പുറപ്പാട്‌

36 “ബസലേ​ലിന്റെ​കൂ​ടെ ഒഹൊ​ലി​യാ​ബും നിപുണരായ* മറ്റു പുരു​ഷ​ന്മാ​രും ജോലി ചെയ്യും. വിശു​ദ്ധസേ​വ​ന​വു​മാ​യി ബന്ധപ്പെട്ട എല്ലാ ജോലി​ക​ളും യഹോവ കല്‌പിച്ച അതേ വിധത്തിൽ ചെയ്യാൻവേണ്ട ജ്ഞാനവും ഗ്രാഹ്യ​വും യഹോവ അവർക്കു കൊടു​ത്തി​ട്ടുണ്ട്‌.”+

2 പിന്നെ, ഹൃദയ​ത്തിൽ ജ്ഞാനം നൽകി യഹോവ അനു​ഗ്ര​ഹിച്ച,+ ജോലി ചെയ്യാൻ ഹൃദയ​ത്തിൽ പ്രേരണ തോന്നി സ്വമന​സ്സാ​ലെ മുന്നോ​ട്ടു വന്ന,+ നിപു​ണ​രായ എല്ലാ പുരു​ഷ​ന്മാരെ​യും ബസലേ​ലിനെ​യും ഒഹൊ​ലി​യാ​ബിനെ​യും മോശ വിളിച്ചു. 3 അവർ വന്ന്‌ വിശു​ദ്ധസേ​വ​ന​വു​മാ​യി ബന്ധപ്പെട്ട ജോലി​കൾക്കാ​യി ഇസ്രായേ​ല്യർ കൊണ്ടു​വന്ന സംഭാവനകളെല്ലാം+ മോശ​യിൽനിന്ന്‌ വാങ്ങി. പക്ഷേ ജനം പിന്നെ​യും രാവിലെതോ​റും സ്വമന​സ്സാലെ​യുള്ള കാഴ്‌ചകൾ മോശ​യു​ടെ അടുത്ത്‌ കൊണ്ടു​വ​ന്നുകൊ​ണ്ടി​രു​ന്നു.

4 അവർ വിശു​ദ്ധ​മായ ആ ജോലി തുടങ്ങി​യശേഷം, നിപു​ണ​രായ ജോലി​ക്കാരെ​ല്ലാം ഒന്നിനു പുറകേ ഒന്നായി വന്ന്‌ 5 മോശയോടു പറഞ്ഞു: “യഹോവ കല്‌പിച്ച ജോലി ചെയ്യാൻ വേണ്ടതിനെ​ക്കാൾ വളരെ​യേറെ സാധന​ങ്ങ​ളാ​ണു ജനം കൊണ്ടു​വ​രു​ന്നത്‌.” 6 അതുകൊണ്ട്‌ പാളയ​ത്തിൽ എല്ലായി​ട​ത്തും ഇങ്ങനെയൊ​രു അറിയി​പ്പു നടത്താൻ മോശ കല്‌പി​ച്ചു: “പുരു​ഷ​ന്മാ​രേ, സ്‌ത്രീ​കളേ, വിശു​ദ്ധ​സം​ഭാ​വ​ന​യാ​യി ഇനി സാധന​ങ്ങളൊ​ന്നും കൊണ്ടു​വ​ര​രുത്‌.” അങ്ങനെ, സാധനങ്ങൾ കൊണ്ടു​വ​രു​ന്നതു നിറു​ത്ത​ലാ​ക്കി. 7 കിട്ടിയ സാധനങ്ങൾ പണി മുഴുവൻ ചെയ്‌തു​തീർക്കാൻ ആവശ്യ​മാ​യ​തി​ലും കൂടു​ത​ലാ​യി​രു​ന്നു.

