Program Reynion Servis
Semenn Apartir 14 Zanvye
Kantik 3
10 min: Anons lokal ek bann Anons ki dan Nu Minister DiRwayom. “Kuma pu Prezant Bann Peryodik.” Demonstrasyon pu montre kuma pu prezant Latur Degard 15 Zanvye ek Réveillez-vous ! 22 Zanvye. Ankuraz tu bann proklamater pu sutenir Zurne Peryodik
20 min: Tir Profi ar Bann Bon Dispozisyon. Diskur par enn ansyin kalifye. Li egzaminn bann dispozisyon ki finn pran pu ede an rapor avek bann desizyon medikal, kuma par egzanp kart Instructions médicales/Attestation prévisionelle, ek “Kestyon Bann Lekter” dan Latur Degard 15 Zin 2000, ek 15 Oktob 2000. Bann kongregasyon bizin ena ase kart Instructions médicales/Attestation prévisionelle. Bann proklamater batize pu kapav gayn sa dokiman la apre sa reynion la, me fode PA ranpli li deswit uswa kan zot rant kot zot. Siyn kart, met non bann temwin, ek dat ki finn ranpli sa kart la, tusala pu bizin fer dan prosin Letid Liv, kot kondikter letid liv kapav donn so led. Tu dimunn bizin siyn so dokiman devan so bann temwin. Bann ki pankor batize kapav servi bann ranseynman ki ena dan dokiman Instructions médicales/Attestation prévisionelle ek adapte li avek zot sityasyon ek zot krwayans ek kumsa zot kapav prepar enn dokiman pu zot ek pu zot zanfan usi. Montre ki li saz ki nu servi nu konsyans ki finn byin forme par Labib pu pran bann desizyon medikal an avans. (Proverb 27:12; 14:15) Li byin inportan usi ki alavans nu fini gayn enn konversasyon avek bann dokter lor seki akseptab an rapor avek bann mwayin medikal ek bann medikaman. Enn letid personel atantif byin inportan pu pran bann desizyon kuma bizin. Lir bann paragraf apropriye dan bann lartik Latur Degard ki finn mansyone lao. Montre ki bann ansyin pre pu ede, me zot pa kapav pran desizyon pu lezot. Explik bann fason kuma bann frer ek ser kapav donn bann linformasyon par ekri lor zot bann desizyon.
15 min: “Kuma Ed Nu Bann Zenn Pu Prese”. Enn ansyin egzaminn sa size la avek lasistans.
Kantik 55 ek lapriyer final.
Semenn Apartir 21 Zanvye
Kantik 104
10 min: Anons lokal. Rapor kont. Egzaminn lankadre “Met Kitsoz Dekote.”
13 min: Eski U Egzaminn Labib Tulezur? Enn partisipasyon an fami. Pu ogmant bann byinfe ki zot gayne kan zot egzaminn tex dizur, fami la get Latur Degard 15 Desam 1996, paz 18, paragraf 13-14. San fer long-long komanter, reget de uswa trwa tex dizur ki ti fek egzamine, ek explike kuma sa ti sirtu profitab. Montre byin ki egzaminn tex dizur bizin fer parti dan enn program letid Labib regilye an fami. Li enn dispozisyon ki finn pran pu ki bann manb enn fami res aktif lor plan spirityel.
22 min: “Gard Rwayom dan Premye Plas.”a Azut detrwa kestyon lor bann pwin prinsipal ki ena dan Latur Degard 1 Septam 1998, paz 19-21.
Kantik 168 ek lapriyer final.
Semenn Apartir 28 Zanvye
Kantik 196
10 min: Anons lokal. Rapel bann proklamater pu remet zot rapor mwa Zanvye. Servi bann sigzesyon ki ena dan paz 8, fer de demonstrasyon pu prezant Latur Degard 1 Fevriye ek Réveillez-vous ! 8 Fevriye. Mansyonn ki piblikasyon pu ofer an Fevriye, atir latansyon lor bann liv ki kongregasyon ena dan stok.
20 min: “Paran—Form U Zanfan Depi Ki Zot Ankor Byin Tipti.”b Fer bann komanter ki ena dan Latur Degard 15 Avril 1998, paz 32. Invit bann paran pu rakont bann bon rezilta ki zot finn gayne kan zot finn kumans donn zot zanfan formasyon spirityel depi ki zot ti ankor byin tipti.
15 min: Bezwin lokal.
Kantik 202 ek lapriyer final.
Semenn Apartir 4 Fevriye
Kantik 212
8 min: Anons lokal.
17 min: “Kuma Eski Zot Pu Tande?”c Demann lasistans fer aplikasyon bann verse ki finn site. Azut bann kestyon ki ena dan Latur Degard 15 Ut 1998, paz 20, paragraf 17-18.
20 min: “Bann Prezantasyon Ki Kapav Servi dan Predikasyon.” Sirveyan servis ki pu fer sa parti la ek lasistans kapav partisipe. Dan sa sipleman la ena bann prezantasyon ki ti paret dan bann ansyin nimero Nu Minister DiRwayom, ansam avek bann lezot ki nuvo. Kapav servi bann lespas vid pu ekrir bann lezot sigzesyon ki pu paret dan lavenir ek ki donn bon rezilta dan teritwar lokal. Invit lasistans pu dir ki prezantasyon zot pli kontan ek kifer. Fer enn uswa de demonstrasyon avek piblikasyon ki pu prezante an Fevriye. Ankuraz tu bann proklamater pu gard byin sa sipleman la ek servi li suvan kan zot prepar zot pu al prese.
Kantik 224 ek lapriyer final.
[Not anba paz]
a Lintrodiksyon mwins ki enn minit, ek apre sa, egzaminn lartik par kestyon ek repons.
b Lintrodiksyon mwins ki enn minit, ek apre sa, egzaminn lartik par kestyon ek repons.
c Lintrodiksyon mwins ki enn minit, ek apre sa, egzaminn lartik par kestyon ek repons.