ലൈം​ഗിക വിഷയ​ങ്ങ​ളിൽ ബൈബി​ളി​ന്റെ വീക്ഷണം

മറിയ അവളുടെ ഭർത്താ​വായ യോ​സേ​ഫു​മാ​യി ലൈം​ഗി​ക​വേ​ഴ്‌ച​യിൽ ഏർപ്പെ​ട്ടി​രു​ന്ന​തി​നേ​ക്കു​റി​ച്ചുള്ള ചിന്ത​പോ​ലും ആത്മാർത്ഥ​ത​യുള്ള പല കത്തോ​ലി​ക്കരെ സംബന്ധി​ച്ചും ഭാവനാ​തീ​ത​വും ഞെട്ടി​ക്കു​ന്ന​തും ആണു്. അവരുടെ സഭയുടെ ലൈം​ഗി​ക​ത​യോ​ടുള്ള മനോ​ഭാ​വം ഒരു കത്തോ​ലി​ക്കാ വിശ്വാ​സി​ക്കു് അയാളോ അവളോ വിവാ​ഹ​ബ​ന്ധ​ത്തിൽ ആണെങ്കിൽപോ​ലും വേഴ്‌ച​യിൽ ഏർപ്പെ​ടു​ന്നെ​ങ്കിൽ യഥാർത്ഥ​ത്തിൽ വിശു​ദ്ധി​യുള്ള ഒരാളാ​യി​രി​ക്കാൻ കഴിയു​ക​യില്ല എന്ന ധാരണ നൽകി​യി​രി​ക്കു​ന്നു എന്നതാ​ണു് ഇതിന്റെ കാരണം. എന്നാൽ വിവാ​ഹ​വും വിശു​ദ്ധി​യും പരസ്‌പരം പൊരു​ത്ത​മി​ല്ലാ​വ​യാ​ണോ? ബൈബിൾ എന്താണു് പ്രകട​മാ​ക്കു​ന്ന​തു്?

പുരാതന യിസ്രാ​യേ​ലിൽ പുരോ​ഹി​തൻമാർ വിശു​ദ്ധ​രാ​യി​രി​ക്ക​ണ​മെ​ന്നു് ദൈവം വ്യവസ്ഥ വെച്ചു. എങ്കിലും അവർക്കു് വിവാഹം അനുവ​ദി​ക്ക​പ്പെ​ട്ടി​രു​ന്നു. (ലേവ്യർ 21:6, 7, 13) ക്രിസ്‌തീയ സഭയിൽ—കത്തോ​ലി​ക്കാ സഭ ആദ്യത്തെ പാപ്പ ആയി വീക്ഷി​ക്കുന്ന—പത്രോസ്‌ വിവാ​ഹി​ത​നാ​യി​രു​ന്നു, ഭൂരി​പക്ഷം അപ്പോ​സ്‌ത​ലൻമാ​രേ​പ്പോ​ലെ തന്നെ. (മത്തായി 8:14; 1 കൊരി​ന്ത്യർ 9:5) ക്രിസ്‌തീയ സഭക്കു​ള്ളിൽ ഒരു “മേൽവി​ചാ​ര​ക​നു്” (കാത്തലിക്‌ ഡുവെ വേർഷ​നിൽ, “ബിഷപ്പ്‌”) “ഒരു ഭാര്യ​യു​ടെ ഭർത്താവാ”യിരി​ക്കാൻ കഴിയു​മാ​യി​രു​ന്നു. (1 തിമൊ​ഥെ​യോസ്‌ 3:2) കൂടാതെ “പ്രായ​മേ​റിയ പുരു​ഷൻമാർ” (ഡുവേ​യിൽ “പുരോ​ഹി​തൻമാർ”) വിവാ​ഹി​ത​രാ​യി​രി​ക്കാൻ കഴിയു​മാ​യി​രു​ന്നു. (തീത്തോസ്‌ 1:5-8) വാസ്‌ത​വ​ത്തിൽ, ഒന്നാം നൂറ്റാ​ണ്ടി​ലെ വിശ്വ​സ്‌ത​രായ എല്ലാ ക്രസ്‌ത്യാ​നി​ക​ളും “ദൈവ​ത്തി​ന്റെ വിശു​ദ്ധ​രും പ്രിയ​രു​മായ തെര​ഞ്ഞെ​ടു​ക്ക​പ്പെ​ട്ടവർ” ആയിരു​ന്നു, അവരിൽ അനേക​രും വിവാ​ഹി​ത​രു​മാ​യി​രു​ന്നു. (കൊ​ലോ​സ്യർ 3:12, 18-21) ഇവ ലൈം​ഗി​ക​ബ​ന്ധ​മി​ല്ലാത്ത വിവാ​ഹങ്ങൾ ആയിരു​ന്നു​വെ​ന്നു് അവകാ​ശ​പ്പെ​ടു​ന്ന​തു് അർത്ഥ ശൂന്യ​മാ​യി​രി​ക്കും, കാരണം അതു് 1 കൊരി​ന്ത്യർ 7:2-5ൽ നൽക​പ്പെ​ട്ടി​രി​ക്കുന്ന അപ്പോ​സ്‌ത​ലിക ബുദ്ധി​യു​പ​ദേ​ശ​ത്തി​ന്റെ നേരി​ട്ടുള്ള ലംഘന​മാ​ണു്.

