Pathian Tân Hun Insiam Rawh

Pathian tâna hun i insiam chuan i nunah hmasâwnna i nei ang. Chutianga Pathian tâna hun i insiam chuan i thlarau lam mamawh i ngaihsak tihna a ni. Hemi chungchânga Isua zirtîrna hi lo ngaihtuah ta ila.

Isua thusawi

“Pathian kaihhruaina mamawh nia inhriate chu an hlim e.”—Matthaia 5:3.

• Hêng zawhnate chhânna hi kan zain hriat kan duh ṭheuh a ni: Nunin a tum chu eng nge ni? Engvângin nge hrehawm tawrhna a tam êm êm? Mitthite chungah eng nge thleng? Hlimna nei tûr chuan chûng zawhnate chhânna chu kan hriat a ngai a ni.

“Mihring hi chaw chauhvin a nung lo vang a, Jehovaa kâa thu tin chhuakin a nung zâwk ang.”—Matthaia 4:4.

• Tisa lam chaw kan mamawh ang bawkin thlarau lam chaw pawh kan mamawh a. Isua chuan kan thlarau lam chaw phuhru tûr chuan Pathian kan rinchhan reng a ngai tih chiang takin a sawi a ni.

“I thu chu thutak a ni.”—Johana 17:17.

• Isua chuan Pathianin kan thlarau lam mamawh min phuhrûksak dân bul ber chu, A Thu Bible hmangin a ni tih chiang takin a sawi.

Pathian tâna hun insiamna hmangin leh i thlarau lam mamawh phuhrua hlimna tluantling nei tûrin kan fuih a che. Hêngte hi nangmah ṭanpui theitu thil ṭhenkhat a ni:

• A thlâwnin Bible chhiar rawh.

• Mi tu emaw nêna phûrawm taka Bible sawihona nei tûrin dîl rawh.