ചെറു​പ്പ​ക്കാർ ചോദി​ക്കു​ന്നു . . .

ചാരി​ത്ര​ശു​ദ്ധി​യു​ള്ള​വ​രാ​യി നിലനിൽക്കൽ—അതു യഥാർത്ഥ​ത്തിൽ ഉത്തമാ​ണോ?

എസ്ഥേറിന്റെ അടിവ​യ​റ്റി​ലെ വേദന വിട്ടു​മാ​റാ​ഞ്ഞ​തി​നാൽ അവൾ ഒരു ഡോക്ടറെ സമീപി​ച്ചു. ഡോക്ടർ അവളുടെ ചാർട്ട്‌ ശ്രദ്ധ​യോ​ടെ പരി​ശോ​ധി​ച്ച​ശേഷം ചുരുക്കം ചില ചോദ്യ​ങ്ങൾ ചോദി​ച്ചു. അദ്ദേഹം കാര്യ​മാ​ത്ര​പ്ര​സ​ക്ത​മാ​യി ആരാഞ്ഞു. “ഏതു തരത്തി​ലുള്ള ഗർഭനി​രോ​ധ​ന​മാർഗ്ഗ​മാണ്‌ ഉപയോ​ഗി​ക്കാ​റു​ള്ളത്‌?”

അത്ര ഗുരു​ത​ര​മ​ല്ലെന്ന്‌ പിന്നീട്‌ തെളിഞ്ഞ ഒരു പ്രശ്‌ന​ത്തിൽനി​ന്നുള്ള വേദന​യോ​ടെ നിശ്ചല​യാ​യി എസ്ഥേർ പതിഞ്ഞ സ്വരത്തിൽ പറഞ്ഞു: “ഞാൻ ഒന്നും ഉപയോ​ഗി​ക്കാ​റില്ല.”

“എന്ത്‌? നിനക്ക്‌ ഗർഭം ധരിക്ക​ണോ? ഡോക്ടർ ഉൽ​ക്രോ​ശി​ച്ചു.

“വേണ്ട” എന്നതാ​യി​രു​ന്നു ഈ അവിവാ​ഹി​ത​യായ സ്‌ത്രീ​യു​ടെ മറുപടി.

“നീ എന്തെങ്കി​ലും ഉപയോ​ഗി​ക്കു​ന്നി​ല്ലെ​ങ്കിൽ പിന്നെ ഗർഭധാ​ര​ണത്തെ തടയാ​നു​ദ്ദേ​ശി​ക്കു​ന്ന​തെ​ങ്ങ​നെ​യാണ്‌” പ്രകോ​പി​ത​നായ ഡോക്ടർ തിരി​ച്ച​ടി​ച്ചു.

“കാരണം ഞാൻ ലൈം​ഗി​ക​ബ​ന്ധ​ത്തിൽ ഏർപ്പെ​ടാ​റില്ല!” എസ്ഥേർ പ്രതി​വ​ചി​ച്ചു.

ഡോക്ടർ അവിശ്വാ​സ​ത്തോ​ടെ അവളെ തുറി​ച്ചു​നോ​ക്കു​ക​യും അവളുടെ ചാർട്ട്‌ വീണ്ടും പരി​ശോ​ധി​ക്കു​ക​യും ചെയ്‌തു. “നീ 23 വയസ്സു​കാ​രി​യല്ലേ?” അദ്ദേഹം വീണ്ടും വിചാ​ര​മി​ല്ലാ​തെ പറഞ്ഞു. “ഞാൻ മുറി​പ്പെ​ടു​ത്താൻ ഉദ്ദേശി​ക്കു​ന്നില്ല. എന്തായി​രു​ന്നാ​ലും ഇത്‌ അവിശ്വ​സ​നീ​യം​തന്നെ. ഇവിടെ 13 വയസ്സുള്ള കുട്ടികൾ വരാറുണ്ട്‌. അവർ മേലാൽ ചാരി​ത്ര​ശു​ദ്ധി​യു​ള്ള​വരേ അല്ല. നീ അസാധാ​ര​ണ​ക്കാ​രി​തന്നെ. ഞാൻ ചാരി​ത്ര​ശാ​ലി​നി​ക​ളായ ചുരുക്കം കുട്ടി​ക​ളയേ കാണാ​റു​ള്ളു.”

