ചിലർ വായി​ക്കാ​ത്ത​തി​ന്റെ കാരണം

അനേക​രും വായന ഒരു ജോലി​യാ​യി വീക്ഷി​ക്കു​ന്നു. എന്തു​കൊണ്ട്‌? ഒരു കാരണം, ചിലർ സ്‌കൂ​ളിൽ പോയ​പ്പോൾ വായി​ക്കാൻ പഠിച്ചില്ല എന്നതു​തന്നെ. ഒരു 34 വയസ്സു​കാ​രി, അവൾ അച്ചടിച്ച ഒരു താളി​ലേക്ക്‌ നോക്കു​മ്പോ​ഴെ​ല്ലാം താൻ കണ്ടത്‌ അർത്ഥശൂ​ന്യ​മായ കുറെ “സങ്കീർണ്ണ​വി​വ​ര​ങ്ങ​ളാണ്‌” എന്ന്‌ പറയു​ക​യു​ണ്ടാ​യി. ചില​പ്പോൾ ഒരു വാചകം വായി​ക്കു​ന്ന​തിന്‌ അവൾ രണ്ടു മിനി​ട്ടു​വരെ എടുക്കു​മാ​യി​രു​ന്നു.

ഒരു ഹൈസ്‌കൂൾ ബിരു​ദ്ധാ​രി തനിക്ക്‌ വേണ്ടത്ര പഠിപ്പി​ല്ലാ​തി​രു​ന്നി​ട്ടും ഹൈസ്‌കൂൾ ബിരുദം നൽകി​യ​തിന്‌ സാൻ ഫ്രാൻസി​സ്‌കൊ യൂണി​ഫൈഡ്‌ സ്‌കൂൾ ഡിസ്‌ട്രി​ക്ടി​നെ​തി​രെ അഞ്ച്‌ ലക്ഷം ഡോളർ നഷ്ടപരി​ഹാ​ര​ത്തിന്‌ കേസ്‌ കൊടു​ത്തിട്ട്‌ അധിക​മാ​യി​ട്ടില്ല. റിപ്പോർട്ട്‌ പറയുന്ന പ്രകാരം അയാൾക്ക്‌ ബിരുദം ലഭിച്ച​പ്പോൾ അയാൾ വായി​ച്ചി​രു​ന്നത്‌ അഞ്ചാം ഗ്രേഡി​ലെ​യോ ആറാം ഗ്രേഡി​ലെ​യോ നിലവാ​ര​ത്തി​ലാ​യി​രു​ന്നു. തൽഫല​മാ​യി, ജോലിക്ക്‌ അപേക്ഷി​ച്ച​പ്പോൾ അപേക്ഷാ​ഫോ​റങ്ങൾ ശരിയാ​യി കൈകാ​ര്യം ചെയ്യാൻപോ​ലും അയാൾ അപ്രാ​പ്‌ത​നാ​ണെന്ന്‌ കണ്ടെത്തി. ഇത്‌ സംഭവി​ച്ച​തെ​ങ്ങനെ?

വിഭിന്ന പഠിപ്പി​ക്കൽ രീതികൾ

സന്ദർഭ​വ​ശാൽ, വായന പഠിപ്പി​ക്കു​തി​നുള്ള ചില രീതികൾ ഗുരു​ത​ര​മായ വൈക​ല്യ​മു​ള്ള​താ​ണെന്ന്‌ തെളി​ഞ്ഞി​രി​ക്കു​ന്നു. “കണ്ട്‌ പറയുന്ന” രീതി​ക്കെ​തി​രെ ഈയി​ടെ​യാ​യി വളരെ വിമർശനം പൊന്തി​വ​ന്നി​ട്ടുണ്ട്‌. ഈ രീതി അക്ഷരങ്ങ​ളും സിലബി​ളു​ക​ളും ഉച്ചരി​ക്കാൻ കഴിയാ​തെ തന്നെ മുഴു​വാ​ക്കു​ക​ളും തിരി​ച്ച​റി​യാൻ വിദ്യാർത്ഥി​കളെ പഠിപ്പി​ക്കു​ന്നു. ഈ രീതി​ക്കുള്ള മുഖ്യ തടസ്സം അത്‌ വാക്കുകൾ ഊഹി​ച്ചെ​ടു​ക്കുന്ന വായന​ക്കാ​രെ ഉല്‌പാ​ദി​പ്പി​ക്കു​ന്നു എന്നുള്ള​താണ്‌. പുതിയ വാക്കുകൾ ഉച്ചരി​ക്കാൻ കഴിയാ​ത്ത​വ​രും സമാന​മായ വാക്കുകൾ തെറ്റി ധരിക്കു​ന്ന​തു​നി​മി​ത്തം കൃത്യ​ത​യി​ല്ലാ​തെ വായി​ക്കു​ന്ന​വ​രും ആയ ആളുക​ളെ​ത്തന്നെ.

