത്ത്‌ അവൾക്ക്‌ സംഗീത പരിശീ​ല​ന​മൊ​ന്നും കിട്ടി​യി​രു​ന്നില്ല. അവൾക്ക്‌ സംഗീ​ത​ത്തിൽ പ്രത്യേക താൽപ്പ​ര്യ​മി​ല്ലാ​യി​രു​ന്നു. പിന്നീട്‌, പ്രായ​പൂർത്തി​യാ​യ​പ്പോൾ അവൾ സംഗീ​തലയ രേഖാ​നി​രകൾ ഉല്‌പാ​ദി​പ്പി​ക്കാൻ തുടങ്ങി, തനിക്ക്‌ അവ ബീഥോ​വൻ, ബ്രാംസ്‌, ഷൂബേർട്ട്‌ എന്നിവർ പറഞ്ഞു​കൊ​ടു​ത്ത​താ​ണെന്ന്‌ അവൾ അവകാ​ശ​പ്പെട്ടു. അവളുടെ കേസിന്റെ പരി​ശോ​ധ​നയെ വർണ്ണി​ച്ചു​കൊണ്ട്‌ ദ ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ, 1977, മാ​ക്രോ​പ്പീ​ഡി​യാ ഇങ്ങനെ റിപ്പോർട്ടു ചെയ്യുന്നു:

“ഈ [മ്യൂസി​ക്കൽ സ്‌കോ​റു​കൾ] പ്രമു​ഖ​വി​ദ​ഗ്‌ദ്ധരെ കാണി​ച്ച​പ്പോൾ അവ ഏതെങ്കി​ലും ഉപേക്ഷി​ക്ക​പ്പെട്ട തട്ടിൻ പുറത്തു കണ്ടെത്ത​പ്പെ​ട്ടി​രു​ന്നെ​ങ്കിൽ അവ അസൽ എന്ന്‌ പരിഗ​ണി​ക്ക​പ്പെ​ടു​മാ​യി​രു​ന്നു എന്ന്‌ അവർ സമ്മതിച്ചു. ഓരോ​ന്നും കേവലം ന്യായ​മായ മിശ്രി​ത​മാ​യി​രു​ന്നു​വെന്നു മാത്രമല്ല, രചയി​താ​വി​ന്റെ വികാ​ര​വും വ്യക്തി​ത്വ​വു​മാ​യി അറിയ​പ്പെ​ട്ടി​രു​ന്ന​തി​നെ യഥാതഥം വെളി​പ്പെ​ടു​ത്തു​ന്ന​തു​മാ​യി​രു​ന്നു. പ്രത്യ​ക്ഷ​ത്തിൽ ഉന്നതപ​രി​ശീ​ലനം സിദ്ധിച്ച സംഗീത വിദഗ്‌ദ്ധർക്കു​പോ​ലും അനായാ​സം ഇത്ര ഗുണ​മേൻമ​യുള്ള കൃതികൾ ഉല്‌പാ​ദി​പ്പി​ക്കാൻ കഴിയു​മാ​യി​രു​ന്നില്ല. (കഴിയു​മാ​യി​രു​ന്നെ​ങ്കിൽത്തന്നെ) വളരെ തുച്ഛമായ സംഗീത പരിശീ​ലനം ലഭിച്ച ഒരു സാധാ​ര​ണ​ക്കാ​രിക്ക്‌ അങ്ങനെ ചെയ്യാൻ കഴിഞ്ഞത്‌ അന്ധാളി​പ്പി​ക്കു​ന്ന​താ​യി​രു​ന്നു, വിശേ​ഷിച്ച്‌, അവളെ ഒരിക്ക​ലും സംഗീ​ത​രചന പഠിപ്പി​ച്ചി​ട്ടി​ല്ലാ​ഞ്ഞ​തു​കൊണ്ട്‌.”