ചാരി​ത്ര​ശു​ദ്ധി ഇന്നത്തെ ലോക​ത്തിൽ നിന്ന്‌ പൂർണ്ണ​മാ​യും അപ്രത്യ​ക്ഷ​മാ​യി​രി​ക്കു​ക​യാണ്‌. “ഒരു കൗമാ​ര​പ്രാ​യ​ക്കാ​രൻ ആയിരി​ക്കു​മ്പോൾ തന്നെ ലൈം​ഗിക ബന്ധത്തിൽ ഏർപ്പെ​ടാത്ത ഒരു ചെറു​പ്പ​ക്കാ​രൻ അസാധാ​ര​ണ​ക്കാ​ര​നാണ്‌,” ഈ അനുമാ​ന​ത്തി​ലാണ്‌ അലൻ ഗട്ട്‌മാ​ച്ചർ ഇൻസ്റ്റി​റ്റ്യൂ​ട്ടി​ന്റെ 1981-ലെ ഒരു ആധികാ​രിക റിപ്പോർട്ട്‌ ചെന്നെ​ത്തി​യത്‌. “തങ്ങൾ കൗമാ​ര​പ്രാ​യ​ത്തി​ലാ​യി​രു​ന്ന​പ്പോൾത്തന്നെ ലൈം​ഗിക ബന്ധങ്ങളിൽ ഏർപ്പെ​ട്ട​താ​യി 10 പുരു​ഷൻമാ​രിൽ എട്ടു​പേ​രും 10 സ്‌ത്രീ​ക​ളിൽ ഏഴു​പേ​രും റിപ്പോർട്ടു​ചെ​യ്യു​ന്നു.” താഴെ​കാ​ണുന്ന ബോക്‌സിൽ ചർച്ച​ചെ​യ്‌തി​രി​ക്കുന്ന എസ്ഥേറി​നെ വ്യത്യ​സ്‌ത​യാ​യി​രി​ക്കാൻ പ്രേരി​പ്പി​ച്ച​തെ​ന്താണ്‌?

ധാർമ്മി​ക​ത​യെ സംബന്ധിച്ച ബൈബിൾ നിയമങ്ങൾ അനുസ​രി​ക്കു​ന്നത്‌ ഉത്തമാ​യി​രു​ന്നു​വെന്ന്‌ അവൾക്ക്‌ ബോദ്ധ്യം വന്നിരു​ന്നു. ബൈബിൾ വ്യക്തമാ​യി പ്രസ്‌താ​വി​ക്കു​ന്നു: “ഇപ്പോൾ ശരീരം പരസം​ഗ​ത്തിന്‌ (വിവാ​ഹ​ത്തിന്‌ മുമ്പുള്ള ലൈം​ഗി​ക​ബന്ധം) ഉള്ളതല്ല . . . ദുർവൃ​ത്തി വിട്ടോ​ടുക.” (1 കൊരി​ന്ത്യർ 6:13, 18) എന്നിട്ടും മിക്ക ചെറു​പ്പ​ക്കാ​രും ബൈബി​ളി​ന്റെ ധാർമ്മി​കത അവഗണി​ക്കു​ന്നു. എങ്കിൽത്ത​ന്നെ​യും, ധാർമ്മി​കമയ ചാരി​ത്ര​ശു​ദ്ധിക്ക്‌ വസ്‌തു​നി​ഷ്‌ഠ​മായ പ്രയോ​ജ​ന​ങ്ങ​ളു​ണ്ടോ?

ഒരു ശാരീ​രിക സംരക്ഷണം

ജീവശാ​സ്‌ത്ര​ത്തി​ന്റെ​യും വൈദ്യ​ശാ​സ്‌ത്ര​ത്തി​ന്റെ​യും ആനുകാ​ലിക പ്രസി​ദ്ധീ​ക​ര​ണ​ത്തിൽ എഴുതവെ, ഡോ. റിച്ചാർഡ്‌ ലീ തന്റെ സഹചി​കി​ത്സ​കരെ ഉദ്‌ബോ​ധി​പ്പി​ച്ചു: “വളരെ ആശ്രയ​യോ​ഗ്യ​വും പ്രത്യേ​ക​ത​യു​ള്ള​തും ഏറ്റവും വിലകൂ​ടി​യ​തും വിഷജ​ന്യ​വും, ഗർഭസം​ബ​ന്ധ​വും ലൈം​ഗിക സംബന്ധ​വു​മായ വൈഷ​മ്യം നിവാ​രണം ചെയ്യു​ന്ന​തി​നെ—കന്യകാ​വ​സ്ഥ​യു​ടെ പുരാ​ത​ന​വും മാന്യ​വും ആരോ​ഗ്യ​ക​ര​വു​മായ സ്ഥിതിയെ—അവഗണി​ച്ചു​കൊണ്ട്‌ ഗർഭധാ​ര​ണത്തെ തടയു​ന്ന​തി​നും ലൈം​ഗി​ക​രോ​ഗത്തെ ചികി​ത്സി​ക്കു​ന്ന​തി​നുള്ള നമ്മുടെ വലിയ നേട്ടങ്ങ​ളെ​ക്കു​റിച്ച്‌ നാം നമ്മുടെ ചെറു​പ്പ​ക്കാ​രോട്‌ വീമ്പടി​ക്കു​ന്നു.” അധാർമ്മിക ലൈം​ഗി​ക​ബ​ന്ധ​ത്തി​ന്റെ ശാരീ​രി​കാ​പ​ക​ട​ങ്ങ​ളെ​ക്കു​റിച്ച്‌ വ്യക്തമായ ബോധ​ത്തോ​ടെ, അദ്ദേഹം തന്റെ ലേഖനം അവസാ​നി​പ്പി​ച്ചു: “ചാരി​ത്ര​ശു​ദ്ധി ശുപാർശ ചെയ്യാൻ ഡോക്ടർമാർക്ക്‌ ഇപ്പോ​ഴും ഒരു സ്ഥാനമുണ്ട്‌.”

