ചെറു​പ്പ​ക്കാർ ചോദി​ക്കു​ന്നു . . .

മുതിർന്നവർ എന്നെ മനസ്സി​ലാ​ക്കാൻ എനിക്ക്‌ അവരെ എങ്ങനെ സഹായി​ക്കാൻ കഴിയും?

“നിരവധി മാതാ​പി​താ​ക്ക​ളു​ടെ പഴയ സുജ്ഞാത ശത്രു​വാ​യി​രുന്ന ‘തലമുറ വിടവ്‌’ ഇപ്പോൾ മാതാ​പി​താ​ക്ക​ളു​ടെ​യും കുട്ടി​ക​ളു​ടെ​യും ഇടയിൽ യഥാർത്ഥ പ്രതി​ബ​ന്ധമല്ല” എന്ന്‌ അമേരി​ക്കൻ കുട്ടി​ക​ളു​ടെ സ്വകാര്യ ജീവിതം എന്ന പുസ്‌ത​ക​ത്തി​ന്റെ ഗ്രന്ഥകർത്താവ്‌ അവകാ​ശ​പ്പെ​ടു​ന്നു. “തലമുറ വിടവ്‌” ഒരു പ്രതി​ബ​ന്ധ​മ​ല്ലെ​ങ്കിൽ, അവർ പറയു​ന്ന​ത​നു​സ​രിച്ച്‌ എന്താണ്‌ പ്രതി​ബ​ന്ധ​മാ​യി​രി​ക്കു​ന്നത്‌? “സകല മാനുഷ ബന്ധങ്ങളി​ലെ​യും യഥാർത്ഥ പ്രശ്‌നം ഇതാണ്‌—മറ്റൊ​രാ​ളി​ന്റെ വീക്ഷണം മനസ്സി​ലാ​ക്കാൻ ശ്രമി​ക്കു​ന്ന​തി​ലും ശ്രദ്ധി​ക്കു​ന്ന​തി​ലും സംസാ​രി​ക്കു​ന്ന​തി​ലു​മുള്ള പരാജയം.”

ഇൻജ്‌ എന്നു പേരുള്ള ഒരു ജർമ്മൻ പെൺകു​ട്ടി​യു​ടെ​യും അവളുടെ മാതാ​പി​താ​ക്ക​ളു​ടെ​യും പ്രശ്‌നം ഇതായി​രു​ന്നു. “തുടക്കം മുതൽതന്നെ ഞാൻ എന്റെ മാതാ​പി​താ​ക്കളെ അവഗണി​ക്കു​ക​യും ഞങ്ങളുടെ ഇടയിൽ ഒരു പ്രതി​ബന്ധം പടുത്തു​യർത്തു​ക​യും ചെയ്‌തു” എന്ന്‌ അവർ സമ്മതി​ക്കു​ന്നു. എന്നാൽ അവൾ ഇന്ന്‌ വ്യത്യ​സ്‌ത​മാ​യി നീങ്ങുന്നു. “അവർ എന്താണ്‌ ചിന്തി​ക്കു​ന്നത്‌ എന്ന്‌ കണ്ടുപി​ടി​ക്കാൻ ഞാൻ എന്നെ അവരുടെ സ്ഥാനത്ത്‌ പ്രതി​ഷ്‌ഠി​ക്കാൻ ശ്രമി​ക്കും” എന്ന്‌ അവൾ പറയുന്നു. മനോ​ഭാ​വ​ത്തി​ലെ ഈ മാറ്റം എന്തു​കൊണ്ട്‌? എന്തു​കൊ​ണ്ടെ​ന്നാൽ ചെറു​പ്പ​ക്കാ​രെ നന്നായി മനസ്സി​ലാ​ക്കാൻ മുതിർന്ന​വരെ സഹായി​ക്കു​ന്ന​തി​നുള്ള ഏറ്റവും നല്ല മാർഗ്ഗം ചെറു​പ്പ​ക്കാർ ആദ്യം തന്നെ മുതിർന്ന​വരെ മനസ്സി​ലാ​ക്കാൻ ശ്രമി​ക്കുക എന്നതാ​ണെന്ന്‌ ഇൻജ്‌ ഇപ്പോൾ തിരി​ച്ച​റി​യു​ന്നു. എന്നാൽ ഇതെങ്ങനെ ചെയ്യാൻ കഴിയു​മെന്ന്‌ നിങ്ങൾ ചിന്തി​ച്ചേ​ക്കാം.

സംസാ​രി​ക്കുക!

