Sakhaw Pâwl Pakhata Tel A Ngai Kher Em?

Bible chhânna

Ngai e, Pathianin mite chu amah be tûra kal khâwm tûra a duh avângin. Bible chuan heti hian a sawi: “Hmangaih leh thil ṭha tiha inchawk tho tûrin i inngaihtuah tawn ang u; ṭhenkhat tih dân anga kan inkhâwmte bânsan lovin,” tiin.—Hebrai 10:24, 25.

Isua chuan he thu hi sawiin a hnungzuitute chu pâwl khata an awm tûr thu a târ lang a: “In inhmangaih chuan mi zawng zawngin ka zirtîrte in ni tih chu miah chuan an hria ang,” tiin. (Johana 13:35) Hei hi hmangaihna lantîr dân kawng pawimawh ber a nih angin, Krista zirtîrte chu an Kristian unaute nên an inhmu khâwm ṭhîn a. Kohhran dinin, Pathian be tûrin an inkhâwmho ziah ṭhîn bawk. (1 Korinth 16:19) Chutiang chuan khawvêl pum huap unaute an lo ni ta a ni.—1 Petera 2:17.

Sakhaw pâwl pakhata tel mai aia tam a ngai

Bible-in Pathian be tûrin mite an kal khâwm ang tiin sawi mah se, mi chuan sakhaw pâwl pakhata a tel avâng maiin Pathian a tilâwm tihna a ni lo. Pathian pawm hlawh ni tûrin a sakhaw vawnin a nî tin nunah nghawng a nei tûr a ni. Entîr nân, Bible chuan: “Kan Pathian leh Pa mithmuha sakhaw biak dân thianghlim leh sual tel lo chu hei hi a ni, fahrah leh hmeithaite an hrehawm laia kan leh khawvêl bawlhhlawh kai lova insiam ṭhin hi,” tiin a sawi a ni.—Jakoba 1:27.