നിശ്ചയ​മാ​യും, വിവാ​ഹ​ത്തി​നു​മു​മ്പുള്ള ലൈം​ഗി​ക​ബ​ന്ധ​ങ്ങ​ളെ​ല്ലാം ഗർഭധാ​ര​ണ​മോ ലൈം​ഗിക രോഗ​മോ കൈവ​രു​ത്തു​ന്നില്ല. എന്നാൽ ചാരി​ത്ര​ശു​ദ്ധി​യു​ടെ പ്രയോ​ജ​നങ്ങൾ അപ്രേ​യ​മ​ത്രേ.

സമാധാ​ന​വും സ്വാഭി​മാ​ന​വും

ബൈബി​ളിൽ വിവരി​ച്ചി​രി​ക്കുന്ന ഒരു യുവക​ന്യക, തന്റെ പുരു​ഷ​സു​ഹൃ​ത്തി​നോ​ടുള്ള തീവ്ര​മായ സ്‌നേഹം ഉണ്ടായി​രു​ന്നി​ട്ടും, ചാരി​ത്ര​ശു​ദ്ധി നിലനിർത്തി. അവളുടെ ചാരി​ത്ര​നിഷ്‌ഠ അധാർമ്മിക സമ്മർദ്ദ​ത്തിൻകീ​ഴിൽ ‘തുറന്നു കിടക്കുന്ന’ ഒരു ആട്ടമുള്ള വാതിൽപോ​ലെ ആയിരി​ക്കു​ന്ന​തി​നു​പ​കരം, അവൾക്ക്‌ അഭിമാ​ന​ത്തോ​ടെ ഇങ്ങനെ പറയാൻ കഴിഞ്ഞു: “ഞാൻ ഒരു മതിലാണ്‌, എന്റെ സ്‌തനങ്ങൾ ഗോപു​രങ്ങൾ പോ​ലെ​യാണ്‌.” അതെ ധാർമ്മി​ക​മാ​യി, അവൾ കയറി​ച്ചെ​ല്ലാൻ പറ്റാത്ത അഗമ്യ​ഗോ​പു​ര​ങ്ങ​ളോ​ടു​കൂ​ടിയ ഒരു പ്രതി​രോ​ധ​മ​തിൽ പോലെ ഉറച്ചു​നി​ന്നു. അവൾ “ശുദ്ധി​യു​ള്ളവൾ” എന്ന്‌ വിളി​ക്ക​പ്പെ​ടാൻ അർഹയാ​യി​രു​ന്നു. അതിന്റെ പ്രയോ​ജ​ന​ങ്ങ​ളോ? കന്യക തന്റെ ഭാവി ഭർത്താ​വി​നെ​ക്കു​റിച്ച്‌ എങ്ങനെ പറഞ്ഞു. “ഞാൻ എന്റെ ദൃഷ്ടി​യിൽ സമാധാ​നം കണ്ടെത്തു​ന്ന​വ​ളെ​പ്പോ​ലെ ആയിത്തീർന്നി​രി​ക്കു​ന്നു.” അവളുടെ സ്വന്തം മനഃസ​മാ​ധാ​നം ഇരുവ​രു​ടെ​യും സംതൃ​പ്‌തിക്ക്‌ സംഭാവന ചെയ്‌തു.—ശലോ​മോന്റ ഉത്തമഗീ​തം 6:9, 10; 8:9, 10.

നേരത്തെ വിവരിച്ച എസ്ഥേറി​നും ഇതേ ആന്തരിക സമാധാ​ന​വും ആത്മാഭി​മാ​ന​വും ഉണ്ടായി​രു​ന്നു. അവൾ പറഞ്ഞു: “എനിക്ക്‌ എന്നെക്ക​റിച്ച്‌ നല്ലതു തോന്നി. സഹപ്ര​വർത്തകർ എന്നെ പരിഹ​സി​ക്കു​മ്പോൾപോ​ലും ഞാൻ എന്റെ പാതി​വ്ര​ത്യ​ശു​ദ്ധി​യെ ഒരു വജ്രം​പോ​ലെ വില​യേ​റി​യ​താ​യി വീക്ഷിച്ചു, കാരണം അതു വളരെ വിരള​മാണ്‌, ചാരി​ത്ര​ശു​ദ്ധി​യുള്ള ചെറു​പ്പ​ക്കാർ ഒരു വ്രണിത മനഃസാ​ക്ഷി​യാൽ ബാധി​ക്ക​പ്പെ​ടു​ന്നില്ല. “യഹോ​വ​യാം ദൈവ​ത്തി​ന്റെ മുമ്പാകെ നല്ലൊരു മനഃസാ​ക്ഷി ഉണ്ടായി​രി​ക്കു​ന്ന​തി​നേ​ക്കാൾ ഉത്തമായ മറ്റൊ​ന്നില്ല.” എന്ന്‌ 19 വയസ്സുള്ള ഒരു ക്രിസ്‌ത്യാ​നി​യായ സ്റ്റീഫൻ പ്രസ്‌താ​വി​ച്ചു.