സംഭാ​ഷണം എന്നത്‌ മനസ്സി​ലാ​ക്കാ​നുള്ള താക്കോ​ലാണ്‌ എന്തു​കൊ​ണ്ടെ​ന്നാൽ സംസാ​ര​മി​ല്ലെ​ങ്കിൽ മറ്റുള്ളവർ എന്താണ്‌ ചിന്തി​ക്കു​ന്ന​തെന്ന്‌ നിങ്ങൾക്ക്‌ അറിയാൻ സാദ്ധ്യമല്ല. അവർ ആ വിധത്തിൽ ചിന്തി​ക്കു​ന്നത്‌ എന്തു​കൊ​ണ്ടാ​ണെന്ന്‌ നിങ്ങൾക്ക്‌ അറിയാൻ സാദ്ധ്യ​മ​ല്ലാ​ത്ത​തി​നാ​ലും സംഭാ​ഷണം പരമ​പ്ര​ധാ​ന​മാണ്‌. എന്നാൽ സംഭാ​ഷ​ണ​മെ​ന്നത്‌ അങ്ങോ​ട്ടു​മി​ങ്ങോ​ട്ടും വേണ്ട ഒന്നാണ്‌. “ചില​പ്പോൾ കുറവുള്ള ഏക സംഗതി അല്‌പം ഗ്രാഹ്യം മാത്ര​മാണ്‌” എന്ന ശീർഷ​ക​ത്തോ​ടു കൂടിയ ഒരു ജർമ്മൻ മാസി​കാ​ലേ​ഖനം പറയു​ന്ന​ത​നു​സ​രിച്ച്‌ “ചെറു​പ്പ​ക്കാർ തങ്ങളുടെ മാതാ​പി​താ​ക്ക​ളിൽ കൂടു​ത​ലാ​യി വിശ്വാ​സ​മർപ്പി​ക്കണം.” അതേസ​മയം അത്‌ “തങ്ങളുടെ കുട്ടി​കളെ നന്നായി മനസ്സി​ലാ​ക്കാൻ” മാതാ​പി​താ​ക്കളെ ബുദ്ധി​യു​പ​ദേ​ശി​ക്കു​ക​യും ചെയ്യുന്നു.

നിങ്ങളു​ടെ മാതാ​പി​താ​ക്ക​ളിൽ വിശ്വാ​സ​മർപ്പി​ക്കുക എന്നു പറഞ്ഞാൽ അതിന്റെ അർത്ഥം നിങ്ങളു​ടെ വിചാ​രങ്ങൾ ഹൃദയം തുറന്ന്‌ അവരോട്‌ പറയുക എന്നതാണ്‌. നിങ്ങൾ ചിന്തി​ക്കു​ന്ന​തോ നിങ്ങൾക്ക്‌ തോന്നു​ന്ന​തോ ആയ കാര്യ​ങ്ങളെ സംബന്ധിച്ച്‌ നിങ്ങൾക്ക്‌ കൃത്യ​ത​യു​ണ്ടാ​യി​രി​ക്കണം. പക്ഷേ പരുക്ക​നോ നയമി​ല്ലാ​ത്ത​വ​നോ ആയിരി​ക്ക​രുത്‌. വെല്ലു​വി​ളി​ക്കുന്ന രീതി​യി​ലാ​യി​രി​ക്കാ​തെ, യഥാർത്ഥ താല്‌പ​ര്യ​ത്തോ​ടെ ചോദ്യ​ങ്ങൾ ചോദി​ച്ചു​കൊണ്ട്‌ നിങ്ങൾക്ക്‌ അവരുടെ അന്ത:രംഗങ്ങൾ അറിയാൻ കഴിയും. ഉദാഹ​ര​ണ​ത്തിന്‌, മാതാ​പി​താ​ക്ക​ളോ​ടോ മറ്റ്‌ മുതിർന്ന​വ​രോ​ടോ നല്ല കൂട്ടു​കാ​രെ തെര​ഞ്ഞെ​ടു​ക്കു​ന്ന​തി​ലോ ജീവി​ത​ത്തിൽ പ്രയോ​ജ​ന​ക​ര​മായ ലാക്കുകൾ വെക്കു​ന്ന​തി​ലോ നിങ്ങളെ സഹായി​ക്കാ​നുള്ള നിർദ്ദേ​ശ​ങ്ങൾക്കാ​യി ആശയവി​നി​യമം നടത്തു​ന്ന​തി​നെ​ക്കു​റിച്ച്‌ നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ? “ഒരു മനുഷ്യ​ന്റെ ഹൃദയ​ത്തി​ലെ ആലോചന ആഴമുള്ള വെള്ളങ്ങൾ പോ​ലെ​യാ​കു​ന്നു, എന്നാൽ വിവേ​ച​ന​യുള്ള മനുഷ്യ​നാണ്‌ അത്‌ കോരി​യെ​ടു​ക്കു​ന്നത്‌” എന്ന്‌ സദൃശ​വാ​ക്യ​ങ്ങൾ 20:5 പറയുന്നു. മറ്റുള്ള​വ​രിൽനിന്ന്‌ നിങ്ങൾക്ക്‌ പഠിക്കാൻ കഴിയു​ന്ന​തി​നെ​ക്കു​റിച്ച്‌ നിങ്ങൾ അതിശ​യി​ച്ചേ​ക്കാം—അതെ, പ്രായം ചെന്നവ​രിൽനി​ന്നു​പോ​ലും. എന്നാൽ ആദ്യം​തന്നെ നിങ്ങൾ സംസാ​രി​ക്കണം.

