Jehova Chawimawi Tûrin Nung Rawh!

Nunna hi thilpêk hlu tak a ni a. Nî tina chumi kan hman dân chuan kan ngaih hlutzia a târ lang a ni. Jehova Thuhretu kan nih angin, kan thiamna leh kan theihnate chu Nunna Petu Jehova chawimawi nân hman kan tum a. (Sâm 36:9; Thup. 4:10, 11) Mahse, he khawvêl suaksual taka kan nî tin nun lungkhamnate chuan thlarau lam thilte chu awlsam takin ngaih pawimawh loh zâwkah a siam thei a ni. (Mk. 4:18, 19) Heti hian kan inzâwt ṭheuh tûr a ni: ‘Jehova hnênah ka neih ṭhat ber chu ka pe tak tak em? (Hos. 14:2) Ka hnathawh hian khawi lamah nge min hruai? Thlarau lama ka thiltumte chu eng nge ni? Engtin nge ka rawngbâwlna ka zauh belh theih ang?’ tiin. Hmasâwn i ngaihna lai i hriat chuan, Jehova hnênah a ṭanpuina dîlin ṭawngṭai la, a ṭûl angin insiamrem ang che. Nî tina Jehova fakna chuan nun lungawithlâk leh hlimawm tak a pe ang che tih rinhlelh rual a ni lo!—Sâm 61:8.

I THIAMNATE CHU JEHOVA TAN HMANG RAWH TIH VIDEO I EN HNUAH A HNUAIA ZAWHNATE HI CHHANG ANG CHE:

• Engvângin nge Setana khawvêl tâna i thiamna hman chu a finthlâk loh? (1 Joh. 2:17)

• Jehova hnêna an neih ṭhat ber petute chuan eng malsâwmnate nge an dawn?

• I thiamna leh theihnate chu rawngbâwlna thianghlim eng pêngah nge i hman theih?