എന്നാൽ ലൈം​ഗി​ക​ബ​ന്ധ​ത്തി​ലേർപ്പെ​ടാ​തെ ഒരു ദമ്പതി​കൾക്ക്‌ അന്യോ​ന്യം അടുത്ത​റി​യാൻ കഴിയു​ന്ന​തെ​ങ്ങനെ? എന്ന്‌ ചില ചെറു​പ്പ​ക്കാർ ന്യായ​വാ​ദം ചെയ്യുന്നു.

നിലനിൽക്കുന്ന സൗഹൃദം കെട്ടു​പ​ണി​ചെ​യ്യു​ന്നു

ലൈം​ഗി​ക​കാ​ര്യ​ങ്ങൾക്ക്‌ സ്വാധീ​ന​മു​ണ്ടെ​ങ്കി​ലും, അതിനു​മാ​ത്രം നിലനിൽക്കുന്ന ഒരു ബന്ധം കെട്ടു​പ​ണി​ചെ​യ്യാൻ സാദ്ധ്യമല്ല. വിവാ​ഹം​വരെ ലൈം​ഗി​ക​ബ​ന്ധ​ത്തിൽ ഏർപ്പെ​ടാ​തി​രി​ക്കു​മ്പോൾ, ദമ്പതികൾ വ്യക്തി​പ​ര​വും സാമു​ഹ്യ​പ​ര​വു​മായ ഗുണങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്നു, മറിച്ച്‌ ലൈം​ഗിക സംതൃ​പ്‌തി​യി​ലല്ല. ലൈം​ഗിക സംതൃ​പ്‌തി​യിൽ ശ്രദ്ധ കേന്ദ്രീ​ക​രി​ക്കു​ന്നത്‌ ഗുരു​ത​ര​മായ പ്രശ്‌ന​ങ്ങ​ളി​ലേക്ക്‌ നയി​ച്ചേ​ക്കാം.

ഉദാഹ​ര​ണ​ത്തിന്‌, രണ്ടു​പ്രാ​വ​ശ്യം സ്‌നേ​ഹ​ബന്ധം വേദനാ​ജ​ന​ക​മാ​യി തകർത്ത​ശേഷം അന്ന സമ്മതിച്ചു പറഞ്ഞു. “ചില​പ്പോൾ വളരെ പെട്ടന്നു​തന്നെ നിങ്ങൾക്ക്‌ ശാരീ​രി​ക​മാ​യി കൂടുതൽ അടുക്കാൻ കഴിയു​മെന്ന്‌ ഞാൻ അനുഭ​വ​ത്തിൽനിന്ന്‌ പഠിച്ചി​രി​ക്കു​ന്നു.” അതു​കൊണ്ട്‌ അവളും അവളുടെ ഭാവി​ഭർത്താ​വും ഡെയി​റ്റിം​ഗി​ലേർപ്പെ​ടാൻ തുടങ്ങി​യ​പ്പോൾ, അവർ ശാരീ​രി​ക​മാ​യി കൂടുതൽ അടുക്കു​ന്നത്‌ ഒഴിവാ​ക്കാൻ വളരെ ശ്രദ്ധയു​ള്ള​വ​ളാ​യി​രു​ന്നു. ഒരു ദമ്പതികൾ ലൈം​ഗിക അടുപ്പ​ങ്ങ​ളു​ടെ ഉല്ലാസ​പ്ര​ദ​മായ സ്വാധീ​ന​ത്തിൻ കീഴിൽ, വിവാ​ഹ​ശേഷം പൊന്തി​വ​രുന്ന ഗുരു​ത​ര​മായ ഭിന്നത​കളെ മുൻകൂ​ട്ടി​കാ​ണാ​തെ അവഗണി​ച്ചു​ക​ള​ഞ്ഞേ​ക്കാ​മെ​ന്നോർക്കുക