ആമിയു​ടെ അനുഭവം വിവരി​ക്കാം. അവൾ പറയുന്നു: “എനിക്ക്‌ 15 വയസ്സു​ണ്ടാ​യി​രു​ന്ന​പ്പോൾ ഞാൻ ദൈവ​ത്തിൽ വിശ്വ​സി​ക്കു​ന്നില്ല എന്ന്‌ എന്റെ അമ്മയോട്‌ പറഞ്ഞത്‌ ഞാൻ ഒരിക്ക​ലും മറക്കു​ക​യില്ല. അതു അവളെ ആഴത്തിൽ മുറി​വേൽപ്പി​ച്ചി​രി​ക്കണം. കാരണം അവൾ വലിയ ഒരു ദൈവ​ഭ​ക്ത​യാണ്‌. എന്നാൽ എന്നെ കുറ്റ​പ്പെ​ടു​ത്തു​ന്ന​തി​നു​പ​കരം എന്തു​കൊ​ണ്ടാണ്‌ ദൈവ​ത്തിൽ വിശ്വ​സി​ക്കാ​ത്ത​തെന്ന്‌ അവൾ എന്നോട്‌ ചോദി​ച്ചു. അത്‌ സംബന്ധിച്ച്‌ ഞങ്ങൾ ഏതാണ്ട്‌ ഒരു മണിക്കൂർ സംസാ​രി​ച്ചു.” ആമി ഇപ്പോ​ഴും ഒരു ക്രിസ്‌ത്യാ​നി അല്ലെങ്കി​ലും അവൾ ഇപ്പോൾ ഇപ്രകാ​രം സമ്മതിച്ചു പറയുന്നു:” ആ സമയം മുതൽ ഞാൻ എന്റെ വീക്ഷണ​ത്തിൽ അല്‌പം മാറ്റം വരുത്തി​യി​രി​ക്ക​യാണ്‌. എന്നാൽ അവൾ പെട്ടെന്ന്‌ ക്ഷോഭി​ക്കാ​ഞ്ഞ​തി​ലും പ്രശ്‌നം സങ്കീർണ്ണ​മാ​ക്കാ​ഞ്ഞ​തി​ലും ഞാൻ അവളെ യഥാർത്ഥ​മാ​യി അഭിന​ന്ദി​ച്ചു. ഒരുപക്ഷേ ഞാൻ ഒരിക്കൽ തിരി​ഞ്ഞു​വ​രു​മെന്ന്‌ അവൾ മനസ്സി​ലാ​ക്കി​യി​രു​ന്നി​രി​ക്കണം.”