അതു​കൊ​ണ്ടു് ബൈബി​ള​നു​സ​രി​ച്ചു് വിവാ​ഹ​വും വിശു​ദ്ധി​യും പൊരു​ത്ത​മി​ല്ലാ​ത്ത​വയല്ല. വിവാ​ഹ​ബ​ന്ധ​ത്തിൽ എന്തെങ്കി​ലും അശുദ്ധി​യു​ണ്ടെ​ങ്കിൽ ദൈവം തന്നെക്കു​റി​ച്ചു​തന്നെ യിസ്രാ​യേ​ലി​ന്റെ ‘ഭർത്താവ്‌’ എന്നു് പറയു​മോ, ബൈബി​ളിൽ ക്രിസ്‌തു​വി​നെ​ക്കു​റി​ച്ചു് ക്രിസ്‌തീയ സഭയുടെ “ഭർത്താ​വു്” എന്ന നിലയിൽ സംസാ​രി​ക്കു​മോ?—യെശയ്യാ 54:5; 62:4, 5; എഫേസ്യർ 5:23-32; വെളി​പ്പാ​ടു് 19:7; 21:2, 9.

അതു​കൊ​ണ്ടു് യേശു​വി​ന്റെ കന്യകാ​ജ​ന​ന​ത്തി​നു ശേഷം യോ​സേഫ്‌ മറിയ​യു​മാ​യി ഒരു സാധാരണ വിവാ​ഹ​ജീ​വി​തം നയിച്ചു​വെ​ന്നും അവളിൽ പുത്രൻമാ​രെ​യും പുത്രി​മാ​രെ​യും ജനിപ്പി​ച്ചു​വെ​ന്നു​മുള്ള സ്‌പഷ്ട​മായ ബൈബിൾ സാക്ഷ്യം അംഗീ​ക​രി​ക്കു​ന്ന​തു് സംബന്ധി​ച്ചു് നമുക്കു് യാതൊ​രു മനഃസാ​ക്ഷി​ക്കു​ത്തും തോന്നേണ്ട ആവശ്യ​മില്ല. ഇവർ യേശു​വി​ന്റെ അർദ്ധസ​ഹോ​ദ​രൻമാ​രും സഹോ​ദ​രി​മാ​രും ആയിരു​ന്നു, അവരെ ഓരോ​രു​ത്ത​രെ​യും മറിയ പ്രസവി​ച്ച​തു​തന്നെ. (മത്തായി 1:24, 25; മർക്കോസ്‌ 3:31) സാറാ യിസഹാ​ക്കി​നെ പ്രസവി​ച്ച​തു് പുരാ​ത​ന​കാ​ലത്തെ “വിശുദ്ധ സ്‌ത്രീ​ക​ളു​ടെ കൂട്ടത്തിൽ അവളെ പരാമർശി​ക്കു​ന്ന​തിൽ നിന്നു് പത്രോ​സി​നെ തടയാ​ഞ്ഞ​തു​പോ​ലെ, ഇതു് മറിയയെ ഒരു വിശുദ്ധ സ്‌ത്രീ​യെന്ന നിലയിൽ സ്‌നേ​ഹി​ക്കു​ന്ന​തിൽ നിന്നും ബഹുമാ​നി​ക്കു​ന്ന​തിൽനി​ന്നും നമ്മെ യാതൊ​രു വിധത്തി​ലും തടയു​ന്നില്ല.—1 പത്രോസ്‌ 3:5-7; എബ്രായർ 11:11, 12.