ചാരി​ത്ര​ശു​ദ്ധി​യു​ള്ള​വർക്ക്‌ അത്തരം വഞ്ചന ഒഴിവാ​ക്കാൻ കഴിയും. നാലു​വർഷ​മാ​യി സന്തോ​ഷ​ക​ര​മായ വിവാ​ഹ​ജീ​വി​തം നയിക്കുന്ന അന്ന വിശദീ​ക​രി​ക്കു​ന്നു: “ഞങ്ങൾ കോർട്ടിം​ഗി​ലാ​യി​രു​ന്ന​പ്പോൾ, ഞങ്ങളുടെ ജിവി​ത​ല​ക്ഷ്യ​ങ്ങൾ ചർച്ച​ചെ​യ്‌തും പ്രശ്‌നങ്ങൾ ആരാഞ്ഞും സമയം ചിലവ​ഴി​ച്ചു. ഞാൻ വിവാഹം കഴിക്കാൻ പോകുന്ന വ്യക്തി ഏതുത​ര​ക്കാ​ര​നാ​ണെന്ന്‌ ഞാൻ തിരി​ച്ച​റി​ഞ്ഞു. വിവാ​ഹ​ശേഷം, ആനന്ദമ​രു​ളുന്ന സംഗതി​കളേ ഉണ്ടായി​ട്ടു​ള്ളു. വാസ്‌ത​വ​ത്തിൽ മിക്ക ദമ്പതി​കൾക്കും കോർട്ടിംഗ്‌ വേളയിൽ അത്രമാ​ത്രം സമയം ഒന്നിച്ച്‌ ചെലവ​ഴി​ക്കു​ന്ന​തി​നു​ണ്ടാ​യി​രി​ക്ക​യില്ല. അതു​കൊണ്ട്‌, തുടർച്ച​യാ​യി വികാ​രാ​നു​ഭൂ​തി​യോ ചുംബ​ന​മോ ഉണ്ടെങ്കിൽ, അവർക്ക്‌ ഗൗരവ​മായ കാര്യ​ങ്ങ​ളെ​ക്കു​റിച്ച്‌ ചർച്ച ചെയ്യു​ന്ന​തി​നോ സാദ്ധ്യമല്ല.”

അവർക്ക്‌ അവരുടെ വികാ​രങ്ങൾ നിയ​ന്ത്രി​ക്കു​ന്നത്‌ പ്രയാ​സ​മാ​യി​രു​ന്നോ? “അതെ, പ്രയാ​സ​മാ​യി​രു​ന്നു.” എന്ന്‌ അന്ന സമ്മതിച്ചു പറഞ്ഞു. “ഞാൻ പ്രകൃത്യ തന്നെ വാത്സല്യ​വ​തി​യാ​യി​രു​ന്നു. റ്റിം അത്‌ ഇഷ്ടപ്പെ​ടു​ക​യും ചെയ്‌തു. എന്നാൽ ഞങ്ങൾ അപകട​ങ്ങ​ളെ​ക്കു​റിച്ച്‌ സംസാ​രി​ക്കു​ക​യും പരസ്‌പരം സഹായി​ക്കു​ക​യും ചെയ്‌തു. ഞങ്ങൾ രണ്ടു​പേ​രും ദൈവത്തെ പ്രസാ​ദി​പ്പി​ക്കു​ന്ന​തി​നും, നടക്കാൻ പോകുന്ന ഞങ്ങളുടെ വിവാ​ഹത്തെ തകർക്കാ​തി​രി​ക്കു​ന്ന​തി​നും വളരെ​യ​ധി​കം ആഗ്രഹി​ച്ചു.” എന്നാൽ ലൈം​ഗിക ബന്ധത്തിൽ ഏർപ്പെ​ട​ത്തത്‌ തങ്ങളുടെ വിവാ​ഹത്തെ തകർത്തു കളയു​മെന്ന്‌ പല ചെറു​പ്പ​ക്കാ​രും ഭയപ്പെ​ടു​ന്നു. അത്‌ തകർത്തു​ക​ള​യു​മോ?

കൂടുതൽ സന്തുഷ്ട​മായ ഒരു വിവാഹം

ചാരി​ത്ര​ശു​ദ്ധി വിജയ​പ്ര​ദ​മായ ഒരു വിവാ​ഹ​ത്തിന്‌ സംഭാവന ചെയ്യുന്നു. (ബോക്‌സ്‌ കാണുക.) അത്‌ സമയും ആത്മനി​യ​ന്ത്ര​ണ​വും ആവശ്യ​പ്പെ​ടു​ന്നു. എന്നതാണ്‌ കാരണം. നിങ്ങൾ ഏറ്റവും പ്രധാ​ന​പ്പെട്ട ഒരു ലക്ഷ്യം നേടാൻ ഒരു ക്ഷണി​കോ​ല്ലാ​സ​ത്തി​ന്റെ സംതൃ​പ്‌തി​യെ ത്യജി​ക്കാൻ പഠിക്കു​ന്നു. ദൈവാം​ഗീ​കാ​രം നേടു​ന്ന​തിന്‌ പ്രാമു​ഖ്യത ലഭിക്കുന്ന ശാരീ​രി​ക​മായ അടുപ്പ​ത്തി​നു​വേണ്ടി നിങ്ങളു​ടെ അഭിലാ​ഷ​ങ്ങൾക്ക്‌ അടി​പ്പെ​ടു​ന്നത്‌ ഒഴിവാ​ക്കാൻ നിങ്ങൾ പോരാ​ടു​ന്നു. (1 കൊരി​ന്ത്യർ 9:27) മറ്റേയാ​ളി​ന്റെ ക്ഷേമ​ത്തെ​ക്കു​റി​ച്ചുള്ള ഈ നിസ്വാർത്ഥ താല്‌പ​ര്യ​മാണ്‌ ഒരു സന്തുഷ്ട വിവാ​ഹ​ജീ​വി​തം കെട്ടു​പ​ണി​ചെ​യ്യു​ന്ന​തും, ഫലത്തിൽ ലൈം​ഗിക സംതൃ​പ​തി​യി​ലേക്ക്‌ നയിക്കു​ന്ന​തും.