8 പിരിച്ചുണ്ടാക്കിയ മേന്മ​യേ​റിയ ലിനൻ, നീലനൂൽ, പർപ്പിൾ നിറത്തി​ലുള്ള കമ്പിളി​നൂൽ, കടുഞ്ചു​വ​പ്പു​നൂൽ എന്നിവകൊ​ണ്ടുള്ള പത്തു കൂടാ​ര​ത്തു​ണി ഉപയോ​ഗിച്ച്‌ നിപു​ണ​രായ ജോലിക്കാരെല്ലാം+ ചേർന്ന്‌ വിശുദ്ധകൂടാരം+ ഉണ്ടാക്കി. നൂലുകൊ​ണ്ടുള്ള ചിത്ര​പ്പ​ണി​യാ​യി കെരൂ​ബു​ക​ളു​ടെ രൂപങ്ങൾ സഹിത​മാണ്‌ അവ ഉണ്ടാക്കി​യത്‌.+ 9 ഓരോ കൂടാ​ര​ത്തു​ണി​ക്കും 28 മുഴം* നീളവും 4 മുഴം വീതി​യും ഉണ്ടായി​രു​ന്നു. എല്ലാ കൂടാ​ര​ത്തു​ണി​കൾക്കും ഒരേ വലുപ്പ​മാ​യി​രു​ന്നു. 10 കൂടാരത്തുണികളിൽ അഞ്ചെണ്ണം ഒന്നോടൊ​ന്നു യോജി​പ്പി​ച്ചു. മറ്റേ അഞ്ചു കൂടാ​ര​ത്തു​ണി​ക​ളും ഒന്നോടൊ​ന്നു യോജി​പ്പി​ച്ചു. 11 അതിനു ശേഷം, ഒരു നിരയു​ടെ അറ്റത്തുള്ള കൂടാ​ര​ത്തു​ണി​യു​ടെ വിളു​മ്പിൽ, അതു മറ്റേ നിരയു​മാ​യി ചേരുന്ന ഭാഗത്ത്‌, നീലനൂ​ലുകൊണ്ട്‌ കണ്ണികൾ ഉണ്ടാക്കി. മറ്റേ നിരയു​ടെ ഏറ്റവും അറ്റത്തുള്ള കൂടാ​ര​ത്തു​ണി​യു​ടെ വിളു​മ്പിൽ നിരകൾ തമ്മിൽ ചേരുന്ന ഭാഗത്തും ഇങ്ങനെ​തന്നെ ചെയ്‌തു. 12 ഒരു കൂടാ​ര​ത്തു​ണി​യിൽ 50 കണ്ണി ഉണ്ടാക്കി. അതു മറ്റേ നിരയു​മാ​യി ചേരു​ന്നി​ടത്തെ കൂടാ​ര​ത്തു​ണി​യു​ടെ വിളു​മ്പി​ലും നേർക്കു​നേർ വരുന്ന രീതി​യിൽ 50 കണ്ണി ഉണ്ടാക്കി. 13 ഒടുവിൽ, സ്വർണം​കൊ​ണ്ട്‌ 50 കൊളു​ത്ത്‌ ഉണ്ടാക്കി, അവകൊ​ണ്ട്‌ കൂടാ​ര​ത്തു​ണി​കൾ തമ്മിൽ യോജി​പ്പി​ച്ചു. അങ്ങനെ അത്‌ ഒരൊറ്റ വിശു​ദ്ധ​കൂ​ടാ​ര​മാ​യി.

14 പിന്നെ വിശു​ദ്ധ​കൂ​ടാ​ര​ത്തി​നു മീതെ ആവരണ​മാ​യി ഇടാൻ കോലാ​ട്ടുരോ​മംകൊ​ണ്ടുള്ള കൂടാ​ര​ത്തു​ണി​ക​ളും ഉണ്ടാക്കി. മൊത്തം 11 കൂടാ​ര​ത്തു​ണി ഉണ്ടാക്കി.+ 15 ഓരോ കൂടാ​ര​ത്തു​ണി​ക്കും 30 മുഴം നീളവും 4 മുഴം വീതി​യും ഉണ്ടായി​രു​ന്നു. 11 കൂടാ​ര​ത്തു​ണി​ക്കും ഒരേ വലുപ്പ​മാ​യി​രു​ന്നു. 16 പിന്നെ, ആ കൂടാ​ര​ത്തു​ണി​ക​ളിൽ അഞ്ചെണ്ണം ഒന്നോടൊ​ന്നു യോജി​പ്പി​ച്ചു. മറ്റേ ആറു കൂടാ​ര​ത്തു​ണി​യും ഒന്നോടൊ​ന്നു യോജി​പ്പി​ച്ചു. 17 അടുത്തതായി, ആ നിരകൾ തമ്മിൽ ചേരു​ന്നി​ടത്തെ ഒരു കൂടാ​ര​ത്തു​ണി​യു​ടെ വിളു​മ്പിൽ 50 കണ്ണി ഉണ്ടാക്കി. ഇതുമാ​യി ചേരുന്ന മറ്റേ കൂടാ​ര​ത്തു​ണി​യു​ടെ വിളു​മ്പി​ലും 50 കണ്ണി ഉണ്ടാക്കി. 18 ചെമ്പുകൊളുത്ത്‌ 50 എണ്ണം ഉണ്ടാക്കി അവകൊ​ണ്ട്‌ നിരകൾ രണ്ടും ചേർത്ത്‌ ഒരൊറ്റ ആവരണ​മാ​ക്കി.

