“Thlarau Lam Thilpêk” I Dawn Chu Hmang Rawh

Kan Kristian unaute nêna hun kan hmanho hian in tih chak tawn theihna hun remchâng kan nei ṭhîn a. Mahse, inti chak tawn tak tak tûr chuan hun hmanho mai aia tam kan tih a ngai a ni. Bible chuan kan rinna intih chak tawn theihna chu “thlarau lam thilpêk,” tiin a ko va. (Rom 1:11, 12, NWT) Chu thilpêk chu engtin nge a ṭha thei ang bera kan hman theih ang?

I thusawite hmangin mi dangte ti chak rawh. Entîr nân, inkhâwmahte mahni ni lovin, Jehova, a Thu leh a mite chungchâng nêna inkungkaih chhânnate kan pe thei a. Unaute nêna kan inbiak hunah pawh, anmahni ti chak thei tûr thute sawi kan tum thei a ni.

I thu tlûkna siam leh thil tihte hmangin mi dangte ti chak rawh. Entîr nân, mi ṭhenkhat chuan mi mal harsatnate nei mah se, hunbi kima rawngbâwl an thlang a. Mi dangte chuan hna thawh tûr tam tak neiin, natna khirh takte hmachhawn mah se, chawlhkâr chhûng inkhâwmte chu an pelh ngai lo a ni.

I thusawi leh thil tihte hmangin i unaute i ti chak em? Nangmah tih chak tuma i unaute thusawi leh thil tihte chu lâwm takin i pawm em?