പല വിവാ​ഹ​ങ്ങൾക്കും ഗുരു​ത​ര​മായ ലൈം​ഗിക പ്രശ്‌ന​ങ്ങ​ളു​ണ്ടെ​ന്നു​വ​രി​കി​ലും, ഒരുവൻ വിവാ​ഹ​ത്തി​നു മുമ്പ്‌ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്ന​തു​വഴി അത്‌ തടയു​ക​യില്ല. മാനവ സമുദായ ശാസ്‌ത്ര​ജ്ഞ​നായ സേയ്‌മർ ഫിഷർ നടത്തിയ വിപു​ല​മായ ഗവേഷ​ണ​മ​നു​സ​രിച്ച്‌, ലൈം​ഗി​ക​മാ​യി പ്രവർത്തി​ക്കാൻ ഒരു സ്‌ത്രീ​യെ സഹായി​ക്കുന്ന ഘടകങ്ങൾ ശാരീ​രി​കമല്ല. മറിച്ച്‌ അതിൽ ഉൾപ്പെ​ട്ടി​രി​ക്ക​ന്നത്‌ അവൾ തന്റെ ഭർത്താ​വി​നെ​ക്കു​റിച്ച്‌ എങ്ങനെ വിചാ​രി​ക്കു​ന്നു എന്നതാണ്‌. അവൾക്ക്‌ “സൗഹൃ​ദ​യ​ത്തി​ന്റെ​യും അടുപ്പ​ത്തി​ന്റെ​യും ആശ്രയ​ത്തി​ന്റെ​യും വികാ​രങ്ങൾ” ഉണ്ടായി​രി​ക്ക​ന്നത്‌, “ഭാര്യയെ മനസ്സി​ലാ​ക്കാ​നുള്ള ഭർത്താ​വി​ന്റെ​പ്രാ​പ്‌തി, . . . അവൾക്ക്‌ അവനി​ലുള്ള വിശ്വ​വാ​സ​ത്തി​ന്റെ അളവ്‌” എന്നിവ​യാണ്‌ മർമ്മ പ്രധാ​ന​മായ ഘടകങ്ങൾ. എന്നാൽ വിവാ​ഹ​ത്തി​നു​മു​മ്പുള്ള ലൈം​ഗിക ബന്ധത്തിൽ, പലപ്പോ​ഴും ആശ്രയ​ത്വ​വും വിശ്വാ​സ​വും നിയ​ന്ത്രി​ക്കാ​നാ​വാത്ത ലൈം​ഗി​ക​തൃ​ഷ്‌ണ​യാൽ അടിമാ​ന്ത​പ്പെ​ടു​ന്നു. അപ്പോൾ ലൈം​ഗി​ക​ത​യു​ടെ ശാരീ​രി​ക​വ​ശ​ങ്ങ​ളി​ലും സ്വന്തം ആനന്ദത്തി​ലു​മാ​യി​രി​ക്കും ഊന്നൽ കൊടു​ക്കു​ന്നത്‌. ഒരിക്കൽ അത്തരം സ്വാർത്ഥ പ്രവർത്ത​നങ്ങൾ രൂപം കൊണ്ടാൽ, അവ വിടർത്തുക പ്രയാ​സ​മാണ്‌ അവ വിവാ​ഹത്തെ തകർത്ത്‌ തരിപ്പ​ണ​മാ​ക്കു​ക​യും ചെയ്യും. വിവാ​ഹ​ജീ​വി​ത​ത്തിൽ ശ്രദ്ധ കേന്ദ്രീ​ക​രി​ക്കേ​ണ്ടത്‌ വാങ്ങു​ന്ന​തി​നെ​ക്കാ​ള​ധി​കം ‘ഒരുവന്റെ ലൈം​ഗിക വിഹിതം കൊടു​ക്കു​ന്ന​തിൽ’ അതായത്‌ നൽകു​ന്ന​തി​ലാ​യി​രി​ക്കണം.—1 കൊരി​ന്ത്യർ 7:3, 4.

