Ṭhalaite U—Jehova Chu In Ṭhian Ṭha Ber A Ni Em?

Eng ang mizia neite nge ṭhian atâna i duh? Rinawmna, ngilneihna, leh thilphalna miziate chu i ngaihlu ngei ang. Chûng miziate chu Jehova’n a nei vek a ni. (Ex. 34:6; Tirh. 14:17) A hnêna i ṭawngṭaina a ngaithla a. I mamawh hun apiangin a ṭanpui ṭhîn che. (Sâm 18:19, 35) I thil tihsualte a ngaidam bawk. (1 Joh. 1:9) Jehova chu kan tân Ṭhian ṭha a va ni êm!

Engtin nge Jehova ṭhian i nih theih? A Thu chhiarin a chungchâng zir la. I rilru hahnate chu a hnênah thlen rawh. (Sâm 62:8; 142:2) Jehova tâna thil pawimawh tak, a Fapa te, a Lalram te, leh nakin hun atâna a thutiamte i ngaihhlutzia lantîr ang che. Mi dangte hnênah a chanchin hrilh rawh. (Deut. 32:3) Jehova chu ṭhian ṭhaa i siam chuan, ani chu i Ṭhian a ni kumkhua ang.—Sâm 73:25, 26, 28.

ṬHALAITE U—‘JEHOVA ṬHATZIA TEM CHHIN RAWH U,’ TIH VIDEO CHU CHHUAH LA, TICHUAN A HNUAIA ZAWHNATE HI ZAWT ANG CHE:

• 

  Inpumpêka baptisma chang tûrin engtin nge i inbuatsaih theih?

• 

  Engtin nge kohhrana mi dangte’n Jehova rawngbâwl tûra an ṭanpui theih che?

• 

  Engtin nge rawngbâwlnain Jehova nêna in inlaichînna a tihngheh?

• 

  I tân eng ang rawngbâwlna kawngte nge inhawng?

• Jehova chungchângah eng nge i ngaihhlut?