വായന​യു​ടെ സംഗതി​യിൽ വർദ്ധി​ച്ചു​വ​രുന്ന ഒരു പ്രശ്‌നം

നിങ്ങൾക്ക്‌ തെരു​വി​ലുള്ള ഒരു ചൂണ്ടു​പലക വായി​ക്കാൻ കഴിയു​ന്നി​ല്ലെ​ങ്കിൽ വഴി കണ്ടു പിടി​ക്കാ​നുള്ള പ്രയാ​സ​ത്തെ​ക്കു​റിച്ച്‌ ചിന്തി​ക്കുക. മരുന്നു​പാ​ത്ര​ത്തി​ലെ നിർദ്ദേ​ശങ്ങൾ വായി​ക്കാൻ നിങ്ങൾക്ക്‌ കഴിയി​ല്ലെ​ങ്കിൽ നിങ്ങൾ ഉചിത​മാ​യി എങ്ങനെ മരുന്നു​ക​ഴി​ക്കും? അപേക്ഷ വായി​ക്കാൻ നിങ്ങൾക്ക്‌ കഴിയി​ല്ലെ​ങ്കിൽ നിങ്ങൾ എങ്ങനെ ഒരു ജോലിക്ക്‌ അപേക്ഷി​ക്കും?

ഇവ വായി​ക്കാൻ കഴിയാ​ത്ത​വരെ നേരി​ടുന്ന ഏതാനും പ്രശ്‌നങ്ങൾ മാത്ര​മാണ്‌. മുതിർന്ന അമേരി​ക്ക​ക്കാ​രിൽ അഞ്ചു​പേ​രിൽ ഒരാൾവീ​തം അതായത്‌ 2,70,00,000 ആളുകൾ പ്രാ​യോ​ഗി​ക​മാ​യി നിരക്ഷ​ര​രാണ്‌ എന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു.a ലോക​വ്യാ​പ​ക​മാ​യി 1980-ൽ 15 വയസ്സോ അതിൽകൂ​ടു​ത​ലോ ഉള്ള 8240 ലക്ഷം നിരക്ഷ​ര​രു​ണ്ടാ​യി​രു​ന്നു, ആ സംഖ്യ വളരെ വേഗം വർദ്ധി​ക്കു​ക​യു​മാണ്‌. പരിണി​ത​ഫ​ലങ്ങൾ സങ്കടകരം തന്നെ. ദൃഷ്ടാ​ന്ത​ത്തിന്‌, ഐക്യ​നാ​ടു​ക​ളിൽ തൊഴി​ലി​ല്ലാ​ത്ത​വ​രിൽ 75 ശതമാ​ന​വും വായന​യി​ലും ആശയവി​നി​മ​യ​ത്തി​ലും ആവശ്യ​മായ കഴിവു​കൾ ഇല്ലാത്ത​വ​രാണ്‌ എന്ന്‌ തൊഴിൽ വകുപ്പ്‌ റിപ്പോർട്ട്‌ ചെയ്യു​ക​യു​ണ്ടാ​യി.

എങ്കിലും വായി​ക്കാൻ കഴിയാ​ത്തവർ തൊഴി​ലിൽ മാത്രമല്ല പ്രശ്‌നങ്ങൾ നേരി​ടു​ന്നത്‌. സന്തുഷ്ടി​യും ഉല്ലാസ​വും കൈവ​രു​ത്തുന്ന വളരെ​യ​ധി​കം കാര്യങ്ങൾ അവർക്ക്‌ ലഭിക്കാ​തെ​പോ​കു​ന്നു. നമുക്കു ചുറ്റു​മുള്ള ലോക​ത്തെ​ക്കു​റി​ച്ചുള്ള വർദ്ധിച്ച പരിജ്ഞാ​ന​ത്തിൽനിന്ന്‌ ലഭിക്കുന്ന മെച്ചപ്പെട്ട ജീവി​ത​നി​ല​വാ​ര​ത്തെ​ക്കു​റിച്ച്‌ ചിന്തി​ക്കുക. നാം കാണു​ക​യോ സ്വയം അനുഭ​വി​ക്കു​ക​യോ ചെയ്യുന്ന കാര്യ​ങ്ങ​ളിൽനി​ന്നു മാത്ര​മാണ്‌ പഠിച്ചി​രു​ന്ന​തെ​ങ്കിൽ നാം എത്ര പരിമി​തി​യു​ള്ള​വ​രാ​യി​രി​ക്കു​മാ​യി​രു​ന്നു! വായന നൂറ്റാ​ണ്ടു​ക​ളാ​യി ശേഖരി​ച്ചു​വെ​ച്ചി​രി​ക്കുന്ന പരിജ്ഞാ​ന​ത്തി​ലേ​ക്കുള്ള വാതിൽ തുറന്നു തരുന്നു.

വായന മനുഷ്യ​നുള്ള ഒരു മികച്ച പ്രാപ്‌തി​യാണ്‌. സയൻസ്‌ ഡൈജ​സ്‌റ്റ്‌ ഇപ്രകാ​രം പറയുന്നു: “ഒരു ഞൊടി​യി​ട​യിൽ നിങ്ങളു​ടെ കണ്ണുക​ളും മനസ്സും മുഴകൾ കൈകാ​ര്യം ചെയ്യു​ക​യും മൂലകൾ ചെത്തി​മി​നു​ക്കു​ക​യും വിടവു​കൾ നികത്തു​ക​യും ഏറ്റവും വിദഗ്‌ദ​മായ കംപ്യൂ​ട്ട​റി​നെ​പോ​ലും വെല്ലുന്ന വിവര സമാഹരണ ജോലി നിർവ്വ​ഹി​ക്കു​ക​യും ചെയ്യുന്നു.”

നിങ്ങളു​ടെ വായനാ വൈദ​ഗ്‌ദ്യം മെച്ച​പ്പെ​ടു​ത്താൻ നിങ്ങൾ ആഗ്രഹി​ക്കു​ന്നു​വോ? അല്ലെങ്കിൽ അതിന്‌ മറ്റാ​രെ​യെ​ങ്കി​ലും സഹായി​ക്കാൻ നിങ്ങൾ ആഗ്രഹി​ക്കു​ന്നു​വോ? അടുത്ത രണ്ടു ലേഖന​ങ്ങ​ളിൽ വായന​യു​ടെ കാര്യ​ത്തിൽ പ്രശ്‌നങ്ങൾ ഉണ്ടാക്കുന്ന ചില ഘടകങ്ങൾ പരിചി​ന്തി​ക്ക​പ്പെ​ടും, ഒരുവന്റെ വായന മെച്ച​പ്പെ​ടു​ത്താൻ സഹായി​ക്കുന്ന നിർദ്ദേ​ശങ്ങൾ നൽക​പ്പെ​ടു​ക​യും ചെയ്യു. (g85 9/8)

[അടിക്കു​റി​പ്പു​കൾ]

[3-ാം പേജിലെ ചിത്രം]

അപേക്ഷ വായി​ക്കാൻ നിങ്ങൾക്ക്‌ കഴിയി​ല്ലെ​ങ്കിൽ നിങ്ങൾ എങ്ങനെ ഒരു ജോലിക്ക്‌ അപേക്ഷി​ക്കും?