അനേകർക്കും അങ്ങനെ​യുള്ള അനുഭ​വങ്ങൾ ഹരമാണ്‌. അവ സാദ്ധ്യ​മാ​യി​രി​ക്കു​ന്ന​തെ​ങ്ങനെ? ദ ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ ഇങ്ങനെ സമ്മതിച്ചു പറയുന്നു: “ഈ ജർമ്മൻ സംഗീ​ത​ജ്ഞ​രു​ടെ പ്രേതങ്ങൾ ഈ സ്‌ത്രീക്ക്‌ ഇംഗ്ലീ​ഷിൽ തങ്ങളുടെ അടുത്ത കാലത്തെ രചനകൾ പറഞ്ഞു​കൊ​ടു​ക്കു​ന്ന​തിന്‌ ക്യൂ നിൽക്കു​ന്നു​വെന്ന ആശയം ആകർഷ​ക​മാ​യി​രി​ക്കു​ന്നില്ല.” എന്നിരു​ന്നാ​ലും എൻ​സൈ​ക്ലോ​പ്പീ​ഡി​യാ ഇങ്ങനെ പ്രസ്‌താ​വി​ക്കു​ന്നു: “വസ്‌തു​തകൾ അവിതർക്കി​ത​മാണ്‌; വ്യക്തമായ വിശദീ​ക​രണം മുന്നോ​ട്ടു വരുന്നില്ല. ആ നിലയിൽ ഈ കഥ മറ്റു പലതും പോ​ലെ​യു​ള്ള​താണ്‌.”

ഇംഗ്ലണ്ട്‌ സൗത്ത്‌ ഹാംബർ സൈഡി​ലെ ഫ്‌ളി​ക്‌സ്‌ബ​റോ​യിൽ നിന്നുള്ള റിപ്പോർട്ടും പരിചി​ന്തി​ക്കുക. ഒരു രാസവ​സ്‌തു​ശാ​ല​യിൽ 1974 ജൂൺ 1-ാം തീയതി വൈകു​ന്നേരം 4:53-ന്‌ ഒരു വമ്പിച്ച സ്‌ഫോ​ടനം നടന്നു. ഏതാണ്ട്‌ അഞ്ചു മണിക്കൂർ മുമ്പ്‌ 25 മൈൽ (40 കി. മീ.) ദൂരെ താമസി​ക്കുന്ന ഒരു ചെറു​പ്പ​ക്കാ​രി സ്‌ത്രീ ഈ സ്‌ഫോ​ട​ന​വും ശാലയി​ലെ ജോലി​ക്കാ​രു​ടെ മരണവും പരുക്കും റിപ്പോർട്ടു ചെയ്യുന്ന ഒരു വാർത്ത റ്റെലി​വി​ഷ​നിൽ കണ്ടതായി പറഞ്ഞു. അന്ന്‌ ഉച്ചതി​രിഞ്ഞ്‌ 2 മണിക്കു മുമ്പ്‌ അവളെ സന്ദർശിച്ച വേറെ രണ്ടു​പേ​രോ​ടും അവൾ അതി​നെ​ക്കു​റി​ച്ചു പറഞ്ഞു. പിന്നീട്‌ വൈകു​ന്നേ​രത്ത്‌ റ്റീ. വി. ഈ സംഭവം റിപ്പോർട്ടു ചെയ്യു​ക​യും സ്‌ഫോ​ടനം സായാ​ഹ്ന​ത്തി​ലാ​യി​രു​ന്നു​വെന്ന്‌ അറിയി​ക്കു​ക​യും ചെയ്‌തു. ആ പ്രദേ​ശത്തെ സകല പ്രക്ഷേപണ കമ്പനി​ക​ളും അങ്ങനെ​യുള്ള ഏതെങ്കി​ലും വാർത്ത പ്രക്ഷേ​പണം ചെയ്‌ത​താ​യി നിഷേ​ധി​ച്ചു.

നിങ്ങളും മറ്റനേ​ക​രോ​ടൊ​പ്പം ഇത്തരം അനുഭ​വ​ങ്ങ​ളിൽ ആകൃഷ്ട​രാ​കു​ന്നു​ണ്ടോ?

