America Sakhua In Ni Em?

Kan world headquarters chu America-ah a awm ngei mai; mahse, America sakhua kan ni lo. A chhan chu hêngte vâng hi a ni:

• Jehova Thuhretute chu Kristianna rama sakhaw pâwl dang aṭanga chhuak an ni lo. Chu aiin, kum zabi khatnaa Kristianna lo ding tawh sa chu kan din thar leh zâwk a ni.

• Jehova Thuhretute chuan ram leh bial 230 chuangah tha tho takin rawng an bâwl mêk a. Khawi hmunah pawh chêng mah ila, U.S. sawrkâr, a nih loh leh mihring sawrkâr dangte chungah ni lovin, Jehova leh Isua Krista chunga rinawm chu kan ngai pawimawh ber a ni.—Johana 15:19; 17:15, 16.

• Kan zirtîrna zawng zawng hi United States-a sakhaw hruaitu ṭhenkhatte ziah ni lovin, Bible ṭanchhan vek a ni.—1 Thessalonika 2:13.

• Mihring hruaitu tuma hnung zui lovin, Isua Krista hnung kan zui a ni.—Matthaia 23:8-10.