Jehova Thuhretute’n Hmeichhe Thuhriltu An Nei Em?

Nei e. Hmeichhia maktaduai tam takte pawh tiamin, Jehova Thuhretu zawng zawngte chu thuhriltu, a nih loh leh rawngbâwltu an ni vek a. Bible-in a sawi lâwk angin “chanchin hriltu hmeichhe tam takin an hril darh” a ni.—Sâm 68:11.

Jehova Thuhretu hmeichhiate chuan Bible-a hmeichhiate entawn tûr siam chu an zui a. (Thufingte 31:10-31) Kohhranah hruaitu nihna chanvo chelh lo mah se, vântlâng rawngbâwlnaah ṭhahnemngai takin an tel a ni. An fate hnênah Bible thu bulte an zirtîr bawk. (Thufingte 1:8) Thuhretu hmeichhiate chuan an ṭawngkam leh thiltiha entawn tûr ṭha siam tûrin theih tâwp an chhuah bawk a ni.—Tita 2:3-5.