Hre Reng Thei Tûrin Lem Ziak Rawh

Kan thu zirte hriat reng hi thil awlsam a ni lo. Mahse, Isua entîrna hmante erawh awlsam takin kan ngaihtuah chhuak leh thei tih i hriat ngei a rinawm. Chûngte i hriat reng theih chhan chu i mitthla theih vâng a ni a. Chutiang bawkin, i thu zirte i mitthla hian tam lehzualin i chhinchhiah thei a ni. Engtin nge i tih theih ang? Inzirna i neih ruala a lemte ziakin a ni.

Thil thar an zirte a lema ziaktute chuan an hre rei thei zâwk a. Chutianga tihna chuan a thu malte mai bâkah, a thu pawimawh laite chu hre reng tûrin a ṭanpui a ni. An lem ziahte chu mawi tak leh nalh tak ni lovin, mâwlmang tak leh ziah awlsam takte a ni a. Zir chianna chuan kum upate pawhin lem ziaka chhinchhiahna chu an hlâwkpui tih a târ lang a ni.

Inzirna i neih leh hunah, i thu zirte chu a lem i ziak chhin thei a. Tam tak i la hre reng chu mak i ti ngei ang!