സങ്കീർത്ത​നം

വെള്ളമില്ലാത്ത, വരണ്ടു​ണ​ങ്ങിയ ദേശത്ത്‌

അങ്ങയ്‌ക്കുവേണ്ടി കാത്തു​കാ​ത്തി​രുന്ന്‌ എന്റെ ബോധം നശിക്കാ​റാ​യി​രി​ക്കു​ന്നു.+

 2 അതുകൊണ്ട്‌, അങ്ങയെ കാണാൻ ഞാൻ വിശു​ദ്ധ​സ്ഥ​ല​ത്തേക്കു നോക്കി;

അങ്ങയുടെ ശക്തിയും മഹത്ത്വ​വും ഞാൻ കണ്ടു.+

 3 അങ്ങയുടെ അചഞ്ചല​മായ സ്‌നേഹം ജീവ​നെ​ക്കാൾ ഏറെ നല്ലത്‌;+

അതുകൊണ്ട്‌, എന്റെ അധരങ്ങൾ അങ്ങയെ മഹത്ത്വ​പ്പെ​ടു​ത്തും.+

 4 അങ്ങനെ, എന്റെ ജീവി​ത​കാ​ലം മുഴുവൻ ഞാൻ അങ്ങയെ സ്‌തു​തി​ക്കും,

അങ്ങയുടെ നാമത്തിൽ എന്റെ കൈകൾ ഉയർത്തും.

 5 അത്യുത്തമവും അതിവി​ശി​ഷ്ട​വും ആയ ഓഹരി ലഭിച്ചതിൽ* ഞാൻ തൃപ്‌ത​നാണ്‌;

സന്തോഷമുള്ള അധരങ്ങ​ളാൽ എന്റെ വായ്‌ അങ്ങയെ സ്‌തു​തി​ക്കും.+

 6 കിടക്കയിൽ ഞാൻ അങ്ങയെ ഓർക്കു​ന്നു;

രാത്രിയാമങ്ങളിൽ ഞാൻ അങ്ങയെ​ക്കു​റിച്ച്‌ ധ്യാനി​ക്കു​ന്നു.+

 7 അങ്ങാണല്ലോ എന്റെ സഹായി;+

അങ്ങയുടെ ചിറകിൻത​ണ​ലിൽ ഞാൻ സന്തോ​ഷി​ച്ചാർക്കു​ന്നു.+

 8 അങ്ങയോടു ഞാൻ ഒട്ടി​ച്ചേർന്നി​രി​ക്കു​ന്നു;

അങ്ങയുടെ വലങ്കൈ എന്നെ മുറുകെ പിടി​ച്ചി​രി​ക്കു​ന്നു.+

 9 എന്നാൽ, എന്റെ ജീവ​നെ​ടു​ക്കാൻ നോക്കു​ന്ന​വർ

ഭൂമിയുടെ ആഴങ്ങളി​ലേക്ക്‌ ഇറങ്ങും.

10 അവരെ വാളിന്റെ ശക്തിക്ക്‌ ഏൽപ്പി​ച്ചു​കൊ​ടു​ക്കും;

അവർ കുറു​ന​രി​കൾക്കി​ര​യാ​കും.*

നുണ പറയു​ന്ന​വ​രു​ടെ വായ്‌ അടഞ്ഞു​പോ​കു​ന്ന​തി​നാൽ

ദൈവനാമത്തിൽ സത്യം ചെയ്യു​ന്ന​വ​രെ​ല്ലാം ആഹ്ലാദി​ക്കും.*