വിവാ​ഹ​മോ​ച​ന​വും ഗർഭനി​രോ​ധ​വും

വിവാ​ഹ​മോ​ച​നത്തെ നിരു​ത്സാ​ഹ​പ്പെ​ടു​ത്തു​ന്ന​തി​ലും ഗർഭചി​ദ്രം നിരോ​ധി​ക്കു​ന്ന​തി​ലും നിരോ​ധി​ക്കു​ന്ന​തി​ലും കത്തോ​ലി​ക്കാ സഭയുടെ ഭാഗം ശരിയാ​ണു്. എന്നാൽ ഏതു കാരണ​ത്തെ​ച്ചൊ​ല്ലി​യും വിവാ​ഹ​മോ​ചനം നിഷേ​ധി​ക്കു​ക​യും “ഏതു വിവാ​ഹ​വും ജീവൻ പകർന്നു​കൊ​ടു​ക്കു​ന്ന​തി​നാ​യി എക്കാല​വും ഉതകേ​ണ്ട​താ​ണു്” എന്ന നിലപാ​ടു് സ്വീക​രി​ക്കു​ക​യും ചെയ്യു​മ്പോൾ അതിനു് ബൈബി​ളി​ന്റെ പിന്തു​ണ​യു​ണ്ടോ?—ഹ്യുമാ​നെ വിറ്റെ.

ആദിയിൽ ഒരു പുരു​ഷ​നും ഒരു സ്‌ത്രീ​യും തമ്മിലുള്ള സ്ഥിരം ബന്ധമാ​യി​ട്ടാ​ണു് യഹോ​വ​യാം ദൈവം വിവാഹം സ്ഥാപി​ച്ച​തു് (ഉല്‌പത്തി 2:22-24) “ദൈവം കൂട്ടി​യോ​ജി​പ്പി​ച്ച​തി​നെ യാതൊ​രു മനുഷ്യ​നും വേർപി​രി​ക്കാ​തി​രി​ക്കട്ടെ” എന്നുപ​റ​ഞ്ഞു​കൊ​ണ്ടു് യേശു ക്രിസ്‌തീയ സഭയിൽ ഈ നിലവാ​രം പുനഃ​സ്ഥാ​പി​ച്ചു. എന്നിരു​ന്നാ​ലും അവൻ ഇപ്രകാ​രം കൂട്ടി​ച്ചർത്തു. “പരസംഗം നിമി​ത്ത​മ​ല്ലാ​തെ തന്റെ ഭാര്യയെ ഉപേക്ഷി​ക്കു​ക​യും മറ്റൊ​രു​വളെ വിവാഹം കഴിക്കു​ക​യും ചെയ്യുന്ന ഏതൊ​രു​വ​നും വ്യഭി​ചാ​രം ചെയ്യുന്നു.”—മത്തായി 19:4-6, 9; 5:32.

അതു​കൊ​ണ്ടു് ലൈം​ഗിക വിശ്വാ​സ​വഞ്ചന വിവാ​ഹ​മോ​ച​ന​ത്തി​നുള്ള സാധു​വായ ഒരു അടിസ്ഥാ​ന​മാ​ണെ​ന്നു് ബൈബിൾ പറയുന്നു. വാസ്‌ത​വ​ത്തിൽ സാധ്യു​ത​യുള്ള ഏക അടിസ്ഥാ​നം തന്നെ. കത്തോ​ലി​ക്കാ സഭ ഈ വിഷയ​ത്തിൽ തിരു​വെ​ഴു​ത്തു​ക​ളേ​ക്കാൾ അധികം നിഷ്‌ക്കർഷ​യു​ള്ള​താ​യി​രു​ന്ന​തു​കൊ​ണ്ടു് അതിനു​ത​ന്നെ​യോ അതിലെ ദശലക്ഷ​ക്ക​ണ​ക്കി​നു് അംഗങ്ങൾക്കോ യാതൊ​രു പ്രയോ​ജ​ന​വും ചെയ്‌തില്ല. ചരി​ത്ര​ത്തി​ലു​ട​നീ​ളം ഈ നയത്തിന്റെ ഫലങ്ങ​ളെ​ക്കു​റി​ച്ചു് അഭി​പ്രാ​യം പറഞ്ഞു​കൊ​ണ്ടു് പുതിയ ബ്രിട്ടാ​നി​ക്കാ സർവ്വവി​ജ്ഞാ​ന​കോ​ശം ഇപ്രകാ​രം പ്രസ്‌താ​വി​ക്കു​ന്നു: “കർശന​മായ ഏകഭാ​ര്യാ​ത്വം സാധാ​ര​ണ​വും വ്യാപ​ക​മാ​യി അനുവ​ദി​ക്ക​പ്പെ​ടു​ന്ന​തും ആയ വ്യഭി​ചാ​ര​ന​ട​പ​ടി​യോ​ടു് യാതൊ​രു ബന്ധവു​മി​ല്ലാ​ത്തതല്ല, അതു് വിവാ​ഹ​മോ​ച​ന​ത്തേ​ക്കാൾ അനുവ​ദ​നീ​യ​മാ​ണെ​ന്നു് കത്തോ​ലി​ക്കാ സഭ പരിഗ​ണി​ക്കു​ന്നു.”

