Jehova Thuhretute’n Missionary Rawngbâwl Hna An Thawk Em?

Thawk e. Khawi hmunah pawh chêng mah ila, Jehova Thuhretu zawng zawngte chuan missionary rilru neih kan tum a, mite hnênah kan rinna kan hrilh ziah a ni.—Matthaia 28:19, 20.

Chu bâkah, Thuhretu ṭhenkhatte chuan anmahni ram ngeia Bible-a chuang chanchin ṭha hre lo mi tam takte awmna an tlawh a, a nih loh leh chutah chuan an insawn a ni. Thuhretu dangte chu an rawngbâwlna zauh tûrin ram dangahte an insawn bawk. Anni chu Isua hrilh lâwkna: “Kâwlkil thleng pawhin ka thuhretute in ni ang,” tih thlen famkimnaah an tel avângin an hlim hle a ni.—Tirhkohte 1:8.

Kum 1943 khân, kan missionary ṭhenkhatte hnêna a bîk taka zirtîrna pe tûrin school kan din a. Vawiin thlengin chu school, Watchtower Bible School of Gilead-ah chuan Thuhretu 8,000 chuang an kal tawh a ni.