‘എന്റെ മാതാ​പി​താ​ക്കൾ അത്തരം ഗ്രാഹ്യം പ്രകട​മാ​ക്കി​യി​രു​ന്നെ​ങ്കിൽ കൊള്ളാ​മാ​യി​രു​ന്നു, എനിക്ക്‌ യാതൊ​രു പ്രശ്‌ന​വും ഉണ്ടാക​യി​ല്ലാ​യി​രു​ന്നു’ എന്ന്‌ നിങ്ങൾ പറഞ്ഞേ​ക്കാം. എന്നാൽ പ്രായം ചെന്നവർക്കും അവരു​ടേ​തായ പരിമി​തി​ക​ളു​ണ്ടെന്ന്‌ ഓർക്കുക. അസ്വസ്ഥ​നായ ഒരു പിതാ​വാ​യി​രി​ക്കുന്ന ലാറി നിഷ്‌ക്ക​പ​ട​മാ​യി സമ്മതിച്ചു പറഞ്ഞു: “എന്റെ കുട്ടി​ക​ളോട്‌ സ്‌നേ​ഹ​വും ഗ്രാഹ്യ​വും പ്രകട​മാ​ക്ക​ണ​മെന്ന്‌ എനിക്ക​റി​യാം. എന്നാൽ അത്‌ പ്രകട​മാ​ക്കാൻ വളരെ ബുദ്ധി​മു​ട്ടു​ള്ള​താ​യി ഞാൻ കണ്ടെത്തു​ന്നു. കാരണം ഞാൻ എന്റെ കുട്ടി​ക്കാ​ലത്ത്‌ അത്‌ ഒരിക്ക​ലും അനുഭ​വി​ച്ച​റി​ഞ്ഞി​ട്ടില്ല. ഇതിൽ എങ്ങനെ പുരോ​ഗ​മി​ക്കാ​മെന്ന്‌ എനിക്ക​റി​യില്ല.”

നിങ്ങളു​ടെ കുടും​ബ​ത്തിൽ ഇത്‌ സത്യമാ​ണെ​ങ്കിൽ, നിങ്ങളു​ടെ മാതാ​പി​താ​ക്കൾക്കു​വേണ്ടി കാര്യങ്ങൾ സരളമാ​ക്കാൻ ശ്രമി​ക്കുക. നിങ്ങൾത്തന്നെ മുൻകൈ എടുക്കുക. അവരോട്‌ സ്‌നേ​ഹ​വും ഗ്രാഹ്യ​വും പ്രകട​മാ​ക്കുക. മിക്കവ​രു​ടെ​യും സംഗതി​യിൽ അവർ പെട്ടെ​ന്നു​തന്നെ അല്ലെങ്കിൽ അല്‌പം കഴിഞ്ഞ്‌ കൂടുതൽ സ്‌നേ​ഹ​വും ഗ്രാഹ്യ​വും പ്രകടി​പ്പി​ച്ചു​തു​ട​ങ്ങും കാരണം സ്‌നേഹം അന്യോ​ന്യം പകരാ​വുന്ന ഒന്നാണ്‌ . ബൈബിൾ ദൈവ​ത്തെ​ക്കു​റിച്ച്‌ പറയുന്നു: “അവൻ ആദ്യം നമ്മെ സ്‌നേ​ഹി​ച്ച​തു​കൊണ്ട്‌ നാം സ്‌നേ​ഹി​ക്കു​ന്നു.”—1 യോഹ​ന്നാൻ 4:19.

ഇത്‌ സത്യമാ​ണെന്ന്‌ 17 വയസ്സുള്ള കാരൻ മനസ്സി​ലാ​ക്കി. അവൾ പറയുന്നു: “മിക്ക കുട്ടി​ക​ളും തങ്ങളുടെ മാതാ​പി​താ​ക്കൾക്ക്‌ സന്തോ​ഷ​പ്ര​ദ​മായ സമയം പ്രദാനം ചെയ്യു​ന്നു​ണ്ടെന്ന്‌ എനിക്ക്‌ തോന്നു​ന്നില്ല. ഒരു മാതാ​വോ ഒരു പിതാ​വോ ആയിരി​ക്കു​ന്നത്‌ ബുദ്ധി​മു​ട്ടുള്ള ഒരു സംഗതി​യാണ്‌. അതു​കൊണ്ട്‌ ചില​പ്പോൾ നാം അവരെ സഹായി​ക്കേ​ണ്ട​തുണ്ട്‌.” ഇതി​ന്റെ​യർത്ഥം നാം സംഭാ​ഷണം നടത്താൻ ശ്രമി​ക്കണം എന്നാണ്‌. അത്‌ എല്ലായ്‌പ്പോ​ഴും അത്ര എളുപ്പ​മുള്ള സംഗതി​യല്ല. “അത്‌ എന്റെ ഭാഗത്ത്‌ ക്ഷമ ആവശ്യ​മാ​ക്കി​ത്തീർത്തു” എന്ന്‌ അവൾ സമ്മതി​ക്കു​ന്നു. എന്നാൽ അവൾക്ക്‌ അതിന്റെ പ്രതി​ഫലം ലഭിച്ചു. അത്‌ നിങ്ങൾക്കും പ്രതി​ഫലം നൽകും.