ജനനനി​യ​ന്ത്ര​ണ​ത്തെ സംബന്ധി​ച്ചാ​ണെ​ങ്കിൽ, ഗർഭധാ​രണം തടയു​ന്ന​തി​നു് എന്തെങ്കി​ലും ചെയ്യുന്ന പക്ഷം വിവാ​ഹ​ത്തിൽ ആണെങ്കിൽപോ​ലും ലൈം​ഗി​ക​വേഴ്‌ച പാപമാ​ണെ​ന്നു് പ്രമുഖ കത്തോ​ലി​ക്കാ വേദപ​ണ്ഡി​ത​നായ അഗസ്‌തീൻ (പൊ. യു. 354-430) കരുതി​യി​രു​ന്നു. പോൾ VI-ാമൻ പാപ്പ 1968-ലെ ഹ്യുമാ​നെ വിറ്റെ എന്ന തന്റെ ചാക്രി​ക​ലേ​ഖ​ന​ത്തിൽ വിവരി​ച്ച​പ്ര​കാ​ര​വും പോൺ പോൾ II-ാമൻ പാപ്പ സ്ഥിരീ​ക​രിച്ച പ്രകാ​ര​വും ഇതു് ഇപ്പോ​ഴും കത്തോ​ലി​ക്കാ​സ​ഭ​യു​ടെ വീക്ഷണ​മാ​ണു്. ഇതു് ആത്മാർത്ഥ​ത​യുള്ള കത്തോ​ലി​ക്ക​രു​ടെ​യി​ട​യിൽ വളരെ വൈഷ​മ്യം ഉളവാ​ക്കി​യി​ട്ടുള്ള ഒരു നയമാ​ണു്. എങ്കിലും ബൈബിൾ ഗർഭനി​രോ​ധ​നത്തെ വിലക്കു​ന്നില്ല. ആ വിഷയം സംബന്ധി​ച്ചു് അതു് ഒന്നും തന്നെ പറയു​ന്നില്ല.

നേരേ​മ​റി​ച്ചു്, പുറപ്പാ​ട്‌ 20:13-ലേയും പുറപ്പാ​ട്‌ 21:22, 23-ലേയും രേഖയിൽ പ്രകട​മാ​ക്കി​യി​രി​ക്കു​ന്ന​പ്ര​കാ​രം ബൈബിൾ ഗർഭഛി​ദ്രത്തെ അംഗീ​ക​രി​ക്കു​ന്നില്ല. ഇതിൽ ഗർഭധാ​രണം നടന്നതി​നു ശേഷം പ്രയോ​ഗി​ക്കുന്ന ജനനനി​യ​ന്ത്രണ രീതികൾ ഉൾപ്പെ​ടും, കാരണം ഇതു് വളർച്ച തുടങ്ങി​ക്ക​ഴിഞ്ഞ ഒരു വ്യക്തിയെ കൊല്ലു​ന്ന​തി​നു് സമാ​ണു്. ഇതിനു​പു​റമെ, ബൈബിൾ കുടും​ബാ​സൂ​ത്ര​ണ​ത്തി​ന്റെ പ്രശ്‌നം ഓരോ ക്രിസ്‌തീയ ദമ്പതി​ക​ളു​ടേ​യും മനഃസാ​ക്ഷി​ക്കു വിടുന്നു. ജനനനി​യ​ന്ത്രണം സംബന്ധിച്ച അതിന്റെ നിലപാ​ടു് തുടർന്നു് നടപ്പി​ലാ​ക്കു​ന്ന​തി​നു്, റോം ദൈവ​വ​ച​ന​ത്തിൽ “എഴുതി​യി​രി​ക്കു​ന്ന​തി​ന​പ്പു​റം” പോയി​രി​ക്കു​ന്നു.—1 കൊരി​ന്ത്യർ 4:6, ദ ന്യൂ അമേരി​ക്കൻ ബൈബിൾ, ഒരു കത്തോ​ലി​ക്കാ പരിഭാഷ.