ഇനി വളരെ നിർദ്ദോ​ഷ​മായ നേര​മ്പോ​ക്കാ​യി തോന്നി​യേ​ക്കാ​വുന്ന ഒരു “കളി” ഉണ്ട്‌. വീജാ ബോർഡ്‌ എന്നു വിളി​ക്ക​പ്പെ​ടു​ന്നത്‌ ഉപയോ​ഗി​ച്ചാണ്‌ അത്‌ കളിക്കു​ന്നത്‌. വ്യത്യസ്‌ത ഇനം ബോർഡു​ക​ളു​ണ്ടെ​ങ്കി​ലും സാധാ​ര​ണ​യാ​യി അത്‌ 24 ഇഞ്ചു നീളവും 18 ഇഞ്ചു വീതി​യു​മുള്ള (61×46 സെ. മീ) ഒരു ദീർഘ​ച​തുര ബോർഡാണ്‌. ഘനം കാൽ ഇഞ്ചാണ്‌. (0.6 സെ. മീ.) അതിൽ അക്ഷരമാ​ല​യി​ലെ അക്ഷരങ്ങ​ളും 1 മുതൽ 9 വരെയും 0-ഉം ഉള്ള അക്കങ്ങളു​ടെ ഒരു നിരയും “ഉവ്വ്‌” എന്ന പദവും “ഇല്ല” എന്ന പദവും ഉണ്ട്‌. ഏറ്റവും പ്രധാ​ന​പ്പെട്ട ഭാഗം ഒരു സന്ദേശം നൽകു​ന്ന​തിന്‌ ഓരോ അക്ഷരത്തി​ലേ​ക്കും ചൂണ്ടുന്ന ഹൃദയാ​കൃ​തി​യുള്ള ഒരു സൂചക​മാണ്‌.

കളിക്കാർ ബോർഡ്‌ തങ്ങളുടെ മടിയിൽ വയ്‌ക്കു​ക​യും തങ്ങളുടെ വിരലു​കൾ പതുക്കെ ഹൃദയാ​കൃ​തി​യി​ലുള്ള സൂചക​ത്തിൻമേൽ വെക്കു​ക​യും ചെയ്യുന്നു. അനന്തരം അവർ ഒരു ചോദ്യം ചോദി​ക്കു​ക​യും ഉത്തരത്തി​നാ​യി കാത്തി​രി​ക്കു​ക​യും ചെയ്യുന്നു. അത്‌ യഥാർത്ഥ​ത്തിൽ പ്രാവർത്തി​ക​മാ​കു​ന്നു​വോ? അത്‌ പ്രാവർത്തി​ക​മാ​കു​ന്നു​വെന്നു പറയു​ന്നവർ അനേക​രാണ്‌. “ചില സമയങ്ങ​ളിൽ ഉത്തരങ്ങൾ അത്ഭുത​ക​ര​മാ​യി കൃത്യ​മാണ്‌” എന്ന്‌ പംക്തി​കാ​ര​നായ ജോർജ്ജ്‌ ആർ. പ്ലാജൻസ്‌ എഴുതി. “വീജാ​ബോർഡ്‌ പിന്നീടു നടന്നി​ട്ടുള്ള സംഭവ​ങ്ങളെ മുൻകൂ​ട്ടി​പ്പ​റ​ഞ്ഞ​താ​യി പോലും അറിയ​പ്പെ​ട്ടി​രി​ക്കു​ന്നു.”

ഈ കളി ദശലക്ഷ​ങ്ങൾക്ക്‌ ഹരമാണ്‌. യഥാർത്ഥ​ത്തിൽ, ഏതാനും വർഷം മുമ്പ്‌ അത്‌ ഐക്യ​നാ​ടു​ക​ളി​ലെ ഏറ്റവും പ്രചാ​ര​മുള്ള കളി—മോ​ണോ​പ്പൊ​ളി​യെ​ക്കാൾ പ്രചാ​ര​മുള്ള കളി” എന്ന്‌ വിളി​ക്ക​പ്പെട്ടു.

വർദ്ധി​ച്ചു​വ​രുന്ന പ്രചാരം

“നിഗൂ​ഢ​വും പ്രകൃ​ത്യ​തീ​ത​വും അസാധാ​ര​ണ​വു​മാ​യവ വലിയ ബിസി​ന​സ്സാ​ണെ”ന്ന്‌ യു. എസ്‌. ന്യൂസ്‌ ആൻഡ്‌ വേൾഡ്‌ റിപ്പോർട്ട്‌ പ്രസ്‌താ​വി​ക്കു​ന്നു. “വായന​ക്കാ​രോ​ടും ദീർഘ​ദർശി​ക​ളോ​ടും സ്വപ്ര​ഖ്യാ​പി​ത​രായ മറ്റ്‌ ദർശക​രോ​ടും ആലോചന ചോദി​ക്കു​ന്ന​തിന്‌ എല്ലാ ജീവി​ത​തു​റ​ക​ളിൽനി​ന്നു​മു​ള്ളവർ വൻതു​കകൾ കൊടു​ക്കു​ന്നു.”