ദൃഷ്ടാ​ന്തീ​ക​രി​ക്കു​ന്ന​തിന്‌: ജോണിക്ക്‌ ഇപ്പോ​ഴും വായി​ക്കാൻ കഴിയാ​ത്ത​തി​ന്റെ കാരണം എന്ന തന്റെ പുസ്‌ത​ക​ത്തിൽ ഗ്രൻഥ​കാ​ര​നായ റഡോൾഫ്‌ ഫെഷ്‌ള്‌, “കണ്ടു പറയുന്ന” രീതി​യു​ടെ ഒരു ഇരയായി തന്നെത്തന്നെ വർണ്ണിച്ച ഒരു സ്‌ത്രീ​യിൽനിന്ന്‌ അയാൾക്ക്‌ ലഭിച്ച ഒരു കത്ത്‌ പ്രസി​ദ്ധീ​ക​രി​ക്കു​ക​യു​ണ്ടാ​യി. അവൾ പറഞ്ഞു: “ഞങ്ങൾക്ക്‌ ചിത്രങ്ങൾ നോക്കാൻ കഴിഞ്ഞി​രു​ന്നു, ദൃഷ്ടാ​ന്ത​ത്തിന്‌ ഒരു ആപ്പിൾതന്നെ. ആപ്പിൾ എന്ന പദം ഓർമ്മി​ക്കാൻ അദ്ധ്യാ​പിക ഞങ്ങളോട്‌ പറയു​മാ​യി​രു​ന്നു, എന്തു​കൊ​ണ്ടെ​ന്നാൽ അതിൽ രണ്ട്‌ ‘പി’ എന്ന അക്ഷരമുണ്ട്‌. രണ്ട്‌ ‘പി’ അക്ഷരമുള്ള ഒരു പദം കാണു​മ്പോ​ഴൊ​ക്കെ​യും അത്‌ ആപ്പിളി​നെ അർത്ഥമാ​ക്കു​ന്ന​താ​യി ഞാൻ കരുതി.”

“കണ്ടുപ​റ​യുന്ന” രീതി ഒരു കുട്ടിക്ക്‌ ഒന്നാം ഗ്രേഡ്‌ കഴിയു​മ്പോ​ഴേ​ക്കും 350 വാക്കുകൾ മാത്രം തിരി​ച്ച​റി​യാൻ പ്രാപ്‌തി നൽകു​ന്ന​താ​യി കണക്കാ​ക്ക​പ്പെ​ട്ടി​രി​ക്കു​ന്നു. രണ്ടാം ഗ്രേഡി​ന്റെ അവസാനം 1,100 വാക്കു​കൾകൂ​ടെ അവന്‌ തിരി​ച്ച​റി​യാൻ കഴിയു​ന്നു, മൂന്നാം ഗ്രേഡ്‌ അവസാ​നി​ക്കു​മ്പോ​ഴേ​ക്കും മറ്റ്‌ 1,200 വാക്കു​ക​ളും നാലാം ഗ്രേഡി​ന്റെ ഒടുവിൽ കൂടു​ത​ലാ​യി 1,550-ഉം. അത്‌ കുട്ടി​യു​ടെ പദസഞ്ച​യ​ത്തിൽ മൊത്തം 4200 വാക്കുകൾ ഉണ്ടായി​രി​ക്കു​മെന്ന്‌ സൂചി​പ്പി​ക്കു​ന്നു.

