In Pâwl Dintu Chu Tu Nge Ni?

Tûn lai huna Jehova Thuhretute inawpna pâwl hi kum zabi 19-na tâwp lamah a inṭan a. Chutih lai chuan United States, Pennsylvania-a Pittsburgh khaw bula Bible zirlai mi tlêm tête chuan awmze nei takin Bible zir chianna an nei ṭan a. Kohhrante zirtîr thurin leh Bible zirtîrna dik takte chu an khaikhin a ni. An thu zirte chu lehkhabu te, chanchin bu te, leh tûna Vênnainsâng—Jehova Lalram Puanchhuahna tia koh magazine-ah te hian an tichhuak ṭan a ni.

Chûng tih tak zeta Bible zirlaite zîngah chuan Charles Taze Russell-a pawh a tel ve a. Chutih hun laia Bible zirtîrna hnaah chuan Russell-a chu hmahruaitu leh Vênnainsâng editor hmasa ber ni mah se, ani chu sakhaw pâwl thar dintu a ni lo. Russell-a leh Bible Zirlai dangte thiltum ber chu Isua Krista zirtîrna chawisân leh kum zabi khatnaa Kristian kohhran tih dân zui a ni a. Isua hi Kristianna Dintu a nih avângin ani chu kan inawpna pâwl dintu angin kan thlîr a ni.—Kolossa 1:18-20.