19 ആ ആവരണ​ത്തി​നു മീതെ ഇടാൻ ആൺചെ​മ്മ​രി​യാ​ടി​ന്റെ തോലുകൊ​ണ്ടുള്ള, ചുവപ്പു​ചാ​യം പിടി​പ്പിച്ച ഒരു ആവരണ​വും അതിനു മീതെ ഇടാൻ കടൽനാ​യ്‌ത്തോ​ലു​കൾകൊ​ണ്ടുള്ള മറ്റൊരു ആവരണ​വും ഉണ്ടാക്കി.+

20 പിന്നെ വിശു​ദ്ധ​കൂ​ടാ​ര​ത്തി​നു കരുവേലത്തടികൊണ്ട്‌+ ലംബമാ​യി നിൽക്കുന്ന ചട്ടങ്ങൾ ഉണ്ടാക്കി.+ 21 ഓരോ ചട്ടവും പത്തു മുഴം ഉയരവും ഒന്നര മുഴം വീതി​യും ഉള്ളതാ​യി​രു​ന്നു. 22 ഓരോ ചട്ടത്തി​നും പരസ്‌പരം ബന്ധിച്ചി​രുന്ന രണ്ടു കുടുമ* വീതമു​ണ്ടാ​യി​രു​ന്നു. ഈ രീതി​യി​ലാ​ണു വിശു​ദ്ധ​കൂ​ടാ​ര​ത്തി​ന്റെ ചട്ടങ്ങ​ളെ​ല്ലാം ഉണ്ടാക്കി​യത്‌. 23 അങ്ങനെ വിശു​ദ്ധ​കൂ​ടാ​ര​ത്തി​ന്റെ തെക്കു​വ​ശ​ത്തി​നുവേണ്ടി 20 ചട്ടം ഉണ്ടാക്കി. 24 എന്നിട്ട്‌ ആ 20 ചട്ടം ഉറപ്പി​ക്കാൻ അവയ്‌ക്കു കീഴെ വെക്കാൻ വെള്ളി​കൊ​ണ്ട്‌ 40 ചുവട്‌ ഉണ്ടാക്കി. ഒരു ചട്ടത്തിന്റെ കീഴെ അതിന്റെ രണ്ടു കുടു​മ​യ്‌ക്കുവേണ്ടി രണ്ടു ചുവട്‌. അതു​പോ​ലെ, തുടർന്നു​വ​രുന്ന ഓരോ ചട്ടത്തിന്റെ​യും കീഴെ അതിന്റെ രണ്ടു കുടു​മ​യ്‌ക്കു രണ്ടു ചുവട്‌.+ 25 വിശുദ്ധകൂടാരത്തിന്റെ മറുവ​ശ​ത്തി​നുവേണ്ടി, അതായത്‌ വടക്കു​വ​ശ​ത്തി​നുവേണ്ടി, 20 ചട്ടവും 26 അവയുടെ 40 വെള്ളി​ച്ചു​വ​ടും ഉണ്ടാക്കി. ഒരു ചട്ടത്തിന്റെ അടിയിൽ രണ്ടു ചുവടു​ണ്ടാ​യി​രു​ന്നു; അതു​പോ​ലെ, മറ്റെല്ലാ ചട്ടങ്ങളു​ടെ അടിയി​ലും ഈരണ്ടു ചുവട്‌.

27 വിശുദ്ധകൂടാരത്തിന്റെ പിൻവ​ശ​ത്തി​നുവേണ്ടി, അതായത്‌ പടിഞ്ഞാ​റു​വ​ശ​ത്തി​നുവേണ്ടി, ആറു ചട്ടം ഉണ്ടാക്കി.+ 28 വിശുദ്ധകൂടാരത്തിന്റെ പിൻവ​ശത്തെ രണ്ടു മൂലയ്‌ക്കും ഓരോ മൂലക്കാ​ലാ​യി നിൽക്കാൻ രണ്ടു ചട്ടം ഉണ്ടാക്കി. 29 ആ ചട്ടങ്ങളു​ടെ വശങ്ങൾ താഴെ അകന്നും മുകളിൽ, അതായത്‌ ആദ്യത്തെ വളയത്തി​ന്‌ അടുത്ത്‌, യോജി​ച്ചും ഇരുന്നു. രണ്ടു മൂലക്കാ​ലു​ക​ളു​ടെ കാര്യ​ത്തി​ലും ഇതുതന്നെ​യാ​ണു ചെയ്‌തത്‌. 30 അങ്ങനെ, ആകെ എട്ടു ചട്ടവും ഓരോ ചട്ടത്തിന്റെ​യും കീഴെ അത്‌ ഉറപ്പി​ക്കാ​നുള്ള ഈരണ്ടു ചുവടു വീതം 16 വെള്ളി​ച്ചു​വ​ടും ഉണ്ടായി​രു​ന്നു.