ബൈബി​ളും ബ്രഹ്മച​ര്യ​വും

നാം മുമ്പു് കണ്ടതു​പോ​ലെ നിർബ്ബ​ന്ധിത ബ്രഹ്മച​ര്യം ബൈബിൾപ​ര​മായ ഒരു വ്യവസ്ഥ​യ​ല്ലെ​ങ്കി​ലും സ്വമന​സ്സാ​ലെ​യുള്ള ഏകാകി​ത്വ​ത്തെ​ക്കു​റി​ച്ചു് ബൈബിൾ സംസാ​രി​ക്കു​ന്നു​ണ്ടു്. യേശു ഇപ്രകാ​രം വിശദീ​ക​രി​ച്ചു: ചില പുരു​ഷൻമാർ ജനനം മുതൽ ലൈം​ഗി​ക​പ്ര​വർത്ത​ന​ത്തി​നു് ശേഷി​യി​ല്ലാ​ത്ത​വ​രാ​ണു്; ചിലർ മനഃപ്പൂർവ്വം അങ്ങനെ ചെയ്‌തി​ട്ടു​ള്ളവർ ആണു്; ദൈവ​ഭ​ര​ണ​ത്തി​നു​വേണ്ടി സ്വമേ​ധയാ ലൈം​ഗി​കത ത്യജി​ച്ചി​ട്ടുള്ള ചിലരു​മു​ണ്ടു്. കഴിവു​ള്ളവൻ ഈ ഉപദേശം സ്വീക​രി​ക്കട്ടെ.” (മത്തായി 19:12, NAB) അതു​കൊ​ണ്ടു് ബ്രഹ്മച​ര്യം നിർബ​ന്ധ​മാ​ണെ​ന്നു് യേശു പറഞ്ഞില്ല; വാസ്‌ത​വ​ത്തിൽ, നാം മുമ്പു് കുറി​ക്കൊ​ണ്ട​തു​പോ​ലെ അവന്റെ അപ്പോ​സ്‌ത​ലൻമാ​രിൽ ചിലർ വിവാ​ഹി​ത​രാ​യി​രു​ന്നു.—മർക്കോ​സ്‌ 1:29, 30; 1 കൊരി​ന്ത്യർ 9:5.

ക്രിസ്‌ത്യാ​നി​ക​ളായ പുരു​ഷൻമാർക്കും സ്‌ത്രീ​കൾക്കും സ്വമന​സ്സാ​ലെ​യുള്ള ബ്രഹ്മച​ര്യ​ത്തേ​ക്കു​റി​ച്ചു് അപ്പോ​സ്‌ത​ല​നായ പൗലോ​സും സംസാ​രി​ക്കു​ന്നു. “നിങ്ങളു​ടെ​മേൽ നിയ​ന്ത്ര​ണങ്ങൾ വെക്കാൻ എനിക്കു് ആഗ്രഹ​മില്ല. എന്നാൽ, നൻമയാ​യ​തി​നെ, കർത്താ​വി​നു് പൂർണ്ണ​മാ​യി നിങ്ങ​ളെ​ത്തന്നെ അർപ്പി​ക്കാൻ നിങ്ങളെ സഹായി​ക്കു​ന്ന​തി​നെ പ്രോ​ത്സാ​ഹി​പ്പി​ക്കാൻ ഞാൻ ആഗ്രഹി​ക്കു​ന്നു.” (1 കൊരി​ന്ത്യർ 7:8, 35, 38, 40, NAB) ബൈബി​ന്റെ വീക്ഷണ​ത്തിൽ, ഏകാകി​ത്വം ഇരു ലിംഗ​വർഗ്ഗ​ങ്ങ​ളി​ലു​മുള്ള ചില ക്രിസ്‌ത്യാ​നി​കൾക്കു് തങ്ങളേ​തന്നെ കൂടുതൽ തികഞ്ഞ​അ​ള​വി​ലും സ്വത​ന്ത്ര​മാ​യും ദൈവ​സേ​വ​ന​ത്തിൽ അർപ്പി​ക്കു​ന്ന​തി​നു് വികസി​പ്പി​ച്ചെ​ടു​ക്കാൻ കഴിയുന്ന ഒരു വരമാ​ണെ​ന്നു​ള്ള​തു് വളരെ സ്‌പഷ്ട​മാ​ണു്. അതിൽ പ്രതി​ജ്ഞ​യൊ​ന്നും ഉൾപ്പെ​ടു​ത്തേണ്ട ആവശ്യ​മില്ല. യാതൊ​രു നിർബ്ബ​ന്ധ​വും ഉണ്ടായി​രി​ക്ക​യു​മ​രു​തു്.—1 കൊരി​ന്ത്യർ 7:28, 36.