നേരെ​മ​റിച്ച്‌, “ആദ്യം ഉച്ചാരണ” രീതി ഉപയോ​ഗിച്ച്‌ വായി​ക്കാൻ പഠിപ്പി​ക്കുന്ന കുട്ടികൾ അവരുടെ പ്രാഥ​മിക വിദ്യാ​ഭ്യാ​സ​ത്തി​ന്റെ നാലാം വർഷത്തി​ന്റെ അവസാ​ന​മാ​കു​മ്പോ​ഴേ​ക്കും 40,000 വാക്കുകൾ പഠിക്കു​വാൻ പ്രതീ​ക്ഷി​ക്കാ​വു​ന്ന​താ​ണെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു. “ഉച്ചാരണം” എന്നാൽ “ഉച്ചരി​ക്കുന്ന ശബ്ദം” എന്ന്‌ അർത്ഥമാ​ക്കു​ന്നു. ഉച്ചാര​ണ​രീ​തി​യിൽ അക്ഷരങ്ങൾ എങ്ങനെ ശബ്ദിക്കു​ന്നു എന്നു മാത്രമല്ല, പിന്നെ​യോ ഒരു വാക്കിൽ അവ എങ്ങനെ ഉച്ചരി​ക്കു​ന്നു എന്നും​കൂ​ടെ വിദ്യാർത്ഥി​യെ പഠിപ്പി​ക്കു​ന്നു. ആദ്യം സ്വരാ​ക്ഷ​ര​ങ്ങ​ളു​ടെ​യും പിന്നീട്‌ വ്യഞ്‌ജ​ന​ങ്ങ​ളു​ടെ​യും ഉച്ചാരണം പഠിക്കു​ന്നു. അതിനു​ശേഷം, രണ്ടുതരം അക്ഷരങ്ങ​ളും രണ്ടോ മൂന്നോ നാലോ അക്ഷരമുള്ള വാക്കു​ക​ളും, പിന്നീട്‌ പദസം​ഘാ​ത​ങ്ങ​ളും, ഒടുവിൽ വാചക​ങ്ങ​ളും രൂപീ​ക​രി​ക്കു​ന്ന​തിന്‌ കൂട്ടി​ച്ചേർക്ക​പ്പെ​ടു​ന്നു. (1967 ജൂലൈ 8-ലെ എവേക്ക്‌! 12-16 പേജുകൾ കാണുക.) സ്വതന്ത്ര പരി​ശോ​ധന, പ്രാഥ​മിക ഗ്രേഡു​ക​ളിൽ വായന പഠിപ്പി​ക്കു​ന്ന​തിന്‌ “ആദ്യം ഉച്ചാരണ” രീതി ഉപയോ​ഗി​ക്കു​ന്ന​തി​നെ പിന്താ​ങ്ങു​ന്നു​വെന്നു തോന്നു​ന്നു.

എന്നിരു​ന്നാ​ലും, പ്രശ്‌നം കൂടുതൽ സങ്കീർണ്ണ​മാ​ക്കു​ന്ന​തിന്‌ ചില അദ്ധ്യാ​പകർ തങ്ങളുടെ വിദ്യാർത്ഥി​ക​ളു​ടെ പഠിക്കാ​നുള്ള പ്രാപ്‌തി​യെ നിഷേ​ധാ​ത്മ​ക​മാ​യി വീക്ഷി​ച്ചേ​ക്കാം. ഒരു വിദഗ്‌ദൻ ഇപ്രകാ​രം പ്രസ്‌താ​വി​ച്ചു: “കുട്ടികൾ ‘സൗകര്യ​മു​ള്ള​വ​രോ, ‘സൗകര്യ​മി​ല്ലാ​ത്ത​വ​രോ’ കറുത്ത​വ​രോ വെളു​ത്ത​വ​രോ, ധനിക​രോ ദരി​ദ്ര​രോ ആയിരു​ന്നാ​ലും അവർ എത്ര​ത്തോ​ളം വിജയ​ക​ര​മാ​യി വായി​ക്കാൻ പഠിക്കു​ന്നു എന്നുള്ള​തു​മാ​യി യാതൊ​രു ബന്ധവു​മില്ല. എന്റെ തൊഴിൽ പരിച​യ​ത്തി​ന്റെ അടിസ്ഥാ​ന​ത്തിൽ അത്തരം പ്രസ്‌താ​വ​നകൾ കുട്ടി​കളെ വായി​ക്കാൻ പഠിപ്പി​ക്കാ​തി​രി​ക്കു​ന്ന​തി​നുള്ള ഒഴിവു​കൾ മാത്ര​മാണ്‌.”—ഇറ്റാ​ലി​ക്‌സ്‌ ഞങ്ങളു​ടേത്‌.