ശ്രദ്ധി​ക്കു​ക​യും പഠിക്കു​ക​യും ചെയ്യുക

സംസാരം പ്രധാ​ന​മാണ്‌. എന്നാൽ ശ്രദ്ധിക്കൽ അതിലും പ്രധാ​ന​മാണ്‌. “കേൾവിക്ക്‌ വേഗത​യും സംസാ​ര​ത്തിന്‌ താമസ​വും” ഉള്ളവരാ​യി​രി​ക്കാൻ ക്രിസ്‌തീയ ശിഷ്യ​നായ യാക്കോബ്‌ ഓരോ​രു​ത്ത​രെ​യും ബുദ്ധി​യു​പ​ദേ​ശി​ക്കു​ന്നു. (യാക്കോബ്‌ 1:19) വാസ്‌ത​വ​ത്തിൽ “കേൾവി” വെറുതെ വാക്കുകൾ കേൾക്കു​ന്ന​തി​ല​ധി​കം അർത്ഥമാ​ക്കു​ന്നു; അത്‌ വിചാ​രങ്ങൾ മനസ്സി​ലാ​ക്കു​ന്നത്‌ അർത്ഥമാ​ക്കു​ന്നു.

അതു​കൊണ്ട്‌ നിങ്ങൾ നിങ്ങളു​ടെ വികാ​ര​ങ്ങ​ളും വിചാ​ര​ങ്ങ​ളും പ്രായം ചെന്നവ​രു​മാ​യി പങ്കു​വെ​ക്കാൻ ആഗ്രഹി​ക്കു​ന്നെ​ങ്കിൽ അപ്രകാ​രം ചെയ്യുക. വാദ​പ്ര​തി​വാ​ദ​ത്തി​ന്റെ ലക്ഷ്യത്തി​ലാ​യി​രി​ക്ക​രുത്‌ മറിച്ച്‌ ശ്രദ്ധി​ക്കു​ന്ന​തി​നും പഠിക്കു​ന്ന​തി​നും ആയിരി​ക്കണം. ആശയങ്ങൾ വിരു​ദ്ധ​മാ​കു​മ്പോൾ എന്തു​കൊ​ണ്ടെന്ന്‌ നിങ്ങ​ളോ​ടു​തന്നെ ചോദി​ക്കുക. ‘ഞാൻ സംസാ​രി​ക്കുന്ന ആളിന്‌ എനിക്കി​ല്ലാത്ത അനുഭ​വ​പ​രി​ച​യ​മി​ല്ലേ? എനിക്ക്‌ അറിവി​ല്ലാത്ത കാര്യങ്ങൾ അദ്ദേഹ​ത്തിന്‌ അറിവു​ണ്ടോ? അങ്ങനെ​യെ​ങ്കിൽ എന്ത്‌? അദ്ദേഹ​ത്തി​ന്റെ പരിത:സ്ഥിതി​യും വിദ്യാ​ഭ്യാ​സ​വും പശ്ചാത്ത​ല​വും എന്റേതിൽനിന്ന്‌ വ്യത്യ​സ്‌ത​മാ​ണോ? ഏത്‌ വിധങ്ങ​ളിൽ? ഇത്‌ മറ്റുള്ള​വ​രിൽനിന്ന്‌ പഠിക്കാൻ കൂടുതൽ സ്വീകാ​ര​ക്ഷ​മ​രാ​യി​രി​ക്കാൻ നിങ്ങളെ സഹായി​ച്ചേ​ക്കാം.

എന്തായി​രു​ന്നാ​ലും ജീവിതം അതായി​രി​ക്കണം—തുടർച്ച​യായ പഠന​പ്ര​ക്രിയ. ഇതിൽ ഒരുവന്റെ വീക്ഷണ​ങ്ങ​ളും അഭി​പ്രാ​യ​ങ്ങ​ളും ആശയങ്ങ​ളും തുടർച്ച​യാ​യി ശരി​പ്പെ​ടു​ത്തു​ന്നത്‌ ഒരു തുറന്ന മനസ്സ്‌ നിലനിർത്തു​ന്ന​തും ഉൾപ്പെ​ടു​ന്നു. നിങ്ങൾ നിങ്ങളു​ടെ 20-കളിലാ​ണെ​ങ്കിൽ ഇത്‌ സത്യമാ​ണെന്ന്‌ നിങ്ങൾക്ക​റി​യാം. കൂടാതെ, നിങ്ങൾ ഒരു കൗമാ​ര​പ്രാ​യ​ക്കാ​ര​നാ​യി​രു​ന്ന​പ്പോൾ നിങ്ങൾക്കു​ണ്ടാ​യി​രുന്ന ചില വീക്ഷണ​ങ്ങൾക്ക്‌ ഇപ്പോൾ ഒരളവു​വരെ മാറ്റം വന്നിട്ടു​ണ്ടെന്ന്‌ നിങ്ങൾ തീർച്ച​യാ​യും സമ്മതി​ക്കും. മാറ്റം വരുത്താത്ത വ്യക്തി ഒരുപക്ഷേ ഇപ്പോൾത്തന്നെ “ചത്ത”വനാ​ണെന്ന്‌ പറയ​പ്പെ​ട്ടി​രി​ക്കു​ന്നു. പക്ഷേ അത്‌ ശ്രദ്ധി​ക്ക​പ്പെ​ട്ടി​ട്ടി​ല്ലെന്നു മാത്രം. അതു​കൊണ്ട്‌ നിങ്ങളു​ടെ സമയത്തി​നു​മു​മ്പേ “മരിക്ക”രുത്‌.

