‘Kuma Eski Zot Pu Tande?’
1 Zezi ti presiz byin: “Fode ki labonn nuvel anonse dan tu bann nasyon avan.” (Mark 13:10) Malgre nu bann gro zefor, ankor ena plizir santenn milyon dimunn ki pankor gayn enn temwaynaz personelman. Ena guvernman ki anpes nu prese. Buku peyi ena gran-gran popilasyon ki pe kontiyn ogmante avek enn vites extraordiner. Alor, ‘kuma eski zot pu tande?’—Rom. 10:14.
2 Fer Zeova Konfyans: Nu bizin rapel ki Zeova konn kondisyon leker tu dimunn. Si enn dimunn pe rod laverite lor Bondye sinserman, mem dan ninport ki sityasyon li kapav ete, li pu truv laverite.—1 Kro. 28:9.
3 Abraam ti gayn traka bann abitan Sodom ek Gomor. Me Bondye ti rasir li ki mem si ti ena selman dis bon dimunn laba, Sodom pa ti pu detrir. (Zen. 18:20, 23, 25, 32) Zame Zeova pa finn detrir bon dimunn ansam avek bann ki move; dayer, li ti sap Lot ek so bann tifi.—2 Pyer 2:6-9.
4 Enn fwa Eliya ti panse ki zis li tusel ti pe servi vre Bondye. Me, Zeova finn rasir li ki li pa ti tusel; sa travay ki li ti finn kumanse la ti pu konplete. (1 Ler. 19:14-18) Kuma sityasyon ete zordi?
5 Res Okipe dan Servis Bondye: Ki kantite travay predikasyon pu bizin fer ankor, sa nu pa kone. Zeova ki responsab sa travay la ek Li pe servi so bann anz pu diriz sa. (Rev. 14:6, 7) Limem ki kone ziska ki pwin tu bann nasyon pu bizin gayn temwaynaz. Si Zeova ule, Li kapav servi bann mwayin ki nu, nu pa kapav mem mazine, pu fer konn mesaz Rwayom, pu ki kumsa plis dimunn kapav “tann parol labonn nuvel ek krwar.” (Akt 15:7) Seki Zeova pu fer pu konpletman an akor avek seki Li ete—enn Bondye ranpli ar lamur, sazes ek lazistis.
6 Li enn privilez pu nu pu travay an akor avek volonte Zeova, pu fer tu seki nu kapav pu ki tu dimunn tann labonn nuvel.—1 Kor. 9:16.