രസാവ​ഹ​മാ​യി, വിവാ​ഹി​ത​രായ 177 സ്‌ത്രീ​ക​ളു​ടെ ഒരു പഠനത്തിൽനിന്ന്‌, വിവാ​ഹ​ത്തി​നു​മുമ്പ്‌ ലൈം​ഗി​ക​ബ​ന്ധ​ത്തിൽ ഏർപ്പെ​ട്ട​വ​രിൽ നാലിൽ മൂന്നു​ഭാ​ഗ​ത്തി​നും, വിവാ​ഹ​ത്തി​ന്റെ ആദ്യത്തെ രണ്ട്‌ ആഴ്‌ച​ക​ളിൽ ലൈം​ഗി​ക​പ്ര​ശ്‌നങ്ങൾ ഉണ്ടായ​താ​യി റിപ്പോർട്ട്‌ ചെയ്യ​പ്പെട്ടു. ദീർഘ​കാല ലൈം​ഗി​ക​പ്ര​ശ്‌നങ്ങൾ റിപ്പോർട്ടു ചെയ്‌ത എല്ലാവ​രും “വിവാ​ഹ​ത്തി​നു​മുമ്പ്‌ സംഭോ​ഗ​ത്തി​ലേർപ്പെ​ട്ട​തി​ന്റെ ചരി​ത്ര​മു​ള്ള​വ​രാ​യി​രു​ന്നു.” കൂടാതെ, വിവാ​ഹ​ത്തി​നു​മുമ്പ്‌ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നവർ, വിവാ​ഹ​ശേഷം വ്യഭി​ചാ​രം ചെയ്യാ​നുള്ള ഇരട്ടി സാദ്ധ്യ​ത​യു​ണ്ടെ​ന്നും ഗവേഷണം ചൂണ്ടി​ക്കാ​ണി​ക്കു​ക​യു​ണ്ടാ​യി! ബൈബി​ളി​ന്റെ വാക്കുകൾ എത്ര സത്യമാണ്‌. “ദുർവൃ​ത്തി . . . നല്ല ആന്തരത്തെ എടുത്തു​ക​ള​യു​ന്നു.”—ഹോശേയ 4:11.

‘നിങ്ങൾ വിതക്കു​ന്നത്‌ നിങ്ങൾ കൊയ്യും.’ (ഗലാത്യർ 6:7, 8) ലൈം​ഗി​കാ​വേശം വിതച്ച്‌ അരക്ഷി​ത​ത്വ​ങ്ങ​ളു​ടെ​യും സംശയ​ങ്ങ​ളു​ടെ​യും വിളവ്‌ കൊയ്‌തെ​ടു​ക്കു​ന്നു. എന്നാൽ ആത്മനി​യ​ന്ത്രണം വിതച്ച്‌ സുരക്ഷി​ത​ത്വ​ത്തി​ന്റെ​യും വിശ്വാ​സ്യ​ത​യു​ടെ​യും ഒരു വിളവ്‌ കൊയ്‌തെ​ടു​ക്കു​ന്നു. തുടക്ക​ത്തിൽ വിവരിച്ച എസ്ഥേർ അഞ്ച്‌ വർഷമാ​യി സന്തോ​ഷ​ക​ര​മായ കുടും​ബ​ജീ​വി​തം നയിക്കു​ന്നു. അവളുടെ ഭർത്താ​വായ ജെയ്‌ പറയുന്നു: “ഭവനത്തി​ലേക്ക്‌, എന്റെ ഭാര്യ​യു​ടെ അടു​ത്തേക്ക്‌ വരുന്ന​തും, ഞങ്ങളിൽ ഒരാൾ മറ്റേ ആളി​ന്റേ​തു​മാ​ത്ര​മാ​ണെന്ന്‌ അറിയു​ന്ന​തും വിവരി​ക്കാ​നാ​വാത്ത ഒരു സന്തോ​ഷ​മാണ്‌. വിശ്വാ​സ്യ​ത​യു​ടെ ഈ വികാ​ര​ത്തിന്‌, പകരം നില്‌ക്കാൻ മറ്റൊ​ന്നി​നും സാദ്ധ്യമല്ല.”

രതി​രോ​ഗ​ത്തെ​യോ നിയമാ​നു​സൃ​ത​മ​ല്ലാത്ത ഒരു ഗർഭധാ​ര​ണ​ത്തെ​യോ കുറി​ച്ചുള്ള ഉൽക്കണ്‌ഠ​ക​ളില്ല. നിങ്ങൾ ദൈവത്തെ പ്രസാ​ദി​പ്പി​ക്കു​ന്നു​വെന്ന്‌ അറിയു​ന്ന​തി​ലെ മനഃസ​മാ​ധാ​നം ഒരു അർത്ഥവ​ത്തായ കോർട്ടിംഗ്‌ സംതൃ​പ്‌തി​ക​ര​മായ ഒരു വിവാ​ഹ​ക്ര​മീ​ക​ര​ണ​ത്തി​ലേക്ക്‌ നയിക്കു​ന്നു. ഇവയും മറ്റുപ​ല​തും ഇപ്രകാ​രം നിഗമ​ന​ത്തി​ലെ​ത്താ​നുള്ള ഈടുറ്റ കാരണ​ങ്ങ​ളാണ്‌. ചാരി​ത്ര​ശു​ദ്ധി​യു​ള്ള​വ​രാ​യി നിലനിൽക്കു​ന്ന​താണ്‌ യഥാർത്ഥ​ത്തിൽ ഉത്തമം

[15-ാം പേജിലെ ചതുരം]