നേരേ​മ​റി​ച്ചു്, നാം 1 തിമോ​ഥെ​യോസ്‌ 4:1-3-ൽ വായി​ക്കുന്ന പ്രകാരം നിർബി​ന്ധിത ബ്രഹ്മച​ര്യം വിശ്വാ​സ​ത്യാ​ഗ​ത്തി​ന്റെ ഒരു ലക്ഷണമാ​യി​രി​ക്കും. “ഭാവി​കാ​ല​ത്തു് ചിലർ വിശ്വാ​സ​ത്തിൽനി​ന്നു് വ്യതി​ച​ലി​ച്ചു പോകു​മെ​ന്നും വഞ്ചകരായ ആത്മാക്ക​ളെ​യും ഭൂതങ്ങൾ സത്യഭാ​വ​മുള്ള നുണയൻമാ​രി​ലൂ​ടെ—വിവാഹം വിലക്കുന്ന ചൂടു​വെ​ച്ചു് പൊള്ളിച്ച മനഃസാ​ക്ഷി​യുള്ള മനുഷ്യ​രി​ലൂ​ടെ—പഠിപ്പി​ക്കുന്ന കാര്യ​ങ്ങ​ളേ​യും അനുസ​രി​ക്കു​മെ​ന്നും ആത്മാവു് സ്‌പഷ്ട​മാ​യി പറയുന്നു.”—NAB.

ബൈബി​ളി​ന്റെ വീക്ഷണം മുറുകെ പിടി​ക്കു​ക

ലൈം​ഗി​കത ഉൾപ്പെ​ട്ടി​രി​ക്കുന്ന വിഷയ​ങ്ങ​ളിൽ കത്തോ​ലി​ക്കാ ഉപദേ​ശ​വും നയവും പുറജാ​തി നിഗൂ​ഢ​മ​ത​ങ്ങ​ളിൽ ആഴമായി വേരൂ​റ​ച്ച​വ​യാ​ണെ​ന്നു് കത്തോ​ലി​ക്കാ പരാമർശ​ഗ്രൻഥ​ങ്ങ​ളിൽ നടത്തുന്ന ഗവേഷണം തെളി​യി​ക്കു​ന്നു. അതിന്റെ ഫലം വിവാ​ഹത്തെ തരം താഴ്‌ത്ത​ലും ലൈം​ഗിക കാര്യ​ങ്ങ​ളിൽ ഒരു കുറ്റ​ബോ​ധം സൃഷ്ടി​ക്ക​ലും ആത്മാർത്ഥ​രായ പല കത്തോ​ലി​ക്ക​രു​ടെ​മേ​ലും ഞെരുക്കം അടി​ച്ചേ​ല്‌പി​ക്ക​ലും ആയിരു​ന്നു.