മെച്ച​പ്പെ​ടുക!

ഏകദേശം 2000 വർഷങ്ങൾക്കു​മുമ്പ്‌ ഒരു പ്രായ​മേ​റിയ പുരുഷൻ ഒരു യുവ സുഹൃ​ത്തി​നെ “സംസാ​ര​ത്തി​ലും നടത്തയി​ലും സ്‌നേ​ഹ​ത്തി​ലും വിശ്വാ​സ​ത്തി​ലും നിർമ്മ​ല​ത​യി​ലും . . . ഒരു മാതൃ​ക​യാ​യി​രി”ക്കാൻ ബുദ്ധി​യു​പ​ദേ​ശി​ച്ചു. ഈ പ്രായ​മേ​റി​യവൻ ക്രിസ്‌തീയ അപ്പോ​സ്‌ത​ല​നായ പൗലോ​സാ​യി​രു​ന്നു. അവൻ തിമൊ​ഥെ​യോ​സി​ന്റെ ക്ഷേമത്തിൽ തല്‌പ​ര​നാ​യി​രു​ന്നു. തിമൊ​ഥെ​യോസ്‌ നല്ല ഒരു മാതൃക വെച്ചതി​നാ​ലും “യൗവന​മോ​ഹങ്ങൾ” വിട്ടോ​ടി​യ​തി​നാ​ലും മറ്റുള്ള​വർക്ക്‌ അവനെ എളുപ്പം മനസ്സി​ലാ​ക്കു​ന്ന​തി​നും അംഗീ​ക​രി​ക്കു​ന്ന​തി​നും കഴിഞ്ഞു.—1 തിമൊ​ഥെ​യോസ്‌ 4:12; 2 തിമൊ​ഥെ​യോസ്‌ 2:22.

പ്രായം കുറഞ്ഞ​വ​രും കൂടി​യ​വ​രു​മായ നമു​ക്കെ​ല്ലാ​വർക്കും ഇതിൽനിന്ന്‌ പഠിക്കാൻ കഴിയും. മറ്റുള്ളവർ നമ്മെ മനസ്സി​ലാ​ക്കു​ക​യും അംഗീ​ക​രി​ക്കു​ക​യും ചെയ്യാൻ നാം ആഗ്രഹി​ക്കു​ന്നെ​ങ്കിൽ, “ഞാൻ ആയിരി​ക്കു​ന്ന​തു​പോ​ലെ തന്നെ നിങ്ങൾ എന്നെ മനസ്സി​ലാ​ക്കി​യി​രി​ക്കണം” എന്ന്‌ നാം നിർബ്ബന്ധം പിടി​ക്കു​ക​യില്ല. നാം നമ്മുടെ വ്യക്തി​ത്വ​ത്തി​ലും സ്വഭാ​വ​ത്തി​ലും ക്രിയാ​ത്മ​ക​മായ മാറ്റങ്ങൾ വരുത്താൻ മനസ്സു​ള്ള​വ​രാ​യി​രി​ക്കണം. അങ്ങനെ​യാ​ണെ​ങ്കിൽ ആളുകൾ നമ്മെ അംഗീ​ക​രി​ക്കാൻ ആഗ്രഹി​ക്കും.

