Thu Pawimawh Laite En Nawn Rawh

I thu zir zawh chiah hriat chhuah leh chu harsa i ti ṭhîn em? Kan zavaiin chutianga awm châng kan nei ṭheuh a ni. Engin nge ṭanpui thei che? Thu pawimawh laite en nawn lehna a ni.

Inzirna i neih laiin, thu pawimawh zualte ngaihtuah nân rei lo tê châwl ṭhîn la. Tirhkoh Paula’n a lehkhathawn chhiartute hnêna: “A pawimawh ber chu hei hi a ni,” tia a hrilh hi lo chhinchhiah ang che. (Heb. 8:1) Chûng thute hmang chuan, a thu ngaithlatute chu a thusawi hre thiam a, a inzawm dân hre tûrin a ṭanpui a ni.

Inzirna i neih zawhah i thu zir aṭanga a pawimawh laite ngaihtuah nân minute 10 vêl hun i hmang thei a. I hre chhuak thei lo a nih chuan, i hriat chhuah leh theih nân a thupui tê, a nih loh leh paragraph-a tlar hmasa ber chu i en nawn leh thei a ni. Thil thar i zir chhuak a nih chuan mahni irâwm chhuaka hrilhfiah tum ang che. Thu pawimawh laite en nawnna chuan i thu zirte hre reng tûra a ṭanpui theih che bâkah, i nunpui theih dân tûr pawh chiang lehzuala hre tûrin a ṭanpui ang che.