Bible-a Chanchinte Chu Mitthla Rawh

Bible-ah hian thilthleng dik tak chanchin tam tak a chuang a; chûngte aṭang chuan zir tûr pawimawh tak tak kan nei a ni. Chûng chanchinte chu kan mitthla a nih chuan, kan thu chhiarte kan hre thiam lehzualin, kan hlâwkpui lehzual ang. Bible chanchinte mitthla tûra ṭanpui thei che thurâwn ṭhenkhat hi han ngaihtuah teh.

• Ri chhuakin chhiar rawh. A ri chhuaka Bible chhiarna chuan thilthlengte chu fiah taka mitthla tûrin a ṭanpui thei che a. Chhûngkuaa inchhiar hunah, in thu chhiarte chu a taka thleng anga in mitthla theih nân, chanchina târ lan mite anga chang a, chhiartu tûr mi hrang hrang ruat ang che u.

• Thilthlengte chu mitthla rawh. I chanchin chhiara târ lan mite rilru vei zâwng leh ngaihtuahnate chu hriat tum la. Entîr nân, heti hian inzâwt ang che: ‘Engvângin nge he mi hian, hetianga thu a sawi a, a nih loh leh, hetianga thil a tih? A dinhmunah awm ta ila, eng nge ka ngaihtuah ang, a nih loh leh, engtin nge ka awm ang? tiin.

• Lemin ziak chhuak rawh. I thiam lutuk lo a nih pawhin, i thu chhiarte lema ziah chhuahna chuan thilthlengte chu mitthla thiam tûr leh hre reng tûrin a ṭanpui dâwn che a ni.