അങ്ങനെ​യു​ള്ള ദർശക​രിൽ, ഐക്യ​നാ​ടു​ക​ളി​ലെ 600,000 വരുന്ന നിഗൂ​ഢ​വി​ദ്യ​ക്കാ​രായ ജ്യോ​തി​ഷ​ക്കാ​രും ആത്മീയ മാദ്ധ്യ​മ​ങ്ങ​ളും ആത്മവി​ദ്യ​ക്കാ​രും മറ്റുള്ള​വ​രും ഉൾപ്പെ​ടു​ന്നു. അവർ തങ്ങളുടെ ഉപദേ​ശ​ത്തിന്‌ 3600 രൂപാ വരെ ഈടാ​ക്കു​ന്നു. നിഗൂ​ഢ​വി​ദ്യ​യെ​ക്കു​റി​ച്ചു പ്രതി​പാ​ദി​ക്കുന്ന മാസി​ക​കൾക്കും പുസ്‌ത​ക​ങ്ങൾക്കും റ്റേപ്പു​കൾക്കും ചലച്ചി​ത്ര​ങ്ങൾക്കും​വേണ്ടി കോടി​ക്ക​ണ​ക്കി​നു രൂപയും ചെലവ​ഴി​ക്ക​പ്പെ​ടു​ന്നുണ്ട്‌.

ബ്രിട്ട​നി​ലെ അവസ്ഥയും സമാന​മാണ്‌. നിഗൂ​ഢാ​ചാ​ര​ങ്ങൾക്ക്‌ ഉപയോ​ഗി​ക്ക​പ്പെ​ടുന്ന പുസ്‌ത​ക​ങ്ങ​ളും വസ്‌തു​ക്ക​ളും തപാൽ ഓർഡ​റ​നു​സ​രിച്ച്‌ അയച്ചു​കൊ​ടു​ക്കുന്ന കടകൾക്ക്‌ വമ്പിച്ച വ്യാപാ​രം അനുഭ​വ​പ്പെ​ടു​ക​യാണ്‌. റിപ്പോർട്ട​നു​സ​രിച്ച്‌ ബ്രിട്ട​നി​ലെ ഒരു പ്രമുഖ സപ്ലയർ “ഓരോ വാരത്തി​ലും ശതക്കണ​ക്കിന്‌ ഓർഡ​റു​കൾ കൈകാ​ര്യം ചെയ്യുന്നു,” അയാളു​ടെ പുസ്‌ത​ക​ങ്ങൾക്ക്‌ ക്രമായ ഏതാണ്ട്‌ 20000 കക്ഷിക​ളുണ്ട്‌.”

“ബ്രിട്ട​നിൽ അഞ്ചുവർഷം മുമ്പ്‌ 60,000 മന്ത്രവാ​ദി​ക​ളു​ണ്ടാ​യി​രു​ന്നു​വെന്നു വിചാ​രി​ക്ക​പ്പെ​ട്ട​താ​യി” 1985 മാർച്ച്‌ 6-ലെ ലണ്ടൻ ഗാർഡി​യൻ റിപ്പോർട്ടു ചെയ്യുന്നു,” “ഇന്ന്‌ എണ്ണം 80,000 ആയി വർദ്ധി​ച്ചി​രി​ക്കു​ന്ന​താ​യി ചില മന്ത്രവാ​ദി​കൾ കണക്കാ​ക്കു​ന്നു.”

തീർച്ച​യാ​യും, പാശ്ചാ​ത്യ​ലോ​കം വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ “നിഗൂ​ഢ​ത​യു​ടെ വിപു​ല​വ്യാ​പ​ക​മായ പുനരു​ജ്ജീ​വനം” എന്നു വിളി​ക്കു​ന്നത്‌ അനുഭ​വി​ച്ചു​കൊ​ണ്ടി​രി​ക്കു​ക​യാണ്‌.

നിഗൂഢത അനേകർക്ക്‌ ഹരമാ​ണെ​ങ്കി​ലും സൂക്ഷ്‌മ​പ​രി​ശോ​ധന എന്തു വെളി​പ്പെ​ടു​ത്തു​ന്നു? അപകടങ്ങൾ ഉൾപ്പെ​ട്ടി​രി​ക്കു​ന്നു​വോ? ഉണ്ടെങ്കിൽ, അവ എന്തൊ​ക്കെ​യാണ്‌? (g86 8/22)

[4-ാം പേജിലെ ചിത്രം]

നിഗൂഢ വസ്‌തു​ക്കൾ വില്‌പന നടത്തു​ന്നത്‌ വളർന്നു​വ​രുന്ന ഒരു ബിസി​ന​സ്സാണ്‌