അതു​കൊണ്ട്‌ നിങ്ങളു​ടെ ജീവി​ത​ത്തി​ലെ ഏതെങ്കി​ലും മണ്ഡലങ്ങ​ളിൽ നിലനിൽക്കുന്ന അഭി​പ്രായ വ്യത്യാ​സ​മു​ണ്ടെ​ങ്കിൽ—നിങ്ങളു​ടെ വസ്‌ത്ര​ധാ​ര​ണ​ത്തി​ലോ ചമയത്തി​ലോ കൂട്ടു​കാ​രെ​യും വിനോ​ദ​ത്തെ​യും തെര​ഞ്ഞെ​ടു​ക്കു​ന്ന​തി​ലോ—കുറഞ്ഞ​പക്ഷം നിങ്ങ​ളെ​ക്കാൾ അനുഭ​വ​പ​രി​ച​യ​മു​ള്ള​വ​രു​ടെ​യോ മുതിർന്ന​വ​രു​ടെ​യോ നിർദ്ദേ​ശങ്ങൾ ആത്മാർത്ഥ​മാ​യി പരിഗ​ണി​ക്കാൻ മനസ്സു​ണ്ടാ​യി​രി​ക്കുക. ഇത്‌ “പരുഷ​പ്ര​കൃ​തം ഇല്ലാതാ​ക്കാൻ” നിങ്ങളെ സഹായി​ക്കും. അത്‌ മുതിർന്ന​വരെ സംബന്ധി​ച്ചി​ട​ത്തോ​ളം നിങ്ങളെ സ്‌നേ​ഹി​ക്കു​ന്ന​തും അഭിന​ന്ദി​ക്കു​ന്ന​തും എളുപ്പ​മാ​ക്കി​ത്തീർക്കും.

യഥാർത്ഥ ഗ്രാഹ്യം കണ്ടെത്തുക

വാസ്‌ത​വ​ത്തിൽ കരുത​ലുള്ള മുതിർന്നവർ ഉണ്ടെന്ന്‌ ഉറപ്പു​ള്ള​വ​രാ​യി​രി​ക്കുക. ഫെഡറൽ റിപ്പബ്‌ളിക്ക്‌ ഓഫ്‌ ജർമ്മനി​യിൽ നിന്നുള്ള ഒരു യുവാ​വാ​യി​രി​ക്കുന്ന റോബർട്ടി​നോട്‌ ചോദി​ക്കുക. അവൻ കൗമാ​ര​പ്രാ​യ​ത്തി​ലാ​യി​രു​ന്ന​പ്പോൾ വാച്ച്‌റ്റവർ സൊ​സൈ​റ്റിക്ക്‌ എഴുതിയ ഒരു കത്തിൽ ഇപ്രകാ​രം പറഞ്ഞു: “ഞാൻ വളർന്നു വന്നപ്പോൾ എന്റെ എല്ലാ പ്രവർത്ത​ന​ങ്ങ​ളി​ലും എനിക്ക്‌ ബുദ്ധി​മു​ട്ടു​ണ്ടാ​യി​രു​ന്നു. എന്റെ ഗൃഹപാ​ഠം ചെയ്‌തു​തീർക്കാൻ ധാരാളം സമയം വേണ്ടി​യി​രു​ന്നു. എനിക്ക്‌ ശ്രദ്ധ​കേ​ന്ദ്രീ​ക​രി​ക്കാൻ കഴിഞ്ഞില്ല. എനിക്ക്‌ സുഹൃ​ത്തു​ക്കൾ ആരും ഉണ്ടായി​രു​ന്നില്ല. എന്റെ മാതാ​പി​താ​ക്ക​ളിൽ എനിക്ക്‌ യാതൊ​രു വിശ്വാ​സ​വും ഉണ്ടായി​രു​ന്നില്ല. ഞാൻ അനുസ​ര​ണ​മി​ല്ലാ​ത്ത​വ​നും അച്ചടക്ക​മി​ല്ലാ​ത്ത​വ​നു​മാ​യി​രു​ന്നു. ഒരിക്കൽ ഞാൻ ആത്മഹത്യ ചെയ്യാൻ ശ്രമിച്ചു. അതിനു​ശേഷം ഞാൻ യഹോ​വ​യു​ടെ സാക്ഷി​ക​ളു​മാ​യി പരിച​യ​ത്തി​ലാ​യി. എന്തോ​ര​നു​ഗ്രഹം! ഞാൻ എന്നിലും മറ്റുള്ള​വ​രി​ലും ആത്മാർത്ഥ​മായ ഒരു വീക്ഷണം കൈ​ക്കൊ​ള്ളാൻ പഠിച്ചു. ഞാൻ ഏറ്റവും മനോ​ഹ​ര​മായ സംഗതി കണ്ടെത്തി—സ്‌നേഹം.”