വായനയെ ബാധി​ക്കുന്ന മറ്റ്‌ ഘടകങ്ങൾ

ആളുകൾ വായി​ക്കാ​ത്ത​തി​ന്റെ മറ്റൊ​രു കാരണം ടെലി​വി​ഷൻ ആണെന്ന്‌ പറയ​പ്പെ​ടു​ന്നു. എഴുപതു വയസ്സു​വരെ ജീവി​ക്കുന്ന ഐക്യ​നാ​ടു​ക​ളി​ലെ ഒരു വ്യക്തി തന്റെ ആയുഷ്‌ക്കാ​ലത്ത്‌ 70,000 മണിക്കൂർ ടെലി​വി​ഷൻ കാണു​ന്ന​തിന്‌ ചെലവ​ഴി​ച്ചി​രി​ക്കു​മെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു, ജോലി ചെയ്യു​ന്ന​തി​നും ഉറങ്ങു​ന്ന​തി​നും ചെലവ​ഴി​ക്കുന്ന സമയത്തി​ന്റെ അടുത്ത സ്ഥാനത്തു​തന്നെ! ടി വി ഗൈഡ്‌ ഇപ്രകാ​രം റിപ്പോർട്ടു ചെയ്യുന്നു: “ശാസ്‌ത്രീയ തെളി​വി​ന്റെ ഒരു വർദ്ധിച്ച സമൂഹം, പ്രാഥ​മിക വിദ്യാ​ല​യ​ത്തിൽ പോയി​ത്തു​ട​ങ്ങുന്ന കുട്ടി വായന​യു​ടെ​യും എഴുത്തി​ന്റെ​യും കാര്യ​ത്തിൽ അടിസ്ഥാന വൈദ​ഗ്‌ധ്യം നേടു​ന്ന​തും വളരെ​യ​ധി​കം ടെലി​വി​ഷൻ കാണു​ന്ന​തും തമ്മിലുള്ള പൊരു​ത്ത​ക്കേട്‌ സാക്ഷ്യ​പ്പെ​ടു​ത്തു​ന്നു. വായനക്ക്‌ മൂല്യം കല്‌പി​ക്കുന്ന പശ്ചാത്ത​ല​ങ്ങ​ളിൽ നിന്ന്‌ വരുന്ന​വ​രെ​ങ്കി​ലും വളരെ​യ​ധി​കം ടി വി കാണു​വാൻ അനുവ​ദി​ക്ക​പ്പെ​ടുന്ന കുട്ടികൾ അധികം വായനാ​പ്ര​ശ്‌നങ്ങൾ ഉള്ളവരാ​ണെന്ന്‌ പഠനം . . . ചൂണ്ടി​ക്കാ​ണി​ക്കു​ന്നു.”

മറ്റു ഘടകങ്ങ​ളും നല്ല വായനാ വൈദ​ഗ്‌ധ്യ​ങ്ങൾ വികസി​പ്പി​ക്കു​ന്ന​തി​നുള്ള ഒരു വ്യക്തി​യു​ടെ പ്രാപ്‌തി​യെ നേരിട്ട്‌ ബാധി​ക്കു​ന്നു. കണ്ണുകൾ ഉചിത​മായ രീതി​യിൽ പ്രവർത്തി​ക്കു​ന്നി​ല്ലാത്ത ഒരു കുട്ടി തലവേ​ദ​ന​യും കണ്ണുകൾക്ക്‌ ആയാസ​വും നാഡീ​മു​റു​ക്ക​വും മറ്റ്‌ രോഗ​ങ്ങ​ളും അനുഭ​വി​ച്ചേ​ക്കാം, അവ വായന ഒരു അഹിത​ക​ര​മായ പ്രവർത്തനം ആക്കിത്തീർത്തേ​ക്കാം.” എന്നിരു​ന്നാ​ലും ക്ലാസ്സു​ക​ളിൽ അത്തരം കുട്ടി​കൾക്ക്‌ പലപ്പോ​ഴും ഒട്ടും​തന്നെ ശ്രദ്ധ നൽകു​ന്നില്ല.—ഡയഗ്‌നോ​സ്‌റ്റിക്‌ ആൻഡ്‌ റെമഡി​യൽ ടീച്ചിംഗ്‌, പേജ്‌ 49.

കേൾവി​ക്കു​റവ്‌ ചില​പ്പോ​ഴൊ​ക്കെ ഒരു ഘടകമാണ്‌. ഭാഗി​ക​മാ​യി ബധിര​ത​യുള്ള കുട്ടികൾ പഠിപ്പി​ക്ക​ലിൽ ഉച്ചാരണ രീതികൾ ഉപയോ​ഗി​ക്കുന്ന ക്ലാസ്സു​ക​ളിൽ സ്വാഭാ​വി​ക​മാ​യും ദുർബ്ബ​ല​രാ​യി​രി​ക്കും.