ചാരിത്ര ശുദ്ധി വിവാ​ഹത്തെ പിൻതു​ണ​യ്‌ക്കു​ന്നു

“വിവാ​ഹ​ത്തി​ലെ തികഞ്ഞ യോജി​പ്പി​നെ വിവാ​ഹ​ത്തി​നു​മു​മ്പുള്ള ലൈം​ഗി​കാ​നു​ഭ​വ​ത്തോട്‌ ബന്ധപ്പെ​ടു​ത്താ​നുള്ള ഒരു ശ്രമത്തിൽ ഈ ഗവേഷണം പരി​ശോ​ധ​നയെ ഒരു പടി മുമ്പോട്ട്‌ എത്തിച്ചി​രി​ക്കു​ന്നു. (1) വൈവാ​ഹി​ക​സ​ന്തോ​ഷം, (2) വിപു​ല​മായ വൈവാ​ഹിക സംതൃ​പ്‌തി, (3) സ്‌നേഹം, (4) വിവാ​ഹ​ത്തി​ന്റെ കെട്ടു​റപ്പ്‌. വിവാ​ഹ​ത്തി​ന്റെ തികഞ്ഞ വിജയ​ത്തിന്‌ വിവാ​ഹ​ത്തി​നു​മു​മ്പുള്ള ചാരി​ത്ര​ശു​ദ്ധി വളരെ അഭികാ​മ്യ​മാ​ണെന്ന്‌ (മറ്റു ഗവേഷ​ക​രു​ടെ) ആശയ​ത്തോട്‌ നിരീ​ക്ഷ​ണങ്ങൾ പൊതു​വെ യോജി​ക്കു​ന്നുണ്ട്‌”—പോൾ എച്ച്‌ ലാൻഡിസ്‌ എഴുതിയ വിവാ​ഹ​ത്തി​ന്റെ ഏറിയ പങ്കു് നിർവ്വ​ഹി​ക്കൽ.

“സന്തോ​ഷ​ക​ര​മാ​യി വിവാ​ഹ​ജീ​വി​തം നയിക്കു​ന്ന​വ​രേ​ക്കാൾ, വിവാഹം വേർപെ​ടു​ത്തിയ വളരെ​കൂ​ടു​ത​ലാ​ളു​കൾ തങ്ങൾ വിവാ​ഹ​ത്തി​നു​മുമ്പ്‌ സംഭോ​ഗ​ത്തി​ലേർപ്പെ​ട്ട​താ​യി​റി​പ്പേർട്ടു ചെയ്‌തു.”—ഹാർവേ ജേ. ലോക്ക്‌ എഴുതിയ വിവാ​ഹ​ത്തി​ലെ പൊരു​ത്തം മുൻകൂ​ട്ടി​പ​റ​യു​ന്നു: വിവാഹം വേർപെ​ടു​ത്തി​യ​വ​നും സന്തോ​ഷ​ക​ര​മാ​യി വിവാ​ഹ​ജീ​വി​തം നയിക്കു​ന്ന​വ​നും തമ്മിലുള്ള താരത​മ്യം.

“വിവാ​ഹ​ത്തി​നു​മു​മ്പുള്ള ചാരി​ത്ര​ശു​ദ്ധിക്ക്‌ രണ്ട്‌ പ്രിയ​വ്യ​ക്തി​ക​ളു​ടെ​യി​ട​യി​ലെ സ്‌നേ​ഹ​വും ആദരവും ബലിഷ്‌ഠ​മാ​ക്കാൻ കഴിയും. അത്‌ വിവാ​ഹ​ത്തി​നു​ള്ളിൽ രണ്ടു വ്യക്തി​ത്വ​ങ്ങ​ളു​ടെ ആശയ​പ്ര​ക​ട​ന​ത്തി​ലേക്ക്‌ നയിക്കു​ന്നു . . . വിവാ​ഹ​ത്തി​നു​വേണ്ടി ലൈം​ഗി​ക​സ്വ​ത്തു​ക്കൾ കരുതി​വെ​ക്കു​ന്ന​തു​വഴി, നിങ്ങൾക്ക്‌ അന്യോ​ന്യം പങ്കു​വെ​ക്കാൻ വളരെ സവി​ശേ​ഷ​മായ എന്തെങ്കി​ലും ഉണ്ടായി​രി​ക്കും. അത്‌ മറ്റാർക്കും ആസ്വദി​ക്കാൻ സാദ്ധ്യമല്ല.”—ഡോ. എവ്‌ലിൻ എം. ഡുവൻ രചിച്ച വിവാ​ഹം​വരെ കാത്തി​രി​ക്കേ​ണ്ട​തെ​ന്തു​കൊ​ണ്ടു്.

[13-ാം പേജിലെ ചിത്രം]

ചാരിത്രശുദ്ധി നിങ്ങളെ ശാരീ​രി​ക​വും വൈകാ​രി​ക​വു​മായ കടുത്ത ദുരന്ത​ങ്ങ​ളിൽനിന്ന്‌ സംരക്ഷി​ക്കു​ന്നു.