ഗ്രാഹ്യ​ത്തി​നും സ്‌നേ​ഹ​ത്തി​നും വേണ്ടി​യുള്ള നിങ്ങളു​ടെ അന്വേ​ഷ​ണ​ത്തിൽ നിങ്ങൾ നിരാശ അനുഭ​വി​ച്ചേ​ക്കാം. എന്നാൽ ഉപേക്ഷി​ക്ക​രുത്‌. അന്വേ​ഷണം തുടർന്നു കൊ​ണ്ടേ​യി​രി​ക്കുക. നിങ്ങൾ യഥാർത്ഥ കൂട്ടു​കാ​രെ, പ്രായ​മേ​റി​യ​വ​രു​ടെ ഇടയിൽ പോലും, പ്രത്യേ​കിച്ച്‌ ക്രിസ്‌തീയ സഭയിൽ നിങ്ങൾ കണ്ടെത്തു​ക​തന്നെ ചെയ്യും. നിങ്ങൾ അവരെ മറഞ്ഞു​കി​ടന്ന നിധി​ക​ളാ​യി—ആദ്യം അവ അദൃശ​മാ​യി​രു​ന്നെ​ങ്കി​ലും അവ ഒരിക്കൽ കണ്ടെത്തി​യാൽ എന്നെ​ത്തേ​തി​ലും കൂടുതൽ ശോഭി​ക്കു​ന്ന​വ​യാ​യി—കണ്ടെത്തു​ക​തന്നെ ചെയ്യും.

റോബർട്ട്‌ കണ്ടെത്തി​യ​തു​പോ​ലെ യഹോ​വ​യാം ദൈവ​ത്തെ​ക്കു​റിച്ച്‌ പഠിക്കു​ന്ന​തും അവനു​മായ ഒരു അടുത്ത ബന്ധം നിലനിർത്താൻ ശ്രമി​ക്കു​ന്ന​തും നിങ്ങളു​ടെ യഥാർത്ഥ പ്രയോ​ജ​ന​ത്തി​നു​ത​കും. മനുഷ്യർ നിങ്ങളെ തെറ്റി​ദ്ധ​രി​ക്കു​മ്പോൾ, നിങ്ങൾക്ക്‌ പ്രാർത്ഥ​ന​യിൽ “നിങ്ങളു​ടെ ഭാരം യഹോ​വ​യി​ലേക്ക്‌ എറിയാൻ” തോന്നും. അവൻ എല്ലായ്‌പ്പോ​ഴും നമ്മെ മനസ്സി​ലാ​ക്കുന്ന ഒരു യഥാർത്ഥ സുഹൃ​ത്താണ്‌. അവൻ നിങ്ങൾക്ക​റി​യാ​വുന്ന മറ്റു ചില​രെ​പ്പോ​ലെയല്ല. നിങ്ങളു​ടെ പ്രശ്‌നങ്ങൾ എത്രമാ​ത്രം നിസ്സാ​ര​മാ​യി തോന്നി​യാ​ലും അവ ഒരിക്ക​ലും ശ്രദ്ധി​ക്കാ​തി​രി​ക്കാൻ തക്കവണ്ണം അവൻ വളരെ തിരക്കു​ള്ള​വനല്ല. അവൻ നിങ്ങൾക്ക്‌ ഒരിക്ക​ലും ഭാഗി​ക​മായ ശ്രദ്ധ നൽകു​ക​യില്ല. അവൻ സുദീർഘ​മായ ഒരു പ്രസം​ഗ​ത്തി​ലൂ​ടെ നിങ്ങളെ ഒരിക്ക​ലും തടസ്സ​പ്പെ​ടു​ത്തു​ക​യില്ല. പരമ​പ്ര​ധാ​ന​മാ​യി അവൻ പ്രതി​ക​രി​ക്കും. അവന്റെ ആശ്വാ​സ​പ്ര​ദ​മായ വാഗ്‌ദാ​നം “അവൻതന്നെ നിന്നെ പോറ്റി​പു​ലർത്തും” എന്നാണ്‌.—സങ്കീർത്തനം 55:22. (g86 7/22)

[11, 12 പേജു​ക​ളി​ലെ ചിത്രങ്ങൾ]

സംസാരിക്കാൻ മനസ്സു​ള്ള​വ​രാ​യി​രി​ക്കുക . . . ശ്രദ്ധി​ക്കാൻ തിടു​ക്ക​മു​ള്ള​വ​രും