വൈകാ​രി​ക ഘടകങ്ങ​ളും അതു​പോ​ലെ​തന്നെ പ്രധാ​ന​പ്പെട്ട ഒരു പങ്ക്‌ നിർവ്വ​ഹി​ക്കു​ന്നു. ദൃഷ്ടാ​ന്ത​ത്തിന്‌, “വായന​യു​ടെ കാര്യ​ത്തിൽ ആദ്യം ഒരു വീഴ്‌ച നേരി​ടുന്ന കുട്ടി തുടർന്ന്‌ വായന​യോട്‌ ഒരു വൈകാ​രിക മനോ​ഭാ​വം വികസി​പ്പി​ക്കു​ന്നു, അത്‌ തുടർന്നുള്ള പുരോ​ഗ​തി​യെ തടസ്സ​പ്പെ​ടു​ത്തു​ക​യും ചെയ്യുന്നു,” എന്ന്‌ ഒരു അധികാ​രി പറയുന്നു. അയാൾ ഇപ്രകാ​രം കൂട്ടി​ച്ചേർക്കു​ന്നു: “ഒരു പുസ്‌തകം കാണു​ന്ന​തോ വായന​യെന്ന വാക്ക്‌ കേൾക്കു​ന്ന​തോ ചില വ്യക്തികൾ പ്രക്ഷു​ബ്ധ​രും അസ്വസ്ഥ​രും ആയിത്തീ​രാൻ ഇടയാ​ക്കു​ന്നു.” കൂടാതെ, ഒരു തകർന്ന ഭവന ചുറ്റു​പാ​ടോ വീട്ടിലെ അരക്ഷി​താ​വ​സ്ഥ​യോ സിരാ​രോ​ഗി​ക​ളായ മാതാ​പി​താ​ക്ക​ളോ പലപ്പോ​ഴും ഒരു കുട്ടി​യു​ടെ വായനാ​പു​രോ​ഗ​തി​യെ ബാധി​ച്ചേ​ക്കാം.

ഒരു മോശ​മായ വായന​ക്കാ​രനെ ബാധി​ക്കുന്ന എല്ലാ ഘടകങ്ങ​ളി​ലും​വെച്ച്‌ ഏറ്റവും പ്രധാ​ന​പ്പെ​ട്ടത്‌ അയാളു​ടെ വായന​യി​ല്ലായ്‌മ ആണ്‌. വായി​ക്കാ​തെ ആരും ഒരിക്ക​ലും വായി​ക്കാൻ പഠിച്ചി​ട്ടി​ല്ലെ​ന്നു​ള്ള​താണ്‌ സംഗതി. പലപ്പോ​ഴും വായന​യി​ല്ലാ​യ്‌മക്ക്‌ മുകളിൽ ചർച്ച​ചെയ്‌ത ശാരീ​രി​ക​മോ വൈകാ​രി​ക​മോ ആയ ഒന്നോ അധിക​മോ ഘടകങ്ങൾ കാരണ​മാ​യി​രു​ന്നേ​ക്കാം.

ഒരു വ്യക്തി​യു​ടെ വായനാ പ്രതി​ബ​ന്ധ​ത്തി​ന്റെ കാരണം എന്തുത​ന്നെ​യാ​യി​രു​ന്നാ​ലും അത്‌ തരണം ചെയ്യു​ന്ന​തി​നുള്ള ആത്മാർത്ഥ​മായ ശ്രമം തക്കസമ​യത്ത്‌ ഫലങ്ങൾ ഉളവാ​ക്കും. അടുത്ത​താ​യി സഹായ​ക​ര​മാ​യി​രു​ന്നേ​ക്കാ​വുന്ന നിർദ്ദേ​ശങ്ങൾ ഞങ്ങൾ നൽകു​ന്ന​താ​യി​രി​ക്കും. (g85 9/8)

[5-ാം പേജിലെ ചിത്രം]

വളരെയധികം ടി വി കാണു​വാൻ അനുവ​ദി​ക്ക​പ്പെ​ടുന്ന കുട്ടികൾ അധികം വായനാ​പ്ര​ശ്‌നങ്ങൾ ഉള്ളവരാണ്‌