31 പിന്നെ കരു​വേ​ല​ത്ത​ടികൊണ്ട്‌ കഴകൾ ഉണ്ടാക്കി. വിശു​ദ്ധ​കൂ​ടാ​ര​ത്തി​ന്റെ ഒരു വശത്തുള്ള ചട്ടങ്ങൾക്ക്‌ അഞ്ചു കഴയും+ 32 വിശുദ്ധകൂടാരത്തിന്റെ മറുവ​ശ​ത്തുള്ള ചട്ടങ്ങൾക്ക്‌ അഞ്ചു കഴയും വിശു​ദ്ധ​കൂ​ടാ​ര​ത്തി​ന്റെ പിൻവ​ശ​ത്തുള്ള, അതായത്‌ പടിഞ്ഞാ​റു​വ​ശ​ത്തുള്ള, ചട്ടങ്ങൾക്ക്‌ അഞ്ചു കഴയും ഉണ്ടാക്കി. 33 എന്നാൽ നടുവി​ലുള്ള കഴ ചട്ടങ്ങളു​ടെ നടുഭാ​ഗ​ത്തു​കൂ​ടി ഒരറ്റം​മു​തൽ മറ്റേ അറ്റംവരെ എത്തുന്ന രീതി​യി​ലാണ്‌ ഉണ്ടാക്കി​യത്‌. 34 ചട്ടങ്ങൾ സ്വർണം​കൊ​ണ്ട്‌ പൊതി​യു​ക​യും കഴകൾ പിടി​പ്പി​ക്കാ​നുള്ള അവയിലെ വളയങ്ങൾ സ്വർണം​കൊ​ണ്ട്‌ ഉണ്ടാക്കു​ക​യും ചെയ്‌തു. കഴകളും സ്വർണം​കൊ​ണ്ട്‌ പൊതി​ഞ്ഞു.+

35 തുടർന്ന്‌, പിരി​ച്ചു​ണ്ടാ​ക്കിയ മേന്മ​യേ​റിയ ലിനൻ, നീലനൂൽ, പർപ്പിൾ നിറത്തി​ലുള്ള കമ്പിളി​നൂൽ, കടുഞ്ചു​വ​പ്പു​നൂൽ എന്നിവ​കൊ​ണ്ട്‌ ഒരു തിരശ്ശീല+ ഉണ്ടാക്കി. കെരൂബുകളുടെ+ രൂപങ്ങൾ നൂലുകൊ​ണ്ടുള്ള ചിത്ര​പ്പ​ണി​യാ​യി അതിലു​ണ്ടാ​യി​രു​ന്നു.+ 36 പിന്നെ അതിനു​വേണ്ടി നാലു കരു​വേ​ല​ത്തൂൺ ഉണ്ടാക്കി അവ സ്വർണം​കൊ​ണ്ട്‌ പൊതി​ഞ്ഞു. സ്വർണംകൊ​ണ്ടുള്ള കൊളു​ത്തു​ക​ളും ഉണ്ടാക്കി. തൂണുകൾ ഉറപ്പി​ക്കാൻ വെള്ളി​കൊ​ണ്ട്‌ നാലു ചുവടും വാർത്തു​ണ്ടാ​ക്കി. 37 അടുത്തതായി കൂടാ​ര​ത്തി​ന്റെ പ്രവേ​ശ​ന​ക​വാ​ട​ത്തി​നുവേണ്ടി നീലനൂൽ, പർപ്പിൾ നിറത്തി​ലുള്ള കമ്പിളി​നൂൽ, കടുഞ്ചു​വ​പ്പു​നൂൽ, പിരി​ച്ചു​ണ്ടാ​ക്കിയ മേന്മ​യേ​റിയ ലിനൻ എന്നിവ ഉപയോ​ഗിച്ച്‌ നെയ്‌ത ഒരു യവനികയും*+ 38 അതിന്‌ അഞ്ചു തൂണും അവയ്‌ക്കു കൊളു​ത്തു​ക​ളും ഉണ്ടാക്കി. അവയുടെ മുകൾഭാ​ഗ​വും സംയോജകങ്ങളും* സ്വർണം​കൊ​ണ്ട്‌ പൊതി​ഞ്ഞു. എന്നാൽ, അവ ഉറപ്പി​ക്കാ​നുള്ള അഞ്ചു ചുവടു ചെമ്പുകൊ​ണ്ടു​ള്ള​താ​യി​രു​ന്നു.