നേരേ​മ​റി​ച്ചു്, വിവാഹം മാന്യ​മാ​ണെ​ന്നും വിവാ​ഹ​ക്ര​മീ​ക​ര​ണ​ത്തി​നു​ള്ളി​ലെ ലൈം​ഗി​ക​വേഴ്‌ച ക്രിസ്‌ത്യാ​നി​യായ ഒരു പുരു​ഷ​നെ​യോ സ്‌ത്രീ​യേ​യോ ദൈവ​ദൃ​ഷ്ടി​യിൽ വിശു​ദ്ധി​യുള്ള ഒരാളാ​യി​രി​ക്കു​ന്ന​തിൽനി​ന്നു് തടയു​ന്നി​ല്ലെ​ന്നും ബൈബിൾ പ്രകട​മാ​ക്കു​ന്നു. ഒരുവന്റെ സമയവും ഊർജ്ജ​വും ദൈവ​സേ​വ​ന​ത്തിൽ ഉപയോ​ഗി​ക്ക​പ്പെ​ടു​ന്നെ​ങ്കിൽ സ്വമന​സ്സാ​ലെ​യുള്ള ഏകാകി​ത്വം ആത്മീയ​മാ​യി പ്രതി​ഫ​ല​ദാ​യ​ക​മാ​യി​രി​ക്കാൻ കഴിയു​മെ​ന്നും അതു് വെളി​പ്പെ​ടു​ത്തു​ന്നു.

ലൈം​ഗി​ക​ത​യോ​ടു് ബന്ധപ്പെട്ട വിഷയ​ങ്ങ​ളു​ടെ ഈ ഹ്രസ്വ​മായ പുനര​വ​ലോ​കനം ചിന്തി​ക്കുന്ന കത്തോ​ലി​ക്കർക്കും പൂർവ്വ​കാ​ലത്തെ ബാബി​ലോ​ന്യ മത നിഗൂ​ഢ​ത​ളി​ലേ​ക്കു് പിമ്പോ​ട്ടു ചെല്ലുന്ന കർശന​മായ ഉപദേ​ശങ്ങൾ നിമിത്തം വ്യാകു​ല​പ്പെ​ട്ടി​രി​ക്കു​ന്ന​വ​രും നഷ്ടങ്ങൾ സഹിച്ചി​ട്ടു​ള്ള​വ​രു​മായ മറ്റുള്ള​വർക്കും സഹായ​ക​ര​മാ​യി​രി​ക്കു​മെ​ന്നു് പ്രതീ​ക്ഷി​ക്കു​ന്നു. പല പ്രമാ​ണി​കൻമാ​രും സാക്ഷ്യ​പ്പെ​ടു​ത്തുന്ന പ്രകാരം ഇവ ബൈബി​ളു​പ​ദേ​ശ​ങ്ങളല്ല. ഏതെങ്കി​ലും മതത്തിന്റെ ഉപദേശം ബൈബി​ളി​നോ​ടു് ചേർച്ച​യിൽ അല്ലെങ്കിൽ ദൈവ​ഭ​യ​മുള്ള വ്യക്തി​കൾക്കു് അതി​നോ​ടു് വിയോ​ജി​ക്കു​ന്ന​തിൽ യാതൊ​രു സന്ദേഹ​വും ഉണ്ടായി​രി​ക്കേണ്ട ആവശ്യ​മില്ല. യേശു​വി​ന്റെ പിൻവ​രുന്ന വാഗ്‌ദാ​നം മനസ്സിൽ പിടി​ച്ചു​കൊ​ണ്ടു്, അത്തരത്തി​ലുള്ള എല്ലാ വ്യക്തി​കൾക്കും ദൈവ​വ​ച​ന​ത്തി​ന്റെ വെളി​ച്ച​ത്തിൽ സഭാ ഉപദേ​ശങ്ങൾ സൂക്ഷ്‌മ പരി​ശോ​ധന നടത്താൻ പ്രോ​ത്സാ​ഹനം നൽക​പ്പെ​ടു​ന്നു: “നിങ്ങൾ എന്റെ ഉപദേശം അനുസ​രി​ച്ചു് ജീവി​ക്കു​ന്നെ​ങ്കിൽ നിങ്ങൾ യഥാർത്ഥ​ത്തിൽ എന്റെ ശിഷ്യൻമാ​രാ​ണു്; അപ്പോൾ നിങ്ങൾ സത്യം അറിയും, സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും.” യോഹ​ന്നാൻ 8:31, 32, NAB.

[11-ാം പേജിലെ ചിത്രം]

ദൈവവചനം പ്രസം​ഗി​ക്കു​ന്ന​തി​നു് ഒരാൾ ബ്രഹ്മചാ​രി ആയിരി​ക്ക​ണ​മെ​ന്നില്ല. അപ്പോ​സ്‌ത​ല​നായ പത്രോസ്‌ അങ്ങനെ​യ​ല്ലാ​യി​രു​ന്നു.