Sakhaw Dang Vuantute Chu In Zah Em?

Mite sakhaw thurin chu eng pawh ni se, “mi zawng zawng zah” tûra Bible thurâwn pêk chu kan zâwm a. (1 Petera 2:17, C.L. Re-edited) Entîr nân, ram ṭhenkhatah chuan Jehova Thuhretu sâng tam tak an awm a. Chutichung pawhin, politician, a nih loh leh dân siamtute chu sakhaw pâwl dangte hnathawh khuahkhirh emaw, khap bet emaw tûrin nawrluih kan tum ngai lo. Kan nungchang leh sakhaw thurinte mite’n an pawm theihna tûra dân siam a nih theih nân beihpui kan thlâk ngai hek lo. Chu aiin, mi dangte hnên aṭanga zahna dawn chu kan duh ang bawkin an chungah zahna kan lantîr a ni.—Matthaia 7:12.