Ṭhalaite Zîngah Rilru Hrisêlna Lama Harsatna A Pung—Bible-in Eng Nge A Sawi?

Kum 2023 February 13, Thawhṭannî khân United States-a Disease Control and Prevention (CDC) chuan ram chhûnga ṭhalaite rilru hrisêlna chungchângah thu chhuah a siam a. High school zirlai zaa 40-in hun rei tak chhûng lungngaihna leh beisei bo nia inhriatna an neih thu a târ lang a ni.

CDC-a Division of Adolescent and School Health (Ṭhalaite leh School-a Hrisêlna Lam Ngaihtuahtu Division) director Dr. Kathleen Ethier-i chuan, “Kum 10 kal ta chhûng khân, ṭhalaite zîngah rilru hrisêlna lama tlâk hniamna chu a zual telh telh tih kan lo hmu tawh a; mahse, tleirâwlte zîngah rilru hrisêlna lama harsatna a tam lehzual a, intihhlum duhna rilru neite leh intihhlum tum tak takte chu tûn hma zawng aiin an pung nasa hle,” tiin a sawi.

Thu chhuah chuan heti hian a târ lang:

• Hmeichhia tleirâwl 10 zêla 1 aia tam (zaa 14) chu duh loh chunga mipat hmeichhiatna hman luihpui an ni a. Dr. Ethier-i chuan, “Hei hi thil lungchhiatthlâk tak a ni. I hmêlhriat hmeichhe tleirâwl 10 zêla pakhat emaw, chu aia tam emawin pâwngsual an tâwk tawh tihna a ni,” tiin a sawi.

• Hmeichhe tleirâwl 3 zînga 1 (zaa 30) dâwnin intihhlum an tum tak tak a ni.

• Hmeichhe tleirâwl 5 zînga 3 (zaa 57) dâwnin hun rei tak chhûng lungngaihna leh beisei bo nia inhriatna an nei.

Hêng a zât lâwr khâwmnate hian lung a tichhe tak zet a. A nihna takah chuan, vânglai hun hi hun hlimawm ber tûr a ni. Engin nge ṭhalaite chu tûn laia an hmachhawn lungngaihna tuar chhuak tûra ṭanpui thei? Bible-in eng nge a sawi?

Bible chuan ṭhalaite tân ṭanpuina ṭangkai tak a pe

Bible chuan lungngaihnaa khat tûna kan awm mêkna hun chungchâng hi dik takin a târ lang a. “Hun khirh takte,” tiin a ko va ni. (2 Timothea 3:1-5) Chutih rualin, khawvêl puma ṭhalai maktaduai tam takin harsatnate hlawhtling taka an hmachhawn theih nân engtik lai pawha ṭangkai thurâwnte a pe a. A hnuaia târ lan Bible ṭanchhan thuziakte hi en ang che.

•  Nun Zawm Zêl Ka Duh Tawh Lo A Nih Chuan Engtin Nge Ni Ang?

•  Thih Ka Duh—Intihhlum Duhna Rilru Ka Neih Hunah Bible-in Min Ṭanpui Thei Em?

•  Engvângin Nge Ka Nun Zawm Zêl Ang?

•  Engtin Nge Rilru Hahna Hi Ka Tawrh Chhuah Theih Ang?

•  Engtin Nge A Thim Zâwnga Thlîrna Hi Ka Pumpelh Theih Ang?

•  Engtin Nge Lungngaihna Hi Ka Hmachhawn Theih Ang?

•  Engtin Nge Ka Rilru Hi Ka Thunun Theih Ang?

•  Lunghnualna Aṭanga Lâwmna (whiteboard animation)

•  Mi Kûtthlâk Ka Tâwk A Nih Chuan Engtin Nge Ni Ang?

•  Cyber Beihna Ka Tâwk A Nih Chuan Engtin Nge Ni Ang?

•  Hnehchhiah Hmang Chu Kuttum Tel Lovin Ngam Rawh (whiteboard animation)

•  Engtin Nge Mipat Hmeichhiatna Lama Zar Buaina Chu Ka Hmachhawn Theih Ang?

•  Pâwngsual Chungchângah Eng Nge Ka Hriat Ngai?—Part 1: Invênna

•  Pâwngsual Chungchângah Eng Nge Ka Hriat Ngai?—Part 2: Dam Lehna

Bible chuan nu leh pate tân thurâwn ṭangkai tak a pe

Bible chuan nu leh pate chu an fa ṭhalaite’n nuna harsatnate an hmachhawn huna an ṭanpui theih nân, nu leh pate tân thurâwn ṭangkai tak a pe a. A hnuaia târ lan Bible ṭanchhan thuziakte hi en ang che.

•  Tleirâwlte Rilru Hahna—Engvângin Nge? Engin Nge Ṭanpui Thei?

•  I Fanu Tleirâwl A Rilru A Hah A Nih Chuan

•  Ka Fain Mite Hnehchhiah Tâwk Ta Se, Engtin Nge Ni Ang?

•  I Fa Tleirâwl Chu Mahni A Intina A Nih Chuan

•  Naupangte leh Social Media—Part 1: Ka Fa Hian Social Media A Hmang Tûr A Ni Em?

•  Naupangte leh Social Media—Part 2: I Fa Tleirâwl Chu Him Taka Social Media Hman Dân Zirtîr Rawh

•  Naupangte leh Smartphone—Part 1: Ka Fa Hian Smartphone A Hmang Tûr A Ni Em?

•  Naupangte leh Smartphone—Part 2: I Fate chu Awmze Nei Taka Smartphone Hman Dân Zirtîr Rawh

•  Sexting Chungchâng I Fate Biak Dân Tûr